Vadivukkarasi: "கூனுக்கு மாவுக்கட்டு மலை.. நிமிரவே முடியல...ரஜினி சொன்ன அந்த வார்த்தை" - வடிவுக்கரசி!

இது குறித்து அவர் பேசும் போது, "நடிகர் சூர்யா 'பேரழகன்' திரைப்படத்தில், கூன் வைத்த கதாபாத்திரத்தில் நடித்திருப்பார். அப்போதெல்லாம் அது போன்று நடிப்பதற்கான வசதிகள் ஓரளவுக்கு வந்து விட்டன; ஆனால், நான் ' அருணாச்சலம் ' திரைப்படத்தில் நடிக்கும் பொழுது, அது போன்ற வசதிகள் எல்லாம் பெரிதாக கிடையாது.

மாவுக்கட்டு போடக்கூடிய மாவு:

எலும்பு முறிவு சிகிச்சைக்கு மாவுக்கட்டு போடுவார்களே, அந்த மாவை ஒரு குட்டி மலை போல செய்து, அதற்குள் பஞ்சை வைத்து அடைத்து, என் முதுகில் வைத்தார்கள். அப்படித்தான் அந்த கதாபாத்திரத்தை கூன் விழுந்த கதாபாத்திரமாக மாற்றினார்கள். அதை முதுகில் வைத்துக்கொண்டு அதற்கு மேலே என்னுடைய ஜாக்கெட்டைஅணிய வேண்டும். அதற்கு மேலே கதாபாத்திரத்திற்கான ஜாக்கெட்டை அணிய வேண்டும்.

அந்தக் கதாபாத்திரத்திற்கு அது தேவைப்பட்டது. நான் கொஞ்சம் நிமிர்ந்தால் கூட, அந்த மலை என் முதுகில் குத்தும். அதனால் என்னால் நிமிரவே முடியவில்லை.

அந்த பொசிஷனில் நாம் அப்படியே இருக்க வேண்டிய நிலைமை உருவாகி விட்டது. ஷூட்டிங் முடிந்த உடன் அதை எடுத்து விட்டு நிமிரும் பொழுது, என்னால் நிமிரவே முடியவில்லை.

ரஜினி காட்டிய கரிசனம்!

எனக்கு அந்த மேக்கப்பை செய்தது மேக்கப் மேன் சுந்தரமூர்த்திதான். அவர் அந்த மேக்கப் போட்டு முடித்தவுடன், ரஜினி சாரிடம் சென்று, சார்... வடிவுக்கரசிக்கு மேக்கப் போடப்பட்டு விட்டது. அதை நீண்ட தாங்கி நிற்பது கொஞ்சம் கஷ்டம்.. என்று சொன்னார்.

அதனை சரியாக புரிந்து கொண்ட ரஜினி சார், ஷூட்டிங் ஸ்பாட்டுக்கு வந்த உடன் நான் ரெடியாகி இருந்தால், எனக்கான காட்சிகளை முதலில் எடுக்க வலியுறுத்துவார். அதேபோல எந்த ஹீரோவும் செய்ய மாட்டார்கள். அப்படிப்பட்ட பாசிட்டிவான கேரக்டர்கள் அவரிடம் இருப்பதின் காரணமாகத்தான், அவர் இன்று அவ்ளோ பெரிய உயரத்தில் இருக்கிறார்." என்று பேசினார்.

முன்னதாக, 'முதல் மரியாதை ' திரைப்படத்தில் சிவாஜி மனைவி யாக நடித்த அனுபவம் குறித்து பேசினார். அந்த பேட்டி இங்கே!