Tamil Movies On This Day: கமல் தவறவிட்ட வாய்ப்பு.. ரஜினிக்கு கை கொடுக்காத 100வது படம்.. செப். 1 இல் ரிலீஸான படங்கள்

அவர் மாவட்ட ஆட்சியராக இருந்த காலத்தில் கவிஞர் பாரதியைப் பற்றி ஒரு படம் எடுக்க வேண்டும் என்று ஒரு மாணவர் நிகழ்ச்சிக்கு விருந்தினராக அழைக்கப்பட்ட ஞான ராஜசேகரனிடம் தெரிவித்திருக்கிறார்.

அப்போது முதல் பாரதி மீது பற்று கொண்டு அவரைப் பற்றி தேடித்தேடி படிக்கலானார் ஞான ராஜசேகரன். முதலில் கமல்ஹாசனை நடிக்க வைக்க விரும்பினார். ஆனால் படத்தின் பட்ஜெட் அதற்கு அனுமதிக்கவில்லை. அதனால் மராத்தி நடிகர் சாயாஜி ஷிண்டேவை தேர்வு செய்தார். ஷிண்டேவுக்கான டப்பிங் குரல் நடிகர் ராஜீவ் என்பவரால் வழங்கப்பட்டது.

ஸ்ரீ ராகவேந்திரா

காதல், சென்டிமெண்ட், ஆக்ஷன், காமெடி என முழுக்க முழுக்க கமர்ஷியல் பாதையில் பயணித்து வந்த ரஜினிகாந்த் தனது 100-வது படம் ஆன்மிக குருவும், கடவுளுமான ராகவேந்திராவைப் பற்றியதாக இருக்க வேண்டும் என்று விரும்பினார். ரஜினியை வைத்து பல வெற்றிப்படங்களை இயக்கிய எஸ்பி முத்துராமன் படத்தை இயக்க, ரஜினியை சினிமாவில் அறிமுகப்படுத்திய பாலசந்தரின் கவிதாலயா நிறுவனம் படத்தை தயாரித்தது. ஸ்ரீ ராகவேந்திராவாக ரஜினியே நடித்தார். அதே பெயரில் 1985 ஆம் ஆண்டு செப்டம்பர் 1-ல் உலகம் முழுவதும் ரிலீஸானது ஸ்ரீ ராகவேந்திரா.

ஸ்ரீ ராகவேந்திரா சுவாமியின் வாழ்க்கை மற்றும் அவர் வாழ்ந்த காலங்களை முழுமையாக திரைப்படம் விவரித்திருந்தது. தன்னுடைய சிறப்பான நடிப்பை ரஜினிகாந்த் வெளிப்படுத்தியிருந்தும் ஸ்ரீ ராகவேந்திரா ரசிகர்களின் வரவேற்பை பெறவில்லை. ஆக்ஷன் ஹீரோவாக ரசித்து வந்த ரஜினியை சாதுவான ஆன்மிக கடவுளாகப் பார்க்க ரசிகர்கள் விரும்பவில்லை. படம் தோல்வியடைந்தது. 100 வது படம் தோல்வியடைவது யாருக்கும் மனவருத்தத்தையே தரும். ஸ்ரீ ராகவேந்திரா படத்தை தயாரித்தது தனது குருவின் நிறுவனமான கவிதாலயா என்பது ரஜினிக்கு கூடுதல் கவலையை அளித்தது.

சபாஷ்

21 ஆவது நூற்றாண்டின் தொடக்கத்தில் வெளிவந்த சிறந்த த்ரில்லர் படமாக ரசிகர்களை கவர்ந்த படம் சபாஷ். டைட்டிலுக்கு ஏற்ப விறுவிறுப்பான திருப்பங்களுடன் கூடிய காட்சிகள், பார்த்திபனின் நய்யாண்டி தனம் போன்ற அம்சங்களுடன் சீட் எட்ஜ் த்ரில்லர் படமாக இது அமைந்திருந்தது.

சுபாஷ் இயக்கியிருக்கும் இந்த படத்தில் பார்த்திபன், திவ்யா உன்னி, ரஞ்சித், தலைவாசல் விஜய் உள்பட பலரும் நடித்திருப்பார்கள்.

பார்த்திபன் தனது மனைவி திவ்யா உன்னி இறப்புக்கு காரணமாக இருப்பவரை சட்டத்தின் முன் நிறுத்தி தண்டனை வாங்கி கொடுப்பது தான் படத்தின் ஒன்லைன். இதை த்ரில்லர் பாணியில் பல்வேறு திருப்பங்கள் நிறைந்த காட்சிகளுடன் படம் அமைந்திருக்கும்

கதைப்படி பார்வையாளர்கள் அனைத்து விஷயங்களும் ஓபனாகவும், படத்தில் வரும் கதாபாத்திரங்களுக்கு உண்மை விஷயங்கள் தெரியாமல் சஸ்பென்ஸாகவும் இருக்கும் விதமாக படத்தின் திரைக்கதையை அமைத்திருப்பார் இயக்குநர் சுபாஷ்.

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.

சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9 

ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.

https://www.whatsapp.com/channel/0029Va9NEUA7IUYU4eBTc81v