அளவுக்கு அதிகமாக புரதம் சாப்பிடுவதால் உடலில் ஏற்படும் ஆபத்துகள், பக்க விளைவுகளை தெரிந்து கொள்ளலாம்
By Muthu Vinayagam Kosalairaman Jul 27, 2024
Hindustan Times Tamil
உடலில் ஆற்றல், செல் பராமரிப்புக்கு அடிப்படை தேவையாக புரதம் இருந்து வருகிறது. இதை அளவுக்கு அதிகமாக சாப்பிட்டால் சில பிரச்னைகளும் ஏற்படும்
புரதம் அதிகமாக சாப்பிட்டால் உடல் பாதிப்பை வெளிப்படுத்தும் அறிகுறிகள் எவை என்பதை பார்க்கலாம்
அதிகமாக புரதம் எடுத்துக்கொள்வதால் உடலில் நீர்இழப்பு ஏற்படும். இதனால் சோர்வாக உணர்வீர்கள்
அளவுக்கு அதிகமான புரதம் கொழுப்பாக மாறி உடலில் தங்கிவிடும். இதனால் எடை அதிகரிப்பு நிகழும்
குறைவான கார்ப்போஹைட்ரே, அதிக புரதம் கொண்ட டயட் கெட்டோசிஸ் பாதிப்பை ஏற்படுத்தும். இதன் விளைவாக கீட்டோன் உற்பத்தி அதிகமாக ப்ரூட் அல்லது நெயில் பாலிஷ் போன்ற நறுமணம் சுவாசத்தில் இருந்து வெளிபடும்
அதிக புரதம், குறைவான நார்ச்சத்து டயட் மலச்சிக்கலை ஏற்படுத்தும். எனவே அதிகம் தண்ணீர் பருகி, நார்ச்சத்து உணவுகள் சேர்த்துக்கொண்டால் இந்த பிரச்னையிலிருந்து விடுபடலாம்
அளவுக்கு அதிகமாக புரதம் நிறைந்த பால் சார்ந்த உணவுகள், பதப்படுத்தப்பட்ட இறைச்சிகள் வயிற்றுப்போக்கை ஏற்படுத்தும். எனவே சமச்சீரான டயட் மற்றும் போதுமான அளவு தண்ணீரை எடுத்துக்கொள்ள வேண்டும்
அதிக புரதம் கொண்ட டயட் சிறுநீரகத்தில் பாதிப்பை ஏற்படுத்தும். எனவே ஆரம்ப கட்ட சிறுநீரக பாதிப்பு இருப்பவர்கள் புரதம் உணவுகளை கட்டுப்பாடுடன் சாப்பிட வேண்டும்
முடி வளர்ச்சிக்கு உதவும் நெல்லிக்காய், செம்பருத்தி எண்ணெயை வீட்டிலேயே செய்யலாமா!