இந்த வாரம் வெளியாக இருக்கும் புதுப்படங்கள் லிஸ்ட்! அமர்க்களம் பண்ணப்போகும் 5 படங்கள்!
அக்டோபர் மாதத்தின் மூன்றாவது வாரமான இந்த வார இறுதியிலும் படங்கள் வெளியாக காத்துக் கொண்டிருக்கின்றன. இதனையடுத்து தீபாவளி அன்று சில படங்கள் வெளியாகவும் உள்ளது என்பது குறிப்பிடத்தக்கது.
ஒவ்வொரு ஆண்டும் தமிழ் திரையுலகில் குறைந்தபட்சம் 50 முதல் 70 என்ற எண்ணிக்கையிலான படங்கள் வெளிவருகிறது. அதில் பெரிய ஹீரோக்களின் படங்கள், டப்பிங் செய்யப்பட்ட படங்கள், சிறிய பட்ஜெட் படங்கள், அறிமுக இயக்குநர் மற்றும் நடிகர்களின் படங்கள் என அனைத்தும் உள்ளடங்கும். 2024 ஆம் ஆண்டும் தமிழில் பல படங்கள் வெளியாகி உள்ளன. இந்த ஆண்டின் தொடக்கத்தில் வெளியான சில படங்கள் ரசிகர்களை திருப்தி படுத்தவில்லை. இதன் காரணமாக மலையாள படங்களும் தமிழில் நல்ல வசூல் எடுத்தன. இருப்பினும் ஆண்டின் நடுப்பகுதியில் நல்ல கதையம்சம் மற்றும் சிறந்த திரைக்கதை உள்ள படங்கள் ரீலிஸ் ஆகி பட்டையை கிளப்ப ஆரம்பித்தன.
தற்போது இந்த ஆண்டு இன்னும் இரண்டரை மாதங்களில் நிறைவடைய உள்ளது. இந்நிலையில் இந்த ஆண்டின் இறுதிக்குள் மேலும் பல படங்கள் வெளியாக காத்துக் கொண்டுள்ளன. அக்டோபர் மாதாத்தின் மூன்றாவது வாரமான இந்த வார இறுதியிலும் படங்கள் வெளியாக காத்துக் கொண்டிருக்கின்றன. இதனையடுத்து தீபாவளி அன்று சில படங்கள் வெளியாகவும் உள்ளது என்பது குறிப்பிடத்தக்கது.
இந்த வாரம் வெளியாக உள்ள படங்கள்
8 தோட்டாக்கள் படம் மூலம் சினிமாவிற்கு அறிமுகம் ஆகிய நடிகர்வெற்றி நடித்து இருக்கும் படம் ஆலன். ஒரு எழுத்தாளனின் வாழ்க்கை தொடர்பான கதையில் இந்த படம் உருவாகி உள்ளது. இப்படத்தினை சிவா. ஆர் என்பவர் இயக்கி இருக்கிறார். மேலும் இப்படத்தில் மதுரா, விவேக் பிரசன்னா, ஹரிஷ் பெராடி, 'அருவி' மதன் குமார், கருணாகரன் உள்ளிட்ட பலர் நடித்திருக்கிறார்கள். மனோஜ் கிருஷ்ணா இசையமைத்திருக்கிறார். மேலும் கவிஞர் மனுஷ்யபுத்திரன், கேபிள் சங்கர் ஆகியோரும் இந்த திரைப்படத்தில் சிறப்பு தோற்றத்தில் நடித்து உள்ளனர்.இந்த ஆலன் படத்தின் ரிலீஸ் தேதி அறிவிக்கப்பட்டுள்ளது. அதன்படி இப்படம் வருகிற 18-ந் தேதி வெளியாக உள்ளது.
இயக்குநர் ஜேம்ஸ் யுவன் இயக்கத்தில் நடிகர் ஆர். எஸ். கார்த்தி மற்றும் நடிகை மனிஷா ஆகியோர் இணைந்து நடித்திருக்கும் 'ஆரியமாலா' எனும் திரைப்படம் உருவாகி உள்ளது. மேலும் இப்படத்தில் மறைந்த நடிகர் மாரிமுத்து உள்ளிட்ட படர் நடித்திருக்கிறார்கள். இப்படத்தின் கதை 1982 ஆம் ஆண்டில் தமிழக பகுதியில் நடைபெற்ற உண்மை சம்பவத்தை தழுவியது எனக் கூறப்படுகிறது. இந்த திரைப்படமும் வரும் அக்டோபர் 18 அன்று திரையரங்குகளில் வெளியாகிறது.
ஜேகே பிலிம் புரொடக்ஷன்ஸ் சார்பில் கே.பிரபாத் தயாரித்து நடிததுள்ள படம், ‘கருப்பு பெட்டி’. இப்படத்தில் தேவிகா வேணு ஹீரோயின் ஆக நடித்துள்ளார். அருண் இசை அமைத்துள்ள இந்தப் படத்தை எஸ்.தாஸ் இயக்கியுள்ளார். மனரீதியான பிரச்சனைகளை பேசும் இந்த படமும் வரும் அக்டோபர் 18 அன்று திரையரங்குகளில் வெளியாகிறது.
அறிமுக இயக்குநர் ஸ்ரீராம் இயக்கத்தில் சுனைனா, அறிமுக நாயகன் விஷ்வந்த், நடிகர் ஜெகன் உள்ளிட்ட பலர் நடித்துள்ள ராக்கெட் டிரைவர் படம் ஒரு ஃபேன்டஸி என்டர்டெயினர் திரைப்படமாக உருவாகி இருக்கிறது. ஸ்டோரீஸ் பை தி ஷோர் நிறுவனம் சார்பில் தயாரிப்பாளர் அனிருத் வல்லப் தயாரிக்கும் இந்த படமும் வரும் அக்டோபர் 18 அன்று திரையரங்குகளில் வெளியாகிறது.
சின்னத்திரை நடிகராக இருந்த போஸ் வெங்கட்டி இயக்குனராக அடுத்த படைப்பு தான் சார். இப்படத்தில் நடிகர் விமல் ஹீரோவாக நடிக்கிறார். சாமி பெயரை கூறி கல்விக்கு தடை போடும் கிராமத்தை பற்றியும், அங்குள்ள மாணவர்கள் படிப்புக்காக போராடும் ஒரு ஆசிரியர் பற்றிக்கும் இந்த படம் எடுக்கப்பட்டுள்ளது. இப்படமும் வரும் அக்டோபர் 18 அன்று திரையரங்குகளில் வெளியாகிறது.
டாபிக்ஸ்