இஞ்சி இடுப்பழகி’ படத்தில் கதாபாத்திரத்திற்காக உடல் எடை அதிகரித்த அனுஷ்காவிற்கு, அதனை குறைப்பதில் பெரும் சிக்கல் ஏற்பட்டது. அதன் காரணமாக, அவருக்கு பட வாய்ப்புகளும் பெரிதளவில் குறைந்தன. இந்த நிலையில், அவர் தற்போது  ‘காதி’ திரைப்படம் மூலம் கம்பேக் கொடுக்க இருக்கிறார். 

இந்த நிலையில் அனுஷ்கா கதையை தேர்ந்தெடுப்பதில் தனக்கு இருக்கும் பார்வையை பிஹைண்ட் வுட்ஸ் யூடியூப் சேனலுக்கு சில வருடங்களுக்கு முன்னர் பகிர்ந்திருந்தார். அந்த பேட்டியை இங்கே பார்க்கலாம்.

‘அருந்ததி’ திரைப்படத்தை இயக்கிய கொடி இராமக்கிருஷ்ணாவுக்கு அந்தக்கதையின் மீது இருந்த நம்பிக்கைதான் என்னை அந்த படத்தில் நடிக்க வைத்தது. நான் என்னுடைய கெரியரில், இப்படி செய்ய வேண்டும், அப்படி செய்ய வேண்டும் என்றெல்லாம் பெரிதாக யோசித்தது கிடையாது. ஆனால் இயல்பாக எனக்கு கிடைத்த கதாபாத்திரங்கள் அனைத்தும் வித்தியாசமானவையாக இருந்தன.

5 வருடங்கள் கால்ஷீட் பாகுபலி திரைப்படத்திற்கு 5 வருடங்கள் கால்ஷீட் கொடுத்ததை பற்றி கேட்கிறீர்கள், ஆனால் அந்தப்படத்தை ராஜமவுலி இயக்குகிறார் என்பது தெரிந்தவுடன், இந்தத் திரைத்துறை அதைப்பற்றியெல்லாம் முற்றிலும் மறந்து விட்டது. இருப்பினும் எனக்கு ஒரு கதை பிடித்து விட்டது என்றால், அது என் இதயத்தோடு நெருக்கமாகி விட்டது என்றால், யார் சொன்னாலும் நான் கேட்க மாட்டேன்.

பாகுபலி 1 மற்றும் பாகுபலி 2 படத்திற்கு இடையேதான் நான் ‘இஞ்சி இடுப்பழகி’ படத்தில் நடிக்க கமிட்டானேன். அப்போது பல பேர் இந்த சமயத்தில், இந்த படத்தில் நடிக்க வேண்டாம் என்று கூறினார்கள். காரணம், அந்த படத்தில் நான் எடையை அதிகரிக்க வேண்டும் என்பது முக்கியமான கருவாக இருந்தது. அதில் அவர்களுக்கு ஒரு விதமான பயம் இருந்தது.

‘அருந்ததி’ திரைப்படத்திற்கு பின்னர் நான் ஒரு விபச்சாரியாக ‘வானம்’ திரைப்படத்தில் நடித்தேன். அந்த படத்தில் நான் கமிட்டாகும் பொழுது ‘அருந்ததி’ போன்ற படத்தில் நடித்துவிட்டு, இப்படிப்பட்ட கதாபாத்திரத்தில் நீங்கள் நடிக்காதீர்கள் என்று பலர் கூறினார்கள். ஆனால், எனக்கு அந்த கதை மிகவும் பிடித்திருந்தது. அதனால் அந்த படத்தில் நான் நடித்தேன்.

டிசம்பர் 09-ம் தேதியான இன்று 12 ராசிகளுக்கான பலன்களை காணலாம்