Maari Serial: அடுத்த தேவி யார்? மாரி, ஜாஸ்மின் இடையே நடக்கும் போட்டி

இந்த சீரியலின் இன்றைய எபிசோட்டில் தாரா கூடிய விரைவில் சூர்யா மற்றும் ஜாஸ்மினுக்கு கல்யாணம் செய்து வைக்க வேண்டும் என சொல்ல ஜெகதீஷ் அதற்கு மறுப்பு தெரிவிக்கிறார். சூர்யா கல்யாணம் என்பது ஏற்கனவே முடிவு எடுத்த விஷயம் தானே இதில் என்ன இப்போ பிரச்சனை என தாரா கேட்க ஆரம்பத்தில் இருந்தே எனக்கு இதில் உடன்பாடு இல்லை, நீ தான் இந்த கல்யாணத்தில் அதிகம் ஆர்வம் காட்டுகிறாய் என பதிலடி கொடுக்கிறார் ஜெகதீஷ்.

அதன் பிறகு ஆடிட்டரிடம் இருந்து டாக்குமெண்ட்களை வாங்கி ஆபீஸ் பொறுப்புகளை மாரி பெயருக்கு மாற்றப் போவதாக சொல்லி மாரியை சம்மதிக்க வைத்து ஜெகதீஷ் கையெழுத்து வாங்குகிறார். இந்த நேரத்தில் தாரா மாரியை விட ஜாஸ்மினுக்கு தான் நிர்வாக திறமை அதிகம் அவதான் படிச்சவ என தாரா சொல்லி சூர்யாவிடம் கேட்க அவனும் ஜாஸ்மின் தான் திறமைசாலி என சொல்கிறான்.

இருந்த போதிலும் ஜெகதீஷ் மாரியை விட்டுக் கொடுக்காமல் பேச சூர்யா இருவருக்கும் ஒரு போட்டி வைத்து அவர்களின் நிர்வாக திறமையை கண்டுபிடித்து இந்த பொறுப்பை யாருக்கு கொடுக்கலாம் என முடிவெடுக்கலாம் என சொல்கிறான். மேலும் நமது ஆபீஸில் நான்கு மேனேஜர்கள் இருக்கிறார்கள். அவர்களில் யாரோ ஒருவர் நம்முடைய ஆபிஸர் ரகசியங்களை நம்முடைய போட்டியாளர்களிடம் சொல்லி விடுகிறார்கள், அந்த நபர் யார் என்பதை கண்டுபிடிக்க வேண்டும் என சொல்ல மாரி இந்த போட்டி எல்லாம் வேண்டாம் பொறுப்பை ஜாஸ்மினிடமே கொடுத்து விடுங்கள் என சொல்கிறாள்.

ஆனால் ஹாசினி, ஜெகதீஷ் ஆகியோர் உன்னுடைய திறமையை நிரூபிப்பதற்கான நேரம் இது என மாரியை சமாதானம் செய்து போட்டியில் பங்கேற்க சம்மதிக்க வைக்கின்றனர்.

அடுத்து ஜாஸ்மின் தாரா டீமுடன் ஒரு ரூமில் உட்கார்ந்து கண்டிப்பாக மாரியால் இதை கண்டுபிடித்து ஜெயிக்க முடியாது, சூர்யா நமக்கு ஒரு நல்ல சந்தர்ப்பத்தை ஏற்படுத்தி கொடுத்திருக்கான். நான் நாளைக்கு ஆபீஸ் போய் நாலு மேனேஜர்களையும் அடி கொடுத்து போலீசில் பிடித்துக் கொடுத்து விடுவேன் என மிரட்டி அவர்களிடமிருந்து உண்மையே வர வைக்கிறேன் என சொல்ல தாரா நீ என்ன வேணா செய், ஆனா ஒருபோதும் மாரி ஜெயிக்க கூடாது என சொல்கிறாள்.

மறுபக்கம் மாரி தேவியம்மா போட்டோ முன்பு ஹஸ்பண்ட் சார் கம்பெனி நல்லா வளரணும்.. எனக்கு நீங்கதான் உதவி பண்ணனும் என வேண்ட அப்போது ஒரு பூ கீழே விழுந்து மாரிக்கு ஆசீர்வாதம் செய்கிறது. இந்த விஷயத்தை மாரி, சூரியா மற்றும் ஜெகதீஷிடம் சந்தோஷமாக சொல்கிறாள். மேலும் எனக்கு நாலு மேனேஜர் மனைவியோட நம்பர் வேணும் அவர்களை வீட்டுக்கு வர வைக்கணும் என சொல்ல வீட்டில் உள்ளவர்கள் எல்லோரும் ஏன் எதுக்கு என கேள்வி எழுப்புகின்றனர்.

வீட்டு ஆம்பளைங்க தப்பு செய்வதை அவர்களுடைய மனைவியை வைத்து ஈசியா கண்டுபிடித்து விடலாம் என சொல்லி அவர்களுக்கு விருந்து வைக்கப் போவதாக சொல்லி வீட்டுக்கு வர சொல்கிறாள். வீட்டிலும் தட புடலான ஏற்பாடுகள் நடந்திருக்க மாரி அச்சு அசலாக தேவியம்மா போல வந்து நிற்க அனைவரும் ஆச்சரியப்படுகின்றனர்.

இப்படியான நிலையில் அடுத்ததாக நடக்கப்போவது என்ன? இந்த போட்டியில் ஜெயிக்கப் போவது யார்? என்பதை அறிய மாரி சீரியலை பார்க்கலாம்.