இந்த ஆண்டில் ரீ-ரிலீஸ் ஆகி பாக்ஸ் ஆபிஸில் கில்லி அடித்த படங்கள்.. எவ்வளவு வசூல் தெரியுமா?

<ul><li>2024ஆம் ஆண்டில் கோலிவுட், டோலிவுட், பாலிவுட் என டாப் ஹீரோக்களின் பல சூப்பர் படங்கள் ரீ-ரிலீஸ் வசூல் வேட்டையும் நிகழ்த்தின. ரீ-ரிலீஸில் அதிக வசூலை குவித்த படங்கள் எவையெல்லாம் என்பதை பார்க்கலாம்</li></ul>

Top 10 cinema: சூர்யா இளையராஜா சந்திப்பு.. ஆபீசர் ஆன் டியூட்டி ஓடிடி ரிலீஸ் வரை - இன்றைய டாப் 10 சினிமா செய்திகள்!

paragraph

<p>1.தமிழ் சினிமாவில் தனித்துவமான படங்களை இயக்கி அதன் மூலம் மக்களின் மனதில் இடம் பிடித்த இயக்குனர்களின் வரிசையில் முன்னிலையில் இருப்பவர் இயக்குநர் வெற்றி மாறன். இவரது இயக்கத்தில் கடந்த ஆண்டு வெளியான விடுதலைப் இரண்டாம் பாகம் கலவையான விமர்சனங்களைப் பெற்றது. தற்போது இவரும் சூர்யாவும் வாடிவாசல் படத்தில் இணைந்திருக்கிறார்கள். இந்தப்படத்திற்கான இசைப்பணிகள் நடந்து வருவதாக தகவல்கள் வெளியாகி இருக்கின்றன.</p><p>2. கார்த்திக் சுப்புராஜ் இயக்கத்தில் சூர்யா நடித்திருக்கும் புதிய படமான ரெட்ரோ வரும் கோடை விடுமுறையில் திரைக்கு வரவுள்ளது. கடந்த சில நாள்களுக்கு முன் வெளியான படத்தின் டைட்டில் டீஸர் ரசிகர்களை வெகுவாக கவர்ந்தது. கடந்த ஒரு மாதத்திற்கு முன்னதாக படத்தில் இருந்து கண்ணாடிப்பூவே பாடல் வெளியாகி கவனம் பெற்றது. இந்த நிலையில் இப்படத்தின் இரண்டாம் பாடலான கனிமா பாடல் நாளை (21 -03 -2025) அன்று வெளியாகும் என்று அறிவிக்கப்பட்டு இருக்கிறது.</p><p>மேலும் படிக்க | <a class="manualbacklink" target="_blank" href="https://tamil.hindustantimes.com/entertainment/mohanlal-seeks-divine-blessings-for-mammootty-on-his-visit-to-the-sabarimala-temple-131742400201997.html">Mohanlal: ‘முகமது குட்டி பெயரில் நீராஞ்சனம் பண்ணுங்க..’ நண்பன் மம்முட்டிக்காக சபரிமலை ஏறிய மோகன்லால்! - முழு விபரம்</a></p><p>3. ஆர்யா, பசுபதி, துஷாரா விஷயன், ஜான் கொக்கன், கலையரசன், ஜான் விஜய் உள்ளிட்ட பலர் நடித்திருந்த சார்பட்டா பரம்பரை திரைப்படம் கடந்த 2021 ஆம் ஆண்டு ஜூலை 22 ஆம் தேதி அமேசான் ஓடிடி தளத்தில் வெளியானது. இந்த படத்திற்கு பிரபல இசையமைப்பாளர் சந்தோஷ் நாராயணன் இசையமைத்து இருந்தார்.</p><p>இந்தப்படத்தின் இரண்டாம் பாகம் உருவாக இருப்பதாக அறிவிக்கப்பட்ட நிலையில், படத்திற்கான பட்ஜெட் 80 கோடி ஆகும் என்று பா.ரஞ்சித் கூறியதாகவும், அதைக்கேட்ட ஜீ ஸ்டியோஸ் நிறுவனம் இதைக்கேட்டு பின் வாங்கியதாகவும் கூறப்படுகிறது. இதனால் வேறு முதலீட்டாளர்கள் வரும் வரை இந்தப்படம் கிடப்பில்தான் கிடக்கும் என்று சொல்லப்படுகிறது.</p><p>4. நடிகை பாவனா தன் சினிமா வாழ்க்கை குறித்தும் தனிப்பட்ட வாழ்க்கை குறித்தும் பிஹைண்ட்வுட்ஸ் டிவி யூடியூபிற்கு பேட்டி அளித்தார். அதில் பல விஷயங்களை பகிர்ந்தார். அசல் தான் தமிழ்ல என்னோட கடைசி படமா இருக்கும்ன்னு நான் நெனச்சே பாக்கல.</p><p>நல்ல படம் வந்தா பண்ணலாம்ன்னு தான் இருந்தேன். என்ன எப்படி கான்டாக்ட் பண்றதுன்னு தெரியாததால பல படத்தோட ஆஃபர மிஸ் பண்ணிருக்கேன். நிறைய பேர் இந்த படத்துக்கு எல்லாம் உங்கள தான் யோசிச்சேன்னு எல்லாம் சொல்லுவாங்க.' என்று பேசினார்.</p><p>மேலும் படிக்க | <a class="manualbacklink" target="_blank" href="https://tamil.hindustantimes.com/entertainment/mohanlal-l2-empuraan-promotion-actor-prithviraj-latest-emotional-interview-about-his-father-sukumaran-death-131742373241217.html">‘அப்பா சடலத்தை வச்சிருக்கோம்.. அவர் வந்தாருன்னு கைத்தட்டி சிரிச்சாங்க’ - அப்பா இறப்பு குறித்து பிரித்விராஜ் பேட்டி!</a></p><p>5. மலையாள நடிகரான மோகன்லால் தன்னுடைய நண்பரும், நடிகருமான மம்முட்டி நலம் பெறுவதற்காக சபரிமலை ஐயப்பன் கோயிலுக்கு சென்று பிரார்த்தனை செய்திருக்கிறார். அண்மையில், மம்முட்டிக்கு புற்றுநோய் பாதிப்பு ஏற்பட்டு இருப்பதாக தகவல் வெளியானது. ஆனால், அவரது மக்கள் தொடர்பு குழு, அது உண்மைக்கு புறம்பான செய்தி என்று தெரிவித்திருந்தது. இந்த நிலையில் நேற்றுமுன் தினம் சபரிமலை ஐயப்பன் கோயிலுக்கு சென்ற மோகன்லால் மம்முட்டி நலம்பெற அங்கு வழிபாடு செய்திருப்பதாக தகவல் வெளியாகி இருக்கிறது.</p><p>6. மோகன்லால் நடிப்பில் அடுத்தாக எம்புரான் படம் வெளியாக இருக்கிறது. இந்தப்படம் மார்ச் 27 அன்று வெளியாக இருக்கிறது. இயக்குநரும், நடிகருமான பிருத்விராஜ் சுகுமாறன் இயக்கத்தில் வெளியாகி வெற்றி பெற்ற 'லூசிஃபர்' படத்தின் இரண்டாம் பாகமாக இந்தப்படம் உருவாகியுள்ளது.</p>

<p>இந்தப்படத்தில் மோகன்லால், பிருத்விராஜ் சுகுமாறன், டொவினோ தாமஸ், மஞ்சு வாரியர் , சுராஜ் வெஞ்சரமூடு, சானியா ஐயப்பன், கிஷோர் ,சாய்குமார், சச்சின் கடேக்கர், 'கேம் ஆப் த்ரோன்ஸ்' பட புகழ் நடிகர் ஜெரோம் ஃப்ளின் என ஏராளமான நட்சத்திரங்கள் நடித்திருக்கிறார்கள். இந்தப்படத்தின் ட்ரெய்லர் வெளியாகி வரவேற்பை பெற்று வருகிறது.</p><p>மேலும் படிக்க | <a class="manualbacklink" target="_blank" href="https://tamil.hindustantimes.com/entertainment/singer-suchitra-latest-speech-about-divya-sathya-raj-political-entry-131742390378121.html">Divya Sathya: ‘திவ்யா சத்யராஜ் எந்த கட்சியில சேர்ந்தால் என்ன?..சாதிய வச்சு ஏன்டா கேள்வி கேக்குறீங்க’ -சுசித்ரா பேச்சு!</a></p><p>7. தன்னுடைய முதல் சிம்பொனி இசையை லண்டனில் அரங்கேற்றம் செய்த இளையராஜா, பிரதமர் மோடி உட்பட பலரிடம் வாழ்த்து பெற்றார். இந்த நிலையில் நேற்றைய தினம் சூர்யா தனது தங்கை மற்றும் அப்பாவுடன் சேர்ந்து ராஜாவை சந்தித்து வாழ்த்து தெரிவித்தார்.</p><p>8. விஜய், வடிவேலு, ரீமா சென் ஆகியோர் நடிப்பில் விஜயின் 22 வது படமாக வெளியான திரைப்படம் பகவதி. மிகப்பெரிய ஹிட்டான இந்தத்திரைப்படம் வரும் மார்ச் 21ம் தேதி (21-03-2025) அன்று வெளியாக இருப்பதாக அறிவிக்கப்பட்டு இருக்கிறது.</p><p>9. மலையாளத்தில் மக்களிடம் மிகப்பெரிய வரவேற்பு பெற்ற 'Officer On Duty' திரைப்படம் இன்று நெட்ஃபிளிக்ஸ் ஓடிடியில் வெளியாகிறது.</p><p>10. கொய்யா வியாபாரி பெண்மணி ஒரு தான் கொடுத்த 50 ரூபாய் டிப்ஸிற்கு மேலும் இரண்டு கொய்யாக்களை கொடுத்ததாகவும், தன்னுடைய தர்மத்தை அவர் விரும்பாமல் தனக்கு கொய்யா பழங்களை கொடுத்தது தன்னை உதவேகப்படுத்தியதாகவும் பிரியங்கா சோப்ரா கூறியிருக்கிறார்.</p>

<p>Top 10 cinema: இன்றைய தினத்தின் டாப் 10 சினிமா செய்திகளை இங்கே பார்க்கலாம்.&nbsp;</p>

டாப் 10 சினிமா செய்திகள்: ஷங்கரின் சொத்துகள் முடக்கம் முதல்.. அஜித்தின் அடுத்த படம் வரை.. டாப் 10 சினிமா செய்திகள்

