’ஆட்டம் ஆரம்பம்! பணத்தால் மிரள வைக்க போகும் மேஷம் ராசி!’ 2025ஆம் ஆண்டுக்கான புத்தாண்டு ராசிபலன்கள்!

’ஆட்டம் ஆரம்பம்! பணத்தால் மிரள வைக்க போகும் மேஷம் ராசி!’ 2025ஆம் ஆண்டுக்கான புத்தாண்டு ராசிபலன்கள்!

வரும் 2025ஆம் ஆண்டு மார்ச் மாதம் 29ஆம் தேதி சனி பகவான் கும்பம் ராசியில் இருந்து மீனம் ராசிக்கு பெயர்ச்சி ஆகிறார். 2025ஆம் ஆண்டு மே 15ஆம் தேதி அன்று குரு பகவான் ரிஷபம் ராசியில் இருந்து மிதுனம் ராசிக்கு பெயர்ச்சி ஆக உள்ளார். அடுத்து வரும் மே 18 ஆம் தேதி மீன ராசியில் இருக்கக்கூடிய ராகு பகவான், கும்ப ராசிக்கும்,  கன்னி ராசியில் இருக்கக்கூடிய கேது வந்து சிம்ம ராசிக்கும் பெயர்ச்சி ஆக உள்ளனர். 

செவ்வாய் பகவானை அதிபதியாக கொண்ட மேஷம் ராசிக்காரர்கள் கம்பீரம் மற்றும் சுயமரியாதையின் அடையாளமாக விளங்குவார்கள். செய்யும் செயலால் கௌரவம் பாதிக்கப்பட்டுவிடக்கூடாது என்பதில் மிக கவனமாக இருப்பார்கள். மேஷ ராசியை பொறுத்தவரை அஸ்வினி 4 பாதம். பரணி 4 பாதம், கார்த்திகை முதல் பாதங்கள் உள்ளது. 

11ஆம் இடமான மீனம் கும்பம் ராசியில் உள்ள சனி பகவான் 12ஆம் இடமான மீனம் ராசியில் இடம்பெற உள்ளதால் ஏழரை சனி பாதிப்பு தொடங்குகின்றது. விரைய சனி என்பதால் பெரிய பாதிப்புகள் இல்லை என்றாலும் சுப விரையங்கள் இருந்து கொண்டே இருக்கும். வரவு செலவில் மிக கவனமாக இருக்க வேண்டிய காலகட்டம் இது. உங்கள் வருமானங்களை திறமையான முதலீடாக மாற்றிக் கொள்வதில் உங்கள் திறமை உள்ளது. திருமணம், சொத்து, வீடு, மனை, வாகனம் உள்ளிட்டவைகள் வாங்க வாய்ப்புகள் உண்டாகும். ஒவ்வொரு செலவுகளையும் சுப செலவுகளாக மாற்றுவதன் மூலம் விரைய சனி பாதிப்பை ஓரளவு கட்டுப்படுத்த முடியும்.

மூன்றாம் இடத்திற்கு குரு பகவான் பெயர்ச்சி ஆகிறார். இருக்கும் வேலையை விட்டுவிட்டு புதிய வேலையை தேடும் நபர்களுக்கு புதிய வேலை வாய்ப்புகள் உண்டாகும். சிலருக்கு பதவி, பட்டம், பொறுப்புகள் கிடைக்கும். அதே போல் இருக்கும் நிறுவனத்தைவிட்டு புதிய நிறுவனத்திற்கு செல்ல விரும்புவர்கள் வேலைக்கான உத்தரவாதம் கிடைக்கும் வரை கவனமாக இருக்க வேண்டும்.  குலதெய்வத்திற்கு முடிக்காணிக்கை அளிப்பது நன்மைகள் தரும். 

குருவோட பார்வை ராசிக்கு ஏழாம் வீட்டை பார்ப்பதால் திருமண முயற்சிகள் கைக்கூடும். தள்ளிப்போன திருமணங்கள் விரைவில் நிச்சயம் ஆகும். தொழிலில் கூட்டாளிகள் பக்கபலமாக இருப்பார்கள். 

தொழில் கூட்டாளிகள் உடன் இருந்த கருத்து வேறுபாடுகள் தீரும். வாழ்கை துணை வழியில் மகிழ்ச்சி உண்டாகும். ராகு, கேது பெயர்ச்சிக்கு பிறகு, தொழில் மிக சிறப்பாக இருக்கும். புதிய வேலை வாய்ப்புகள் உண்டாகும். தொழிலில் மிகப்பெரிய லாபம் உண்டாகும்.

தொழில் மற்றும் உத்யோகத்தில் பணி சுமைகள் இருக்கும். பசி, தூக்கத்தை தாண்டி வேலை செய்ய வேண்டி வரும். தொழில் மற்றும் வேலையில் செலவுக்கு ஏற்ற வருவாயை உண்டாக்கி தரும். 

வேலை தேடும் மற்றும் வேலை இழந்த மேஷம் ராசிக்காரர்களுக்கு புதிய வேலை வாய்ப்புகள் கிடைக்கும். மேலும் ராசிக்கு 9ஆம் இடத்தை சனி பகவான் பார்க்கிறார். இதனால் தந்தையின் உடல்நிலையில் மிக கவனம் தேவை. குடும்பத்தினர் உடல்நலனின் மேஷம் ராசிக்காரர்கள் கவனமாக இருக்க வேண்டும். சிறிய மருத்துவ பிரச்னைகள் ஏற்பட்டாலும் அதனை அலட்சியம் செய்யாமல் மருத்துவரை அணுக வேண்டும். 

நவம்பர் 24-ம் தேதியான இன்று 12 ராசிகளுக்கான பலன்களை காணலாம்