வீடு, மனை, வாகனங்களை வாங்கி குவிப்பீர்கள்! தூக்கம் கண்ணை சொக்க வைக்கும்! கடகம் ராசிக்கான 2025 புத்தாண்டு ராசிபலன்கள்!

சனி பெயர்ச்சி 

காலபுருஷனுக்கு 4ஆவது வீடாக கடகம் ராசி விளங்குகின்றது. இதன் அதிபதியாக சந்திர பகவான் உள்ளார். ஏற்கெனவே கடகம் ராசிக்காரர்கள் அர்தாஷ்டம சனி பாதிப்பை சந்தித்து வரும் நிலையில், சனி பெயர்ச்சி மூலம் அந்த பாதிப்புகளில் இருந்து விடுபட போகிறீர்கள். இந்த மாற்றம் உங்கள் வாழ்கையில் மிகப்பெரிய மாற்றங்களை ஏற்படுத்தும்.  சனி பகவானின் 3ஆம் பார்வை உங்கள் ராசிக்கு 11ஆம் இடத்தில் விழுகின்றது. இதனால் நீங்கள் சந்திக்க கூடிய நெருக்கடிகள், பிரச்னைகள், சங்கடங்கள் கட்டுப்படுத்தப்படும். இருப்பினும் உங்கள் லாபத்தில் சில குறைவுகளும் உண்டாகலாம். ஆனால் அதே சமயம் விரையங்களும் தடுக்கப்படும். சனி பகவான் 7ஆம் பார்வை 3ஆம் வீட்டை பார்க்கிறார். இதனால் தடைப்பட்ட முயற்சிகள் வெற்றிகளை பெற்றுத் தரும். புதிய முயற்சிகள் கைக்கொடுக்கும். அடுத்ததாக சனியின் பார்வை கடக ராசிக்கு 6ஆம் இடத்தில் விழுவது சிறப்பை தரும். தேர்வு, போட்டி, பந்தயங்களில் வெற்றி கிடைக்கும். உடல்ரீதியாக இருந்த பாதிப்புகள் குணமாகும். வம்பு, வழக்குகள், எதிர்ப்புகள் தீரும். மனதில் இருந்த தேவை இல்லாத பயங்கள் அகலும்.  

குரு பெயர்ச்சி 

குரு பெயர்ச்சியை பொறுத்தவரை 12ஆம் இடத்திற்கு வரும் குரு பகவான் சுப விரையங்களை ஏற்படுத்துவார். எலட்ரிக் மற்றும் எலெக்ட்ரானிக் பொருட்களை வாங்குவீர்கள். குருவின் பார்வை 4ஆம் வீட்டில் படுவதால், புதிய வீடு வாங்குதல், வீடு கட்டுதல் போன்ற நன்மைகள் ஏற்படும். புதிய வானங்களை வாங்கும் வாய்ப்புகள் உண்டாகும். பணிச்சுமைகள் குறைந்து நிம்மதியான உறக்கம் கிடைக்கும். கல்வியில் நிலவி வந்த தடைகள் நீங்கும். வீடு, மனை, வாகனம் வாங்க கடன் வாங்குவது, அதனை சிறப்பாக அடைப்பதற்கும் வாய்ப்புகள் உண்டாகும்.

குரு பகவானி பார்வை கடகம் ராசிக்கு 8ஆம் வீட்டிக்கு கிடைப்பதால், உடல்ரீதியாக நிலவி வந்த அச்சங்கள் தீரும். 8ஆம் இடத்தை குரு பார்ப்பதால் உடல்நிலை பாதிப்புகள் தீரும். திடீர் அதிஷ்டங்கள் உண்டாகும். நீண்ட காலமாக பாக்கியில் இருந்த பணம் மற்றும் பொருட்கள் மீண்டும் கிடைக்கும். 

ராகு கேது பெயர்ச்சி 

ராகு  எட்டாம் இடத்திற்கு வருவது அவ்வளவு பெரிய சிறப்புகளை தராது. அஜீரண கோளாறுகள், செரிமான பிரச்னை, வயிற்று வலி உள்ளிட்ட பிரச்சனைகள் வரலாம். உண்ணும் உணவில் கவனம் தேவை. சிலருக்கு உணவு ஒவ்வாமை உண்டாகலாம். 

கேது வந்து இரண்டாம் இடத்திற்கு வருவது அவ்வளவு சிறப்புகளை தராது. பணவரவுகளில் தடை, குடும்பத்தில் சிக்கல் உண்டாக்கும். பேசும் வார்த்தைகளில் கவனமாக இருப்பது முக்கியம். பற்கள், கண் தொடர்பான விஷயங்களில் கவனமாக இருக்கவும். 

பொறுப்பு துறப்பு

இந்தக் கட்டுரையில் உள்ள எந்தவொரு தகவல்/பொருள்/கணக்கீட்டின் துல்லியம் அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்கள் / ஜோதிடர்கள் / பஞ்சாங்கங்கள் / சொற்பொழிவுகள் / நம்பிக்கைகள் / வேதங்களில் இருந்து சேகரித்து உங்களுக்குத் தெரிவிக்கப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.