<p>டாப் 10 சினிமா செய்திகள்: இயக்குநர் ஷங்கரின் சொத்துகளை அமலாக்கத்துறை முடக்கியது வரை நடிகர் அஜித்தின் அடுத்த பட டைரக்டர் வரை இன்றைய டாப் 10 செய்திகளை பார்க்கலாம்.</p><h2>1. இயக்குநர் ஷங்கரின் சொத்துகள் முடக்கம்</h2><p>தமிழ் சினிமாவின் பிரம்மாண்ட இயக்குநரான ஷங்கர் சட்டவிரோதமாக பண பரிமாற்றம் செய்ததாகக் கூறி அமலாக்கத்துறையினர் அவருடைய ரூ. 10.11 கோடி மதிப்பிலான 3 சொத்துகளை முடக்கியுள்ளது. இதுதொடர்பாக வழக்குப் பதிவு செய்து தொடர்ந்து விசாரணை நடத்தி வருவதாகவும் கூறியுள்ளது.</p><h2>2. நிலவுக்கு என்மேல் என்னடி கோபம் படத்தின் சிறப்பு காட்சிக்கு அனுமதி</h2><p>தனுஷ் இயக்கத்தில் பவிஷ், அனிகா உள்ளிட்டோர் நடிப்பில் நாளை வெளியாக உள்ள திரைப்படம் நிலவுக்கு என்மேல் என்னடி கோபம். இந்தப் படத்தின் சிறப்பு காட்சிக்கு அனுமதி அளித்து தற்போது தமிழ்நாடு அரசு ஆணை பிறப்பித்துள்ளது.</p><p><a class="manualbacklink" target="_blank" href="https://tamil.hindustantimes.com/entertainment/enforcement-directorate-seizes-three-properties-of-tamil-director-shankar-for-copyright-act-131740058015384.html"><strong>மேலும் படிக்க:</strong> இயக்குநர் ஷங்கரின் சொத்துகளை முடக்கிய அமலாக்கத்துறை..</a></p><h2>3. கண்களில் கனவோட இருக்காங்க</h2><p>நிலவுக்கு என்மேல் என்னடி கோபம் படம் நாளை வெளியாகவுள்ள நிலையில், இந்தப் படம் குறித்து இயக்குநர் தனுஷ் தற்போது வீடியோ ஒன்றை வெளியிட்டுள்ளார். அந்த வீடியோவில், "இந்தப் படத்துல நடிச்சிருக்கிற இளைஞர்கள் எல்லாரும், அவங்களோட எதிர்காலத்த எதிர்பார்த்துக் காத்துக்கிட்டு இருக்காங்க. கண்ணுல கனவோட இருக்காங்க, அந்தக் கனவுகள் எல்லாம் நிறைவேறனும்னு ஆண்டவனை வேண்டிக்கிறேன். அந்த இடத்துல நானும் இருந்திருக்கேன், அந்த உணர்வு எனக்கு நல்லாவே தெரியும்" எனக் கூறியுள்ளார்.</p><h2>4. சூர்யா படப்பிடிப்பு நிறுத்தம்</h2><p>நடிகர் சூர்யா தற்போது, இயக்குநர் ஆர்.ஜே. பாலாஜியின் படத்தில் நடித்து வருகிறார். இந்தப் படப்பிடிப்பு தற்போது கோயம்புத்தூரில் முடிவடைந்த நிலையில், தற்போது வண்டலூர் அருகே படப்பிடிப்பு நடத்த திட்டமிட்டது. இதற்காக கிரேன்கன், படப்பிடிப்புக்காக வந்த வாகனங்களால், கிராம மக்களுக்கு இடையூறு ஏற்படுவதாக குற்றம் சாட்டினர். பின் இது வாக்குவாதமாக மாறி படப்பிடிப்பு நிறுத்தப்பட்டது. பின், முறையாக போலீசாரிடம் அனுமதி பெற்று படப்பிடிப்பை நடத்துமாறும் கூறப்பட்டுள்ளது.</p><p><strong>மேலும் படிக்க:&nbsp;</strong> <a class="manualbacklink" target="_blank" href="https://tamil.hindustantimes.com/entertainment/suriya-45-police-stop-rj-balaji-suriya-45-film-shooting-at-kelambakkam-131740036078412.html">சூர்யாவின் படப்பிடிப்பு நிறுத்தம்.. என்ன பிரச்சனை?</a></p><h2>5. ஜப்பானில் வெளியாகும் ரஜினி படம்</h2><p>நடிகர் ரஜினிகாந்த் நடிப்பில், 2023ம் ஆண்டு வெளியான திரைப்படம் ஜெயிலர். நெல்சன் இயக்கிய இந்தப் படத்தின் 2ம் பாகத்திற்கான அறிவிப்பு வெளியான நிலையில், இப்போது இந்த படம் ஜப்பானில் வெளியாக உள்ளதாக தகவல் வெளியாகி உள்ளது. ரஜினிக்கு ஏற்கனவே ஜப்பானில் ரசிகர்கள் அதிகம் உள்ள நிலையில், இந்தப் படம் அங்கு நல்ல வசூலை பெற்றுத்தரும் என படக்குழு எதிர்பார்த்துள்ளது.</p><h2>6. சாவாவிற்கு வரிவிலக்கு</h2><p>மராத்திய பேரரசர் சத்ரபதி சிவாஜியின் மூத்த மகனான் சம்பாஜி மகாராஜாவின் வாழக்கையை பற்றிய படம் சாவா. இந்தப் படம் வெளியான நாள் முதல் முதல் தற்போது வரை வசூலை குவித்து வரும் நிலையில், மத்திய பிரதேச மாநில முதல்வர் சாவா, படத்திற்கு வரிவிலக்கை அறிவித்தார். இந்நிலையில், தற்போது, கோவாவிலும் வரிவிலக்கு அளிக்கப்படும் என கோவா அரசு தெரிவித்துள்ளது. இந்தப் படத்தில் விக்கி கௌசல், ராஷ்மிகா வந்தனா ஆகியோர் முக்கிய கதாப்பாத்திரத்தில் நடித்துள்ளனர்.</p><h2>7. தயாராகிறது த்ரிஷ்யம் 3</h2><p>ஜீத்து ஜோசப் இயக்கத்தில் நடிகர் மோகன்லால் நடித்து மெகாஹிட் அடித்த திரைப்படம் த்ரிஷ்யம், த்ரிஷ்யம் 2. இந்தப் படத்தின் வெற்றியால், த்ரிஷ்யம் 3 படம் எப்போது வெளியாகும் என ரசிகர்கள் கேள்வி எழுப்பிய வண்ணமே இருந்தனர். இந்நிலையில், த்ரிஷ்யம் 3 படம் உறுதியானது எனக் கூறி, ஜித்து ஜோசப், தயாரிப்பாளர் ஆண்டனி பெரும்பாவூர், மோகன்லால் ஆகியோர் சேர்ந்து எடுத்த புகைப்படத்தை மோகன்லால் வெளியிட்டுள்ளார்.</p><h2>8. அஜித் 64 படத்தின் இயக்குநர் இவரா?</h2><p>நடிகர் அஜித் குமார் நடித்த விடாமுயற்சி திரைப்படம் வெளியாகி திரையரங்கில் நல்ல வசூலை பெற்று வரும் நிலையில், இவரது அடுத்த படமான குட் பேட் அக்லி விரைவில் வெளியீட்டிற்கு தயாராகி வருகிறது. இந்நிலையில், அஜித்தின் அடுத்த படத்தை இயக்கப் போகும் நபர் குறித்த தகவல்கள் வெளியாகி வருகின்றனர். அதன்படி, இயக்குநர் கார்த்திக் சுப்புராஜ் தான் அஜித்தின் அடுத்த படத்தை இயக்க உள்ளதாகவும் அதற்கான பேச்சுவார்த்தை நடைபெற்று வருவதாகவும் தகவல் வெளியாகியுள்ளது.</p><h2>9. டூரிஸ்ட் பேமிலி ஃபர்ஸ்ட் சிங்கிள்</h2><p>சசிகுமார்- சிம்ரன் நடிப்பில் உருவாகி வரும் திரைப்படம் டூரிஸ்ட் பேமிலி. இந்தப் படத்தின் டீசர் சமீபத்தில் வெளியாகி நல்ல வரவேற்பை பெற்றது. இந்நிலையில், இந்தப் படத்தின் முதல் சிங்கிள் நாளை வெளியாக உள்ளது என படக்குழு அறிவித்துள்ளது. அதன்படி, நாளை பிப்ரவரி 21ம் தேதி மாலை 5 மணி அளவில் முகை மழை எனும் முதல் சிங்கிள் வெளியாக இருக்கிறது.</p><h2>10. வணங்கான் ஓடிடி</h2><p>பாலா இயக்கத்தில் அருண் விஜய் நடித்து பொங்கலுக்கு வெளியான திரைப்படம் வணங்கான். இந்தப் படத்தில், அருண் விஜய், காது கேளாத நபராக நடித்து அருண் விஜய் அசத்தி இருப்பார். இந்தப் படம் பொங்கல் ரேஸில் சரியான வசூலைப் பெறாத நிலையில், தற்போது நாளை டென்ட்கொட்டா ஓடிடியில் வெளியாக உள்ளது.</p>

<p>டாப் 10 சினிமா செய்திகள்: இயக்குநர் ஷங்கரின் சொத்துகளை அமலாக்கத்துறை முடக்கியது வரை நடிகர் அஜித்தின் அடுத்த பட டைரக்டர் வரை இன்றைய டாப் 10 செய்திகளை பார்க்கலாம்.</p>

Top 10 Cinema: குட் பேட் அக்லி அப்டேட் தந்த ஜி.வி. பிரகாஷ் முதல்.. எச்சரித்த தனுஷ் வரை.. இன்றைய டாப் 10 சினிமா செய்திகள்

