கமலை வைத்து நடக்கும் பக்கா பிளான் முதல்.. சைலன்டான ரஜினி வரை.. இன்றைய முக்கிய சினிமா செய்திகள்..

2. பா.ரஞ்சித் இயக்கத்தில் விக்ரம், பார்வதி, மாளவிகா மோகனன் உள்ளிட்ட பலர் நடித்த திரைப்படம் தங்கலான். இந்தப் படம் தீபாவளிக்கு ஓடிடி தளத்தில் வெளியிட வாய்ப்புள்ளதாக படத்தின் தயாரிப்பாளர் ஞானவேல் ராஜா கூறியுள்ளார். மேலும் இப்படத்தை நெட்ஃபிளிக்ஸ் ஓடிடி தளம் வாங்கியுள்ளதாகவும் அவர் தெரிவித்துள்ளார். இதனால், நீண்ட இழுபறிக்குப் பின் இப்படம் ஓடிடியில் வெளியாக உள்ளது உறுதி செய்யப்பட்டுள்ளது.

3. நடிகை கங்கனா ரணாவத் இயக்கி நடித்துள்ள படம் எமர்ஜென்சி. இந்தத் திரைப்படம் மறைந்த பிரதமர் இந்திரா காந்தியின் வாழ்க்கை வரலாற்றின் ஒரு பகுதியை மையமாக வைத்து உருவாக்கப்பட்டுள்ளது. இந்தப் படத்தின் பல்வேறு காட்சிகளை வெளியிட தணிக்கை குழு கட்டுப்பாடு விதித்தது. ஆனால், இதை கங்கனா ரணாவத் மறுத்ததால், படம் வெளியாவதில் தொடர்ந்து சிக்கல் ஏற்பட்டு வந்தது. இதனால், தணிக்கை குழுவின் நிபந்தனைக்கு கங்கனா கட்டுப்பட்டதால், படத்திற்கான சான்றிதழ் வழங்கப்பட்டு படம் விரைவில் வெளியாக உள்ளதாக படக்குழு அறிவித்துள்ளது.

4. இந்திய சினிமாவில் முன்னணி நடிகையாக வலம்வரும் சமந்தா, தான் தற்போதும் சராசரி நடிகை தான். இன்னும் என் நடிப்பில் முதிர்ச்சியை கொண்டுவர முயன்று வருகிறேன் எனக் கூறியுள்ளார். மேலும், என் சினிமா வாழ்க்கையில் கிடைத்த பல வெற்றிகள் கூட்டு முயற்சியால் உருவானது எனக் கூறியுள்ளார். திறமையான நடிகர் , நடிகைகள், தொழில்நுட்ப கலைஞர்களுடன் இணைந்து நான் பணியாற்றி வருவது மகிழ்ச்சி அளிக்கிறது எனவும் குறிப்பிட்டுள்ளார்.

5. நடிகர் அஜித் குமார் தற்போது ஆதிக் ரவிச்சந்திரன் இயக்கிவரும் குட் பேட் அக்லி படத்தில் நடித்து வருகிறார். இதைத் தொடர்ந்து அவர் சிறுத்தை சிவா இயக்கும் அடுத்த படத்தில் நடிக்க உள்ளார். இந்த நிலையில், அஜித் குமார் கேஜிஎஃப் படத்தின் இயக்குநர் பிரசாந்த் நீல் இயக்கும் அடுத்த படத்தில் நடிக்க இருப்பதாக தகவல் வெளியாகியுள்ளது. இந்தப் படத்திற்கான பேச்சுவார்த்தையும் முடிந்துவிட்டதாக சினிமா வட்டாரங்கள் தெரிவிக்கின்றன.

6. நடிகர் கமல்ஹாசன் -இயக்குநர் ஷங்கர் கூட்டணியில் வெளியான இந்தியன் படம் கொடுத்த வெற்றியை கருத்தில் கொண்டு, இவர்கள் இப்படத்தின் 2ம் பாகத்தை ரிலீஸ் செய்தனர். அத்தோடு தொடர்ந்து 3ம் பாகத்தையும் வெளியிட திட்டமிட்டனர். ஆனால், இரண்டாம் பாகம் மக்களிடம் போதுமான வரவேற்பை பெறாததால், 3ம் பாகத்தை ஓடிடியில் வெளியிட படக்குழு முடிவு செய்தனர். ஆனால், தற்போது கமல் நடித்துள்ள தக் ஃலைப் மக்களிடம் பெறும் வரவேற்பை பார்த்துவிட்டு இந்தியன் 3 படத்தை வெளியிடலாம் என திட்டமிட்டுள்ளதாக தகவல் வெளியாகியுள்ளது.

7. நடிகை ரம்யா பாண்டியன் அவரது திருமணம் குறித்த அறிவிப்பு ஒன்றை வெளியிட்டுள்ளார். இவர், பஞ்சாப்பை சேர்ந்த தொழிலதிபர் மற்றும் யோகா பயிற்சியாளரான லோவல் தவான் என்பவரை காதலித்து திருமணம் செய்ய உள்ளதாக அறிவித்துள்ளார். இவர்களின் திருமணம் ரிஷிகேஷ் பகுதியில் கங்கை நதிக்கரையோரம் அமைந்திருக்கும் கோயில் அருகே வரும் நவம்பர் 8ஆம் தேதி நடைபெறவுள்ளது. இதைத்தொடர்ந்து திருமண வரவேற்பு வரும் நவம்பர் 15ஆம் தேதி சென்னையில் நடைபெற இருக்கிறது.

8. பாலிவுட் சூப்பர் ஸ்டாரான ஷாருக்கான் தான், நடித்துக் கொண்டிருக்கும் போதே இறக்க வேண்டும் என ஆசைப்படுவதாக தெரிவித்துள்ளார். படத்தின் திரைப்படக் காட்சி தொடங்கும் போது நான் இறந்தவனாக நடிக்க வேண்டும் ஆனால், அந்த ஷாட் முடிந்து கட் சொல்லும் போது மீண்டும் எழுந்திரிக்கக் கூடாது. அப்படியே மரணமடைய வேண்டும் என கூறியுள்ளார்.

9. இயக்குநர் த.செ. ஞானவேல் இயக்கத்தில் ரஜினிகாந்த், அமிதாப் பச்சன், ராணா டகுபதி, பகத் பாசில், துஷாரா விஜயன் உள்ளிட்ட பலர் நடித்து வெளியான வேட்டையன் திரைப்படம் 8 ஆவது நாளான நேற்று மட்டும் ரூ3.15 கோடி மட்டுமே வசூல் செய்துள்ளது. ஒட்டுமொத்தமாக அனைத்து மொழிகளிலும் சேர்த்து நேற்று வரை சுமார் ரூ.122 கோடி வரை வசூல் செய்துள்ளது.

10. ஐபிஎல் போட்டிகளை சட்டவிரோதமாக ஒளிபரப்பிய ஃபேர்பிளே செயலியில் ஒளிபரப்பான நிலையில், இந்த செயலியின் விளம்பர தூதராக நடித்திருந்த நடிகை தமன்னாவிடம் அமலாக்கத்துறை விசாரணை நடத்தியுள்ளது. இந்த விவகாரம் தொடர்பாக அவரிடம் 2 மணி நேரம் விசாரணை நடைபெற்றதாக தகவல் வெளியாகியுள்ளது.