ஜென் z மோடில் சிம்பு! அவரே கொடுத்த அடுத்த படத்தின் அப்டேட்! குஷியில் சிம்பு ரசிகர்கள்!
தமிழ் செய்திகள்  /  பொழுதுபோக்கு  /  ஜென் Z மோடில் சிம்பு! அவரே கொடுத்த அடுத்த படத்தின் அப்டேட்! குஷியில் சிம்பு ரசிகர்கள்!

ஜென் z மோடில் சிம்பு! அவரே கொடுத்த அடுத்த படத்தின் அப்டேட்! குஷியில் சிம்பு ரசிகர்கள்!

Suguna Devi P HT Tamil
Oct 20, 2024 07:07 AM IST

மணிரத்னம் இயக்கத்தில் உருவாகி வரும் கமலின் தக்லைஃப் படத்தில் நடித்து முடித்து இருக்கிறார் சிம்பு. அதனைத் தொடர்ந்து அவரின் அடுத்த படம் குறித்தான ஒரு பதிவை அவரது X தளத்தில் பதிவிட்டுள்ளார்.

ஜென் z மோடில் சிம்பு! அவரே கொடுத்த அடுத்த படத்தின் அப்டேட்! குஷியில் சிம்பு ரசிகர்கள்!
ஜென் z மோடில் சிம்பு! அவரே கொடுத்த அடுத்த படத்தின் அப்டேட்! குஷியில் சிம்பு ரசிகர்கள்!

சிம்புவின் திரைப்பயணம்

நடிகர் சிம்பு இதுவரை சுமார் 49 படங்களில் நடித்துள்ளார். சிறு வயதில் இருந்தே அவரது தந்தை டி. ராஜேந்திரின் நடிப்பில் குழந்தை நட்சத்திரமாக நடித்து வந்தார். 2002 ஆம் ஆண்டு காதல் அழிவதில்லை படத்தின் மூலம் ஹீரோவாக அறிமுகானார். அதனைத் தொடர்ந்து அந்த காதல் படங்களில் நடித்து வந்தார். வித்தியாசமான கதைகள், மாறுபட்ட கதாபாத்திரங்கள் என தேர்ந்தெடுத்து நடிப்பதில் சிம்பு கைத்தேர்ந்தவர் ஆவார்.

இவரது திரைப்பயணத்தில் பல சவால்களையும் சந்தித்து உள்ளார் கடந்த சில ஆண்டுகளுக்கு முன் படப்பிடிப்பிற்கு சரியா வரவில்லை, சோம்பேறி சிம்பு என கோலிவுட் வட்டாரங்கள் பேசின. மேலும் 2019 ஆண்டில் இருந்து 2021 ஆம் ஆண்டு வரை இவரது படங்கள் எதுவும் சரிவர ஓட வில்லை. பின்னர் அந்த விமரசனங்களில் இருந்து மீண்டும் பல படங்களில் நடித்து வருகிறார்.

தொடர் வெற்றிகள்

கடந்த 2021 ஆம் ஆண்டு வெங்கட் பிரபு இயக்கத்தில் சிம்பு நடித்து வெளியான மாநாடு திரைப்படம் சிறந்த வெற்றிப்படமாக அமைந்தது. இந்தப் படம் வித்தியாசமாக டைம் லூப் பாணியில் உருவாகியிருந்த நிலையில், சிம்புவிற்கு மிகச்சிறப்பான கம்பேக் படமாக இந்தப் படம் அமைந்தது. அதனைத் தொடர்ந்து கௌதம் மேனனுடன் வெந்து தணிந்தது காடு படத்திலும் சிறப்பான நடிப்பை வெளிப்படுத்தி இருந்தார். இந்த படமும் மக்களிடத்தில் நல்ல வரவேற்பை பெற்றிருந்தது. அடுத்ததாக பத்து தல படமும் வெற்றி படாமகாவே அமைந்தது. அதனையடுத்து கமல்ஹாசன் தயாரிப்பில், தேசிங்கு பெரியசாமி இயக்கத்தில் எஸ்டிஆர் 48 படத்தில் இணைந்திருந்தார்.

எஸ்டிஆர் 48 படத்தில் சிம்புவிற்கு இரு வேடங்கள் எனவும் பேசப்பட்டது. மேலும் 200 கோடி செலவில் இந்த படம் எடுக்கப்பட உள்ளதாகவும் தகவல் வெளியானது. ஆனால் இப்படத்தினை தயாரிக்கும் ராஜ்கமல் நிறுவனம் திடீரென்று படத்தில் இருந்து விலகி விட்டதாக கூறப்படுகிறது. மேலும் மணி ரத்னம் இயக்கத்தில் கமலின் படமான தக்லைஃப் படத்தில் சிம்பு நடித்து முடித்து கொடுத்துள்ளார்.

ஜென் z மோடில் சிம்பு

வித்தியசான கதைக்களத்தை தேர்ந்தெடுத்து நடித்து வரும் சிம்பு, தற்போது அவரது பழைய பாணியலான படம் ஒன்றில் நடிக்க இருப்பதாக தெரிவித்துள்ளார். நிகழ் காலகட்ட இளைஞர்களின் வாழ்க்கை நடைமுறைக்கு ஏற்றவாறான படங்களில் நடிப்பதில் சிம்பு வல்லவர். இவரது தம், மன்மதன், வல்லவன், விண்ணைத் தாண்டி வருவாயா என இந்த படங்கள் முழுக்க நிகழ் கால காதல் கதையின் சாயலாக இருந்து வந்தது. தற்போது அந்த வரிசையில் ஜென் z மோடில் தனது அடுத்த படம் இருக்கப் போவதாக அவரது X தள பதிவில் பதிவிட்டுள்ளார். இதனால் சிம்பு ரசிகர்கள் குஷியில் உள்ளனர்.

Whats_app_banner

டாபிக்ஸ்

தமிழ்த் திரைப்பட செய்திகள், டிவி தொடர்கள், OTT செய்திகள், திரைப்பட விமர்சனங்கள், பாலிவுட், ஹாலிவுட் படங்கள் தொடர்பான சமீபத்திய அப்டேட்களை, பொழுதுபோக்கு பிரிவில் பார்க்கலாம்.