<p>Top 10 Cinema: குட் பேட் அக்லி படத்தின் அப்டேட் கொடுத்து அஜித் ரசிகர்களை உற்சாகப்படுத்திய ஜி.வி. பிரகாஷ் முதல் போலி செய்திகளுக்கு எதிராக விளக்கமளித்த தனுஷ் வரை இன்றைய டாப் 10 சினிமா செய்திகளைப் பார்க்கலாம்.</p><h2>1. குட் பேட் அக்லியில் சிம்ரன்?</h2><p>ஆதிக் ரவிச்சந்திரன் இயக்கத்தில் அஜித் குமார்- த்ரிஷா நடித்து வரும் திரைப்படம் குட் பேட் அக்லி. இந்தப் படத்தின் பெரும்பாலான படப்பிடிப்புகள் முடிவடைந்ததாக கூறப்படும் நிலையில், தற்போது இந்தப் படத்தில் சிம்ரன் நடிக்க உள்ளதாக தகவல் வெளியாகி உள்ளது. அத்துடன் குட் பேட் அக்லி படத்தில் வாலி படத்தின் காட்சிகள் இடம் பெற உள்ளதாகவும் கூறி வருகின்றனர்.</p><h2>2. தனுஷ் பெயரில் மோசடி</h2><p>நடிகர் தனுஷின் தயாரிப்பு நிறுவனமான வுண்டர்பார் பிலிம்ஸ், நிறுவனம் சார்பில் புதிதாக படம் எடுப்பதாகவும், அந்தப் படத்திற்காக புதுமுக நடிகர்கள் தேடப்பட்டு வருவதாகவும் போலி விளம்பரங்கள் வெளியாகின. இதையடுத்து, வுண்டர்பார் பிலிம்ஸ் நிறுவனம் இதுகுறித்து விளக்கமளித்துள்ளது. சமூக வலைதளங்களில் வெளியாவது அனைத்தும் போலியான தகவல்கள் எனவும் கூறியுள்ளது. இதை நம்பி யாரும் ஏமாற வேண்டாம் எனவும் எச்சரித்துள்ளது.</p><h2>3. தீயாய் வேலை செய்யும் ஜி.வி. பிரகாஷ்</h2><p>நடிகர் அஜித்தின் குட் பேட் அக்லி படத்தின் அப்டேட் தருமாறு ரசிகர்கள் ஜி.வி. பிரகாஷை தொடர்ந்து தொந்தரவு செய்து கொண்டிருக்கும் நிலையில், குட் பேட் அக்லி படத்திற்காக தீயாய் வேலை செய்து கொண்டிருக்கிறேன். அதை விரைவில் பார்ப்பீர்கள் எனக் கூறியிருக்கிறார். அதே சமயம், தயாரிப்பு நிறுவனம் சார்பில் கொஞ்ச நாள் பொறு தலைவா என சூசகமான பதிலும் வந்துள்ளது. இதனால், அஜித் ரசிகர்கள் குஷியில் உள்ளனர்.</p><h2>4. மேலும் 5 மொழிகளில் புஷ்பா2!</h2><p>அல்லு அர்ஜூன் சினிமா வரலாற்றை தூக்கி நிறுத்திய படமாக அமைந்துள்ளது புஷ்பா 2. சுகுமார் இயக்கத்தில் வெளியான இந்தப் படம் 1000 கோடிக்கு மேல் வசூலித்து ஹிட் மேல் ஹிட் அடித்ததுடன், பல வெளிநாட்டு மக்களையும் கவர்ந்துள்ளது. இதன் காரணமாக புஷ்பா 2 திரைப்படத்தை போர்ச்சுகீஸ், இந்தோனிஷியா, போலீஷ், ஸ்பானிஷ், மற்றும் தாய் மொழிகளில் வெளியிட்டுள்ளது நெட்பிளிக்ஸ் ஓடிடி தளம். இதனால் புஷ்பா படத்திற்கான பார்வையாளர்கள் அதிகரிக்க வாய்ப்பு உண்டு.</p><h2>5. எதிர்பார்ப்பை தூண்டும் சுழல் 2</h2><p>புஷ்கர் காயத்ரி எழுத்தில் கதிர், ஐஸ்வர்யா ராஜேஷ் நடித்துள்ள இணையத் தொடர் சுழல். அமேசான் பிரைம் வீடியோ ஓடிடி தளத்தில் வெளியான இந்த கிரைம் திரில்லர் தொடர் மக்களால் பெரிதும் கொண்டாடப்பட்ட நிலையில், தற்போது இந்தத் தொடரின் 2ம் பாகம் வரும் பிப்ரவரி 28ம் தேதி வெளியாகிறது. இதனை முன்னிட்டு இன்று இணைய தொடரின் டிரெயிலர் வெளியாகி ரசிகர்களின் எதிர்பார்ப்பை அதிகரித்துள்ளது.</p><h2>6. சர்தார் 2 ரிலீஸ் எப்போது?</h2><p>பி.எஸ். மித்ரன் இயக்கத்தில் கார்த்தி நடித்து வரும் படம் சர்தார் 2. இந்தப் படத்தின் படப்பிடிப்பு பணிகள் துரிதப்படுத்தப்பட்ட நிலையில், சர்தார் 2 படத்தின் ரிலீஸ் குறித்த கருத்துகள் சமூக வலைதளங்களில் வெளிவரத் தொடங்கியுள்ளது. அதன்படி, சர்தார் 2 வரும் ஜூலை மாதத்தில் ரிலீஸ் ஆக அதிகளவில் வாய்ப்புள்ளதாகவும், இதன் காரணமாக, படம் எடுக்கும் போதே எடிட்டிங் பணிகள் எல்லாம் செய்யப்படுவதாகவும் கூறி வருகின்றனர். ஆனால், இது குறித்து படக்குழு எந்தத் தகவலும் தெரிவிக்கவில்லை.</p><h2>7. ரீ- ரிலீஸ் செய்யப்படம் ஆட்டோகிராப்</h2><p>நடிகர் சேரன் இயக்கத்தில் வெளியாகி பலரது மனதையும் தொட்ட படம் ஆட்டோகிராப். இந்தப் படம் இப்போது டிவியில் போட்டாலும் பார்ப்பதற்கு என ரசிகர்கள் உள்ளனர். அப்படிப்பட்ட படம் வெளியாகி தற்போது 21 ஆண்டுகள் நிறைவடையப் போகிறது என்றால் நம்பவா முடிகிறது. 2004ல் வெளியான இந்தப் படம் மக்கள் மனதை வென்றதுடன் ஒரே சமயத்தில் 3 தேசிய விருதுகளையும் வென்றது. இந்நிலையில், படத்தின் 21ம் ஆண்டை முன்னிட்டு அதனை ரீ- ரிலீஸ் செய்ய படக்குழு திட்டமிட்டுள்ளது. இருப்பினும், வெளியீட்டு தேதியை இன்னும் அறிவிக்கவில்லை.</p><h2>8. வெளியானது சப்தம் பட டிரெயிலர்</h2><p>ஈரம் படம் மூலம் ரசிகர்களை கட்டிப்போட்டவர் இயக்குநர் அறிவழகன். இவர் தற்போது, ஈரம் படத்தை தொடர்ந்து ஆதியுடன் இணைந்து சப்தம் எனும் படத்தை இயக்கி வருகிறார். ஹாரர் திரில்லர் படமான சப்தம் வரும் பிப்ரவரி 28ம் தேதி வெளியாகும் நிலையில், படத்தின் டிரெயிலர் இன்று வெளியாகியுள்ளது. இந்தப் படத்தில் லட்சுமி மேனன், சிம்ரன், லைலா, ரெடின் கிங்ஸ்லி உள்ளிட்டோர் நடித்துள்ளனர்.</p><h2>9. கும்பமேளாவில் ரிலீஸாகும் தமன்னா பட டீசர்</h2><p>நடிகை தமன்ன, தமிழ் , தெலுங்கு என தென்னிந்திய படங்களிலும், ஹிந்தி படங்களிலும் பிஸியாக நடித்துக் கொண்டிருக்கிறார். இந்நிலையில், தெலுங்கில் வெளியாகி ஹிட் அடித்த ஒடேலா எனும் படத்தின் 2ம் பாகத்தில் அவர் நடித்து வருகிறார். அசோக் தேஜா இயக்கும் இந்தப் படத்தின் டீசர் வெளியீடு குறித்த அறிவிப்பை படக்குழு வெளியிட்டுள்ளது. அதன்படி, தமன்னா படத்தின் டீசர் வரும் 22ம் தேதி கும்பமேளா நடைபெறும் பிரக்யாராஜ் நகரில் வெளியிடப்படும் என அறிவிக்கப்பட்டுள்ளது.</p><h2>10. இயக்குநரான டைட்டானிக் நாயகி</h2><p>டைட்டானிக் படம் மூலம் உலக ரசிகர்களை தன் வசம் இழுத்தவர் கேட் வின்ஸ்லட். இவர், ஹாலிவுட்டில் பல ஹிட் படங்களை கொடுத்து அசத்தி உள்ளார். இந்நிலையில், அவர் குட்பை ஜூன் எனும் படத்தின் மூலம் இயக்குநராக அறிமுகமாகியுள்ளார். அத்துடன் இந்த படத்தை அவரே தயாரிக்கவும் செய்துள்ளார். மேலும், இந்தப் படத்தை நெட்பிளிக்ஸ் தளத்தில் நேரடியாகவும் வெளியிட திட்டமிட்டுள்ளதாக தகவல் வெளியாகியுள்ளது.</p>

<ul><li>Top 10 Cinema: குட் பேட் அக்லி படத்தின் அப்டேட் கொடுத்து அஜித் ரசிகர்களை உற்சாகப்படுத்திய ஜி.வி. பிரகாஷ் முதல் போலி செய்திகளுக்கு எதிராக விளக்கமளித்த தனுஷ் வரை இன்றைய டாப் 10 சினிமா செய்திகளைப் பார்க்கலாம்.</li></ul>

Top 10 Cinema: விஜய் ஹீரோ ஆன கதை முதல் விடாமுயற்சி ஆல்பம் வரை.. இன்றைய டாப் 10 சினிமா செய்திகள்..

