ராமரும் அவரே.. கிருஷ்ணரும் அவரே.. வாரி வழங்கும் கர்ணரும் அவரே.. HBD ராஜாசாப்!

மாஸ் ஹீரோவாக மாறிய பிரபாஸ்

இப்படி, வெறும் ஹீரோவாக இருந்த பிரபாஸை மாஸ் ஹீரோவாக மாற்றிய பெருமை இயக்குநர் ராஜமௌலியையே சாரும். இவர், தனது பிரம்மாண்டமான பாகுபலி திரைப்படத்தில் பிரபாஸை முன்னணி கதாப்பாத்திரத்தில் நடிக்க வைத்தார். இதில் அமரேந்திர பாகுபலியாக நடித்து, தெலுங்கு மட்டுமல்ல, தமிழ், மலையாளம், கன்னடம், இந்தி என அனைத்து மொழி மக்களையும் கவர்ந்தார். பாகுபலி தான் பிரபாஸை உச்சத்திற்கு கொண்டு சென்ற திரைப்படம்.

முதல் 1000 கோடி படம்

தெலுங்கு திரையுலகில் இருந்து வெளியான ஒரு திரைப்படம் 1000 கோடி வசூலை மிக சொற்ப நாட்களில் எட்டியதை இதுவரை எவரும் பார்த்ததில்லை. இப்படியான வெற்றிக்கு முக்கிய காரணமாக இருந்தவர் பிரபாஸ். மேலும், பாகுபலி 2ம் பாகத்தில் நடித்து பான் இந்தியா ஸ்டாராக மாறினார். இதுதான் இந்திய சினிமாவின் முதல் பான் இந்தியா சினிமாவும் கூட. இதன் காரணமாகவே இவரை அனைவரும் பான் இந்தியா ஸ்டாராக கொண்டாடுகின்றனர். இதன் காரணமாக சினிமா உலகில் அவருக்கான வாய்ப்புகளும் கதவுகளும் திறந்த வண்ணமாகவே இருந்தன.

முதல் பான் இந்தியா ஸ்டார்

பாகுபலி வெற்றிக்குப் பின், இவரை சாதாரண படங்களில் மக்கள் பார்க்க விரும்பவில்லை, அதனால், சாதரண காதல் படத்திலோ குடும்ப படத்திலோ நடித்தால் அதனை ஏற்றுக் கொள்ளும் மனப்பக்குவம் ரசிகர்களுக்கு இல்லாமல் போனது.

ரத்தமும் சதையுமாக, அக்ஷன் காட்சிகள் தெரிக்க, மாஸ் வசனங்கள் பேசும் பாகுபலி பிரபாஸே மக்களுக்கு தேவையானவராக இருந்தார்.

அதுமட்டுமின்றி, இயக்குநர்களும் இவரை பான் இந்தியா படங்களில் நடிக்கவே அழைக்கின்றனர்.

தொடர்ந்த சறுக்கல்

இதனால், பாகுபலியைத் தொடர்ந்து அவர் இந்திய மக்களுக்கு நெருக்கமான ராமாயண கதையைத் தேர்ந்தெடுத்து நடித்தார். ஆதிபுருஷ் என பெயரிடப்பட்ட அந்தப் படத்தில் ராமர் கதாப்பாத்திரத்தில் நடித்தார். இந்தப் படம் 3டி தொழில்நுட்பம் மட்டுமின்றி, பல புதிய தொழில்நுட்பங்களை பயன்படுத்தினர். ஆனால், இந்தப் படம் பார்வையாளர்களுக்கு நெருக்கமாக அமையவில்லை. இந்தப் படம் சிறுவர்களுக்கான கார்ட்டூன் போல இருந்ததாக பலரும் கூறி வந்தனர்.

