Asian Academy Creative Awards: ஆசியாவின் சிறந்த நடிகர் ஜோக்கர் குரு சோமசுந்தரம்!
ஆசியாவின் சிறந்த நடிகருக்கான விருது ஜோக்கர் திரைப்படத்தின் நாயகன் நடிகர் குரு சோமசுந்தரத்திற்கு அறிவிக்கப்பட்டுள்ளது.
ஆசியாவை மையமாகக் கொண்டு திரைப்படங்களுக்கு ஏசியன் அகாடமி கிரியேட்டிவ் என்ற விருது ஆண்டு தோறும் வழங்கப்பட்டு வருகிறது. இதில் சிறந்த நடிகர், சிறந்த இயக்குநர் சிறந்த ஒளிப்பதிவாளர் உள்பட பல்வேறு பிரிவுகளில் 16 நாடுகளைச் சேர்ந்த படங்கள் விருதுக்காகப் பரிந்துரை செய்யப்பட்டிருந்தன.
இந்நிலையில் மலையாளத் திரைப்படமான மின்னல் முரளி என்ற படத்தில் தனது எதார்த்தமான நடிப்பை வெளிப்படுத்திய நடிகர் குரு சோமசுந்தரத்திற்கு ஆசியாவின் சிறந்த நடிகருக்கான விருது அறிவிக்கப்பட்டுள்ளது.
இந்த மின்னல் முரளி திரைப்படத்தைப் பாசில் ஜோசப் இயக்கியிருந்தார். இப்படத்தில் டொமினோ தாமஸ் கதாநாயகனாக நடித்திருந்தார். மலையாளத்தில் மிகப்பெரிய வெற்றியைக் கண்ட மின்னல் முரளி திரைப்படம் தமிழிலும் பலராலும் குரு சோமசுந்தரத்தின் நடிப்பு ரசிக்கப்பட்டது.
வரும் டிசம்பர் மாதம் சிங்கப்பூரில் நடைபெற உள்ள இந்த பிரம்மாண்ட விழாவில் ஆசியாவின் சிறந்த நடிகருக்கான விருதை நடிகர் குரு சோமசுந்தரம் பெற்றுக் கொள்வார் என அறிவிக்கப்பட்டுள்ளது. இவ்விழாவில் ஆசியாவைச் சேர்ந்த பல்வேறு திரையுலக நட்சத்திரங்கள் பங்கேற்பார்கள்.