<p>Top 10 Cinema: தளபதி விஜய் தமிழ் சினிமாவில் மக்கள் விரும்பும் ஹீரோ ஆன கதை முதல் விடாமுயற்சி படத்தின் ஆல்பம் வெளியீடு வரை இன்றைய முக்கிய செய்திகளை இங்கு காண்போம்.</p><h2>1. மதராஸி டைட்டில்</h2><p>நடிகர் சிவகார்த்திகேயனின் பிறந்தநாளை முன்னிட்டு இன்று அவரது 23வது படத்தின் டைட்டில் கிளிம்ப்ஸ் மற்றும் ஃபர்ஸ்ட் லுக், செகண்ட் லுக் போஸ்டரை படக்குழு வெளியிட்டுள்ளது. ஏ.ஆர். முருகதாஸ் இயக்கும் இந்தப் படத்திற்கு மதராஸி என பெயரிடப்பட்டுள்ளது. இந்தப் படத்தில் சிவகார்த்திகேயனுக்கு ஜோடியாக ருக்மணி வசந்த் நடிக்கிறார்.</p><h2>2. விடாமுயற்சி ஆல்பம் வெளியீடு</h2><p>மகிழ் திருமேனி இயக்கத்தில் அஜித் குமார்- த்ரிஷா நடித்து வெளியான திரைப்படம் விடாமுயற்சி. இந்தப் படம் திரையரங்குகளில் வெற்றிகரமாக ஓடிக் கொண்டிருக்கும் நிலையில், விடாமுயற்சி படத்தின் முழு பாடல் ஆல்பமும் வெளியாகி உள்ளது. முன்னதாக, இந்தப் படத்திற்கு அனிருத் இசையமைத்த பாடல்கள் மக்களிடம் கவனம் பெற்றது குறிப்பிடத்தக்கது.</p><h2>3. வெற்றிமாறனின் சந்தேகம்</h2><p>வெற்றிமாறன் இயக்கத்தில் சூரி, விஜய் சேதுபதி நடித்து மெகாஹிட் அடித்த திரைப்படம் விடுதலை பாகம் 1 மற்றும் விடுதலை பாகம் 2. இந்த படத்தின் விருது வழங்கும் விழாவில் பங்கேற்று பேசிய வெற்றிமாறன், தன் உடல், மூளை உழைப்பையும் அரசியல், தத்துவப்பூர்வமாக தான் கற்றுக்கொண்ட அனைத்தையும் சேர்த்து எடுத்த படம் விடுதலை. இனி என்னால் அதுபோன்ற படத்தை எடுக்க முடியுமா எனத் தெரியவில்லை எனக் கூறியிருக்கிறார்.</p><p><a class="manualbacklink" target="_blank" href="https://tamil.hindustantimes.com/entertainment/vijay-father-and-director-s-a-chandrasekhar-has-spoken-out-how-he-promoted-actor-vijay-as-a-hero-131739786805034.html">மேலும் படிங்க: விஜய் தமிழ் சினிமாவின் ஹீரோ ஆன கதை தெரியுமா? இது புதுசா இருக்கே..</a></p><h2>4. சச்சின் ரீ-ரிலீஸ் ஜெனிலியா நெகிழ்ச்சி</h2><p>கடந்த 2005ம் ஆண்டு விஜய் மற்றும் ஜெனிலியா நடிப்பில் வெளியான படம் சச்சின். இந்தத் திரைப்படம் வெளியாகி 20 ஆண்டுகளாக உள்ள நிலையில், அந்தப் படத்தினை ரீ-ரிலீஸ் செய்ய திட்டமிட்டுள்ளதாக படத்தின் தயாரிப்பாளர் கலைப்புலி தானு அறிவித்திருந்தார். இந்நிலையில், இதுகுறித்து கருத்து தெரிவித்துள்ள நடிகை ஜெனிலியா, இந்தப் படம் தனக்கு நெருக்கமானசு என்றும். படப்பிடிப்பு சமயத்தில் தன்னை மிகவும் நன்றாக பார்த்துக் கொண்டனர் என ஜெனிலியா தன் நினைவுகளை பகிர்ந்து கொண்டார்.</p><h2>5. உதவி இயக்குநராக பணியாற்றும் ஷங்கர் மகன்</h2><p>இயக்குநர் ஷங்கர் மகன் அர்ஜித் இயக்குநராகும் முனைப்பில் இருந்துள்ளாராம். அதனால், அவரை ஷங்கர் ஏ.ஆர். முருகதாஸிடம் உதவி இயக்குநராக சேர்த்துவிட்டுள்ளார் என்ற தகவல் பரவி வந்தது. இந்நிலையில், சிவகார்த்திகேயனின் மதராஸி படத்தில் உதவி இயக்குநராக பணியாற்றியதை போஸ்டர் வெளியிட்டு உறுதிப்படுத்தியுள்ளார்.</p><h2>6. அஜித்துடன் நடிப்பேன் உறுதியளித்த விஜய் சேதுபதி</h2><p>நடிகர் விஜய் சேதுபதி விஜய், ரஜினி, கமல் போன்ற பெரிய நட்சத்திரங்களுடன் நடித்துள்ள நிலையில், வாய்ப்பு கிடைத்தால் நிச்சயம் அஜித்துடனும் சேர்ந்து நடிப்பேன் என்று உறுதியளித்துள்ளார். அஜித் சார் நல்ல மனிதர். அவருடன் முன்னதாகவே ஒரு படம் நடிப்பதாக இருந்தது ஆனால் அது நிகழாமல் போனதாகவும் கூறினார்.</p><h2>7. விஜய்யை ஹீரோவாக மாற்ற புரொமோஷன்</h2><p>நடிகர் விஜய்யை சினிமாவில் பெரிய ஹீரோவாக்க தான் புரொமோஷன் செய்தேன் என அவரது தந்தை எஸ்.ஏ. சந்திரசேகர் பேசியுள்ளார். பட விழாவில் பேசிய இவர், படத்தின் வெற்றி ஹீரோவின் தலையில் தான் இருக்க வேண்டும் என ஒவ்வொரு படத்திற்கும் புதிய டெக்னீஷியன்ஸை பயன்படுத்தினேன் எனக் கூறினார்.</p><p><a class="manualbacklink" target="_blank" href="https://tamil.hindustantimes.com/entertainment/sivakarthikeyan-and-ar-murugadoss-sk-23-to-be-titled-madrasi-title-teaser-video-out-now-131739770899137.html">மேலும் படிங்க: சிவகார்த்திகேயனுக்கு பர்த் டே ட்ரீட் கொடுத்த ஏ.ஆர். முருகதாஸ்..</a></p><h2>8. உதயநிதிக்கு கெடுவிதித்த நீதிமன்றம்</h2><p>உதயநிதி ஸ்டாலின் ஏஞ்சல் என்ற படத்தில் நடிப்பதற்காக ஒப்பந்தமான நிலையில், அவர் 80% படப்பிடிப்பில் மட்டும் தான் பங்கேற்றார். மீதமுள்ள படப்பிடிப்பில் பங்கேற்காமல் வேறு படத்தில் நடித்து தற்போது அரசியலுக்கு சென்றுவிட்டார் எனக் கூறி தயாரிப்பு நிறுவனம் வழக்கு தொடர்ந்தது. இதுகுறித்து உதயநிதி பதிலளிக்க வேண்டும் என நீதிமன்றம் உத்தரவிட்டுள்ளது.</p><h2>9. தமிழ் ரசிகர்கள் என்னை ஏற்றுக்கொள்வார்கள்</h2><p>மாடல் அழகியும் நடிகையுமான கயாடு லோகர், தமிழில் டிராகன் மற்றும் இதயம் முரளி படங்களின் மூலம் தமிழ் சினிமாவிற்கு அறிமுகமாகிறார். இந்நிலையில் அவர் தமிழ் ரசிகர்கள் எனக்கு நல்ல வரவேற்பு கொடுத்து வருகின்றனர், அவர்களுக்காக நல்ல படங்களை கொடுப்பேன். தற்போது வெளியாகும் படங்களின் மூலம் தமிழ் ரசிகர்கள் என்னை ஏற்றுக் கொள்வார்கள் என நம்புகிறேன் எனக் கூறியுள்ளார்.</p><h2>10. தனுஷ்- ஹெச். வினோத் பட அறிவிப்பு</h2><p>தற்போது விஜய்யின் கடைசி படமான ஜனநாயகனை இயக்குநர் ஹெச். வினோத் இயக்கி வருகிறார். இந்நிலையில், இவர் ஜனநாயகன் படத்தை முடித்த பிறகு தனுஷை வைத்து ஒரு படம் இயக்க உள்ளார் என்றும், அந்தப் படத்திற்கான அறிவிப்பு தனுஷ் பிறந்தநாளன்று வெளியிடப்படும் என்றும் தகவல்கள் வெளியாகி வருகின்றன.</p>

<ul><li>Top 10 Cinema: தளபதி விஜய் தமிழ் சினிமாவில் மக்கள் விரும்பும் ஹீரோ ஆன கதை முதல் விடாமுயற்சி படத்தின் ஆல்பம் வெளியீடு வரை இன்றைய முக்கிய செய்திகளை இங்கு காண்போம்.</li></ul>

Top 10 Cinema: காலை இழந்த காமெடி நடிகர் முதல்.. 100 கோடி லிஸ்ட்டில் இணைந்த நடிகர் வரை.. இன்றைய டாப் 10 சினிமா..

<p>Top 10 Cinema: சர்க்கரை நோயால் பாதிக்கப்பட்ட காமெடி நடிகர் சிரிக்கோ உதயா தன் காலை இழந்து தவிப்பது முதல் தன் சினிமா கெரியரில் முதல் 100 கோடி ஹிட் அடித்த படத்தை கொண்டாடும் நாக சைதன்யா வரை இன்றைய டாப் 10 சினிமா செய்திகளை பார்க்கலாம்.</p><h2>1. காலை இழந்த நடிகர்</h2><p>குணச்சித்திர நடிகரான சிரிக்கோ உதயா, கடந்த சில நாட்களாகவே சர்க்கரை நோயால் பாதிக்கப்பட்டு வந்தார். இந்நிலையில், அவருக்கு பாதிப்பு அதிகமாகி தன் காலை இழந்துள்ளார். மேலும், இவர் இது தொடர்பாக வீடியோ ஒன்றையும் வெளியிட்டுள்ளார். சிரிக்கோ உதயா, சந்தானம் படத்திற்கு காமெடி வசனங்கள் எழுதியுள்ளார். மேலும், இவர் பல பாடல்களுக்கு வயலின் இசைக் கலைஞராகவும் பணியாற்றியுள்ளார்.</p><h2>2. லீக் ஆன தனுஷ் பட ஷூட்டிங்</h2><p>ஹிந்தியில் தனுஷிற்கு 2 பெரிய ஹிட் படங்களை கொடுத்தவர் ஆனந்த் எல் ராய். தற்போது இவருடன் 3வது முறையாக இணைந்து தேரே இஷ்க் மெயின் எனும் படத்தில் நடக்க உள்ளதாக சில நாட்களுக்கு முன் அறிவிப்பு வெளியானது. இந்நிலையில், இந்தப் படத்தின் படப்பிடிப்பு டெல்லியில் நடைபெற்றிருக்கும் வேளையில் அதன் ஒரு காட்சி இணையத்தில் லீக் ஆகியுள்ளது.</p><h2>3.யோகி பாபுவுக்கு விபத்து?</h2><p>காமெடி மற்றும் குணச்சித்திர நடிகரான யோகி பாபு ராணிப்பேட்டை அருகே காரில் சென்ற போது, அவரது கார் விபத்தில் சிக்கியதாக தகவல் வெளியானது. இந்நிலையில், தனக்கு எந்த விபத்தும் ஏற்படவில்லை. தான் நலமுடன் இருக்கேன். என்னைப் பற்றி வெளியான செய்திகள் அனைத்தும் பொய்யானது எனக் கூறியுள்ளார்.</p><h2>4. தெலுங்கு பக்கம் செல்லும் சூர்யா</h2><p>வாத்தி, லக்கி பாஸ்கர் போன்ற ஹிட் படங்களை கொடுத்த இயக்குநர் வெங்கி அட்லூரியுடன் நடிகர் சூர்யா இணைந்து புதிய படம் ஒன்றில் நடிக்க உள்ளதாக தகவல் வெளியாகி உள்ளது. இந்தத் தகவல் உறுதி செய்யப்பட்டால், இது நடிகர் சூர்யா தெலுங்கில் நேரடியாக நடிக்கும் 2வது திரைப்படமாக அமையும்.</p><h2>5.முதல் 100 கோடி ஹிட் அடித்த சைதன்யா</h2><p>நாக சைதன்யா- சாய் பல்லவி நடிப்பில் வெளியான தண்டேல் படம் பாக்ஸ் ஆபிஸில் 100 கோடி ரூபாய் வசூலித்துள்ளதாக படக்குழு அதிகாரப்பூர்வமாக அறிவித்துள்ளது. இந்தப் படம் தான் நாக சைதன்யா சினிமா வாழ்க்கையில் முதல் 100 கோடி ரூபாயை வசூலித்த படமாகும். இதனை நாக சைதன்யாவின் ரசிகர்கள் கொண்டாடி வருகின்றனர். மேலும், அமரன் படத்திற்கு பின் சாய் பல்லவி நடிப்பில் வெளியான இந்தப் படம் 100 கோடி வசூலைப் பெற்றுள்ளது குறிப்பிடத்தக்கது.</p><h2>6. மன்மதனான நிவின் பாலி</h2><p>மலையாள நடிகர் நிவின் பாலிக்கு சமீபத்தில் வெளியான எந்தப் படங்களும் பெரிதாக ஹிட் கொடுக்காத நிலையில், தற்போது புதிய படம் ஒன்றில் கமிட் ஆகி அதற்கான அறிவிப்பையும் வெளியிட்டுள்ளார். ஆதித்யன் சந்திரசேகர் இயக்கும் அந்தப் படத்திற்கு மல்டிவெர்ஸ் மன்மதன் என பெயரிடப்பட்டுள்ளது. முன்னதாக, நிவின் பாலியின் உடல் எடையை பலரும் விமர்சித்த நிலையில், தற்போது மீண்டும் ஃபிட் தோற்றத்திற்கு வந்து டபுள் சர்ப்ரைஸ் கொடுத்துள்ளார்.</p><h2>7. தி. நகரில் அகரம்</h2><p>நடிகர் சூர்யா, தனது அகரம் அறக்கட்டளை சார்பில் புதிய அலுவலக கட்டடத்தை சென்னை தி நகரில் திறந்துள்ளார். இந்த நிகழ்ச்சியில் கலந்து கொண்டு பேசிய சூர்யா, கல்வியே ஆயுதம், கல்வியே கேடயம் எனக் கூறியுள்ளார். மேலும், இது படிப்புக்காக கொடுக்கப்பட்ட நன்கொடையில் வந்த இடம் இது கிடையாது. நீங்கள் எனக்கு கொடுத்த வாய்ப்பு அதன் வருமானத்தில் இருந்து கட்டப்பட்ட கட்டிடம் மட்டுமே இது. நன்கொடையாக வரும் பணம் படிப்புக்காக மட்டுமே செலவிடப்படுகிறது எனத் தெரிவித்துள்ளார்.</p><h2>8. ஆண் பாவத்தில் ரியோ</h2><p>ஜோ படத்தின் மூலம் மக்கள் விரும்பும் ஜோடியாக மாறினர் ரியோ ராஜ் மற்றும் மாளவிகா மனோஜ். இந்த ஜோடி தற்போது மீண்டும் இணைந்து புதிய படம் ஒன்றில் நடிக்க ஒப்பந்தமாகி உள்ளனர். அறிமுக இயக்குநர் கலையரசன் தங்கவேல் இயக்குகிறார். இந்தப் படத்திற்கு ஆண் பாவம் என பெயரிடப்பட்டுள்ளது. ஆண்கள் படும் கஷ்டங்களைப் பற்றி பேசும் படமாக இது அமையும் என படக்குழு தெரிவித்துள்ளது.</p><h2>9. எஸ்.கேவை வாழ்த்திய சீமான்</h2><p>தமிழ் சினிமாவின் உச்ச நட்சத்திரமாக வளர்ந்து வரும் நடிகர் சிவகார்த்திகேயன் நாளை அவரது 40வது பிறந்தநாளைக் கொண்டாட உள்ள நிலையில், அவருக்கு நடிகர், இயக்குநர் மற்றும் நாம் தமிழர் கட்சியின் ஒருங்கிணைப்பாளரான சீமான் வாழ்த்து தெரிவித்துள்ளார். தமிழ்த்திரையுலகின் வளர்ந்து வரும் உச்ச நட்சத்திரம் என் ஆருயிர் இளவல் நடிகர் சிவகார்த்திகேயன் அவர்களுக்கு பிறந்தநாள் வாழ்த்துகளை தெரிவிப்பதில் பெரிதும் மகிழ்கிறேன். அடுத்தடுத்து மக்கள் மகிழும் வெற்றிப்படைப்புகள் பல தந்து சாதனை புரிந்திட அண்ணனின் அன்பும், வாழ்த்துகளும்! எனக் கூறி வாழ்த்தியுள்ளார்.</p><h2>10. பேபி ஜான் ஓடிடி</h2><p>நடிகை கீர்த்தி சுரேஷ் பாலிவுட்டில் பேபி ஜான் படத்தின் மூலம் அறிமுகமானார். இந்தப் படம் எதிர்பார்த்த அளவிற்கு வெற்றியைத் தரவில்லை. இருப்பினும், தெறி படத்தின் ஹிந்தி ரீமேக்காக வெளியாகி இருக்கும் இந்த படத்தைக் காண காத்திருந்த நிலையில், இப்படத்தின் ரெகுலர் ஸ்டிரீமிங் அமேசான் பிரைம் வீடியோவில் இந்த வாரம் வெளியாகும் என அறிவிக்கப்பட்டுள்ளது.</p>

