இனி கலக்கல் ஆரம்பம்! வின்டேஜ் எஸ்டிஆர்! புதுப்பட அப்டேட்டுடன் வந்த சிம்பு! இவரு தான் இயக்குனரா!

சிம்புவின் திரைப்பயணம்

நடிகர் சிம்பு இதுவரை சுமார் 49 படங்களில் நடித்துள்ளார். சிறு வயதில் இருந்தே அவரது தந்தை டி. ராஜேந்திரின் நடிப்பில் குழந்தை நட்சத்திரமாக நடித்து வந்தார். 2002 ஆம் ஆண்டு காதல் அழிவதில்லை படத்தின் மூலம் ஹீரோவாக அறிமுகானார். அதனைத் தொடர்ந்து அந்த காதல் படங்களில் நடித்து வந்தார். வித்தியாசமான கதைகள், மாறுபட்ட கதாபாத்திரங்கள் என தேர்ந்தெடுத்து நடிப்பதில் சிம்பு கைத்தேர்ந்தவர் ஆவார்.

இவரது திரைப்பயணத்தில் பல சவால்களையும் சந்தித்து உள்ளார் கடந்த சில ஆண்டுகளுக்கு முன் படப்பிடிப்பிற்கு சரியாக வரவில்லை, சோம்பேறி சிம்பு என கோலிவுட் வட்டாரங்கள் கிசுகிசுத்த நிலையில் கடந்த சில ஆண்டுகளாக டாப் கியரில் சென்றுக் கொண்டிருக்கிறார். 2019 ஆண்டில் இருந்து 2021 ஆம் ஆண்டு வரை இவரது படங்கள் எதுவும் சரிவர ஓட வில்லை. பின்னர் அந்த விமர்சனங்களில் இருந்து மீண்டும் பல படங்களில் நடித்து வருகிறார்.

தொடர் வெற்றிகள்

கடந்த 2021 ஆம் ஆண்டு வெங்கட் பிரபு இயக்கத்தில் சிம்பு நடித்து வெளியான மாநாடு திரைப்படம் சிறந்த வெற்றிப்படமாக அமைந்தது. இந்தப் படம் வித்தியாசமாக டைம் லூப் பாணியில் உருவாகியிருந்த நிலையில், சிம்புவிற்கு மிகச்சிறப்பான கம்பேக் படமாக இந்தப் படம் அமைந்தது. அதனைத் தொடர்ந்து கௌதம் மேனனுடன் வெந்து தணிந்தது காடு படத்திலும் சிறப்பான நடிப்பை வெளிப்படுத்தி இருந்தார். இந்த படமும் மக்களிடத்தில் நல்ல வரவேற்பை பெற்றிருந்தது. அடுத்ததாக பத்து தல படமும் வெற்றி படாமகாவே அமைந்தது. அதனையடுத்து கமல்ஹாசன் தயாரிப்பில், தேசிங்கு பெரியசாமி இயக்கத்தில் எஸ்டிஆர் 48 படத்தில் இணைந்திருந்தார்.

வின்டேஜ் எஸ்டிஆர்

இயக்குனர் தேசிங்கு பெரியசாமி இயக்கத்தில் நடிகர் சிம்பு நடித்து வந்த திரைப்படம் பட்ஜெட் பிரச்சினையால் படப்பிடிப்பு ரத்தானது. இந்நிலையில் தற்போது உவமை கடவுளே படத்தின் மூலம் பிரபலமான இயக்குனர் அஸ்வத் மாரிமுத்து இயக்கத்தில் சிம்பு நடிக்க இருப்பதாக அதிகாரப்பூர்வமாக அறிவிக்கப்பட்டுள்ளது. இப்படத்தினை ஏஜிஎஸ் தயாரிப்பு நிறுவனம் தயாரித்துள்ளது. இப்படம் குறித்தான அறிவிப்பை சிம்பு தனது எஸ்தல பதிவில் பதிவிட்டுள்ளார். அந்தப் பதிவில் வின்டேஜ் சிம்புவாக இப்படத்தில் தோன்றுவார் எனக் குறிப்பிடப்பட்டுள்ளது.

இயக்குனர் அஸ்வத் மாரிமுத்துவின் முந்தைய படமான ஓ மை கடவுளே பெரும் வெற்றியடைந்த நிலையில் இந்த படத்தின் மீதான எதிர்பார்ப்பு அதிகரித்துள்ளது. சிம்புவின் பழைய படங்களின் பாணியில் இந்த படம் உருவாக உள்ளது என்ற அறிவிப்பு ரசிகர்களை மேலும் குஷி படுத்தியுள்ளது. இயக்குனர் அஸ்வத் மாரிமுத்து சிம்புவின் ரசிகர் என்பது குறிப்பிடத்தக்கது.