Latest raid News

’செந்தில் பாலாஜி வழக்கில் திருப்பம்! ரெய்டில் கைப்பற்றப்பட்ட பென்டிரைவ் எங்கே!’ ED-க்கு உச்சநீதிமன்றம் சரமாரி கேள்வி!

<ul><li>Senthil Balaji case: செந்தில் பாலாஜி விவகாரத்தில் கைப்பற்றப்பட்ட பென் டிரைவ் போன்ற ஆதாரங்கள் பற்றி நாங்கள் கடந்த 15 நிமிடங்களாக தெரிந்து கொள்ள முயற்சி செய்கிறோம் ஆனால் நீங்கள் அதற்கு பதில் அளிக்க மாட்டேன் என்கிறீர்கள்.</li></ul>

ED வழக்கில் நாளை குற்றாச்சாட்டு பதிவு! மருத்துவமனையில் படுத்த செந்தில் பாலாஜி! ஒத்திவைக்க கோரி புதிய மனு!

<ul><li>அமலாக்கத்துறை பதிந்துள்ள வழக்கில் நாளை குற்றச்சாட்டு பதிவுக்காக செந்தில் பாலாஜியை நீதிமன்றத்தில் ஆஜர்படுத்த உத்தரவு பிறப்பிக்கப்பட்டு இருந்தது. இந்த நிலையில் உடல்நலக்குறைவு காரணமாக செந்தில் பாலாஜி சென்னை ஓமந்தூரார் பல்நோக்கு மருத்துவமனையில் அனுமதிக்கப்பட்டு உள்ளார்.</li></ul>

வேலூர் உள்ளிட்ட இடங்களில் ED ரெய்டு! 4.73 கோடி சிக்கியது! அரசு அதிகாரிகளுக்கு தலைவலி!

paragraph

<p>அமலாக்கத் துறை மே 6 அன்று சென்னை மற்றும் வேலூர் பகுதிகளில் சட்டவிரோத பணமோசடி தடுப்புச் சட்டம் (PMLA), 2002 இன் கீழ் 16 இடங்களில் நடத்திய சோதனைகளில் கணக்கில் வராத 4 கோடியே 73 லட்சம் ரூபாய் ரொக்கத்தை கைப்பற்றியதாக தெரிவிக்கப்பட்டு உள்ளது.&nbsp;</p><p>மேலும் படிக்க:- <a target="_blank" href="https://tamil.hindustantimes.com/photos/today-gold-rate-check-out-the-gold-and-silver-price-on-09-may-2025-in-chennai-131746769398037.html">இன்றைய தங்கம் விலை நிலவரம்: ‘தங்கம் விலை குறைந்தது!’ மே 09, 2025 தங்கம் மற்றும் வெள்ளி விலை நிலவரம்!</a></p><p>சென்னை மற்றும் வேலூர் பகுதிகளில் அமலாக்க இயக்குநரகம் (Enforcement Directorate - ED) 2025 மே 6 அன்று சட்டவிரோத பணமோசடி தடுப்புச் சட்டம் (PMLA), 2002 இன் விதிகளின் கீழ் மேற்கொண்ட சோதனைகளில் 4 கோடியே 73 லட்சம் ரூபாய் கணக்கில் வராத பணம் பறிமுதல் செய்யப்பட்டுள்ளது. தமிழ்நாடு அரசுத் துறைகளுடன் தொடர்புடைய சில அதிகாரிகள் மற்றும் முக்கிய ஆலோசகர்களின் 16 இடங்களை இலக்காகக் கொண்டு இந்த சோதனைகள் நடத்தப்பட்டன. இந்த நடவடிக்கைகள், அரசுத் துறைகளில் ஆழமாக வேரூன்றிய முறையான ஊழல் வலையமைப்பை வெளிப்படுத்தி உள்ளன என அமலாக்கத்துறை வெளியிட்ட செய்திக்குறிப்பில் தெரிவிக்கப்பட்டு உள்ளது.&nbsp;</p>