<p>Top 10 Cinema: சர்க்கரை நோயால் பாதிக்கப்பட்ட காமெடி நடிகர் சிரிக்கோ உதயா தன் காலை இழந்து தவிப்பது முதல் தன் சினிமா கெரியரில் முதல் 100 கோடி ஹிட் அடித்த படத்தை கொண்டாடும் நாக சைதன்யா வரை இன்றைய டாப் 10 சினிமா செய்திகளை பார்க்கலாம்.</p>

Top 10 Cinema: எதிர்பார்த்ததை கொடுக்கும் அஜித் முதல் ஸ்டார் நடிகர்களுடன் கை கோர்க்கும் லேடி சூப்பர் ஸ்டார் வரை..

<p>Top 10 Cinema: அஜித்தின் குட் பேட் அக்லி படம் ரசிகர்களின் எதிர்பார்ப்பை 10 மடங்கு பூர்த்தி செய்வதாக வந்த தகவல் முதல் ஸ்டார் நடிகர்களுடன் கைகோர்க்கும் நயன்தாரா வரை இன்றைய டாப் 10 சினிமா செய்திகளை இங்கு பார்க்கலாம்.</p><h2>எனர்ஜி கொடுத்த குட் பேட் அக்லி அப்டேட்</h2><p>ஆதிக் ரவிச்சந்திரன் இயக்கத்தில் நடிகர் அஜித் குமார் நடித்துள்ள திரைப்படம் குட் பேட் அக்லி. இந்தத் திரைப்படத்தில் த்ரிஷா, பிரசன்னா, சுனில் உள்ளிட்டோர் நடித்துள்ளனர். இப்படத்திற்கு ஜி.வி. பிரகாஷ் குமார் இசையமைத்துள்ளார். இப்படம் ஏப்ரல் 10ம் தேதி வெளியாகும் என படக்குழு அறிவித்துள்ள நிலையில், குட் பேட் அக்லி படத்தில் 10 மடங்கு அதிகமான மாஸ் காட்சிகள் இருக்கும் என அப்படத்தின் ஸ்டன்ட் டைரக்டர் சுப்ரீம் சுந்தர் கூறியுள்ளார். விடாமுயற்சி படத்தில் மாஸ் சீன்கள் எதுவும் இல்லாத நிலையில், சுந்தர் மாஸ்டரின் பேச்சு ரசிகர்களுக்கு எனர்ஜி அளித்துள்ளது.</p><h2>கூலி ரிலீஸ்</h2><p>நடிகர் ரஜினிகாந்த்தின் 171வது படமாக உருவாகி வரும் கூலி படத்தை லோகேஷ் கனகராஜ் இயக்கி வருகிறார். இந்தப் படத்தில் ஸ்ருதி ஹாசன் , நாகார்ஜூனா, உபேந்திரா போன்ற முன்னணி நடிகர்கள் நடித்து வருகின்றனர். இந்நிலையில், இந்தப் படத்தின் ஷூட்டிங் 80 சதவீதம் முடிந்து விட்டதாகவும் படம் ஆகஸ்ட் மாத்திலோ அல்லது தீபாவளி அன்றோ வெளியாகும் என நெட்டிசன்கள் கூறி வருகின்றனர்.</p><h2>ஜன நாயகனில் இணையும் ஸ்ருதி ஹாசன்?</h2><p>நடிகர் விஜய்யின் 69வது படமான ஜன நாயகனில் பூஜா ஹெக்டே, பிரியாமணி, மமிதா பைஜூ, பிரகாஷ் ராஜ், கவுதம் வாசுதேவ் மேனன், டிஜே அருணாச்சலம் உள்ளிட்ட பலர் நடித்துள்ளனர். இது விஜய்யின் கடைசி படமாக இருப்பதால் ஹெச். வினோத் இந்தப் படத்தில் ஒரு நட்சத்திர பட்டாளத்தையே படத்தில் வைத்துள்ளார். இந்நிலையில், இந்தப் படத்தில் ஸ்ருதி ஹாசன் முக்கிய கதாப்பாத்திரத்தில் நடிக்க உள்ளதாக தகவல் வெளியாகி உள்ளது.</p><h2>மீண்டும் சூடுபிடிக்கும் இளையராஜா பயோபிக்</h2><p>இசையமைப்பாளர் இளையராஜாவின் பயோபிக் திரைப்படத்தை அருண் மாதேஸ்வரன் இயக்க தனுஷ் நடிப்பதாக அறிவிக்கப்பட்டது. இந்தப் படத்திந் படப்பிடிப்புகள் குறித்து எந்த தகவலும் வெளியாகாத நிலையில் படம் கைவிடப்பட்டதாக தகவல் வெளியானது. இந்நிலையில், இளையராஜா பயோபிக் கைவிடப்படவில்லை என்றும் படத்திற்கான செட் அமைக்கும் பணிகள் நடைபெற்று வருவதாகவும் தகவல் வெளியாகி உள்ளது.</p><h2>மலையாள ஸ்டார்களுடன் இணையும் லேடி சூப்பர் ஸ்டார்</h2><p>நடிகை நயன்தாரா மலையாள படம் ஒன்றில் நடிக்க உள்ளதாக கூறப்பட்டு வந்த நிலையில், அதற்கான புகைப்படங்கள் வெளியாகி வைரலாகி வருகிறது. மகேஷ் நாராயண் இயக்கும் இந்தப் படத்தில் மம்முட்டி, மோகன்லால், பகத் ஃபாசில் போன்ற மலையாள உச்ச நட்சத்திரங்கள் நடிக்கின்றனர். இந்தப் படத்தில் நயன்தாரா எந்த கதாப்பாத்திரத்தில் நடிக்கிறார் என இன்னும் எந்த அறிவிப்பும் வரவில்லை என்பது குறிப்பிடத்தக்கது.</p><p><a class="manualbacklink" target="_blank" href="https://tamil.hindustantimes.com/entertainment/magizh-thirumeni-latest-interview-about-why-are-there-no-mass-scenes-for-ajith-in-vidamuyarchi-movie-131739098096456.html">மேலும் படிக்க: மாஸ் இல்லாத அஜித்.. சோகமான ரசிகர்கள்.. என்ன தான் ஆச்சு..</a></p><h2>மீண்டும் விபத்தில் சிக்கிய அஜித்</h2><p>ஸ்பெயினில்நடைபெறும் பார்சிலோனா கார் பந்தயத்தில் பங்கேற்க உள்ள நடிகர் அஜித், தன் குழுவினருடன் அங்கு கார் ரேஸ் பயிற்சியில் ஈடுபட்டிருந்தார். அப்போது அவர் விபத்தில் சிக்கியதாகவும், அதிர்ஷ்டவசமாக எந்த பாதிப்பும் ஏற்படவில்லை என்றும், தாங்கள் விரைவாக மீட்கப்பட்டதால், தற்போது நலமுடன் மீண்டும் பயிற்சியில் ஈடுபட்டு வருவதாகவும் நடிகர் அஜித் குமார் சமீபத்தில் அளித்த பேட்டியில் கூறியிருக்கிறார்.</p><h2>ராஜமௌலி படத்தில் பாலிவுட் நடிகர்?</h2><p>தெலுங்கு சினிமாவின் முன்னணி இயக்குநரான ராஜமௌலி தற்போது நடிகர் மகேஷ் பாபுவை வைத்து எஸ்எஸ்எம்பி 29 படத்தை இயக்கும் வேலையில் இறங்கி உள்ளார். இந்தப் படத்தில் பிரியங்கா சோப்ரா நடிக்க இருப்பதாக தகவல் வெளியான நிலையில், தற்போது, மகேஷ் பாபுவின் அப்பா கேரக்டரில் பாலிவுட் பிரபலம் நானா படேகர் நடிக்க இருப்பதாக தகவல் வெளியாகியுள்ளது.</p><h2>கேங்க்ஸ்டராகும் கார்த்தி!</h2><p>மெய்யழகன் படத்திற்கு பிறகு வா வாத்தியார், சர்தார் 2 படங்களில் நடித்து வரும் கார்த்திக் தற்போது டாணாக்காரன் இயக்குநர் தமிழுடன் இணைந்து புதிய படத்தில் நடிக்க உள்ளார். கார்த்தியின் 29வது படமான இந்தப் படத்திற்கு தற்போது கார்த்தி 29 என பெயரிடப்பட்டுள்ளது. இந்தப் படம் கடல் பிண்ணனியில் நடக்கும் கேங்ஸ்டர் கதையாக உருவாக உள்ளது என தகவல் வெளியாகி உள்ளது.</p><p><a class="manualbacklink" target="_blank" href="https://tamil.hindustantimes.com/entertainment/netizens-are-saying-the-shooting-of-coolie-is-almost-over-and-it-releasing-soon-131739107459633.html">மேலும் படிக்க: படக்குழுவுக்கு முன் ரிலீஸ் அப்டேட் தந்து கூலி படத்தை ட்ரெண்ட் செய்யும் நெட்டிசன்ஸ்..</a></p><h2>இயக்குநராக அறிமுகமாகும் சதீஷ்</h2><p>தமிழ் சினிமாவில் நடன இயக்குநராகவும் நடிகராகவும் அறியப்பட்ட சதீஷ், தற்போது இயக்குநர் அவதாரம் எடுத்துள்லார். இவர் நடிகர் கவினை வைத்து தனது படத்தை இயக்க திட்டமிட்டுள்ள நிலையில், இந்த படத்திற்கான டைட்டிலை நாளை வெளியிடுவதாக அறிவித்துள்ளார். இந்தப் படத்தில் அயோத்தி பட நாயகி ப்ரீத்தி அஸ்ரானி நாயகியாக நடிக்க உள்ளார்.</p><h2>NEEK டிரெயிலர்</h2><p>தனுஷ் இயக்கியுள்ள நிலவுக்கு என்மேல் என்னடி கோபம் படத்தின் டிரெயிலர் நாளை வெளியிட உள்ளதாக படக்குழு அறிவித்துள்ளது. ஜி.வி.பிரகாஷ் குமார் இசையமைத்த பாடல்கள் எல்லாம் மக்களிடம் ஹிட் அடித்த நிலையில் நாளை படத்தின் டிரெயிலருக்காக மக்கள் காத்திருக்கின்றனர்.</p>

