துப்பாக்கி எப்பவுமே கனமானது! அமரன் புரோமோசன் விழாவில் சிவகார்த்திகேயன்!

நடிகர் சிவகார்த்திகேயன் 

தொலைக்காட்சி தொகுப்பாளராக இருந்து, மெரீனா படம் மூலம் அறிமுகமாகி தற்போது டாப் ஹீரோக்கள் வரிசையில் சிவகார்த்திகேயன் உள்ளார். கடைசியாக இவரது நடிப்பில் அயலான் திரைப்படம் வெளியாகி கலவையான விமர்சனங்களை பெற்றிருந்தது. தற்போது ராஜ்குமார் பெரியசாமி இயக்கத்தில் அமரன் படத்தில் நடித்து முடித்தள்ளர். இப்படம் தமிழ்நாட்டைச் சேர்ந்த மறைந்த முன்னாள் இராணுவ வீரர், மேஜர் முகுந்த் வரதராஜனின் வாழ்கையில் நடந்த சம்பவத்தை மையப்படுத்தி உருவாக்கப்பட்டுள்ளது. இப்படத்தின் டீசர் மற்றும் ‘ஹே மிஅமரன் படத்தை அடுத்து சிவகார்த்திகேயன் ஏ. ஆர். முருகதாஸ் இயக்கத்தில் ஒரு படத்தில் நடித்து வருகிறார். இப்படத்திற்கு இதுவரை பெயரிடப்படவில்லை. 

விஜயின் துப்பாக்கி 

சமீபத்தில் விஜய் நடித்து இயக்குநர் வெங்கட்பிரபு இயக்கிய ‘தி கோட்’ படம் திரையரங்குகளில் வெளியாகி வெற்றிகரமாக ஓடி வருகிறது.  இப்படத்தில் நடிகர் சிவகார்த்திகேயன் கெஸ்ட் ரோலில் நடித்து இருந்தார். அவர் வரும் காட்சியில் விஜய் சிவகார்த்திகேயனை பார்த்து ‘துப்பாக்கியை புடிங்க’ என்று விஜய் வசனம் பேசியிருப்பார். இதன் மூலம் விஜய்க்கு அடுத்தபடியாக சிவகார்த்திகேயன் என்ற சமூக வலைதளங்களில் பேசப்பட்டு வருகிறது. இதனை சமீபத்தில் ஒரு நிகழ்ச்சியின் போது சிவ கார்த்திகேயன் மறுத்துள்ளார். 

இந்நிலையில், அமரன் படத்தின் அறிமுக விழாவில் நடிகர் சிவகார்த்திகேயனிடம் நிகழ்ச்சி தொகுப்பாளர், “இது ஒரு மிலிட்டரி படம் துப்பாக்கியின் கனம் எப்படி இருக்கு?” என கேட்டார். அதற்கு பதிலளித்த சிவகார்த்திகேயன் சிரித்துவிட்டு, “துப்பாக்கி எப்போதும் ரொம்ப ரொம்ப கனமானது. அதை சரியாக கையாள வேண்டும். அதை முடிந்த அளவுக்கு சரியாக கையாண்டிருக்கிறோம் என நினைக்கிறேன். அதற்கான தைரியத்தை கொடுக்க எங்களுக்கு கமல்ஹாசன் இருக்கிறார். இந்த கதையை நான் தேர்ந்தெடுத்தாக நான் நினைக்கவில்லை. இந்த கதை தான் என்னை தேர்ந்தெடுத்துள்ளது. இதனை முக்கியமான பொறுப்பாக கருதி, கடினமான உழைப்பை கொடுத்துள்ளோம்” என்றார்.

கமல்ஹாசன் மகிழ்ச்சி 

அமரன் திரைப்படத்தை நடிகர் கமல்ஹாசனின் ராஜ் கமல் இன்டர்நேஷனல் பிலிம் தயாரித்துள்ளது. மேலும் இப்படத்தின் அறிமுக விழாவில் பேசிய கமல்ஹாசன், ‘இந்த படம் நமது நிஜக் கதைதான். குருதிப்புனல், கடமை கண்ணியம் கட்டுபாடு வரிசையில் இது இல்லை. இந்த கதை இருந்தது. நாங்கள் தான் தேர்வு செய்தோம்.’எனத் தெரிவித்தார். இப்படம் தீபாவளி அன்று வரும் நிலையில் படத்தின் டிரைலர் சில தினங்களுக்கு முன் வெளியாகியது. மேலும் பல படங்களோடு போட்டியாக இப்படம் வெளி வருவதால் எந்த படம் பந்தயம் அடிக்கப் போகிறது என்ற ஆவலும் அதிகரித்து உள்ளது. இனி வரும் படங்கள் வாயிலாக விஜயின் இடத்தை சிவா நிறப்புவாரா எனவும் எதிறப்பார்க்கப்படுகிறது.