Israel embassy: இஸ்ரேல் தூதரகம் அருகே குண்டு வெடித்த சம்பவம்-லேட்டஸ்ட் அப்டேட் இதோ

• டெல்லியில் உள்ள இஸ்ரேல் தூதரகத்திற்கு அருகே மர்ம பொருளை வெடிக்கச் செய்துவிட்டு அங்கிருந்து ஆட்டோவில் ஏறி தப்பிச் சென்ற நபரை போலீஸார் தேடி வருகின்றனர். இதுதொடர்பாக இன்னும் முதல் தகவல் அறிக்கை பதிவு செய்யப்படவில்லை என தகவல்கள் தெரிவிக்கின்றன. டிசம்பர் 26ம் தேதி இந்த குறைந்த தாக்கத்தை ஏற்படும் குண்டு வெடிப்பு சம்பவம் இங்கு நிகழ்ந்தது. சந்தேக நபரை டெல்லி போலீஸாரும், பயங்கரவாத தடுப்பு பிரிபு போலீஸாரும் தேடி வருகின்றனர். 2 சந்தேக நபர்களை சிசிடிவி கேமிரா காட்சிகளை வைத்து தேடி வருகின்றனர். தடயவியல் துறையின் முடிவுகளுக்காக போலீஸார் மறுபக்கம் காத்திருக்கின்றனர். தேசிய பாதுகாப்புப் படை சீலிடப்பட்ட அறிக்கையை டெல்லி போலீஸாரிடம் விரைவில் ஒப்படைக்கும் என எதிர்பார்க்கப்படுகிறது. டாக்ஸி, ஆட்டோ ஓட்டுநர்களிடமும் விசாரணை நடத்தப்பட்டு வருகிறது. இஸ்ரேல்-ஹமாஸ் இடையே காஸாவில் போர் நடந்து வரும் நிலையில், இந்த சம்பவம் டெல்லியில் பரபரப்பை ஏற்படுத்தியுள்ளது.