Simmam Rasi Luck: “இறங்கி செய்யப்போகும் குரு.. கருக வைக்கும் ரெடியாகும் சனி." - சிம்ம ராசிக்கான செப்., மாத பலன்கள்!
ஆகஸ்ட் 20 முதல் செப்டம்பர் 20 வரையிலான சிம்ம ராசிக்கான பலன்களை இங்கு பார்க்கலாம்.
சிம்ம ராசிக்காரர்களுக்கு இந்த ஆகஸ்ட் 20 முதல் செப்டம்பர் 20 வரையிலான காலகட்டத்தில் அதிரடியான வெற்றியும்,புகழும் கூடவே திருஷ்டியும் வரும். ஆகையால் நீங்கள் ஏதாவது ஒரு ஆன்ம சாதனையை கை கொள்வது மிக மிக முக்கியமானது.
24 8 2023 ஆம் அன்றைய தினம் புதனானவன் வக்கிரமடைகிறான். அதனால் உங்களுக்கு சில குழப்பங்கள், தடுமாற்றங்கள் வருவதற்கான வாய்ப்பு இருக்கிறது. ஆனால் அடுத்த பத்து நாட்களில் அவர் அஸ்தகதம் ஆகி விடுகிறார்.
அதனால் அவர் தன்னுடைய முழு பவரையும் சூரியனிடம் கொடுத்து விடுகிறார். லக்னாதிபதியே ராசி அதிபதியாக உங்களுக்கு வருவதால் தன லாபங்கள் கண்டிப்பாக உங்களுக்கு கிடைக்கும். ஏழாம் இடத்தில் இருக்கக்கூடிய கண்டச் சனியும் உங்களுக்கு பெரிதான பாதிப்பை ஏற்படுத்தாது.
ஐந்து மற்றும் எட்டாம் இடத்திற்கு உரிய குரு பகவானும் ஒன்பதாம் இடத்திலிருந்து ஐந்தாவது பார்வையாக உங்கள் ராசியை பார்க்கிறார் மூன்று மற்றும் ஐந்து ஆகிய இரு இடங்களின் மீதும் அவர் பார்வை விழுகிறது. ஆகையால் உங்களுக்கு அதிரடியான வெற்றிகள் வருவதற்கான வாய்ப்பு இருக்கிறது. ஒன்பதாம் இடத்தில் இருக்கக்கூடிய ராகு குழப்பத்தை உண்டாக்கும்.
மூன்றாம் இடத்தில் இருக்கக் கூடிய கேது உங்களுக்கு தைரியம் கொடுக்கும். சனி பகவான் வக்ரம் அடைவதால் கண் திருஷ்டி உண்டாவதற்கான வாய்ப்புகள் இருக்கிறது அதனால் அதில் கொஞ்சம் உங்கள் கவனமாக இருக்க வேண்டும்.
ஒன்பதாம் இடத்தில் இருக்கக்கூடிய செவ்வாயானவன் புதன் வீட்டில் உட்கார்ந்திருக்கிறார். ஆகையால் பாதகங்கள் வருவதற்கான வாய்ப்பு அதிகமாக இருக்கிறது. சுக்கிரனின் நல்ல அமைப்போடு இல்லை. இதனால் உங்களுக்கு வீண் அலைச்சல் உள்ளிட்டவை வருவதற்கான வாய்ப்புகள் இருக்கிறது. ஒன்பதாம் இடத்தில் இருக்க கூடிய ராகு மற்றும் சனி பகவான் வக்ரம் பெற்றிருப்பது சிக்கல்களை உண்டாக்கும். ஆகையால் ஆன்ம சாதனை மிக மிக முக்கியம்!
courtesy : arut kudanthai aaru ganesan
டாபிக்ஸ்