சவால்களை சந்தித்து சாதிக்கும் காலகட்டம்! அடி தூள் செய்வீர்கள்! மிதுனம் ராசிக்கான 2025 புத்தாண்டு ராசிபலன்கள்!

காலபுருஷனுக்கு மூன்றாவது வீடாக உள்ள மிதுனம் ராசி  உள்ளது. 9ஆம் வீட்டில் உள்ள சனி பகவான் 10ஆம் வீட்டுக்கு செல்ல உள்ளார். அதே போல் 10ஆம் இடத்தில் இருந்த ராகு 9ஆம் இடத்திற்கு செல்ல உள்ளார். குரு பகவான் உங்கள் ராசிக்கு பெயர்ச்சி ஆக உள்ளார். 

சனி பெயர்ச்சி 

சனி பெயர்ச்சியை பொறுத்தவரை தொழில் ரீதியாக பெரிய பாதிப்பு இருக்காது. ஆனால் அதே நேரத்தில் தொழிலில் வலுவான அடித்தளத்தை போடுவீர்கள். தொழில் மற்றும் வேலையில் உறுதி தன்மை உருவாகும். 

சனி பகவானின் 3ஆம் பார்வை ராசிக்கு 12ஆம் இடத்தில் விழுகின்றது. கட்டுக்கு அடங்காமல் இருந்த செலவுகளை கட்டுப்பாட்டுக்குள் கொண்டு வருவீர்கள். தொழில், வியாபாரம், கல்வியில் கவனம் செலுத்த நல்ல காலமாக இது இருக்கும்.  சனி பகவானின் 7ஆம் பார்வை 4ஆம் இடத்தில் விழுவதால் சொகுசு வாழ்கைக்கு ஆசைப்பட கூடாது. 

வீடு, மனை, வாகனம் உள்ளிட்ட சொத்துக்களை வாங்க முடியாமல் இருந்தவர்களுக்கு அதனை வாங்கும் வாய்ப்புகள் உண்டாகும். ஏற்கெனவே வாகனங்களை வைத்து இருந்தவர்கள் அதை விற்று புதிய வாகனங்களை வாங்குவீர்கள். உயர்கல்வியில் உங்களுக்கு பிடித்தமான துறைகள் கிடைக்கும். உடல் ரீதியாக உள்ள பிரச்னைகள் இருந்தாலும் கவலைப்பட வேண்டாம். உடனடியாக சரியாகும். வணிக கூட்டாளிகள் உடன் கருத்து வேறுபாடுகள் வரலாம். 

குரு பெயர்ச்சி 

குரு பெயர்ச்சியை பொறுத்தவரை வேலையில் மிக கவனமாக செயல்பட வேண்டிய காலகட்டம். வீட்டில் உள்ள பெரியவர்கள் முதல் சிறியவர்கள் வரையிலான உடல்நலனில் கவனம் தேவை.  உடலை விட மூளைக்கு அதிக வேலை உழைப்பு போட வேண்டி வரும். படைப்பாற்றல் அதிகரிக்கும்.  குரு பகவான் ராசிக்கு 5ஆம் இடத்தை பார்ப்பது சிறப்பை தரும். மனதுக்கு பிடித்த சில விஷயங்கள் நடக்கும். குரு பார்வையால் குடும்பத்தில் மகிழ்ச்சி உண்டாகும். பிள்ளைகளால் பெருமை கிடைக்கும். கணவன், மனைவி இடையே இருந்த கருத்து வேறுபாடுகள் நீங்கும்.  வணிக கூட்டாளிகள் இடையே இருந்து வந்த கருத்து வேறுபாடுகள் தீரும். 

ராகு பெயர்ச்சி 

ராகுவை குரு பார்ப்பதால் தந்தை வழியில் இருந்து வந்த பிரச்னைகள் நீங்கும். பூர்வீக சொத்துக்கள் கிடைக்கும்.  எடுக்கும் முயற்சிகளில் வெற்றிகள் சற்று தாமதமாக கிடைக்கலாம். தோல்வி அடைந்தாலும் அதில் இருந்து மீண்டு வெற்றி அடைவீர்கள்.  

பொறுப்பு துறப்பு

இந்தக் கட்டுரையில் உள்ள எந்தவொரு தகவல்/பொருள்/கணக்கீட்டின் துல்லியம் அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்கள் / ஜோதிடர்கள் / பஞ்சாங்கங்கள் / சொற்பொழிவுகள் / நம்பிக்கைகள் / வேதங்களில் இருந்து சேகரித்து உங்களுக்குத் தெரிவிக்கப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.