தமிழ் செய்திகள்  /  Astrology  /  Ramadan 2024: Announcement That Ramadan Fasting Will Start From Tomorrow In Tamil Nadu Due To Sighting Of Crescent Moon

Ramadan 2024: பிறை தெரிந்தது! தமிழ்நாட்டில் நாளை முதல் ரமலான் நோன்பு தொடக்கம்! தலைமை காஜி அறிவிப்பு!

Kathiravan V HT Tamil
Mar 11, 2024 08:16 PM IST

”Ramadan 2024: இஸ்லாமியர்களின் முக்கிய பண்டிகையான ரமலான் பண்டிகை அடுத்த மாதம் கொண்டாடப்பட உள்ள நிலையில் ரம்ஜான் பண்டிகை கொண்டாடுவதற்கு முன்பாக இஸ்லாமியர்கள் ஒரு மாத காலம் நோன்பு இருப்பது வழக்கம்”

ரமலான் நோன்பு நாளை முதல் தொடக்கம்
ரமலான் நோன்பு நாளை முதல் தொடக்கம்

ட்ரெண்டிங் செய்திகள்

ஒவ்வொரு ஆண்டும் இஸ்லாமிய 9வது மாதத்தில் ரம்ஜான் பண்டிகை கொண்டாடப்பட்டு வருகிறது இந்த நிலையில் இஸ்லாமியர்களின் முக்கிய பண்டிகையான ரமலான் பண்டிகை அடுத்த மாதம் கொண்டாடப்பட உள்ள நிலையில் ரம்ஜான் பண்டிகை கொண்டாடுவதற்கு முன்பாக இஸ்லாமியர்கள் ஒரு மாத காலம் நோன்பு இருப்பது வழக்கம். 

நோன்பு காலத்தில் இஸ்லாமியர்கள் அதிகாலை சூரிய உதயத்திற்கு முன் சாப்பிட்ட பின்னர் சூரியன் மறையும் வரை எதுவும் உண்ணாமல் நோன்பு இருப்பார்கள்.  பிறை கணக்குபடி 29 அல்லது 30 நாட்கள் நோன்பு இருப்பது இஸ்லாமியர்களின் வழக்கமாக உள்ளது. 

ரமலான் நோன்பு காலத்தில் உணவு உண்ணாமல், நீர் பருகாமல் நோன்பு இருக்கும் இஸ்லாமியர்கள், மாலையில் நோன்பு கஞ்சி, உலர் பழங்கள், குளிர்பானங்களை சாப்பிட்டு நோன்பை முடிப்பார்கள். மேலும் இப்தார் விருந்து உண்பதும் கடைப்பிடிக்கப்பட்டு வருகிறது. 

ஒவ்வொரு ஆண்டும் பிறை பார்த்தே நோன்பு கடைப்பிடித்தலை இஸ்லாமியர்கள் தொடங்குவார்கள். இந்த ஆண்டும் இஸ்லாமியர்களின் ஐம்பெரும் கடமைகளில் ஒன்றான நோன்பு நாளை முதல் கடைப்பிடிப்பார்கள் அதற்கான அறிவிப்பை தமிழக அரசின் தலைமை காஜி வெளியிட்டார்

அதேபோல பிறை தென்பட்டுள்ளது நாளை செவ்வாய்க்கிழமை முதல் ரமலான் மாதம் நோன்பு தொடங்குவதாக அறிவிக்கப்பட்டுள்ளது. இன்று இரவு இஷா தொழுகைக்குப் பிறகு தராவீஹ் தொழுகை நடைபெறும் என அறிவிக்கப்பட்டுள்ளது.

ரமலான் மாதத்தின் சிறப்புகள்:-

ரமலான் மாதத்தில் சொர்க்கத்தின் வாயில்கள் திறந்திருக்கும் என்றும், நரகத்தின் வாயில்கள் மூடப்பட்டிருக்கும் என்றும் முஸ்லிம்கள் நம்புகிறார்கள். உலகெங்கிலும் உள்ள இஸ்லாமிய சமூகம் புனித நோன்பு மாதத்தின் தொடக்கத்தைக் குறிக்க பிறை நிலவைக் காணத் தயாராகி உள்ளனர். 

இது நபிகள் நாயகம் (ஸல்) அவர்களுக்கு குர்ஆன் அருளப்பட்ட நேரத்தை நினைவுகூரும் மாதம் மட்டுமல்ல, பசித்தவர்களுக்கு உணவளிப்பது, ஏழைகளுக்கு உதவுவது, ஒவ்வொரு கணமும் அல்லாஹ்வை நினைவுகூர்வது மற்றும் பிரபஞ்சத்தைப் படைத்தவருடனான பிணைப்பை வலுப்படுத்துவது, ஆன்மாவைத் தூய்மைப்படுத்துவதற்கான நேரமாக இந்த மாதம் உள்ளது.

பிறை சந்திரன் பார்க்கும் இந்த நடைமுறை இஸ்லாமிய நம்பிக்கையின் ஒரு பாரம்பரிய மற்றும் இன்றியமையாத அம்சமாகும், ஏனெனில் இது ரமலான் மாதத்தில் காலை முதல் சூரிய அஸ்தமனம் வரை நோன்பு மாதத்தின் தொடக்கத்தையும், தொண்டு மற்றும் வழிபாட்டு நடவடிக்கைகளையும் தீர்மானிக்கிறது.

இந்த நேரத்தில், இஸ்லாமிய மக்கள் சுஹுர் எனப்படும் விடியலுக்கு முந்தைய உணவை உட்கொண்டு, நாள் முழுவதும் விரதம் இருப்பார்கள் மற்றும் சூரிய அஸ்தமனத்திற்குப் பிறகு உணவை உட்கொள்வது வழக்கம். 

நீரிழிவு நோயாளிகள், வயதானவர்கள் மற்றும் உடல்நலக் கட்டுப்பாடுகள் உள்ள நோயாளிகள் ரமலானில் நோன்பு நோற்பதில் இருந்து விலக்கு அளிக்கப்படுகிறார்கள். 

இருப்பினும், ஒவ்வொரு ரமலானின் ஒவ்வொரு நாளும் அல்லது நோன்பு தவறிய ஒவ்வொரு நாளும் ஒரு ஏழைக்கு உணவளிப்பதன் மூலம் செய்யப்படும் ஃபிதியாவை அவர்கள் ஈடுசெய்ய வேண்டும்.

கடந்த கால பாவங்களுக்கு மன்னிப்பு தேடுவதற்கும், மனந்திரும்புவதற்கும் ரமலான் ஒரு சிறந்த நேரமாகும், எனவே முஸ்லிம்கள் அதிக பக்தி, பிரதிபலிப்பு மற்றும் இதயப்பூர்வமான பிரார்த்தனைகளில் ஈடுபட்டு அல்லாஹ்வின் கருணையையும் வழிகாட்டுதலையும் பெறுகிறார்கள்.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:-

ட்விட்டர்: https://twitter.com/httamilnews 

பேஸ்புக்: https://www.facebook.com/HTTamilNews 

யூடியுப்: https://www.youtube.com/@httamil 

கூகுள் நியூஸ்: https://bit.ly/3onGqm9 

WhatsApp channel

டாபிக்ஸ்