<ul><li>Top 10 Cinema: அஜித்தின் குட் பேட் அக்லி படம் ரசிகர்களின் எதிர்பார்ப்பை 10 மடங்கு பூர்த்தி செய்வதாக வந்த தகவல் முதல் ஸ்டார் நடிகர்களுடன் கைகோர்க்கும் நயன்தாரா வரை இன்றைய டாப் 10 சினிமா செய்திகளை இங்கு பார்க்கலாம்.</li></ul>

top 10 cinema

Tamil Cinema News: Stay updated with the latest Tamil movies news and Tamil entertainment updates. Get today's பொழுதுபோக்கு செய்திகள், Tamil movie releases, and தமிழ் சினிமா செய்திகள்

சினிமா செய்திகள்

Tamil Cinema News | Tamil Movies News | Entertainment News in Tamil | Latest Movie updates in Tamil | பொழுதுபோக்கு செய்திகள்

டாப் 10 சினிமா

'முன்பு முதுகில் குத்தப்பட்டேன்.. இப்போது மார்பில் குத்தப்படுகிறேன்.. உன் விளையாட்டை நிறுத்து'- எச்சரித்த ரவி மோகன்

<p>தான் தன் மனைவியாலும் சக குடும்பத்தினராலும் முன்னதாக முதுகில் குத்தப்பட்டதாகவும் தற்போது மார்பில் குத்தப்படுவது மகிழ்ச்சியாக உள்ளது என்றும் நடிகர் ரவி மோகன் கருத்து தெரிவித்துள்ளார். மேலும், இந்த விளையாட்டில் என் பிள்ளைகளை ஈடுபடுத்துவதை நிறுத்த வேண்டும் என்றும் எச்சரித்துள்ளார்.</p><h2>உண்மைகள் திரிக்கப்படுகின்றன</h2><p>இது தொடர்பாக அவர் வெளியிட்ட அறிக்கையில், " எனது முன்னாள் மனைவியும் அவரது தீய வழிகாட்டிகளும் உண்மையை திரித்து பேசுகின்றனர். குழந்தைகளின் பராமரிப்பைப் பெறுவதற்காக மட்டுமே பொது வெளியில் கருத்துகளை் பகிர்வதாகவும், எனது மனைவியையும் என் குழந்தைகளையும் நிதி ரீதியாக துன்புறுத்தியதாக பொய்யான கதைகளை உருவாக்குவதைப் பார்ப்பது அதிர்ச்சியளிக்கிறது. இது முற்றிலும் முரண்பாடாக இருக்கிறது. சில ஆண்டுகளுக்கு முன்பு, நான் கடினமாக சம்பாதித்த சொத்துக்களில் பாதியை விட்டுக்கொடுக்க என்னை கட்டாயப்படுத்தினர். மேலும் சில ஆண்டுகளுக்கு முன்பு, தற்செயலாக, ஒரு சக நடிகையுடன் என்னை இணைத்து வதந்திகள் பரப்பினர்.</p><h2>விளையாட்டை நிறுத்து</h2><p>உன் விளையாட்டை இப்போதே நிறுத்து. உன் கவனத்தை ஈர்க்கும் நோயில் என் குழந்தைகளை பயன்படுத்த வேண்டாம். மீண்டும் ஒருபோதும் இதனை செய்ய துணியாதே. நான் ஒரு சிறந்த தந்தையாக இருப்பேன் மேலும் அவர்களுக்கு என்னிடமிருந்து தேவையான அனைத்து உறவுகளும் கிடைக்கும். எந்தவொரு நடவடிக்கைகளாக இருந்தாலும் நான் நீதிமன்றத்தில் மட்டுமே உன்னைப் பார்ப்பேன்".</p><h2>மார்பில் குத்தப்பட்டது மகிழ்ச்சி</h2><p>கடந்த சில வருடங்களாக நான் முதுகில் குத்தப்பட்டு வருகிறேன், இப்போது என் மார்பில் குத்தப்பட்டதில் மகிழ்ச்சி அடைகிறேன். ஒரு கணவனாகவும் தந்தையாகவும் பொது பதிவுகள் மற்றும் கடந்த கால நேர்காணல்கள் எனது நடத்தையின் மிகவும் மாறுபட்டுள்ளதாக கூறுகின்றன. அந்த உண்மை இன்னும் மாறவில்லை. நான் ஒருபோதும் வெறுப்பாகவோ ஆக்ரோஷத்துடனோ பதிலளித்ததில்லை.</p><h2>தீர்வு வேண்டும்</h2><p>தங்கள் மீது எழும் சர்ச்சைகளில் அமைதி நிலவ வேண்டும் என்றும், ஊடகங்களால் தேவையில்லாமல் இழுக்கப்படக்கூடாது என்றும் என் குழந்தைகளின் நல்வாழ்வுக்காகவும் அமைதியாக மட்டுமே பதிலளித்தேன். சமூக ஊடகங்களில் அல்ல, நீதிமன்ற அறைகளில் தீர்வு கிடைக்க வேண்டும். ஆனால் சர்ச்சை மட்டுமே தெரிகிறது.</p><h2>குரலை மீட்டெடுக்க பேசுகிறேன்</h2><p>எனது பிரிந்த முன்னாள் மனைவி, அவரது சலுகை பெற்ற குடும்பம் (இதுவரை என் வாழ்க்கையை நான் இழந்துவிட்ட செல்வம்) போன்ற சர்ச்சைகளில் புகழைக் கட்டியெழுப்ப விரும்புபவர்களுக்கும், எனது திருமணத்தின் தொடக்கத்திலிருந்தே மிகச் சிறப்பாக விளையாடியுள்ளனர். அதே தீவிரத்தை எதிர்கொண்ட எனது சக மைத்துனரின் வாழ்க்கையை கண்டதிலிருந்து எனக்கு இது நன்றாகத் தெரியும். முதல் நாளிலிருந்தே, அவர்கள் கட்டுப்பாடு, பிம்பம் மற்றும் குழப்பத்தில் செழித்து வளர்ந்துள்ளனர், இன்று நான் நாடகத்திற்காக அல்ல, என் குரலை மீட்டெடுக்கவே பேசுகிறேன்" எனக் கூறியுள்ளார்.</p>

தான் தன் மனைவியாலும் சக குடும்பத்தினராலும் முன்னதாக முதுகில் குத்தப்பட்டதாகவும் தற்போது மார்பில் குத்தப்படுவது மகிழ்ச்சியாக உள்ளது என்று நடிகர் ரவி மோகன் கருத்து தெரிவித்துள்ளார்.&nbsp;

சட்டுன்னு செய்யலாம் மேங்கோ சீஸ் கேக்.. டேஸ்ட் சும்மா அசத்தும்.. ட்ரை பண்ணலாமா!

slide

தேவையான பொருட்கள் : 8-10 டைஜஸ்டிவ் பிஸ்கட், 2 தேக்கரண்டி வெண்ணெய், 2 பெரிய இனிப்பு மாங்காய்கள், 150 கிராம் பனீர், 50 கிராம் தயிர், ஐந்து தேக்கரண்டி தேன்

முதலில், டைஜஸ்டடிவ் பிஸ்கட்டுகளை மிக்ஸி ஜாடியில் அரைத்து, ஒரு பொடியாக அரைக்கவும். இப்போது இந்தப் பொடியை ஒரு கிண்ணம் அல்லது கண்ணாடி பாத்திரத்தில் ஊற்றவும். உங்களிடம் கண்ணாடி பாத்திரம் இல்லையென்றால், வேறு கிண்ணத்திற்கு மாற்றவும்.

வெண்ணெயை உருக்கி பிஸ்கட் பொடியுடன் கலக்கவும். ஒரு கரண்டியால் நன்றாக கலக்கவும். ஒரு கரண்டியால் அதை மெதுவாக அழுத்தி, கிண்ணத்தின் அடிப்பகுதியில் முழுமையாக மென்மையாக்கவும்.

