சவால்களை சந்தித்து சாதிக்கும் காலகட்டம்! அடி தூள் செய்வீர்கள்! மிதுனம் ராசிக்கான 2025 புத்தாண்டு ராசிபலன்கள்!
By Kathiravan V Oct 14, 2024
Hindustan Times Tamil
வரும் 2025ஆம் ஆண்டு மார்ச் மாதம் 29ஆம் தேதி சனி பகவான் கும்பம் ராசியில் இருந்து மீனம் ராசிக்கு பெயர்ச்சி ஆகிறார். 2025ஆம் ஆண்டு மே 15ஆம் தேதி அன்று குரு பகவான் ரிஷபம் ராசியில் இருந்து மிதுனம் ராசிக்கு பெயர்ச்சி ஆக உள்ளார். அடுத்து வரும் மே 18 ஆம் தேதி மீன ராசியில் இருக்கக்கூடிய ராகு பகவான், கும்ப ராசிக்கும், கன்னி ராசியில் இருக்கக்கூடிய கேது வந்து சிம்ம ராசிக்கும் பெயர்ச்சி ஆக உள்ளனர். ஒரு ராசியில் நீண்டநாள் இருந்து தாக்கம் செலுத்தும் சனி பகவான், குரு பகவான், ராகு, கேது பகவான் ஆகியோரின் பெயர்ச்சி நடக்கும் ஆண்டாக 2025ஆம் ஆண்டு உள்ளது.
சனி பெயர்ச்சியை பொறுத்தவரை தொழில் ரீதியாக பெரிய பாதிப்பு இருக்காது. ஆனால் அதே நேரத்தில் தொழிலில் வலுவான அடித்தளத்தை போடுவீர்கள். தொழில் மற்றும் வேலையில் உறுதி தன்மை உருவாகும்.
சனி பகவானின் 3ஆம் பார்வை ராசிக்கு 12ஆம் இடத்தில் விழுகின்றது. கட்டுக்கு அடங்காமல் இருந்த செலவுகளை கட்டுப்பாட்டுக்குள் கொண்டு வருவீர்கள். தொழில், வியாபாரம், கல்வியில் கவனம் செலுத்த நல்ல காலமாக இது இருக்கும். சனி பகவானின் 7ஆம் பார்வை 4ஆம் இடத்தில் விழுவதால் சொகுசு வாழ்கைக்கு ஆசைப்பட கூடாது.
வீடு, மனை, வாகனம் உள்ளிட்ட சொத்துக்களை வாங்க முடியாமல் இருந்தவர்களுக்கு அதனை வாங்கும் வாய்ப்புகள் உண்டாகும். ஏற்கெனவே வாகனங்களை வைத்து இருந்தவர்கள் அதை விற்று புதிய வாகனங்களை வாங்குவீர்கள். உயர்கல்வியில் உங்களுக்கு பிடித்தமான துறைகள் கிடைக்கும். உடல் ரீதியாக உள்ள பிரச்னைகள் இருந்தாலும் கவலைப்பட வேண்டாம். உடனடியாக சரியாகும். வணிக கூட்டாளிகள் உடன் கருத்து வேறுபாடுகள் வரலாம்.
குரு பகவான் ராசிக்கு 5ஆம் இடத்தை பார்ப்பது சிறப்பை தரும். மனதுக்கு பிடித்த சில விஷயங்கள் நடக்கும். குரு பார்வையால் குடும்பத்தில் மகிழ்ச்சி உண்டாகும். பிள்ளைகளால் பெருமை கிடைக்கும். கணவன், மனைவி இடையே இருந்த கருத்து வேறுபாடுகள் நீங்கும். வணிக கூட்டாளிகள் இடையே இருந்து வந்த கருத்து வேறுபாடுகள் தீரும்.
ராகுவை குரு பார்ப்பதால் தந்தை வழியில் இருந்து வந்த பிரச்னைகள் நீங்கும். பூர்வீக சொத்துக்கள் கிடைக்கும். எடுக்கும் முயற்சிகளில் வெற்றிகள் சற்று தாமதமாக கிடைக்கலாம். தோல்வி அடைந்தாலும் அதில் இருந்து மீண்டு வெற்றி அடைவீர்கள்.
மழை சீசனில் கண்களை எப்படி பராமரிக்க வேண்டும் என்பது பற்றி தெரிந்துகொள்வோம்