ஏஆர் ரகுமான் சாய்ரா பானு பிரிவிற்கு இசை கலைஞர் மோகினி காரணம் இல்லை! விளக்கமளித்த வழக்கறிஞர்!

ரஹ்மான்-சாயிராவின் வழக்கறிஞர் 

ரிபப்ளிக் டிவிக்கு வழக்கறிஞர் வந்தனா ஷா அளித்த பேட்டியில், "இந்த இரண்டு விவகாரத்துகளுக்கும் எந்த தொடர்பும் இல்லை. சாயிராவும் ரஹ்மானும் தாங்களாகவே இந்த முடிவை எடுத்தனர். ரஹ்மான் மற்றும் சாய்ரா பானு ஆகியோர் கடந்த இரு தினங்களுக்கு முன்னர் நவம்பர் 19 அன்று மாலை தாங்கள் பிரிவதாக அறிவித்தனர், இது 'அவர்களின் உறவில் குறிப்பிடத்தக்க உணர்ச்சி அழுத்தம்' என்று குறிப்பிட்டனர்.

29 வயதான மோகினி, கொல்கத்தாவைச் சேர்ந்த பாசிஸ்ட் கலைஞர், கான் பங்களாவின் விண்ட் ஆஃப் சேஞ்சின் ஒரு பகுதியாக உள்ளார். இவர் ரஹ்மானுடன் உலகளவில் 40 க்கும் மேற்பட்ட நிகழ்ச்சிகளில் பங்கேற்றுள்ளார். அவரும் கடந்த செவ்வாய் கிழமையன்று இன்ஸ்டாகிராமில், "தனது இசைக்கலைஞர் கணவர் மார்க் ஹார்ட்சுவிடம் இருந்து பிரிந்ததாக ஒரு பதிவில் அறிவித்தார். நீங்கள் எங்களுக்கு வழங்கிய அனைத்து வழிகளிலும் உங்கள் ஆதரவை நாங்கள் பாராட்டுகிறோம். இந்த நேரத்தில் எங்களிடம் நேர்மறையாக இருப்பதன் மூலமும், எங்கள் தனியுரிமையை மதிப்பதன் மூலமும் நாங்கள் எடுத்த முடிவை மதிக்கவும். எந்த தீர்ப்பையும் நாங்கள் பாராட்ட மாட்டோம்" என்று அவரது அறிக்கையில் தெரிவித்து இருந்தார். இந்த இரண்டு அறிவிப்புகளையும் பலரும் இணைத்து  தொடர்பு படுத்து பல பதிவுகளை போட்டு வந்தனர்.  அவை ஒருவருக்கொருவர் மிகவும் நெருக்கமாக வந்ததால், ரஹ்மான் மற்றும் சாயிராவின் வழக்கறிஞர் இப்போது அதை திட்டவட்டமாக மறுத்துள்ளார்.