கிறிஸ்துமஸ்க்கு நோ! பொங்கலுக்கு எஸ்! சங்கர் படத்தின் புதுஅப்டேட்!

இதுவரை தமிழில் மட்டுமே இயக்கி வந்த இவர் தனது முதல் தெலுங்கு திரைப்படமான கேம் சேஞ்சர் படத்தை எடுத்துள்ளார். கடந்த நான்கு  ஆண்டுகளாக தயாரிப்பு பணியில் இருந்த இப்படம் குறித்த அறிவிப்பு தேதி வெளியாகி உள்ளது. 

அப்டேட் கொடுத்த ராம் சரண்

இயக்குனர் ஷங்கரின் முதல் தெலுங்கு படமான கேம் சேஞ்சர் ரிலீஸ் அடுத்த ஆண்டுக்கு ஒத்திவைக்கப்பட்டுள்ளது. ராம் சரண் மற்றும் கியாரா அத்வானி நடித்துள்ள இப்படம் இந்த ஆண்டு கிறிஸ்மஸ் அன்று வெளியாகும் என எதிர்பார்க்கப்பட்டது.

இது குறித்து நடிகர் ராம் சரண் தசரா அன்று X தளத்தில், 'செய்தியை ராம் அறிவித்தார், “உங்கள் அனைவருக்கும் மிகவும் மகிழ்ச்சியான மற்றும் வெற்றிகரமான தசரா வாழ்த்துக்கள். ஜனவரி 10ஆம் தேதி திரையரங்குகளில் சந்திப்போம்!” எனக் குறிப்பிட்டு இருந்தார்.  மேலும் அதில் டி-ஷர்ட் மற்றும் ஜீன்ஸ் அணிந்து  வேகமாக ஓடுவதைக் போல உள்ள புதிய போஸ்டரையும் அவர் பகிர்ந்துள்ளார்.  இவரது பதிவிற்கு கீழ் அவரது ரசிகர்கள் வாழ்த்து தெரிவித்து வருகின்றனர். 

தள்ளிப்போன அப்பாவின் படம் 

இந்நிலையில் ராம் சரணின் தந்தை சிரஞ்சீவியின் விஸ்வம்பர படம் அடுத்த ஆண்டு ஜனவரி 10 ஆம் தேதி வெளியாகும் என்று கூறப்பட்டது. இப்படத்தினை இயக்குநர் வசிஷ்டா என்பவர் இயக்கியுள்ளார்.  ஆனால் இப்படத்தின் டீஸர் வெளியீட்டு விழாவில் பேசிய இயக்குனர், “சங்கராந்திக்கு அப்பா வருகிறார். ஆனால் இப்போது மகனின் படத்தை ரசிப்போம். அதன் பின் சிரஞ்சீவி மற்றும் தயாரிப்பாளாருடன் பேசி புது ரிலீஸ் தேதியை அறிவிப்போம் எனத் தெரிவித்து இருந்தார்.  இந்நிலையில் தயாரிப்பாளர்களும் சிரஞ்சீவியும் புதிய வெளியீட்டு தேதியை பின்னர் அறிவிப்பார்கள் என எதிர்பார்க்கப்படுகிறது. 

முன்னதாக, இப்படத்தின் தயாரிப்பாளர் தில் ராஜூவும் வெளியீட்டு தேதியில் மாற்றம் குறித்து வீடியோ செய்தியில், “பல்வேறு மொழிகளில் உள்ள விநியோகஸ்தர்களுடன் கலந்துரையாடிய பிறகு, சங்கராந்தி வெளியீடு உலகளாவிய வெளியீட்டிற்கு மிகவும் பொருத்தமானது என்று முடிவு செய்யப்பட்டது. இதை யுவி கிரியேஷன்ஸ் சிரஞ்சீவி மற்றும் குழுவினரிடம் தெரிவித்தேன். கேம் சேஞ்சருக்கு இடமளிக்க நாங்கள் ஷிப்ட் கோரியபோது, ​​அவர்கள் தங்கள் அட்டவணையை மாற்றியமைக்க தயவுசெய்து ஒப்புக்கொண்டனர். ”

கார்த்திக் சுப்புராஜ் கதை 

இயக்குநர் ஷங்கர் இயக்கியுள்ள கேம் சேஞ்சர் படத்தின் கதை தமிழ் இயக்குநர் கார்த்திக் சுப்புராஜின் கதை என்பது குறிப்பிடத்தக்கது. இவரது மாறுபட்ட கதைகள் தமிழில் வெளுத்து வாங்கியுள்ளது. தெலுங்கிலும் இவரது கதை வேலை செய்யுமா என்பதை பொறுத்து இருந்து பார்ப்போம்.