தொடரும் வசூல் வேட்டை

இப்படி, தொடர் தோல்விகளை சந்தித்து வந்த பிரபாஸ், கே.ஜி.எஃப் திரைப்படத்தின் இயக்குநர் பிரசாந்த் நீல் இயக்கத்தில் சலார் எனும் படத்தில் நடித்தார். 2 பாகங்களாக உருவான இந்தப் படத்தில் அமைதியும் ஆக்ஷனும் கலந்த நபராக நடித்து அசத்தி இருப்பார். இந்தப் படம் கலவையான விமர்சனங்களையே பெற்ற நிலையில், நாக் அஸ்வின் இயக்கிய சயின்ஸ் பிக்ஷன் திரைப்படமான கல்கி 2898 எனும் படத்தில் நடித்தார். இந்தப் படம் இந்தியா முழுவதும் நல்ல வசூலை பெற்று, அவர் சறுக்கலை சற்று நிறுத்தியது.

கைவசம் உள்ள படங்கள்

இந்தப் படத்திற்குப் பின், பிரபாஸ் மிகப் பெரிய பட்ஜெட் படங்களான சலார் 2, கல்கி 2, கண்ணப்பா, ஸ்பிரிட், ராஜா சாப் எனும் 5 படங்களை தன் கைவசம் வைத்துள்ளார்.

இதன் மூலம் வரும் நாட்களில் ஆக்ஷன், சயின்ஸ் பிக்ஷன், ஆன்மீக வரலாறு, த்ரில்லர், காமெடி ஹாரர் என பல வெரைட்டிகளில் கலந்துகட்டி அடிக்கப் போகிறார் என்பது தெரிந்துள்ளது. இதற்கிடையில், பிரபாஸ் நடித்துள்ள ராஜா சாப் படத்தை அவரது ரசிகர்கள் தொடர்ந்து ட்ரெண்ட் செய்து வருகின்றனர்.

அனுஷ்காவுடன் கிசுகிசு

இப்படி இவரின் சினிமா வாழ்க்கை ஏற்ற இறக்கமாக சென்று கொண்டிருக்கையில், நடுவே, நடிகை அனுஷ்காவுடன் இவரை தொடர்பு படுத்தி பல கிசுகிசுக்கள் பரப்பப்பட்டன. இதற்கு இருவரும் மறுப்பு தெரிவித்து வந்த நிலையிலும், நீங்கள் இருவரும் நல்ல ஜோடி என ரசிகர்கள் தொடர்ந்து கூறி வந்தனர். இந்த சமயத்தில் அனுஷ்காவிற்கு தொழிலதிபர் ஒருவருடன் திருமண ஏற்பாடுகளும் நடந்து வருகிறது.

நிஜ வாழ்க்கையிலும் ஹீரோ

படத்தில் ஆக்ஷன் ஹீரோவாக வரும் இவர், உண்மையில் கூச்ச சுபாவம் கொண்டவர். 4 பேருக்கு மேல் உள்ள இடத்தில் பேசத் தயங்குவாராம். இதனாலே இவரை பலரும் கிண்டல் செய்து வருகின்றனர். அதே சமயம் இவர், திரைப்படங்களில் மட்டுமல்ல நிஜ வாழ்ககையிலும் ஹீரோ தான் என வயநாடு நிலச்சரிவிற்கு உதவித்தொகை வழங்கி நிரூபித்துள்ளார்.

பிறந்த நாள்

கார், வீடு, நிலம் என ஹீரோக்களின் சொத்துக்களை விவரிக்கும் ரசிகர்களுக்கு பிரபாஸ் கூடுதல் போனஸ் வைத்துள்ளார். பான் இந்தியா ஸ்டாரான இவர் தனக்கென சொந்தமாக விமானத்தையும் வைத்துள்ளார். இப்படி திரையுலகிலும், நிஜ வாழ்க்கையிலும் மாஸ் ஹீரோவாக வலம் வரும் பிரபாஸ் இன்று அவரது 45வது பிறந்தநாளைக் கொண்டாடுகிறார்.