Box office: ‘கொட்டுக்காளி’, ‘வாழை’, ‘தங்கலான்’, ‘டிமான்டி காலனி’.. சண்டை செய்யும் இயக்குநர்கள்! - வசூல் விபரங்கள்!

Sacnilk தளம் வெளியிட்டு இருக்கும் தகவலின் படி, முதல் நாளில் 1.15 கோடி வசூல் செய்த வாழைத்திரைப்படம், இரண்டாவது நாளில் 2.50 கோடி ரூபாய் வசூல் செய்திருந்தது. இந்த நிலையில், ஞாயிற்றுக்கிழமையான நேற்று 4 கோடி ரூபாய் வசூல் செய்திருக்கிறது. இதன் மூலம் வாழை திரைப்படம் மூன்று நாட்களில் 7.65 கோடி ரூபாய் வசூல் செய்திருக்கிறது. உலகளவில் வாழை திரைப்படம் 8.8கோடி ரூபாய் வசூல் செய்திருக்கிறது.

கொட்டுக்காளி திரைப்படம்

சூரியின் கொட்டுக்காளி திரைப்படம் வெளியான அன்றைய தினம் 0.42 கோடி ரூபாயும், இரண்டாவது நாளான நேற்று 0.33 கோடியும் ரூபாயும் வசூல் செய்தது. இந்த நிலையில், மூன்றாவது நாளான நேற்று கொட்டுக்காளி திரைப்படம் 0.29 கோடி ரூபாய் மட்டுமே வசூல் செய்திருக்கிறது. இதன் மூலம் இந்தப்படம் மூன்று நாட்களில் 1.04 கோடி ரூபாய் மட்டுமே வசூல் செய்திருப்பது தெரியவந்திருக்கிறது. உலகளவில் பார்க்கும் போது இந்தத்திரைப்படம் 1.17 கோடி ரூபாய் வசூல் செய்திருக்கிறது.

இயக்குநர் பா.இரஞ்சித் இயக்கத்தில் நடிகர் விக்ரம், நடிகை பார்வதி, நடிகை மாளவிகா மோகனன், பசுபதி உள்ளிட்ட பல நட்சத்திரங்கள் நடித்து, ஆகஸ்ட் 15ஆம் தேதி வெளியாகி இருக்கும் திரைப்படம், தங்கலான். இந்தத் திரைப்படத்திற்கு பிரபல இசையமைப்பாளரான ஜி வி பிரகாஷ் குமார் இசையமைத்திருக்கிறார்.

பாக்ஸ் ஆபிஸில் பட்டையைக் கிளப்பும் தங்கலான்:

இந்தியாவில், வெளியான அன்று 13 கோடி வசூல் செய்த தங்கலான் திரைப்படம், 2 வது நாளில் 4 கோடி வசூல் செய்தது. சனியும், ஞாயிறும் தோராயமாக 6 கோடி வரை வசூல் செய்த தங்கலான் திரைப்படம், திங்கள் கிழமை 2 கோடியும், செவ்வாய் கிழமை 1.62 கோடி ரூபாயும் வசூல் செய்திருந்தது. 

இந்த நிலையில், படம் வெளியான 11 வது நாளான நேற்று, தங்கலான் திரைப்படம் 1.50 கோடி வசூல் செய்திருக்கிறது. ஆக மொத்தமாக பார்க்கும் பொழுது, தங்கலான் திரைப்படம் இதுவரை 49.25 கோடி வரை வசூல் செய்திருக்கிறது என்று சொல்லப்படுகிறது. உலகளவில் பார்க்கும் போது இந்தத்திரைப்படம் 65 கோடி ரூபாய் வரை வசூல் செய்திருக்கிறது

டிமான்டி காலனி 2

அஜய் ஞானமுத்து இயக்கத்தில் அருள்நிதி மற்றும் பிரியா பவானி சங்கர் நடிப்பில் உருவான திரைப்படம் டிமான்ட்டி காலனி 2. தங்கலான் திரைப்படத்திற்கு போட்டியாக வெளியான டிமான்டி காலனி 2 திரைப்படம், கடந்த வெள்ளிக்கிழமை 1.50 கோடி வசூலித்த நிலையில், சனிக்கிழமை ஆச்சரியமாக படத்தின் வசூலானது 60 சதவீதம் அளவுக்கு உயர்ந்து, 2.40 கோடி ரூபாய் வசூல் செய்தது.

இந்த நிலையில் நேற்றைய தினம் இந்தத்திரைப்படம் 3.05 கோடி ரூபாய் வசூல் செய்திருக்கிறது. ஆக மொத்தமாக பார்க்கும் போது டிமான்டி காலனி திரைப்படம் இந்திய அளவில் 32.5 கோடி ரூபாயும், உலகளவில் பார்க்கும் போது அதிலிருந்து 4.5 கோடி அதிகரித்து 37 கோடி ரூபாயும் வசூல் செய்திருக்கிறது.

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.

சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews

https://www.facebook.com/HTTamilNews

https://www.youtube.com/@httamil

Google News: https://bit.ly/3onGqm9