Peacock Feather: பணம், மனம் சார்ந்த பிரச்னைகளுக்கு சிறந்த தீர்வாக இருக்கும் மயில் இறகு!
மனதை அமைதிப்படுத்தும் ஆற்றலும், வல்லமையும் கொண்டதாக இருந்து வரும் மயில் இறகு தரும் ஆன்மிக நன்மைகள் பற்றி தெரிந்து கொள்ளலாம்.
தேசிய விலங்கான மயில் ஆன்மிகத்தில் தமிழ் கடவுள் முருகப்பெருமானின் வாகனமாக இருந்து வருகிறது. மயிலின் இறகுகள் அலங்கார பொருளாகவும், அழகு சேர்ப்பதற்காகவும் பயன்படுத்தி வருகிறது. சில சமயங்களில் மருத்துவ ரீதியாகவும் பயன்படுத்துவதுண்டு.
அதேவேளையில் ஆன்மிக ரீதியாக மயில் இறகு பல்வேறு நன்மைகளை தருபவையாக உள்ளது. மயில் இறகை வீட்டில் வைத்திருப்பதன் மூலம் நேர்மறை ஆற்றலை பெறலாம் என சொல்லப்படுகிறது. மயில் இறகை வீட்டில் எங்கெல்லாம் வைக்கலாம் என்பது குறித்து வாஸ்து பலன்களும் உள்ளன.
வீட்டில் நேர்மறை ஆற்றல் இருப்பதற்கு செய்யப்படும் பல்வேறு விஷயங்களில், வீட்டின் நிலை வாசல் எதிராக மயில் இறகை வைப்பதும் ஒன்றாக் உள்ளது. ஒரேயொரு மயில் இறகை வைக்காமல் கொஞ்சம் கொத்தாக சேர்த்து வைத்தால் நேர்மறை ஆற்றல் அதிகரிக்கும்.
அலுவலத்தில் நிகழும் பிரச்னை என்றாலோ, அவமானகரமான விஷயத்தை சந்தித்து விட்டதாக கருதினால், எளிமையான பரிகாரமாக மயில் இறகு உள்ளது. இதை வீட்டில் வைத்து பார்த்து விட்டு சென்றால் போதும் உங்கள் மீதான மதிப்பை கூடும் என கூறப்படுகிறது.
பணம், நகை வைக்கும் அலமாரி, பிரோக்களில் மயில் இறகை வைத்தால் வருமானம் கூடி, செல்வம் பெருகும் என கூறப்படுகிறது.
மயில் இறகை படுக்கை அறையில் வைத்துக் கொள்வதன் மூலம் கணவன் மனைவிக்குள் இருக்கும் பிரச்னைகள் நீங்கி புரிதல் ஏற்படும். தம்பதியருக்குள் நெருக்கமும் கூடும்.
வீட்டில் வாஸ்து குறைபாடு காரணமாக இருக்கும் வாஸ்து தோஷத்தை நீக்க எளிமையாக கடைப்பிடிக்கும் விஷயமாக மயில் இறகு உள்ளது. கிரஹ தோஷங்களையும் நீக்கும் வல்லமை மயில் இறகு எனவும் கூறப்படுகிறது.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
டாபிக்ஸ்