Cool Suresh: இந்தியன் 2க்கு வணக்கத்த போடு.. குதிரையில் வந்து கதற விடும் கூல் சுரேஷ்!
Cool Suresh: இந்தியன் 2 படம் பார்க்க இந்தியன் தாத்தா கெட்டப்பில் வந்த கூல் சுரேஷ் அலப்பறை செய்து இருக்கிறார்.
பிரமாண்ட இயக்குநர் ஷங்கர் இயக்கத்தில், கமல் ஹாசன் நடிப்பில், கடந்த 1996 ஆம் ஆண்டு வெளியான திரைப்படம் ‘இந்தியன்’. இந்த படத்தின் இரண்டாம் பாகமான ‘இந்தியன் 2’ திரைப்படம் இன்று ( ஜூலை 12 ) வெளியாகி இருக்கிறது.
இந்த படம் தமிழ், தெலுங்கு, இந்தி, மலையாளம், கன்னடம் என பல மொழிகளில் வெளியாகிறது. மிகவும் எதிர்பார்க்கப்பட்ட இந்தியன் 2 படம், வெளியாகி இருப்பதை கமல் ஹாசன் ரசிகர்கள் கொண்டாடி வருகிறார்கள்.
படத்தை பார்த்த பலரும் எதிர்மறையான விமர்சனங்களை தெரிவித்து வருகிறார்கள். இதனால் வசூல் எந்த அளவிற்கு பாதிக்கும் என பயத்தில் படக்குழு இருப்பதாக சொல்லப்படுகிறது.
கதற விடும் கூல் சுரேஷ்
இந்நிலையில் இந்தியன் 2 படத்திற்கு கூல் சுரேஷ், இந்தியன் தாத்தா கெட்டப்பில் குதிரையில் வந்து அலப்பறை செய்து இருக்கிறார். "வெந்து தணிந்தது காடு... இந்தியன் 2க்கு வணக்கத்த போடு.." என வழக்கம் போல் பஞ்ச் வசனம் பேசி கதற விட்டார்.
படக்குழு
சித்தார்த், சித்ரா வரதராஜனாக நடித்து உள்ளார். மற்ற குறிப்பிடத்தக்க வேடங்களில் ரகுல் ப்ரீத் சிங், எஸ்.ஜே.சூர்யா, பாபி சிம்ஹா, விவேக், ஆர்த்தியாக பிரியா பவானி சங்கர், பிரம்மானந்தம், சமுத்திரக்கனி, காளிதாஸ் ஜெயராம், இன்ஸ்பெக்டராக கிருஷ்ணசாமியாக நெடுமுடி வேணு, டெல்லி கணேஷ், மனோபாலா, ஜெகன், தம்பேஷ், குல்ஷன் குரோவர், ஜாகீர் ஆகியோர் நடித்து உள்ளனர்.
ஹுசைன், பியூஷ் மிஸ்ரா, அகிலேந்திர மிஸ்ரா, ஜெயபிரகாஷ், ஜி. மாரிமுத்து, ஜார்ஜ் மேரியன், வினோத் சாகர், யோகராஜ் சிங், ரேணுகா, கல்யாணி நடராஜன், சி. ரங்கநாதன், பெனடிக்ட் காரெட், ரவி வெங்கட்ராமன், சேரன்ராஜ், டெமி - லீ டெபோ ஆகியோர் சிறப்புத் தோற்றத்தில் நடித்து உள்ளனர்.
இந்தியன் 2 பட வசூல்
இந்நிலையில் இந்தியன் 2 படம் உலகளவில் இது வரை ப்ரீ புக்கிங்கில் மட்டுமே ரூ. 13 கோடிக்கு மேல் வசூல் செய்து உள்ளதாக தகவல் வெளியாகி உள்ளது.
கமல் ஹாசன் மேக்கப்
இந்த வயதிலும் அதிகாலை 3 மணிக்கு எழுந்து செயற்கை மேக்கப்பை தயார் செய்து கொண்டார். மேலும், மாலை வரை அதே மேக்கப்பில் இருந்த அவர் நடிப்பின் மீதுள்ள ஆர்வத்தை வெளிப்படுத்தியதாக படக்குழு தெரிவித்து உள்ளது.
இந்தியன் 2 பட்ஜெட் மற்றும் சம்பளம்
இந்தியன் 2 படம் சுமார் 250 கோடி ரூபாய் பட்ஜெட்டில் எடுக்கப்பட்டு உள்ளதாக கூறப்படுகிறது. செய்திகளின் படி, கமல் ஹாசன், இந்தியன் 2 படத்தில் நடித்ததற்காக 150 கோடி ரூபாய் பெற்றார்.
லோகேஷ் கனகராஜின், விக்ரம் படத்திற்காக அவர் 50 கோடி ரூபாயும், பிரபாஸ் நடித்த 'கல்கி 2898 AD' படத்திற்காக 40 கோடி ரூபாயும் சம்பாதித்ததாக முந்தைய தகவல்கள் தெரிவிக்கின்றன.
ஃபோர்ப்ஸ் இந்தியாவின் அறிக்கை படி, கமல் ஹாசன் 2024 ஆம் ஆண்டில் இந்தியாவில் அதிக சம்பளம் வாங்கும் நடிகர்களின் பட்டியலில் ஏழாவது இடத்தில் இருக்கிறார்.
சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
டாபிக்ஸ்