Narendra Modi Cabinet 3.0: ‘நரேந்திர மோதியாகிய நான்’.. 3 வது முறையாக அரியணை நாற்காலி; மோதி 3.0 அமைச்சரவை முழு பட்டியல்!
Published Jun 09, 2024 09:08 PM IST
Narendra Modi Cabinet 3.0: தேசிய ஜனநாயக கூட்டணி அரசு மத்தியில் தொடர்ந்து மூன்றாவது முறையாக ஆட்சி அமைத்திருக்கிறது - அமைச்சரவை முழு பட்டியல்!
Narendra Modi Cabinet 3.0: ‘நரேந்திர மோதியாகிய நான்’.. 3 வது முறையாக அரியணை நாற்காலி; மோதி 3.0 அமைச்சரவை முழு பட்டியல்!
குடியரசுத் தலைவர் மாளிகையில் ஞாயிற்றுக்கிழமை (இன்றைய தினம்) நடைபெற்ற விழாவில், பிரதமர் நரேந்திர மோடி மற்றும் 71 அமைச்சர்கள் பதவியேற்றனர். பிரதமர் மற்றும் அமைச்சர்களுக்கு குடியரசுத் தலைவர் திரெளபதி முர்மு பதவிப் பிரமாணம் செய்து வைத்தார்.
மூன்றாவது முறையாக மோடி!
73 வயதான மோடி, ஜவஹர்லால் நேருவுக்குப் பிறகு தொடர்ந்து மூன்றாவது முறையாக பிரதமராகும் இரண்டாவது பிரதமர் ஆவார். பிரதமர் மோடியின் அமைச்சரவையில், 30 அமைச்சர்களும், 5 தனிப்பொறுப்புடன் கூடிய இணை அமைச்சர்களும், 36 இணை அமைச்சர்களும் இருக்கிறார்கள்.
இந்த அமைச்சரவையில், இதர பிற்படுத்தப்பட்ட வகுப்பைச் சேர்ந்த 27 பேரும், தாழ்த்தப்பட்ட வகுப்பைச் சேர்ந்த 10 பேரும், பழங்குடியினரைச் சேர்ந்த 5 பேரும், சிறுபான்மையினர் பிரிவை சேர்ந்த 5 பேரும் அமைச்சர்களாக உள்ளனர். 18 மூத்த அமைச்சர்கள் இந்தப்பட்டியலில் இடம் பிடித்திருக்கின்றனர்.