Kayal Serial: ‘அட தவுடுக்கு பொறந்தவளே..’-தீயை மாற்றி வைத்த தோழி.. அலறிய தீபிகா.. கடுகடுத்த கயல்!- வடிவின் திட்டம் என்ன?
Kayal Serial: கை சிவந்தால், அவர்தான் அவருக்கு உரித்தான காதலன் மீது அதிக காதல் வைத்திருக்கிறார் என்று அர்த்தம் என்று கூறினாள். இதனையடுத்து மருதாணி காய்ந்து இருவரும் கையை கழுவினர். அப்போது கயல் கை சிவக்கவே இல்லை.
கயல் சீரியலின் நேற்றைய எபிசோடில் நடந்தது என்ன?
கயல் சீரியலில் நேற்றைய எபிசோடில், தீபிகா கயல் வீட்டிற்கு வந்து கயலுக்கு மருதாணி வைத்தாள். அத்துடன் தானும் மருதாணி வைத்துக் கொண்டாள். இதனையடுத்து பேசிய தீபிகா, யார் கை அதிகமாக சிவக்கிறதோ, அவர்தான் அவருக்கு உரித்தான காதலன் மீது அதிக காதல் வைத்திருக்கிறார் என்று அர்த்தம் என்று கூறினாள். இதனையடுத்து மருதாணி காய்ந்து இருவரும் கையை கழுவினர். அப்போது கயல் கை சிவக்கவே இல்லை. ஆனால், தீபிகாவின் கை நன்றாகவே சிவந்திருந்தது.
இதை காரணம் காட்டி கயலை ஜாடை, மாடையாக தீபிகா பேச கோபமடைந்த கயலின் தங்கை, இன்னொரு மருதாணி கோனை எடுத்து வந்து, மீண்டும் கயலுக்கு மருதாணி வைத்தாள். இறுதியாக காய வைத்து, கழுவும் பொழுது கயலின் கை மிகவும் சிவப்பாக மாறி இருந்தது. இதையடுத்து தன்னுடைய திட்டம் தவிடு பொடியானதை நினைத்து வெட்கி தலை குனிந்தாள் தீபிகா.
தீபிகா போட்ட திட்டம்
இதற்கிடையே தீபிகாவின் திட்டப்படி கரண்ட் ஆஃப் ஆக, அவளது உடன் வந்த தோழியிடம், கயலின் ஆடைக்கு தீ வைக்குமாறு கூறினாள். அதன்படி அவள் கயலின் ஆடைக்கு தீ வைக்க முயல, மாற்றாக அது தீபிகாவின் துப்பட்டாவில் பட்டுவிட்டது. தீ தன் மீது பற்றிக்கொண்டதையெடுத்து அலறிய தீபிகாவை பார்த்து அனைவரும் அலறினர். இதனையடுத்து அவள் மீது தண்ணீர் ஊற்றி தீயை அணைத்தனர்.
ஆனால், தீ பரவி அவளது கை வரைக்கும் பரவிச் சென்று காயம் ஏற்பட்டு விட்டது. தீ பட்டதில் கயல் சத்தம் போடுவாள் என்று பார்த்தால், தீபிகா சத்தம் போடுவதை கேட்ட தீபிகாவின் மற்றொரு தோழி கரண்டை ஆன் செய்தாள். அப்போதுதான் தீ வைத்த தோழிக்கு நாம் தீ வைத்தது தீபிகாவிற்கு என்பது தெரிந்தது.
தர்மலிங்கம் என்ன செய்யப்போகிறார்
தீ பட்டதில் தீபிகாவின் ஆடை கருகிய நிலையில், அவளுக்கு வேறு ஆடை கொடுக்குமாறு கயல் அம்மா சொல்ல, கயல் அவளை அழைத்து, அதற்கு மாற்றாக தன்னுடைய சேலையை அணிந்து கொள்ளும்படி கூறினாள். அப்போது கயல், தீபிகாவிடம் உனக்கு ஏன் இந்த வேலை. உன்னுடைய திட்டம் எல்லாம் எனக்கு நன்றாகவே தெரியும்.
தன்வினை தன்னைச்சுடும் என்று சொல்வார்கள் அதுதான் தற்போது நடந்திருக்கிறது என்று கூறினார். இந்த சம்பவங்களை வைத்து பார்க்கும் போது, இன்றைய எபிசோடில் கயல் தீபிகாவை வார்த்தைகளால் வெளுப்பாள் என்று எதிர்பார்க்கலாம். அத்துடன் தீபிகாவின் திட்டம் தோற்றதை கேட்கும் ராஜேஸ்வரி அவளை கடுமையாக கடிந்து கொள்ள வாய்ப்பு இருக்கிறது. இதற்கிடையே தன் பங்குக்கு தர்மலிங்கமும் வடிவும் கல்யாணத்தை நிறுத்த வேறு யுக்தியை கையாள்வார்கள் என்று எதிர்பார்க்கலாம்.
பொறுப்புத் துறப்பு:
இந்தக் கட்டுரையில் உள்ள எந்தவொரு தகவல்/பொருள்/அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன:
டாபிக்ஸ்