ஓடிடியில் கெத்து காட்டும் தமிழ் படங்கள்! இன்றைய டாப் லிஸ்ட்!

நெட்பிளிக்ஸ்

உலக அளவிலான பல மொழித் திரைப்படம் வெளியாகும் தளமாக நெட்பிளிக்ஸ் ஓடிடி தளம் உள்ளது. இத்தளத்தில் வெளியிடப்படும் படங்கள் உலகின் அனைத்து மூலைகளில் உள்ள மக்களையும் எளிமையாக சென்றடைகிறது. இந்தியாவிலும் நெட்பிளிக்ஸ் தளத்திற்கு சிறந்த வரவேற்பு இருந்து வருகிறது. இந்த தளத்தில் இந்திய அளவில் அதிக பார்வையாளர்களால் பார்க்கப்பட்டடு வரும் படங்கள் வரிசைப் படுத்தப்படுகின்றன. அதில் இடம் பெற்றிருக்கும் படங்களில் தமிழ் படங்களும் உள்ளன.

சமீபத்தில் இதில் வெளியான கார்த்திக்கின் மெய்யழகன் திரைப்படம் இந்திய அளவிலான டாப் படங்களின் வரிசையில் இரண்டாவது இடத்தில் உள்ளது. மேலும் கடந்த அக்டோபர் 3 அன்று நெட்பிளிக்ஸ் இல் வெளியான ‘தி கோட்’ திரைப்படம் இந்திய அளவிலான பட வரிசையில் இடம் பிடித்துள்ளது. மேலும் இப்படத்தின் திரையரங்கு வசூல் மட்டுமே 500 கோடியை தாண்டியுள்ளது என்பது குறிப்பிடத்தக்கது. நடிகர் கமல் ஹாசன் நடிப்பில் இயக்குநர் ஷங்கர் இயக்கிய இந்தியன் 2 திரையரங்குகளில் வெளியாகி கலவையான விமர்சனங்களை பெற்றது. இதுவும் தொடர்ந்து நெட்பிளிக்ஸில் டாப் வரிசையில் இருந்து வருகிறது.

நடிகர் விஜயின் லியோவும் இந்த வரிசையில் உள்ளது.  கடந்த சில மாதங்களாக  நடிகர் விஜய் சேதுபதி நடிப்பில், இயக்குநர் நித்திலன் சாமிநாதன் இயக்கிய மகாராஜா திரைப்படம் நெட்பிளிக்ஸ் தளத்தின் டாப் படங்களின் வரிசையில் இடம் பிடித்து இருந்தது. 

அமேசான் பிரைம்

அதிக அளவிலான இந்திய மொழி படங்கள் வெளியாகும் ஓடிடி தளமான அமேசான் பிரைம் அதிக இந்திய பயன்பாட்டாளர்களைக் கொண்டுள்ளது. மேலும் இந்த ஓடிடி தளத்தில் பல தமிழ் படங்கள் வெளியாகி வருகிறது. இந்த வரிசையில் இந்திய அளவில் அதிக பார்வையாளர்களைப் பெற்று வரும் படங்கள் வரிசை உள்ளது. இதில் தனுஷ் இயக்கி நடித்த ராயன் அமேசான் பிரைமின் டாப் படங்கள் வரிசையில் இடம் பெற்றுள்ளது. மேலும் அந்த வரிசையில் யோகிபாபு நடித்துள்ள போட் மற்றும் சூரி நடிப்பில் வெளியான கொட்டுக்காளி ஆகிய படங்கள் இடம் பிடித்துள்ளன.

கூழாங்கல் இயக்குநர் வினோத் ராஜ் இயக்கத்தில் மிகுந்த கலைப்படைப்பாக வெளியான கொட்டுக்காளி பல சர்வதேச திரைப்பட விழாக்களில் திரையிடப்பட்டது. மேலும் ஆணாதிக்க சமூகத்தின் பார்வையை இப்படத்தின் வாயிலாக இயக்குநர் பி. எஸ். வினோத் ராஜ் காட்டியிருந்தார். இயக்குநர் சிம்பு தேவன் இயக்கத்தில் யோகி பாபு நடித்து வெளியான கோட் படமும் வித்தியாசமான கண்ணோட்டத்தில் சுதந்திரத்திற்கு முந்தைய இந்தியாவின் நிகழ்வுகளை காட்டியிருந்தார். அதனை அடுத்து சூரி மற்றும் சசிகுமார் நடிப்பில் வெளியான கருடன், விஷால் மற்றும் எஸ்.ஜே.சூர்யா நடிப்பில் வெளியான மார்க் ஆண்டனி ஆகிய படங்கள் உள்ளன.

ஹாட்ஸ்டார்

டிஸ்னியுடன் இணைந்து படங்களை வெளியிட்டு வரும் ஒரு ஓடிடி தளம் தான் ஹாட்ஸ்டார். இதில் தமிழ் மொழி திரைப்படங்கள், நாடகங்கள், நிகழச்சிகள் வெளியாகும். இதில் சமீபத்தில் வெளியான வாழை படம் டாப் படங்களின் வரிசையில் இடம் பிடித்துள்ளது. மாரி செல்வராஜ் இயக்கத்தில் வெளியான வாழை திரையரங்குகளில் வசூலை குவித்ததை போல ஹாட்ஸ்டாரிலும் வெளியாகி முன்னிலையில் உள்ளது. மேலும் சுந்தர் சி இயக்கத்தில் வெளியான அரண்மனை சீரிஸ் ஆன அரண்மனை-4 சில தினங்களுக்கு முன் வெளியானது. திரையரங்குகளில் வசூலை குவித்த அரண்மனை ஓடிடி யிலும் வெளுத்து வாங்கிக் கொண்டிருக்கிறது. இந்நிலையில் வரும் தீபாவளிக்கு திரையரங்குகளில் வசூல் வேட்டை நடத்திய லப்பர் பந்து ஹாட்ஸ்டாரில் வெளியாக உள்ளது.