கிரீம் சீஸ் தயாரிக்க, சீஸை மிக்சர் ஜாடியில் வைக்கவும். வீட்டில் செய்த பனீர் என்றால் நன்றாக இருக்கும். அதனுடன் தண்ணீர் வடிகட்டிய பனீர் சேர்க்கவும். பனீர் தயாரிக்க, அதை ஒரு துணியில் போட்டு ஒரு மணி நேரம் தொங்க விடுங்கள். இதனால் தயிரில் உள்ள தண்ணீர் முழுவதும் வடிகட்டப்பட்டு, தயிர் மட்டுமே மிஞ்சும். இந்த தயிரை சீஸுடன் மிக்ஸியில் போடவும்.

இனிப்புக்காக தேன் சேர்க்கவும். தேனை விட அதிக இனிப்பு வேண்டுமென்றால், ஒரு ஸ்பூன் தூள் சர்க்கரை சேர்க்கவும். எல்லாவற்றையும் மிக்சியில் நன்றாகக் கலக்கவும்.

இப்போது தயாரிக்கப்பட்ட பிஸ்கட் பேஸின் மீது இந்த சீஸ் க்ரீமைப் பரப்பவும். ஒரு கரண்டியால் அதை முழுவதுமாக மென்மையாக்குங்கள். மாங்காயை தோல் சீவி, மிகச் சிறிய துண்டுகளாக நறுக்கவும்.

மாம்பழ கூழை மிக்ஸியில் அரைக்கவும். தண்ணீர் சேர்க்காமல் கவனமாக இருங்கள். இது மிகவும் தடிமனாக இருக்க வேண்டும். பிஸ்கட் மற்றும் சீஸ் கிரீம் அடுக்கின் மேல் நறுக்கிய மாம்பழங்களைச் சேர்த்து கலக்கவும்.

மேல் அடுக்கில் மாம்பழக் கூழ் சேர்க்கவும். இரண்டு முதல் மூன்று மணி நேரம் வரை குளிர்சாதன பெட்டியில் வைக்கவும். சுவையான மேங்கோ சீஸ் கேக் தயார்.

இந்த கேக் குழந்தைகள் மட்டுமல்ல, பெரியவர்களும் கூட உடனடியாக விழுங்கிவிடும்.

மாம்பழ சீஸ் கேக் எப்படி செய்வது என பார்க்கலாம்.

'நான் அவங்களுக்கு தங்க முட்டை போடும் வாத்து.. பணத்துக்காக மட்டும் தான் நான் தேவை.. என் வாழ்க்கையே போச்சு' -ரவி மோகன்

<p>நான் என் முன்னாள் மனைவிக்கும் அவரது அம்மாவிற்கும் தங்க முட்டை போடும் வாத்து போல இருந்ததாகவும், அவர்களுக்கு பணத் தேவைகளுக்காக மட்டும் தான் தேவைப்பட்டதாகவும் நடிகர் ரவி மோகன் குற்றம் சாட்டியுள்ளார்.</p><h2>குழந்தைகள் தான் என் பெருமை</h2><p>அந்த அறிக்கையில் "எனது கடந்த கால சூழ்நிலைகளைப் பற்றிய முழு அறிவும் புரிதலும் உள்ள நிலையில், எனது முன்னாள் மனைவியையே விட்டுவிட முடிவு செய்துள்ளேன், என் குழந்தைகளை அல்ல. என் குழந்தைகள் தான் எனது பெருமை மற்றும் மகிழ்ச்சி எல்லாம். நான் என் வாழ்க்கையை வாழும் இரண்டு பையன்களுக்காக சிறப்பாகச் மாற்றுவேன்.</p><h2>அத்தனையும் இழந்து வேதனை</h2><p>பாதுகாப்பின்மையால் சிக்கித் தவித்தவர்களுக்கு ஆதரவளிக்க அயராது உழைத்தேன். அதனால் என் குரல், என் கண்ணியம், என் சொந்த வருவாய் மற்றும் நிதி, என் சொத்துக்களின் பங்குகள், என் சமூக ஊடகக் கணக்குகள், என் தொழில் முடிவுகள், பெரிய நிதிக் கடன்களில் பிணையமாக சிக்கித் தவிப்பது, என் தந்தை-மகன் பிணைப்பு, சுயநலமாக தன்னையும் அவளுடைய பெற்றோரையும் ஆடம்பரமாக மாற்றும் ஒரே நோக்கத்துடன் என் சொந்த பெற்றோருடனும் அடிப்படை உரிமைகளுடனும் தொடர்புகொள்வது, அதே நேரத்தில் என் சம்பாத்தியத்தில் ஒரு பைசா கூட 5 ஆண்டுகளுக்கும் மேலாக என் சொந்த பெற்றோருக்கு அனுப்பப்படாமல் பார்த்துக் கொள்வது என்பதை விட மனவேதனையைத் தருவது வேறு எதுவும் இல்லை.</p><h2>தங்க முட்டை போடும் வாத்து நான்</h2><p>ஆனாலும், நான் அமைதியாக இருந்தேன். பொது நாடகத்தைத் தவிர்ப்பதற்காக நான் சகித்துக்கொண்டேன், சாதாரணமாக நடந்துகொண்டேன், தொடர்ந்து பணம் செலுத்தினேன். ஆனாலும், நான் ஒரு கணவனாக அல்ல, ஒரு தங்க வாத்து போல நடத்தப்பட்டேன். என் நிதி, முடிவுகள், சொத்துக்கள், என் பெற்றோர் மற்றும் குழந்தைகளுடனான எனது பிணைப்பு கூட காதல் என்ற போர்வையில் என்னிடமிருந்து பறிக்கப்பட்டு தனிப்பட்ட வளத்திற்காகப் பயன்படுத்தப்பட்டன.</p><p>நான் அமைதியாக வெளியேற முடிவு செய்த போதிலும், அனைத்து பொறுப்புகளையும் செலவுகளையும் நான் தொடர்ந்து செலுத்தி வந்தேன். சட்ட சிக்கல்கள், நிதி நெருக்கடி மற்றும் என் குழந்தைகளிடமிருந்து முற்றிலும் என்னை ஒதுக்கிய பின் தான் எனக்கு வேறு வழியில்லை. சமீபத்திய கார் விபத்து பற்றிய செய்திக்குப் பிறகு, அனைத்திலிருந்தும் விலக வேண்டியிருந்தது. ஏனென்றால் அதில் ஏதேனும் ஒன்று உண்மையிலேயே என் குழந்தைகளின் நல்வாழ்வுக்காக இருந்ததா என்பதை இனி என்னால் உறுதியாகச் சொல்ல முடியவில்லை. எனக்கு இன்னும் தெரியவில்லை.</p><h2>உயிர் வாழ சென்றேன்</h2><p>நான் தப்பிக்க நடக்கவில்லை. உயிர் பிழைக்கவும், இறுதியாக வாழ ஒரு வாய்ப்பைப் பெறவும், என் அமைதி மற்றும் உண்மையிலிருந்து எஞ்சியிருக்கும் சிறியதைப் பாதுகாக்கவும் நான் சென்றேன். திரைப்படத் துறையில் உள்ளவர்களுக்கு உண்மை தெரியும். பல ஆண்டுகளாக, திரைக்குப் பின்னால் அமைதியான சண்டைகள் மற்றும் இரக்கமற்ற கையாளுதல்களை எதிர்கொண்டேன்.</p><p>ஒரு வருடம் முன்பு அவளுடைய தாயின் பல கோடி கடனுக்கு ஒரு ஜாமீனாக கையெழுத்திட வசதியாக என்னை வற்புறுத்தியது உட்பட. நான் இப்போது அனுபவிக்கும் எல்லாவற்றிலும், எனது நிதி முற்றிலுமாக இழந்த ஒரு இடத்தில் நிற்கும்போது, ​​10 நாட்களுக்கு முன்பு அவளுடைய அம்மா என்னை நடவடிக்கை எடுக்கவும், அவளுடைய கடன்களுக்கு நான் கொடுத்த உத்தரவாதத்தை சரிசெய்யவும் கட்டாயப்படுத்தினார்.</p><h2>16 ஆண்டுகளாக போராட்ட வாழ்க்கை</h2><p>அவளும் அவளுடைய குடும்பத்தினரும் இதைத்தான் விரும்புகிறார்கள். அவர்களுக்கு பணம்/ஜாமீன்/கையொப்பங்கள் தேவைப்படும்போது அவர்களுக்கு ரவி மோகன் என்ற பெயர் தேவை. கடந்த 16 ஆண்டுகளாக நான் போராடி வாழ்ந்த வாழ்க்கை இதுதான். இருப்பினும், நான் எந்த நேரத்திலும் பீனிக்ஸ் போல எழுவேன் என்று எனக்கு முழுமையாக நம்பிக்கை உள்ளது. நீங்கள் கீழே விழும்போது, ​​ஒரே வழி மேலே உள்ளது! இங்கிருந்து தொடங்க நான் மிகவும் தயாராக இருக்கிறேன் - கடவுள் என்னை எல்லா வகையிலும் வழிநடத்துகிறார்" எனக் குறிப்பிட்டுள்ளார்.</p>

நான் என் முன்னாள் மனைவிக்கும் அவரது அம்மாவிற்கும் தங்க முட்டை போடும் வாத்து போல இருந்ததாகவும், அவர்களுக்கு பணத் தேவைகளுக்காக மட்டும் தான் தேவைப்பட்டதாகவும் நடிகர் ரவி மோகன் குற்றம் சாட்டியுள்ளார்.

சரியாக குறி வச்சுட்டார் புதன்.. பணம் கொட்டும் ராசிகள்.. அதிசய பிறவி யார்?

புதன் கிருத்திகை நட்சத்திர பயணத்தால் பணக்கார யோகத்தை பெறுகின்ற ராசிகள் 

ஜோதிட சாஸ்திரத்தின் படி நவகிரகங்கள் ஒரு குறிப்பிட்ட கால இடைவெளிகள் தங்களது ராசி மற்றும் நட்சத்திர இடமாற்றத்தை செய்வார்கள். இது 12 ராசிகளுக்கும் தாக்கத்தை கொடுக்கும் இடம் ஜோதிட சாஸ்திரம் கூறுகிறது. நவகிரகங்களில் இளவரசன் பதவியை வகித்து வருபவர் புதன் பகவான். 

 புதன் மிகவும் குறுகிய காலத்தில் தனது ராசி மற்றும் நட்சத்திர இடமாற்றத்தை செய்யக்கூடியவர். புதன் பகவான் பேச்சு, திறமை, கல்வி, வியாபாரம் உள்ளிட்டவைகளுக்கு காரணியாக திகழ்ந்த வருகின்றார். 

புதன் பகவான் வருகின்ற மே 21ஆம் தேதி அன்று கிருத்திகை நட்சத்திரத்தில் நுழைகின்றார் இது சூரிய பகவானின் சொந்தமான நட்சத்திரமாகும். புதன் பகவானின் கிருத்திகை நட்சத்திர பயணம் 12 ராசிகளுக்கும் தாக்கத்தை கொடுத்தாலும் குறிப்பிட்ட சில ராசிகளுக்கு ராஜயோக பலன்களை கொடுக்கப் போவதாக ஜோதிட சாஸ்திரம் கூறுகிறது. அது எந்தெந்த ராசிகள் என்பது குறித்து இங்கு காணலாம். 

