The GOAT Audio Launch: ‘என் நெஞ்சில் குடியிருக்கும்’ - கோட் படத்தின் ஆடியோ லான்ச் நடக்குமா?- வெங்கட் பிரபு பதில்!
The GOAT Audio Launch: கோட் படத்தின் ஆடியோ லான்ச் நடக்குமா நடக்காதா என்பது குறித்து இயக்குநர் வெங்கட் பிரபு பேசி இருக்கிறார்
The GOAT Audio Launch: கோட் படத்தின் ஆடியோ லான்ச் குறித்து அந்தப்படத்தின் இயக்குநர் வெங்கட் பிரபு பதில் கொடுத்திருக்கிறார்.
ஆடியோ லான்ச் நடக்குமா?
இது குறித்து அவர் பேசும் போது, “கோட் படத்திற்கான ஆடியோ லான்ச் நடக்க வேண்டும் என்று, ஒரு விஜய் ரசிகனாக எனக்கும் ஆசை இருக்கிறது. ஆனால், அந்த முடிவு விஜய் சாரின் கையில் தான் இருக்கிறது. இன்னும் இரண்டு மூன்று நாட்களில் கோட் படத்தின் ஆடியோ லான்ச் நடக்குமா? நடக்காதா? என்பது குறித்து நாங்கள் அதிகாரப்பூர்வமாக அறிவித்து விடுவோம்.” என்று பேசினார்.
மேலும் பேசும் போது, “ இந்தப்படம் எனக்கு மறக்க முடியாத பயணம் என்று சொல்லலாம். இந்தப் படம் எப்படி ஆரம்பித்து, எப்படி முடிந்தது என்றே தெரியவில்லை. இந்தப் இடத்தில், நான் அர்ச்சனாவிற்கு நன்றி சொல்ல கடமைப்பட்டிருக்கிறேன். காரணம் என்னவென்றால், இந்தக் கதையை முதலில் நான் அர்ச்சனாவிடம் தான் கூறினேன்.
விஜய் சாரின் அப்பாயிண்ட்மெண்ட்
இந்தக்கதையை எப்படி செய்யலாம் என்று நானும் அவரும்தான் டிஸ்கஸ் செய்து கொண்டிருந்தோம். அந்த சமயத்தில் தான் விஜயின் மேனேஜர் ஜெகதீஷ் மூலமாக விஜய் சாரின் அப்பாயிண்ட்மெண்ட் எனக்கு கிடைத்தது. அந்த அப்பாயிண்ட்மெண்டில்தான் நான் அவரிடம் இந்தக் கதையை கூறினேன். கதை அவருக்கு பிடித்து விட ஏஜிஎஸ் நிறுவனமும், விஜயும் கைகோர்த்து விட்டார்கள்.
இரண்டு பேரும் கைகோர்த்து விட்டதால், பட்ஜெட் பற்றி பிரச்சினையே இல்லாமல் ஆகி விட்டது. என்ன வேண்டும் என்றாலும் யோசிக்கலாம் என்பது போல சூழ்நிலை மாறிவிட்டது. நாங்கள் படம் ஆரம்பித்ததே அமெரிக்காவில்தான்.இந்தப் படத்திற்காக அவ்வளவு நாடுகளுக்கு நாங்கள் பயணப்பட்டு இருக்கிறோம். ஆனால் சூழ்நிலை ரஷ்யாவில் தான் எங்களுக்கு சரி வர அமைந்தது. அதனால் அங்கு படப்பிடிப்பை நடத்தினோம். ரஷ்ய போர் பிரச்சினை நடந்து கொண்டிருந்த போதுதான் அங்கு சென்று நாங்கள் படப்பிடிப்பு நடத்தினோம். அதை எங்களால் மறக்கவே முடியாது. இந்த மாதிரியான தயாரிப்பாளர் கிடைக்கும் பொழுதுதான் எங்களால் அப்படி யோசித்து படம் எடுக்க முடியும்.
யுவன் பாடல்களுக்கு கலவையான விமர்சனங்கள்
மிகவும் பிரபலமான லோலா வி.எஃப்.எக்ஸ் கம்பெனியுடன் நாங்கள் கைகோர்த்து பணியாற்றி இருக்கிறோம். யுவன் இசையமைத்த பாடல்களைப் பொறுத்தவரை கலவையான விமர்சனங்கள் வந்ததை நாங்கள் கவனித்தோம். ஆனால் நீங்கள் படம் பார்த்து விட்டு வெளியே வரும் பொழுது பாடல்கள் அனைத்தும் உங்களுக்கு விஷுவல் ட்ரீட் ஆக அமைந்து பிடித்துதான் வெளியே வருவீர்கள் என்று நாங்கள் நம்புகிறோம்.
இந்தப்படத்தில் நடித்த பிரபுதேவா,பிரசாந்த் உள்ளிட்டவர்களுக்கு நான் நன்றி தெரிவித்துக் கொள்கிறேன். காரணம் என்னவென்றால், இந்தப்படத்தில் எல்லா கேரக்டர்களுக்கும் அதிக முக்கியத்துவம் இருந்த போதும், ஒன்றாக அவர்கள் நடிக்க ஒத்துக் கொண்டது பெரிய விஷயம். இது உங்களுக்கு நிச்சயமாக ட்ரீட்டாக அமையும். எந்த இடத்திலும் படம் முகம் சுளிப்பது போல நிச்சயமாக இருக்காது.” என்று பேசினார்.
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன:
தொடர்புடையை செய்திகள்
டாபிக்ஸ்