Bigg Boss 7 Tamil: சபைக்கு வந்த கார்டு பஞ்சாயத்து; கேள்விகளை அடுக்கிய கமல்; திருதிருவென முழிக்கும் நிக்சன்!

இந்த டாஸ்க்கில் முயலை நிக்சன் நெருங்கி இருந்த நிலையில், அவர் ஒரு கார்டை எடுத்தார். அந்த கார்டில் 2 ஸ்டெப் முன்னே செல்லலாம் என்று எழுதப்பட்டு இருந்தது. இதனையடுத்து அவர் வெற்றி பெற்றதாக அறிவிக்கப்பட்டது.

ஆனால் நிக்சன் கள்ளாட்டம் ஆடுவதை வசமாக கண்டுபிடித்த நெட்டிசன்கள், நிக்சன் சில கார்டுகளில் அடையாளம் வைத்திருந்ததாகவும், அதன் அடிப்படையிலே அவர் வெற்றி பெற்றதாகவும் கூறி, அதற்கான வீடியோக்களையும் வெளியிட்டனர்.

அதுமட்டுமன்றி அவர் அடையாளம் வைத்த கார்டுகளை வைத்தே எலிமினேஷன் செய்ததும் வெளிச்சத்திற்கு வந்தது. மேலும் நடுவராக இருந்த விஜய் வர்மாவும், நிக்சனின் திட்டத்திற்கு உதவிகரமாக இருந்ததும் தெரியவந்தது.

இதனிடையே கார்டுகளில் அடையாளம் வைக்கப்பட்டதை மற்றொரு நடுவராக இருந்த அர்ச்சனா கண்டுபிடித்து, பிக்பாஸிடம் சொன்னார். ஆனால், பிக்பாஸோ அதனை கண்டு கொள்ளவில்லை. இந்த நிலையில் இந்த விவகாரம் இன்று கமல் முன்னிலையில் பஞ்சாயத்திற்கு வருமா என்று எதிர்பார்க்கப்பட்டது. எதிர்பார்த்த படியே அது இன்றைய தினம் இடம் பெற்று இருக்கிறது என்பது இன்று வெளியாகி இருக்கும் புரமோவில் காண்பிக்கப்பட்டு இருக்கிறது