திருமணத்திற்கு பத்து பொருத்தம் தேவையா? பொருத்தம் பார்த்தும் பிரச்னை வருவது ஏன்?
Meta AI
By Pandeeswari Gurusamy May 07, 2025
Hindustan Times Tamil
திருமண பேச்சை வீட்டில் ஆரம்பித்தாலே, முதலில் பார்ப்பது ஜாதகத்தை தான். அதிலும், அடிக்கடி காதில் விழுவது 10 பொருத்தம். 10-ல் எத்தனை பொருத்தம் இருக்கிறது என்று தான் முதலில் பார்ப்பார்கள்.
Meta AI
அதென்ன பத்து பொருத்தம்?:
ஜோதிடர் ஏதோ சொல்கிறார், நாங்களும் கேட்கிறோம் என்று தான் இந்த கேள்விக்கு நம்மில் பலர் பதில் சொல்வார்கள். பத்து பொருத்தம் என்றால், 10 விதமான பொருத்ததை குறிப்பிடுகிறது.
பத்துக்கு பத்து பொருத்தங்கள், எல்லோருக்கும் வாய்ப்பது மிகவும் கடினம். இவற்றில் தினம், கணம், யோனி, ராசி, ரஜ்ஜூ ஆகிய 5 பொருத்தங்கள் தான் மிகவும் முக்கியமானது என சில ஜோதிடர்கள் சொல்கிறார்கள்.
Meta AI
நிச்சயிக்கும் திருமணத்திற்கு பத்து பொருத்தமும் பார்க்க வேண்டியது அவசியம் என பெற்றோர் எண்ணுகிறார்கள். அதில் தவறில்லை. திருமணத்திற்கு பத்து பொருத்தம் தேவைதான். ஆனால் 10 பொருத்தம் மட்டும் போதும் என்று நினைப்பதுதான் தவறு.
Meta AI
“எல்லாப் பொருத்தமும் பார்த்துதான் கல்யாணம் பண்ணோம். பத்துக்கு ஒன்பது பொருத்தம் நல்லா இருக்குன்னு சொன்னாங்க. ஆனா கல்யாணம் ஆகி முழுசா ஒருமாசம் கூட வாழல. அதுக்குள்ள ரெண்டு பேருக்கும் சண்டைன்னு பிரிஞ்சிட்டாங்க.” என்ற பேச்சை தற்காலத்தில் பரவலாக கேட்க முடிகிறது.
Meta AI
காதல் திருமணங்களுடன் ஒப்பிடும் போது நிச்சயிக்கும் திருமணங்களின் தோல்வி விழுக்காடு குறைவுதான் என்றாலும், பார்த்து பார்த்து செய்த திருமணங்கள் நீதிமன்ற படிக்கட்டுகளை ஏறுவதால், இளைய தலைமுறையினருக்கு மட்டுமல்ல, பெற்றோர்களுக்கும் ஜோதிடத்தின் மீதான நம்பிக்கை குறைகிறது.
Meta AI
பொருத்தம் பார்த்துத்தானே திருமணத்தை நடத்தினோம், ஆனால் பிரிந்துவிட்டார்களே.. அப்படியென்றால் ஜோதிடம் பொய்யா?, அல்லது ஜோதிடர் பொய் சொன்னாரா? என்ற சந்தேகம் தோன்றுவதும் இயற்கையே.
Meta AI
இதற்கு நேரடியாக பதில் சொல்ல வேண்டும் என்றால் நிச்சயமாக ஜோதிடம் பொய் சொல்லாது. ஜோதிடர்களும் பொய் சொல்ல மாட்டார்கள். அப்படியென்றால், தவறு உண்டானது எங்கே.. கொஞ்சம் அலசுவோம்.
Meta AI
பத்து பொருத்தம் பார்க்கும் முறை என்பது ஆண், பெண் ஆகியோரின் ஜென்ம நட்சத்திரத்தை கொண்டு கணிக்கும் முறை. அதாவது பெண்ணின் நட்சத்திரத்தில் இருந்து ஆணின் நட்சத்திரம் வரை எண்ணி வரும் எண்ணிக்கையை அடிப்படையாகக் கொண்டு கணக்கிட்டு அதனை வைத்து பொருத்தம் பார்த்துச் சொல்வார்கள்.
Meta AI
இங்கேதான் தவறு நிகழ்கிறது. இந்த பத்து பொருத்தமும் முழுக்க முழுக்க ஆண், பெண் இருவரின் ஜென்ம நட்சத்திரத்தை மட்டுமே அடிப்படையாகக் கொண்டு கணிக்கப்படுகிறதே தவிர ஜாதகத்தில் உள்ள கிரக நிலைகளின் அடிப்படையில் அமைவது அல்ல.
Meta AI
திருமணப் பொருத்தம் பார்க்கும்போது ஜாதக கட்டத்தை ஆராய்ந்து பலனைப் பார்க்காமல், வெறும் நட்சத்திரத்தை மட்டும் அடிப்படையாகக் கொள்ளும்போது நாம் நினைப்பதற்கு மாறாக நடந்துவிடுகிறது.
Meta AI
இது அனைத்திற்கும் மேலாக, திருமண தகவல் மையங்களே இந்த பொறுப்பை ஏற்றுக் கொண்டு ஆண், பெண்ணுக்கு பொருத்தம் பார்த்து ஏற்ற வரன்களை அனுப்புவதுதான் உச்சகட்ட கொடுமை என ஜோதிட சிரோன்மணி ஆர்.கே.வெங்கடேஸ்வர் குறிப்பிட்டுள்ளார்.
Meta AI
சனி பகவான் ஒரு நீதிமான், துலாம் ராசியில் அவர் உச்சம் அடைவார். கும்பம், மகரம் ராசிகளில் அவர் ஆட்சி ஆவார். மேஷ ராசியில் அவர் நீச்சம் அடைவார்.