Leo Success Meet: ‘கண்ணைக் காட்டுங்க அண்ணா.. லியோ 2 எடுக்கலாம்’ மேடையில் வெளுத்து வாங்கிய லோகேஷ்!
விஜய் அண்ணா கண்ணை காண்பித்தால் போதும் லியோ 2 எடுத்து விடலாம் என இயக்குநர் லோகேஷ் கனகராஜ் பேசினார்.
நடிகர் விஜய் நடிப்பில் வெளியான லியோ திரைப்படம் வெற்றியை தொடர்ந்து அதற்கான சக்சஸ் மீட், சென்னை நேரு உள்விளையாட்டு அரங்கில் அமோகமாக நடைபெற்று வருகிறது.
வெற்றி சந்திப்பில் தளபதி விஜய் மற்றும் இயக்குனர் லோகேஷ் கனகராஜ் உட்பட “லியோ” படத்தின் படக்குழு அனைவரும் கலந்து கொண்டனர்.
விழாவில் இயக்குநர் லோகேஷ் கனகராஜ் பேசுகையில், “ நன்றி என்று சொல்வதை விட வேறென்ன சொல்வது என்று எனக்கு தெரியவில்லை. என்னை நம்பி இரண்டாவது முறையாக வாய்ப்பு கொடுத்ததற்கு நன்றி. லவ் யூ சோ மச் அண்ணா.
எனக்கு தெரிந்து எந்த புரமோஷனும் இல்லாமல் அமைந்த படம் இது என்று நினைக்கிறேன். ஆடியோ வெளியீட்டு விழா நடக்காமல் போன போது, என்னுடைய உதவி இயக்குநர்களை மேடை ஏற்றாமல் போனதில் வருத்தம் தான்.
ஆனால் அதை விட பெரிய ஸ்டேஜ் கிடைத்து இருக்கிறது. இந்த படத்தின் முதல் பைனல் காப்பி காண்பித்த உடன் எனக்கு விஜய் அண்ணா கட்டிப்பிடித்து முத்தம் கொடுத்தார். அன்றே இந்த படம் எனக்கு திருப்தியாக இருந்தது.
முதல் நாள் மக்கள் இரண்டாம் பாதியில் லேக் இருப்பதாக சொன்னார்கள். ஆனால் அடுத்தடுத்த விமர்சனங்களில் ரத்னகுமார் சொன்னது போல குடும்பங்கள் கொண்டாடும் கேங்ஸ்டர் கொண்டாடும் படமாக மாறியிருக்கிறது.
ஆரம்பத்தில் படத்திற்காக ஆராய்ச்சி செய்யும் போது போதைப்பொருள் இந்த சமூகத்தில் அவ்வளவு புழக்கத்தில் இருக்கிறது என்பது தெரிந்தது. அதனால் தான் நான் படத்தில் அதிகமாக போதை பொருள்களை காண்பிப்பதாக சொல்கிறார்கள்.
எடுப்பது கமர்ஷியல் படம் தான். ஆனால் இந்த போதை பொருட்களை பற்றி விஜய் அண்ணா, கமல் சார் உள்ளிட்டோர் சொல்லும் போது அதன் விளைவு இன்னும் வீரியமாக மக்களிடம் போய் சேரும். அதற்காக இப்படிபட்ட படங்களை எடுக்கிறேன். விஜய் அண்ணா கண்ணை காண்பித்தால் போதும் லியோ 2 எடுத்து விடலாம் “ என்றார்.
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.
டாபிக்ஸ்