Sangeetha: நடிகை சங்கீதா தனக்கும், தன்னுடைய கணவரான கிருஷ்ஷூக்கும் நடந்த முட்டல் மோதல்கள் குறித்து பிஹைண்ட் வுட்ஸ் சேனலுக்கு பேசி இருக்கிறார்.

இது குறித்து அவர் பேசும் போது, “ஒரு விருது நிகழ்ச்சியில் நான் க்ரிஷ்ஷூக்கு சிறந்த பாடகருக்கான விருதை கொடுத்தேன். அப்போதுதான் நான் முதன் முறையாக அவரை சந்தித்தேன். நான் கிருஷ் என்ற பெயரைச் சொன்னதும், மிகவும் அழகாக அவர் நடந்து வந்தார். அன்றை மாலையே நாங்கள் ஒன்றாக சேர்ந்து சாப்பிட்டோம்.

நல்லவர் போல நடித்து விட்டார் அந்த டின்னரில் அவர் மிகவும் நல்லவர் போல என்னிடம் நடித்து விட்டார். நான் அப்போதே கொஞ்சம் உஷாராக இருந்திருக்க வேண்டும். அந்த சமயத்தில்தான் என்னுடைய வீட்டிலும் மாப்பிள்ளை பார்த்துக் கொண்டிருந்தார்கள். இதையடுத்து நான் என்னுடைய வீட்டில் மாப்பிள்ளை பார்த்தால் க்ரிஷ் போல ஒரு பையனை பாருங்கள் என்று கூறினேன். அதற்கு அம்மா மிகவும் சின்ன பையனாக இருக்கிறானே என்று கேட்டார். நான் கிரிஷ்ஷை பார்த்தவுடன் எனக்கும் அப்படித்தான் தோன்றியது. நான் அவரை சந்தித்த போது கேட்ட முதல் கேள்வி உங்களுடைய வயது என்ன என்பதுதான். உண்மையில் கிருஷ் என்னை விட 2 வயது மூத்தவர்.

நான்தான் காதலைச் சொன்னேன். நான்தான் முதன்முறையாக கிருஷ்ஷிடம் என்னுடைய காதலைச் சொன்னேன். தொடர்ந்து, நாம் டேட் செய்து பார்க்கலாம். இந்த உறவு எப்படி செல்கிறது என்பதை பொறுத்து, நாம் அடுத்த கட்ட முடிவை எடுக்கலாம் என்றும் கூறினேன். இதையடுத்து நாங்கள் பழகினோம். மூன்றாவது மாதத்தில் எங்களுக்கு நிச்சயதார்த்தம் நடந்தது. எட்டாவது மாதத்தில் நாங்கள் கல்யாணம் செய்து கொண்டோம். அப்போது வரை எல்லாம் நன்றாகத்தான் சென்று கொண்டிருந்தது.

ஆனால், கல்யாணம் ஆன முதல் வருடத்தில் எங்களுக்குள் மிகப்பெரிய சண்டைகள் நடந்தன. காரணம் என்னவென்றால், அப்போது அவருக்கு சினிமா துறை குறித்து முழுமையாக தெரியாது. அதனால் இங்கு நடப்பது எல்லாம் அவருக்கு விசித்திரமாக இருந்தது. இதனால் அடிக்கடி நாங்கள் சண்டை போட்டுக் கொண்டே இருந்தோம்.

உண்மையில் அந்த வருடத்தில் நான் மிக மிக கஷ்டப்பட்டு கொண்டிருந்தேன். கிட்டத்தட்ட வெளி உலகையே மறந்து, எங்களுக்குள் இருக்கக்கூடிய பிரச்சினையை எப்படி தீர்ப்பது என்பதில் மூழ்கி இருந்தேன். ஆனால், ஒரு கட்டத்தில் எனக்கு நீயும், உனக்கு நானும் எப்போதும் இருப்போம் என்ற புள்ளியில் இருவருமே நின்றோம். அதன் பின்னர் எல்லாம் நல்லபடியாக நடந்தது. உண்மையாக சொல்ல வேண்டும் என்றால் அவர்தான் என்னுடைய முதல் குழந்தை” என்று பேசினார்.

நீரேற்றத்தை அதிகரிக்கும்