OTT Kids Movies : குழந்தைகளுக்கு லீவு விட்டா இனி கவலைய விடுங்க.. ஓடிடி-யில் இந்த மூவி போடுங்க.. அமைதியா பாப்பாங்க!
OTT Kids Movies : ஓடிடி-யில் ஆயிரக்கணக்கான திரைப்படங்கள் உள்ளது, ஆனால் நாம் விரும்பும் படங்களைத் தேர்ந்தெடுப்பது மற்றும் கண்டுபிடிப்பது எளிதல்ல. குறிப்பாக குழந்தைகள் படங்களில் நிறைய குழப்பங்கள் உள்ளன. இப்போது குழந்தைகள் மட்டுமல்ல, அவர்களுடன் அமர்ந்து நீங்களும் ஓடிடியில் இந்தப் படங்களைப் பார்க்கலாம்.
இடம்பெயர்தல் (Migration)
இந்த படத்தில் ஒரு வாத்து குடும்பம் தங்களது இருப்பிடத்தை விட்டு வேறு ஒரு இடத்திற்கு இடம்பெயர்கிறது. இதுதான் இந்த படத்தின் டைட்டில் ஆகவும் வைக்கப்பட்டுள்ளது. அந்த வாத்து குடும்பம் செல்லும் வழியில் நடக்கும் சில சுவாரஸ்ய சம்பவங்கள் மற்றும் இன்னல்களை நகைச்சுவை கலந்து இந்த படத்தில் அழகாக எடுக்கப்பட்டுள்ளது. இப்படம் ஜீ 5 மற்றும் அமேசான் பிரைமில் ஸ்ட்ரீம் ஆகிறது.
ஆன்வர்டு (Onward)
ஆன்வர்டு ஒரு சாகச திரைப்படம். இது ஒரு உணர்வுபூர்வமான பயணமும் கூட. இப்படம் உடன்பிறப்புகளின் பிணைப்பையும் குடும்பத்தின் வலிமையையும் எடுத்துக்காட்டுகிறது. இப்படம் டிஸ்னி பிளஸ் ஹாட்ஸ்டார் ஓடிடியில் கிடைக்கிறது.
தி பாஸ் பேபி (The Boss Baby)
2017ஆம் ஆண்டு வெளியான தி பாஸ் பேபி படம் முழுக்க முழுக்க குழந்தையின் பாசப்போராட்டத்தை மையப்படுத்தி நகைச்சுவை உணர்வோடு எடுக்கப்பட்ட அட்டகாசமான அனிமேசன் படம்.டாம் மெக்ரத் இந்த படத்தினை இயக்கியுள்ளார். அப்பா, அம்மா, மகன் என மகிழ்ச்சியாக வாழ்ந்து கொண்டிருக்கும் வீட்டில் எங்கிருந்தோ வரும் குழந்தை அவர்களின் பாசத்தை பெறுகையில், 7 வயது சொந்த மகனுக்கு ஏற்படும் ஏக்கத்தையும், கோபத்தையும் நகைச்சுவையோடு சொல்லும் இந்த அனிமேஷன் படத்தை நெட்ப்ளிக்ஸ் ஓடிடி தலத்தில் பாருங்க. குழந்தைகள் விரும்பி பார்ப்பார்கள்.