ரிஷப ராசி: புதன் கிருத்திகை நட்சத்திர பயணம் உங்களுக்கு நல்ல மகிழ்ச்சியை கொடுக்கும் என ஜோதிட சாஸ்திரம் கூறுகிறது. குடும்பத்தினரோடு வெளியூர் செல்வதற்கான வாய்ப்புகள் இருப்பதாக கூறப்படுகிறது. பணக்கார யோகம் உங்களை தேடி வரும் என கூறப்படுகிறது. திருமண வாழ்க்கை மகிழ்ச்சியாக இருக்கும் என கூறப்படுகிறது. 

விருச்சிக ராசி: புதன் கிருத்திகை நட்சத்திர பயணம் உங்களுக்கு அற்புதமான காலகட்டத்தை உருவாக்கிக் கொடுக்கும் என ஜோதிட சாஸ்திரம் கூறுகிறது. திடீர் பண ஆதாயங்கள் பெறுவதற்கான வாய்ப்புகள் இருப்பதாக கூறப்படுகிறது. நிதி நிலைமையில் நல்ல முன்னேற்றம் இருக்கும் என கூறப்படுகிறது. பணக்கார யோகம் உங்களை தேடி வரும் என கூறப்படுகிறது. 

சிம்ம ராசி: புதன் கிருத்திகை நட்சத்திர பயணம் உங்களுக்கு சிறப்பான நன்மைகளை பெற்று தரும் என கூறப்படுகிறது. அன்றாட வாழ்க்கையில் வருமானம் அதிகரிக்கும் என கூறப்படுகிறது. தொழில் மற்றும் வியாபாரத்தில் நல்ல முன்னேற்றம் இருக்கும் என கூறப்படுகிறது.

பொறுப்பு துறப்பு : இந்த தகவல் நம்பிக்கைகள், வேதங்கள் மற்றும் பல்வேறு ஊடகங்களை மட்டுமே அடிப்படையாகக் கொண்டது. தகவல் நோக்கங்களுக்கு மட்டுமே. எந்தவொரு தகவலையும் ஏற்றுக்கொள்வதற்கு முன் நிபுணர்களை அணுகவும்.

புதன் கிருத்திகை நட்சத்திர பயணத்தால் கோடீஸ்வர யோகத்தை பெறுகின்ற ராசிகள் குறித்து காண்போம் 

பாகிஸ்தானுக்கு ஆதரவு.. துருக்கி, அசர்பைஜான் பயணத் திட்டங்களை கைவிட்ட இந்தியர்கள்!

துருக்கி மற்றும் அசர்பைஜான் ஆகிய நாடுகளுக்கான பயணங்களில் இருந்து இந்தியர்கள் பின்வாங்கி வருவதாக பயண வலைத்தளங்களின் தரவுகள் தெரிவிக்கின்றன.

'வெயிலுக்கு ஜில்லென கேழ்வரகு கூழ் செய்வது எப்படி?’: சிம்பிளாக செய்யும் வழிமுறைகள்

<p>கேழ்வரகு, தமிழ்நாட்டின் பாரம்பரிய உணவுகளில் முக்கிய இடம்பெற்ற தானியமாகும். இது தானிய வகையில் இடம்பெற்ற ஒரு முழு தானியமாகும்.</p><p>இதில் உள்ள நார்ச்சத்து, கால்சியம், இரும்புச்சத்து போன்ற ஊட்டச்சத்துகள் காரணமாக, இது சிறுவர்களுக்கும் முதியவர்களுக்கும் மிகவும் உகந்த உணவாகக் கருதப்படுகிறது. குறிப்பாக நோயெதிர்ப்பு சக்தியை உயர்த்தும் இயற்கையான சக்திமிக்க உணவாக இது பயன்படுத்தப்படுகிறது. கீழே கேழ்வரகு கூழ் (Ragi Porridge) தயாரிப்பதற்கான நடைமுறைகள் விளக்கப்பட்டுள்ளன.</p><p><strong>கேழ்வரகு தயாரிக்கத்தேவையான பொருட்கள்:</strong></p><p>கேழ்வரகு மாவு – 2 பெரிய கரண்டி,</p><p>தண்ணீர் – 1 கப்,</p><p>மோர் - அரை கப்,</p><p>பச்சரிசி மாவு - அரை பெரியகரண்டி</p><p>உப்பு – சிறிதளவு (இனிப்பு விரும்பாதவர்களுக்கு),</p><p>வெங்காயம், மல்லித்தழை - சிறிதளவு</p><p>மேலும் படிக்க: '<a href="https://tamil.hindustantimes.com/lifestyle/how-to-make-fenugreek-paneer-pulao-at-home-in-tamil-131742482217785.html" target="_blank">கம கம மணம் வீசும் வெந்தய பன்னீர் புலாவ் அரை மணிநேரத்தில் செய்வது எப்படி?': படிப்படியான வீட்டு சமையல் முறை</a>!</p><h2>கேழ்வரகு தயாரிப்பு நடைமுறை:</h2><p>முதலில் ஒரு சிறிய பாத்திரத்தில் 2 பெரிய கரண்டி கேழ்வரகு மாவை எடுத்து, அதில் சிறிதளவு (சுமார் கால் கப்) தண்ணீர் ஊற்றி, நன்றாகக் கிளறி கரைத்துக்கொள்ள வேண்டும். இது உருண்டை ஆகாமல் இருக்க உதவும்.</p><p>ஒரு கடாயில் 1 கப் தண்ணீர் ஊற்றி, அதனை அடுப்பில் வைத்து கொதிக்க விடுங்கள். தண்ணீர் கொதிக்க ஆரம்பித்ததும், அதில் நன்கு கரைத்து வைத்த கேழ்வரகு மாவை மெதுவாக ஊற்றி, தொடர்ச்சியாக கிளறவும். சேர்ப்பதையும் விட்டுவிடக்கூடாது. எதற்காக என்றால் கேழ்வரகு மாவு ஒட்டிவிடக்கூடாது என்பதற்காகத்தான்.</p><p>கேழ்வரகு மாவைச் சேர்த்ததும், அடுப்பில், மிதமான நெருப்பில் 5 முதல் 7 நிமிடங்கள் நன்றாக கிளறிக்கொண்டு வேகவைக்க வேண்டும். மாவு பசுமையாக இருந்தால் அது வெந்ததற்கான அறிகுறி கிடையாது. வேகவைத்த பிறகு அது ஒளிவிடும் தோற்றத்துடன் திரவமாக மாறவேண்டும். அந்த பதத்தில் இருக்க வேண்டும். அடுத்து, அரை பெரிய கரண்டி, பச்சரிசி மாவினையும் சேர்க்கலாம்.</p><p>மேலும் படிக்க: <a href="https://tamil.hindustantimes.com/lifestyle/here-are-easy-tips-how-to-make-tasty-raw-mango-rasam-in-home-during-summer-season-131747297713184.html" target="_blank">வந்துவிட்டது மாங்காய் சீசன்.. சுவையான மாங்காய் ரசம் ஒரு முறை இப்படி செஞ்சு சாப்பிடுங்க..</a>!</p><h2>மோர் எப்போது சேர்க்கலாம்?:</h2><p>அதன்பின் சிறிது உப்பும் சேர்க்கலாம். அடுத்து தேவைப்பட்டால் அரை கப் மோர் சேர்க்கவும்.</p><p>கேழ்வரகு கூழ் சூடாக இருக்கும். இதனை ஒரு நாள் இரவு ஆறவைத்துவிட்டு மறுநாள் காலையில் வெங்காயம், பச்சை மிளகாய், கொத்தமல்லித்தழை சேர்த்து பரிமாறலாம்.</p><p>காலை உணவாகவோ, பிற்பகல் சிற்றுண்டியாகவோ இதனை அருமையாகச் சாப்பிடலாம். இதன் சத்துணவுக் குணங்கள் காரணமாக இது நோய்தடுப்புச் சக்தியை அதிகரிக்கிறது. எடை குறைக்க விரும்புவோருக்கும், பசிக்காக உடல் சோர்வடைவோர்களுக்கும் மிகச் சிறந்த உணவாகும்.</p><p>மேலும் படிக்க:<a href="https://tamil.hindustantimes.com/lifestyle/mango-chutney-recipe-check-out-the-easy-steps-for-making-mango-chutney-recipe-at-home-131747281339754.html" target="_blank"> சூடான கோடையில் உங்களை குளிர்விக்கும் அற்புதமான மாம்பழ சட்னி ரெசிபி.. செய்முறை விளக்கம் இதோ</a>!</p><p>கேழ்வரகு கூழ் ஒரு ஆரோக்கியமான, சத்துள்ள மற்றும் எளிமையான உணவாகும். குழந்தைகள் முதல் முதியவர்கள் வரை அனைவரும் உண்ணத் தகுந்தது. இது செரிமான சக்தியை மேம்படுத்தி, உழைக்கும் மக்களின் சக்தியை அதிகரிக்கும். இயற்கை உணவுகளுக்கு மாற விரும்புபவர்களுக்கான சிறந்த தேர்வாக இது அமையும்.</p><p>இந்த வகையான பாரம்பரிய உணவுகளை எளிய முறையில் தயாரித்து, நமது அன்றாட வாழ்க்கையில் சேர்த்தால், நலம் மேம்படும் என்பது உறுதி.</p>

<ul><li>கேழ்வரகு கூழ் ஒரு ஆரோக்கியமான, சத்துள்ள மற்றும் எளிமையான உணவாகும். குழந்தைகள் முதல் முதியவர்கள் வரை அனைவரும் உண்ணத் தகுந்தது. இது செரிமான சக்தியை மேம்படுத்தி, உழைக்கும் மக்களின் சக்தியை அதிகரிக்கும். இயற்கை உணவுகளுக்கு மாற விரும்புபவர்களுக்கான சிறந்த தேர்வாக இது அமையும்.</li></ul>

இந்தியாவில் வசூல் சாதனை படைத்த படங்கள்.. பாக்கலாமா?

இந்தியாவில் அதிகம் வசூல் சாதனை செய்த படங்களின் பட்டியல் குறித்து இங்கு காண்போம். 

பாக்ஸ் ஆபிஸில் இந்த வருடம் கல்லா கட்டிய டாப் 10 படங்கள் ஓர் பார்வை!

2024ம் ஆண்சு தியேட்டர்களில் ரசிகர்களால் அதிகம் விரும்பப்பட்ட டாப் 10 படங்களின் தொகுப்பு

top 10 cinema

சமீபத்திய செய்தி

Top 10 cinema: சூர்யா இளையராஜா சந்திப்பு.. ஆபீசர் ஆன் டியூட்டி ஓடிடி ரிலீஸ் வரை - இன்றைய டாப் 10 சினிமா செய்திகள்!

சமீபத்திய புகைப்படம்

வெப் ஸ்டோரிஸ்