Tamil News  /  Astrology  /  Capricorn Is The Ascendant Lord Of Mars

Magaram Rasi: ’மகரத்தில் உச்சம் தொடும் செவ்வாய்!’ அலறி ஓடப்போகும் எதிரிகள்! முழு பலன்கள் இதோ!

Kathiravan V HT Tamil
Feb 04, 2024 08:33 PM IST

”செவ்வாய் உச்சத்தால் தைரியம் கூடுவதாக இருக்கும், இது ஆற்றலையும், தன்னம்பிக்கையையும் தரும். நேருக்கு நேர் நின்று எதிர்களை சமாளிக்க கூடிய தைரியம் இந்த பிப்ரவரி மாதம் ஏற்படும்”

செவ்வாய் பகவான்
செவ்வாய் பகவான்

ட்ரெண்டிங் செய்திகள்

நேர்மை, நன்நெறி, ஒழுக்கத்தோடு செயல்பட வேண்டிய காலகட்டமாக இது உள்ளது. எதற்கும் அஞ்சாமல் மகர ராசியினர் செயல்படும்போது எதிரிகள் மகரராசியினரை கொண்டு அஞ்சும் நிலை ஏற்படும். உங்களை கண்டு ஏளனம் செய்த நபர்கள், உறவினர்கள், நண்பர்களின் கருத்துகளை எல்லாம் முறியெடுத்து முன்னேறும் நிலையையும் இந்த செவ்வாய் உச்சம் ஏற்படுத்தி தரும். 

ஏற்கெனவே மகர ராசிக்காரர்கள் பாதசனி பாதிப்பில் இருந்து வருகின்றனர். இந்த நிலையில் செவ்வாய் உங்கள் ராசியிலேயே உச்சம் பெறுவது, மிகப்பெரிய பலத்தை உங்களுக்கு நிலம் சார்ந்த விஷயங்களில் தரும். 

நிலம் வாங்குவதில் இருந்த தடை, வீடு வாங்குவதில் இருந்த தடை உள்ளிட்ட பிரச்னைகள் நீங்கும். கணவன், மனைவி உறவில் இணக்கம் உண்டாகும். முயற்சி தடைகள் நீங்குவதற்கு ஏற்க காலமாக இது இருக்கும். 

செவ்வாய் உச்சத்தால் தைரியம் கூடுவதாக இருக்கும், இது ஆற்றலையும், தன்னம்பிக்கையையும் தரும். நேருக்கு நேர் நின்று எதிர்களை சமாளிக்க கூடிய தைரியம் இந்த பிப்ரவரி மாதம் ஏற்படும். 

இல்லற வாழ்கையை வலிமையாக கட்டமைத்துக் கொள்வதற்கான தைரியத்தை செவ்வாய் பகவான் தருவார். 

அதே சமயத்தில், கோபமாக பேசியோ, வளைந்து கொடுக்காமலோ இருக்க கூடாது. இதனால் வர வேண்டிய நன்மைகள் வராமல் போவதற்கான வாய்ப்புகள் உண்டு. 

பெண்களுக்கு அறிவும், நுட்பமும் ஆழப்பொதித்திருக்க கூடிய அனுபவும் உங்களை வெற்றியை நோக்கி அழைத்து செல்லும்.  

உடனடியாக பணம் வரும் என சொல்லப்படும் சூதாட்டங்கள் உள்ளிட்ட செயல்களில் மகர ராசிக்காரர்கள் ஈடுபட வேண்டாம்.  பிப்ரவரி 15ஆம் தேதிக்கு மேல் அரசு சார்ந்த விஷயங்களில் முயற்சி செய்தால் மிகப்பெரிய தனலாபம் வர வாய்ப்பு உள்ளது. கல்வி பயிலும் மாணவர்களின் முயற்சிகள் வெற்றி பெற்றக்கூடிய சூழலை இந்த கிரகநிலைகள் தருகிறது. 

2024 ஜோதிட பலன்கள்

புத்தாண்டு ராசி பலன்கள், பண்டிகைகள், வாழ்த்துக்கள் மற்றும் பலவற்றை இங்கே படிக்கலாம்.

டாபிக்ஸ்