Aranthangi Nisha: வலுக்கும் மணிமேகலை, பிரியங்கா பஞ்சாயத்து - கண்டனம் தெரிவிக்கும் அறந்தாங்கி நிஷா

பேச முடியாது

இதில் வேறு ஒரு விஷயம் சொல்ல வேண்டும் என்று நான் நினைக்கிறேன். பொதுவாக இதை நான் பற்றி பேச வேண்டும் என்று நினைக்கிறேன். பெண்களுக்கு என்றால் நான் குரல் கொடுப்பேன். ஒரு பிரச்னை தொழில் சார்ந்து வருகிறது என்றால், அவரின் தொழில் பற்றி பேசலாம். அதைவிட்டு அவர் வாழ்க்கையில் நடந்த விஷயத்தை பற்றி நாம் பேசக் கூடாது. இதற்கு நான் கண்டனம் தெரிவிக்கிறேன். நான் இருவரிடமும் பேசினால் மட்டுமே என்ன பிரச்னை என்பது தெரியவரும். இல்லாமல் அதை பற்றி பேச முடியாது “ என்றார்.

மாகாபா ஆனந்த்

முன்னதாக இந்த விவகாரம் தொடர்பாக மாகாபா ஆனந்த் கூறுகையில், ” மணிமேகலை மற்றும் பிரியங்கா பங்கேற்று வரும் அந்த நிகழ்ச்சியில் நான் கலந்து கொள்ளவில்லை. அதனால் என்னால் நேரடியாக பார்க்காமல் எந்த கருத்தை சொல்ல முடியாது.

நாம் ஒரு காட்டுக்குள் சென்று கொண்டிருக்கும் போது அங்கு இரண்டு யானைகள் சண்டை போட்டுக் கொண்டிருந்தால் அதை பார்த்து நாம் ஒதுங்கி சென்று விட வேண்டும். அதை விட்டு நான் சென்று அவற்றை சமாதானப்படுத்த முயன்றால் நம்மை நசுக்கி விடும் “ என்று தெரிவித்தார்.

சம்பளத்தில் பாகுபாடு

விஜய் டிவியில் பணியாற்றும் தொகுப்பாளர்கள் பிரியங்கா மற்றும் மணிமேகலை தொடர்பான சம்பள விவரம் சமூக வலைதளங்களில் வலம் வருகிறது.

அதன் படி, பிரியங்காவிற்கு ஒரு எபிசோடிற்கு இரண்டரை லட்சம் ரூபாய் வரை சம்பளம் வழங்கப்படுவதாக சொல்லப்படுகிறது. அதே போல் மணிமேகலைக்கு 50 ஆயிரம் ரூபாய் முதல் 1 லட்சம் ரூபாய் வரை சம்பளம் கொடுப்பதாக பேசப்படுகிறது. இருப்பினும் இது அதிகாரப்பூர்வ தகவல் இல்லை என்பதால் ரசிகர்கள் குழப்பத்தில் இருக்கிறார்கள்.

பொறுப்புத் துறப்பு

இந்தக் கட்டுரையில் உள்ள எந்தவொரு தகவல், பொருள் அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.