Seetha Raman: கைதாகும் சூர்யா.. அதிர்ச்சியில் சீதா, ஆட்டத்தை தொடங்கும் மகா

இந்த சீரியலில் ராஜசேகர் அடைத்து வைத்திருந்த மதுமிதாவை சூர்யா DSP உடன் சென்று மீட்டு அழைத்து வந்த நிலையில் இன்றைய எபிசோடில் நடக்க போவது என்ன என்பது குறித்து தெரிய வந்துள்ளது. அதாவது, சென்னைக்கு வந்த சூர்யாவும் மதுவும் சந்தோஷமாக வீட்டில் பால் காய்ச்சுவதற்கான ஏற்பாடுகளை செய்து கொண்டிருக்கின்றனர்.

அதன் பிறகு இருவரும் மகாவிற்கு போன் செய்ய நாங்க சென்னை வந்து சந்தோஷமாக வாழ்க்கையை தொடங்க நீங்க தான் காரணம், வீட்டில் பால் காய்ச்ச நீங்க கண்டிப்பாக வரணும் என அழைக்க மகாவும் கண்டிப்பா வருகிறேன் என சொல்கிறாள்.

அதன் பிறகு மகா தன்னுடைய டீமுடன் நாம அங்க போறதுக்கு முன்னாடி நம்முடைய பிளான் எல்லாம் சரியா இருக்கானு செக் பண்ணிடுங்க என சொல்லி போலீஸ் வர வேண்டிய நேரம் என எல்லாவற்றையும் திட்டமிடுகின்றனர். அதனை தொடர்ந்து மகா, சேது, அர்ச்சனா என எல்லாரும் மதுமிதா வீட்டுக்கு கிளம்ப சீதா நானும் வருவதாக சொல்கிறாள்.

ஆனால் மகா அவ உன்னை கூப்பிடவே இல்ல, நீ வரேன்னு சொல்ற.. உனக்கு அசிங்கமாவே இல்லையா என சீதாவை அவமானப்படுத்த ராமும் சீதாவை போக வேண்டாம் என்று சொல்லி விடுகிறான், இதனால் சீதா வருத்தமாக இருக்க மீரா உன்கூட நான் வரேன் என சொல்ல இருவரும் மது வீட்டுக்கு கிளம்புகின்றனர்.

அதற்குள் மதுமிதா வீட்டில் மகா டீம் வந்து பால் காய்ச்சி கொண்டிருக்க சீதா வருகையை பார்த்து அனைவரும் அதிர்ச்சி அடைகின்றனர். அதன் பிறகு மதுமிதா நீ எதுக்கு இங்க வந்த? அப்பா எதாவது சொல்லி அனுப்பினாரா என சண்டை போட அப்போது போலீஸ் வீட்டிற்கு வந்து வீட்டில் போதை பொருள் இருப்பதாக சோதனை செய்து சூர்யாவை கைது செய்வதாக சொல்ல அனைவரும் அதிர்ச்சி அடைய மகா மகிழ்ச்சி அடைகிறாள்.

இப்படியான நிலையில் அடுத்ததாக நடக்க போவது என்ன என்பது குறித்து அறிய சீதா ராமன் சீரியலை உங்கள் ஜீ தமிழ் தொலைக்காட்சியில் காண தவறாதீர்கள்.