Bigg Boss 7 Tamil: தப்பித்தார் நிக்சன்? இந்த வாரம் எலிமினேஷன் கிடையாது என அறிவிப்பு
மழை காரணமாக பொதுமக்கள் வாக்களிக்க முடியாத சூழ்நிலையை கருத்தில் கொண்டு இந்த வாரம் எலிமினேஷன் ரத்து செய்யப்படுவதாக அறிவிக்கப்பட்டுள்ளது.
மிக்ஜாம் புயல் தாக்கத்தால் சென்னை மாநகரமே ஸ்தம்பித்திருக்கும் நிலையில், பிக் பாஸ் வீடு எவ்வித சேதாரமும் இல்லாமலும், நிகழ்ச்சியிலும் வழக்கம்போல் போட்டியாளர்களுக்கு இடையிலான குஸ்திக்களும் நடந்துகொண்டு தான் இருந்து வருகிறது.
இந்த சூழ்நிலையில் வார வாரம் நடைபெறும் எலிமினேஷனில், இந்த வாரம் 5 பேர் நாமினேட் செய்யப்பட்டிருந்தனர். அதில், இந்த வாரத்துக்கான எலிமினேஷன் பட்டியலில் அர்ச்சனா, விசித்ரா, நிக்சன், மணி, தினேஷ் ஆகியோர் இருந்த நிலையில் யார் வெளியேறப்போகிறார் என்கிற பரபரப்பான சூழ்நிலையில் நிகழ்ச்சி சென்று கொண்டிருந்தது.
இதையடுத்து பிக் பாஸ் வீட்டில் தங்களது இருப்பை நீடித்து கொள்ள நாமினேட் செய்யப்பட்டிருக்கும் மேற்கூறிய 5 பேரும் மாறி மாறி தங்கலது கவனத்தை ஈரக்கும் விதமாகவும், தங்களது நியாயங்களை மற்ற போட்டியாளர்கள் மூலமாக எடுத்துரைக்கும் விதமாக நடந்து கொண்டு வருகிறார்கள்.
இதையடுத்து மிக்ஜாம் புயல் காரணமாக பொதுமக்கள் மின்சாரம் இல்லாமலும், தொலைத்தொடர்பு இல்லாமலும் தவித்து வரும் நிலையில் அவர்களால் வாக்களிக்க முடியாததை கருத்தில் கொண்டு இந்த வாரம் எலிமினேஷனை ரத்து செய்யப்படுவதாக அறிவிக்கப்பட்டுள்ளது.
முன்னதாக, பிரதீப் ஆண்டனிக்கு ரெட் கார்டு கொடுத்தவர்களையே தொடர்ந்து ஒவ்வொரு வாரமும் பிக் பாஸ் ரசிகர்கள் எலிமினேட் செய்து வரும் நிலையில், இந்த வார நாமினேஷனில் நிக்சன் இடம்பிடித்திருந்ததால் அவர் வெளியேற்றப்படுவார் என எதிர்பார்க்கப்பட்ட நிலையில், அவரும் மறுபடியும் எஸ்கேப் ஆகியுள்ளார்.
நிக்சனை காப்பாற்றுவதற்காகவே விஜய் டிவியே சதி செய்துள்ளதாக பலரும் இந்த அறிவிப்புக்கு எதிர்ப்பு தெரிவித்து வருகின்றனர்.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
டாபிக்ஸ்