பிரபல சீரியல் நடிகையான ராணி தன்னுடைய சீரியல் வாழ்க்கை குறித்து, கலாட்டா சேனலுக்கு அளித்த பேட்டியில் பேசி இருக்கிறார்.
By Kalyani Pandiyan S Jul 28, 2024
Hindustan Times Tamil
இது குறித்து அவர் பேசும் போது, “ எங்கள் வீட்டில் முழுக்க, முழுக்க பெண் குழந்தைகள். அப்பா, நாங்கள் சிறுவயதாக இருக்கும் போதே இறந்து விட்டதால், எங்கள் வீட்டு பெண்களுக்கு சீக்கிரமாக கல்யாணம் முடிக்க வேண்டும் என்று சொல்லி, கல்யாணம் முடித்து வைத்து விட்டார்கள். எனக்கு, நான் கல்லூரி இரண்டாம் ஆண்டு படித்துக் கொண்டிருக்கும் பொழுதே, கல்யாணம் முடித்து வைத்து விட்டார்கள்.
என்னுடைய பட்டப்படிப்பின் இறுதி தேர்வை கூட நான் எழுதவில்லை. என்னுடைய மகன் பிறந்த பிறகுதான், நான் சீரியலுக்குள்ளேயே என்ட்ரி ஆனேன். கடவுளின் அருளால் நான் என்ட்ரி ஆனதிலிருந்து இப்போது வரை தொடர்ந்து வேலை பார்த்துக் கொண்டே இருக்கிறேன்.
என்னுடைய பெரும்பான்மையான கேரக்டர்கள் அனைத்துமே நெகட்டிவான கேரக்டர்கள்தான். ஆனால், என்ன நமக்கு மட்டும் இப்படி நெகட்டிவான கேரக்டர்களாக வந்து கொண்டிருக்கிறதே.. நம்மை இப்படியே முத்திரை குத்தி விடுவார்களோ என்று நான் ஒரு நாளும் நினைத்ததில்லை. காரணம் என்னவென்றால், கிளிசரின் போட்டுக் கொண்டு அழுவதெல்லாம் எனக்கு சுத்தமாக பிடிக்காது குறைந்த நாட்கள் ஷூட்டிங் சென்றாலும், அங்கு நான் தான் அந்த கேரக்டரின் வழியாக, ராணி போல தெரியவேண்டும் என்று நினைப்பேன். அதனால் அதை நான் மிகவும் சந்தோஷமாகத்தான் செய்து கொண்டிருக்கிறேன்.
சொர்க்கம் சீரியலின் போது, ஒரு முறை கோயில் அருகே ஷூட்டிங் செய்து கொண்டிருக்கும் பொழுது, அந்த சீரியலில் நடப்பது உண்மையான நம்பிய சிலர் என்னை அடிக்கவே வந்து விட்டார்கள். நான் அவர்களிடம் இருந்து தப்பிக்க, காருக்குள் சென்று கண்ணாடியை ஏற்றி உள்ளேயே இருந்தேன்” என்று பேசினார்.
Gold Rate Today : தாண்டவம் ஆடும் தங்கம் விலை.. இன்றைய தங்கம் மற்றும் வெள்ளி விலை நிலவரம் இதோ!