நீண்ட நேரம் உட்கார்ந்திருப்பது பல்வேறு உடல்நலப் பிரச்சினைகளை உண்டாக்கும். இது சிறு குழந்தைகள் முதல் பெரியவர்கள் வரை பாதிப்பை ஏற்படுத்தக்ககூடும். 

Enter text Here

ஆனால் தற்போது கம்ப்யூட்டர் என்பது அனைவரின் வேலையிலும் இன்றியமையாத அங்கமாகிவிட்டதால், நீண்ட நேரம் உட்கார்ந்து வேலை செய்கிறோம். ஒரு நாளைக்கு 10 மணி நேரத்திற்கும் மேலாக உட்கார்ந்திருப்பது இதய செயலிழப்புக்கு வழிவகுக்கும் என்று ஆய்வுகள் தெரிவிக்கின்றன. 

உட்கார்ந்த வாழ்க்கை முறை இதய ஆரோக்கியம் உட்பட உடலின் ஒட்டுமொத்த ஆரோக்கியத்தையும் பாதிக்கும். இது இதய நோய் மற்றும் பக்கவாதம் ஏற்படும் அபாயத்தை அதிகரிக்கிறது. 

ஒரு நாளைக்கு 10.6 மணி நேரத்திற்கும் மேலாக உட்கார்ந்திருப்பது, பிற்கால ஏட்ரியல் ஃபைப்ரிலேஷன், இதய செயலிழப்பு மற்றும் மாரடைப்பு ஆகியவற்றின் அபாயத்தை அதிகரிக்கிறது என்று அமெரிக்கன் கார்டியாலஜி கல்லூரியின் ஜர்னலில் வெளியிடப்பட்ட ஒரு புதிய ஆய்வு தெரிவிக்கிறது.

ஒவ்வொரு வாரமும் 150 நிமிடங்கள் உடற்பயிற்சி செய்வது மாரடைப்பு மற்றும் பிற இருதய பிரச்சனைகளின் அபாயத்தை ஓரளவு குறைக்க உதவும் என்றும் ஆய்வில் கண்டறியப்பட்டுள்ளது. 

உட்கார்ந்த வாழ்க்கை முறை இதய ஆரோக்கியத்தை எவ்வாறு பாதிக்கிறது என்பதையும் ஆய்வு காட்டுகிறது. உட்கார்ந்திருக்கும் போது உடற்பயிற்சி நேரத்தை நீட்டிக்க வேண்டியதன் அவசியத்தையும் ஆய்வு சுட்டிக்காட்டுகிறது. 

நீண்ட நேரம் உட்கார்ந்திருப்பது உயர் இரத்த அழுத்தம், நீரிழிவு மற்றும் இதய நோய் அபாயத்தை அதிகரிக்கிறது என்று முந்தைய ஆய்வுகள் காட்டுகின்றன. நிற்கும்போதும் நடக்கும்போதும் தசை ஆரோக்கியம் மேம்படும், ஆனால் நீண்ட நேரம் உட்காரும் போது ஓய்வெடுக்கிறது வளர்சிதை மாற்றத்தை குறைக்கிறது மற்றும் தசை ஆரோக்கியத்தை பாதிக்கிறது. மேலும் கொழுப்புச் சத்தை உண்டாக்கும்.

எனவே பணியின் போது அடிக்கடி எழுந்து சிறிது தூரம் நடந்தோ அல்லது சிறிது நேரம் நின்றோ உடலின் செயல்பாட்டை அதிகரிக்க வேண்டும்.  

நெய் ஏன் பயன்படுத்த வேண்டும் தெரியுமா..! இந்த 6 காரணங்களை தெரிந்து கொள்ளுங்கள்.

image credit to unsplash