HBD Anirudh: சினிமாவை புரட்டி போட்ட இசை.. இளம் தலைமுறையை ஆளும் அனிருத்
இசையமைப்பாளர் அனிருத் ரவிச்சந்தர் இன்று தனது 33 வது பிறந்த நாளை கொண்டாடுகிறார்.
தமிழ் சினிமாவில் எத்தனையோ கலைஞர்கள் தனது திறமையால் தவிர்க்க முடியாத இடத்தை பிடித்துள்ளனர். அந்த வகையில் தற்போது தவிர்க்க முடியாத இசையமைப்பாளராக தனது கால் தளத்தை பதித்தவர் அனிருத் ரவிச்சந்தர்.
கலைத்துறையை அடிப்படையாகக் கொண்டு விளங்கிய குடும்பத்திலிருந்து வந்தவர் தான் இந்த அனிருத். இவருடைய தந்தை ரவி ராகவேந்தர் தமிழ் சினிமாவில் பிரபலமான நடிகர் ஆவார். விசுவின் இயக்கத்தில் வெளியான திரைப்படங்களில் இவர் நடித்துள்ளார்.
எளிதாக வரக்கூடிய இடத்தில் அனிருத் இருந்திருந்தாலும் அவ்வளவு எளிதில் இந்த தமிழ் சினிமா வாய்ப்புகள் கொடுத்து விடுமா என்ன. தனது இளம் வயதிலேயே இசைக்காக தன்னை தயார்படுத்திக் கொண்டவர் அனிருத். கல்வி பயின்று கொண்டிருக்கும் பொழுதே இசைக்காக நேரம் ஒதுக்கி அதிக ஈடுபாடு பல்வேறு நிகழ்ச்சிகளில் தன்னை ஈடுபடுத்திக் கொண்டுள்ளார்.
இசைக்கல்லூரியில் படித்து அதற்காக பட்டம் பெற்றவர் இவர். புகழ்பெற்ற பல இசையமைப்பாளர்களிடம் வாய்ப்பு தேடி அலைந்திருக்கிறார். தனுஷ் நடித்து வெளியான 3 திரைப்படத்தின் மூலம் இவருக்கு வாய்ப்பு கிடைத்துள்ளது. முதல் திரைப்படத்திலேயே அனைவரும் திரும்பிப் பார்க்கும் அளவிற்கு தனது இசையை வரலாறாக இந்த தமிழ் சினிமாவில் பதித்தார்.
முதல் படமே மிகப்பெரிய வெற்றி பெற்றது. இந்த திரைப்படத்தில் இடம்பெற்ற பாடல்கள் அனைத்தும் மிகப்பெரிய வெற்றி பெற்றன. நடிகர் தனுசை பாட வைத்து இவர் வெளியிட்ட ஒய் திஸ் கொலவெறி என்ற பாடல் உலகம் முழுவதும் பரவியது. ஒரு படத்தில் கிடைத்த வெற்றியை வைத்து எப்படி முடிவு செய்ய முடியும் என பலர் கருத்து தெரிவித்து இருந்தாலும், அடுத்தடுத்த கிடைத்த வாய்ப்புகளை சரியாக பயன்படுத்திக் கொண்டு மக்களை தன் வசமாக்கினார் அனிருத்.
பத்து ஆண்டுகள் கடந்து பயணம் மேற்கொண்டு வரும் அனிருத் தமிழ் சினிமாவில் இருக்கக்கூடிய அனைத்து உச்ச நடிகர்களுக்கும் இசையமைத்துள்ளார். இவர் பணியாற்றிய அனைத்து ஆல்பங்களும் மிகப்பெரிய வெற்றி தான் என்று கூறினால் அது மிகையாகாது.
நடிகர் சிவகார்த்திகேயன், அனிருத் கூட்டணி மிகப்பெரிய வெற்றி பெற்றன. சிவகார்த்திகேயன் முன்னேற்றத்திற்கு அனிருத் ஒரு மிகப்பெரிய காரணம் என்று கூறினால் அது மிகையாகாது. இசைக்கு ஏது பாரபட்சம் என்பதை நிரூபிக்கும் வகையில் இவர் கையில் எடுத்துக் கொள்ளும் அனைத்து படங்களையும் மிகப்பெரிய வெற்றிக்கு கொண்டு சென்றார்.
இவர் பணியாற்றும் படங்களில் கதாநாயகர்களுக்கு என தனி பாடல் கொடுத்து அவர்களை மேலும் ஒரு படிக்கு அழைத்துச் செல்வார் அனிருத். பெரிய இயக்குனர் முதல் இளம் இயக்குனர்கள் வரை அனைவரிடமும் சிறப்பாக பணியாற்றி வருகிறார் அனிருத். இவருடைய வெற்றியே அடுத்தடுத்த கட்டத்திற்கு இவரை அழைத்துச் செல்கிறது.
இவருடைய இசையால் எத்தனையோ இயக்குனர்கள் மக்கள் மத்தியில் தெரிய தொடங்கினார்கள் என்று கூறினால் அது மிகையாகாது. ஒரு இசையமைப்பாளராக மட்டுமல்லாமல் மற்ற இசையமைப்பாளர்களுக்கும் பாடகராக இவர் மாறியுள்ளார். தமிழ் மொழி மட்டுமல்லாது மற்ற மொழிகளுக்கும் சென்று பல பாடல்களை இவர் பாடியுள்ளார்.
அட்லீ இயக்கத்தில் ஷாருக்கான் நடித்து வெளியான ஜவான் திரைப்படத்திற்கு இசையமைத்து பாலிவுட்டிலும் தனது தடத்தை பதித்துள்ளார் அனிருத். இன்றைய தலைமுறை இளைஞர்கள் மத்தியில் மிகப்பெரிய இசைப் புரட்சியை ஏற்படுத்தி உள்ளார் என்று கூறினால் அது மிகையாகாது.
அனிருத் இசை என்று கூறினாலே அனைத்து இளம் தலைமுறைகளும் உடனே பாடல்களை கேட்க சென்று விடுவார்கள் அந்த அளவிற்கு மிகப்பெரிய ஆட்சி நடத்தி வருகிறார் அனிருத். இசையால் மிகப்பெரிய கூட்டத்தை உருவாக்கி தனக்கென ஒரு மிகப்பெரிய ரசிகர்கள் படையை உருவாக்கி வைத்திருக்கிறார் அனிருத்.
தமிழ் சினிமாவில் இளம் வயதிலேயே மிகப்பெரிய ரசிகர்கள் கூட்டத்தை வைத்திருக்கக்கூடிய இசையமைப்பாளராக திகழ்ந்து வருகிறார். இதற்கிடையே பல்வேறு விருதுகளையும் தன் வசமாக்கி வருகிறார். அனிருத் இன்று தனது 33வது பிறந்த நாளை கொண்டாடுகிறார். இசையின் பயணம் எப்படி முடிவற்றதோ அதேபோல இவருடைய வெற்றிப் பயணமும் முடிவில்லாமல் தொடர்ந்து கொண்டே இருக்கும். ராக் ஸ்டார் அனிருத் அவர்களுக்கு நமது வாழ்த்துக்களை தெரிவித்துக் கொள்கிவோம்.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
https://twitter.com/httamilnews
Google News: https://bit.ly/3onGqm9
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
டாபிக்ஸ்