வெளியான வேட்டையன் டெலீடட் சீன்! மாஸ் காட்டும் ரஜினி! ஃபன் செய்யும் பகத்!
ரஜினிகாந்த் மற்றும் பகத் பாசில் இடம்பெற்றுள்ள வேட்டையன் படத்தில் இருந்து நீக்கப்பட்ட காட்சி தற்போது வெளியாகியுள்ளது.
லைகா நிறுவனம் தயாரிப்பில் ஜெய்பீம் பட இயக்குனர் த. செ.ஞானவேல் இயக்கி சூப்பர் ஸ்டார் ரஜினி நடித்து இருந்த படம் வேட்டையன். இப்படம் கடந்த அக்டோபர் 10 அன்று திரையரங்குகளில் வெளியானது. படம் வெளியான முதல் இரு நாட்களில் கலவையான விமர்சனங்களை பெற்றது. பின்னர் மக்களின் ஆதரவால் தற்போது படம் வெற்றிகரமாக ஓடி வருகிறது. மேலும் விமர்சகர்களும் படம் குறித்தான நேர்மறை கருத்துக்களை கூறி வருகின்றனர்.
நட்சத்திர பட்டாளம்
சமீபத்தில் வெளியாகும் பெரிய ஹீரோக்களின் படத்தில் அதிகமான மாற்று மொழி நடிகர்களை நடிக்க வைப்பது ஒரு வழக்கமாகி வருகிறது. இந்த வழக்கம் விஜய், ரஜினி படங்களில் அதிகமாக உள்ளது. ரஜினியின் ஜெயிலர் படத்தில் 4 மொழிகளில் இருந்து 4 பெரிய ஹீரோக்கள் நடித்து இருந்தனர். அதனைத் தொடர்ந்து தற்போது வேட்டையன் படத்திலும் அமிதாப் பச்சன், பகத் பாசில் என இரு வேறு மொழி நடிகர்கள் நடித்து இருந்தனர். இயக்குனர் லோகேஷ் கனகராஜ் இயக்கத்தில் ரஜினி தற்போது நடித்து வரும் கூலி திரைப்படத்தில் உபேந்திரா போன்ற நடிகர்களும் நடித்து வருகின்றனர். இந்நிலையில் இது போன்ற படங்கள் இந்த நட்சத்திர பட்டாளம் காரணமாகவே வெற்றியடைவும் செய்யலாம்.
தமிழில் முன்னணி பகத்
மலையாள நடிகரான பகத் பாசில் தொடர்ந்து தமிழில் பல படங்களில் நடித்து கலக்கி வருகிறார். தமிழ் அல்லது தெலுங்கிலும் புஷ்பா படத்தில் வில்லனாக மிரட்டி இருப்பார். தமிழில் விக்ரம், மாமன்னன் என மாறுபட்ட கதாபாத்திரங்களால் தமிழ் ரசிகர்களின் மனதை வென்று விட்டார் இவரது இயல்பான நடிப்பிற்கு பல ரசிகர்கள் உருவாகி உள்ளனர். இதுவரை தமிழில் சீரியஸ் கதாபாத்திரங்கள் நடித்து வந்த நிலையில் தற்போது வேட்டையனில் மிகவும் ஜாலியான, காவல்துறைக்கு உதவும் தொழிநுட்பங்கள் தெரிந்த திருடனாக மிரட்டியுள்ளார்.
சமீபத்தில் நடந்த வேட்டையன் திரைப்பட இசை வெளியீட்டு விழாவிலும் இவரது நடிப்பு குறித்து ரஜினிகாந்த் மிகவும் புகழ்ந்து பேசி இருந்தார். பகத்தின் அசுர நடிப்பில் மாமன்னன் வில்லனையும் ரசிக்க வைத்தது குறிப்பிடத்தக்கது. மலையாளத்தில் பல திரைப்படங்களின் வாயிலாக அவரது திறைமையை நிரூபித்த பகத் தமிழிலும் வெளுத்து வாங்கி கொண்டு இருக்கிறார்.
வேட்டையன் டெலீடட் சீன்
காவல் உயர் அலுவலராக இருக்கும் ரஜினிக்கு உதவும் அசிஸ்டண்ட் ஆக பகத் நடித்துள்ளார். படம் முழுக்க அவரது நகைச்சுவையான நடிப்பிலும், இயல்பான உடல் மொழியினாலும் அனைவரையும் சிரிக்க வைத்து இருந்தார். பேட்டரி என்ற கதாபாத்திரத்தில் நடித்து இருந்தார். துஷாரா விஜயன் மற்றும் ரித்திக சிங்கிடம் கடலை போடுவது. யாராலும் கண்டு பிடிக்க முடியாத விஷயங்களையும் தொழிநுட்ப உதவியுடன் உடனே கண்டறிவது என அனைத்து காட்சிகளிலும் பக்காவாக பொருந்தி இருந்தார் பகத்.
தற்போது ரஜினி மற்றும் பகத் ஆகியோர் இணைந்து நடித்த படத்தில் இடம்பெறாத நீக்கப்பட்ட காட்சி ஒன்று வெளியாகி உள்ளது. இதில் பேட்டரியை வேறு ஒருவரிடம் வேலை செய்ய சொல்லி ரஜினி சொல்லும் போது மிகவும் பாசமாக நான் உங்களுக்கு தான் வேலை பாக்குறேன், உங்க டிபார்ட்மெண்ட்க்கு இல்ல. எனக் கூறுகிறார். அதற்கு ரஜினி பேட்டரி சார் நீங்க நல்லா நடிக்கிறீங்க சார் எனக் கூறும் போது உங்கள விடவா என ரஜினியை பகத் கலாய்க்கிறார்.
டாபிக்ஸ்