Queency: பிக்பாஸ் குயின்சியை டோல்கேட்டில் இலவசமாக அனுமதித்த பணியாளர்கள்

பிக் பாஸ் சீசன் 6 கலந்து சில மாதங்கள் முன்பு நிறைவடைந்தது. இதில் அசீம் டைட்டில் பட்டத்தை தட்டி சென்றார். வழக்கத்திற்கு மாறாக இந்த சீசனில் தான் மக்கள் மத்தியில் இரண்டு பேரை தேர்வு செய்து போட்டியில் பங்கேற்க அனுமதித்தனர். அந்த வகையில் எந்த பக்க பலமும் இல்லாமல் கலந்து கொண்ட சிவின் மற்றும் தனலட்சுமியை ரசிகர்கள் கொண்டாடினர்.

மேலும் நிகழ்ச்சியில் என்ன தான் சண்டை போட்டாலும் வெளியில் வந்தவுடன் அதில் கலந்து கொண்டவர்கள் நண்பர்களாக மாறி பழகி வருவது வழக்கம்.

இந்நிலையில் பிக் பாஸ் ஆறாவது சீசனில் கலந்து கொண்ட அமுதவாணன் மற்றும் குயின்சி வெளியே சென்ற போது எடுத்த வீடியோவை தனது சமூக வலைத்தளங்களில் வெளியிட்டு இருக்கின்றனர்.

அதில் டோல்கேட்டை தாண்டி செல்ல அமுதவாணன், அங்கே இருக்கும் ஊழியர்களிடம் பிக் பாஸ் நிகழ்ச்சிகள் கலந்து கொண்ட குயின்சி வந்திருக்கிறார் என சொல்லி பணம் கட்டாமல் சென்றுள்ளனர்.

மொத்தம் அவர்கள் 1600 ரூபாய் வரை சுங்க கட்டணம் செலுத்தாமல் சென்று இருக்கின்றனர். இதுபோன்று செல்பவர்கள் மீது நடவடிக்கை எடுக்க வேண்டும் என நெட்டிசன்கள் கருத்து தெரிவித்து வருகின்றனர்.

பின்னர் இரண்டாவது பகுதியில் எடுத்த வீடியோவை பதிவு செய்து, தாங்கள் ஃபாஸ்ட் டேக் வைத்து இருக்கிறோம் என்றும் இது நகைச்சுவை வீடியோ என பதவிட்டனர்.

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.