document

<h2>விசாரணையின் தொடக்கம்</h2><p>லஞ்சம் மற்றும் ஊழல் தடுப்பு இயக்குநரகத்தின் (DVAC) முதல் தகவல் அறிக்கை (FIR) அடிப்படையில், தமிழ்நாடு சுற்றுச்சூழல் துறையின் முன்னாள் கண்காணிப்பாளர் எஸ். பாண்டியன் மற்றும் பிறருக்கு எதிரான சொத்து குவிப்பு வழக்கு தொடர்பாக அமலாக்கத்துறை விசாரணையைத் தொடங்கியது. இந்த விசாரணை, அரசுத் துறைகளில் லஞ்சம் மற்றும் சட்டவிரோத அனுமதிகளை எளிதாக்கும் ஒரு ஒழுங்கமைக்கப்பட்ட வலையமைப்பை வெளிகொண்டு வந்து உள்ளதாக அமலாக்கத்துறை தெரிவித்து உள்ளது.</p><p>மேலும் படிக்க:- <a href="https://tamil.hindustantimes.com/tamilnadu/aircel-founder-sivasankaran-says-not-knowing-hindi-cost-him-rs-10-000-crore-in-missed-business-opportunities-131746781574822.html" target="_blank">‘இந்தி தெரியாததால் 10,000 கோடி ரூபாய் இழந்தேன்!’ ஏர்செல் நிறுவனர் சிவசங்கரன் பரபரப்பு பேட்டி!</a></p><h2>ஊழல் வலையமைப்பு வெளிப்பாடு</h2><p>சோதனைகளில், ஆலோசகர்கள் மற்றும் தரகர்கள் இடைத்தரகர்களாகவும், போலி நிறுவனங்கள் மற்றும் ஆலோசனை நிறுவனங்கள் மூலமாகவும் செயல்பட்டு, சேவைக் கட்டணங்கள் மற்றும் ஆலோசனைக் கொடுப்பனவுகள் என்ற போர்வையில் லஞ்சப் பணம் பரிமாறப்பட்டதற்கான ஆதாரங்கள் கண்டறியப்பட்டன. சட்டவிரோதமாகவும், விரைவாகவும் அனுமதிகளைப் பெறுவதற்கு அதிகாரிகளுக்கு நிலையான கமிஷன்கள் வழங்கப்பட்டதாக விசாரணை உறுதிப்படுத்தி உள்ளது.</p><p>விசாரணையில், முக்கிய ஆலோசகர்களான பிரபாகர் சிகாமணி, ஏ.கே. நாதன், நவீன் குமார், சந்தோஷ் குமார், மற்றும் வினோத் குமார் ஆகியோர் சட்டவிரோத ஒப்புதல்களை எளிதாக்குவதில் முக்கியப் பங்கு வகித்ததாகக் கண்டறியப்பட்டது. இவர்கள், சுற்றுச்சூழல் அனுமதிகள் உள்ளிட்ட சட்டவிரோத அனுமதிகளைப் பெறுவதற்கு இடைத்தரகர்களாகச் செயல்பட்டதாக அமலாக்கத் துறை தெரிவித்துள்ளது.</p><h2>பறிமுதல் மற்றும் ஆதாரங்கள்</h2><p>சோதனைகளின் போது, லஞ்சம் கொடுப்பதற்காகப் பயன்படுத்தப்பட்ட 4.73 கோடி ரூபாய் கணக்கிடப்படாத பணம் பறிமுதல் செய்யப்பட்டது. மேலும், குற்றத்திற்கு உடந்தையான ஆவணங்கள், டிஜிட்டல் பதிவுகள், மற்றும் சொத்து ஆவணங்கள் மீட்கப்பட்டன. இவை, பெரிய அளவிலான சட்டவிரோத நிதி திரட்டல் மற்றும் மோசடியைக் குறிக்கின்றன. குற்றத்தின் வருமானம் (Proceeds of Crime - POC) மூலம் பெறப்பட்ட சொத்துகளை ED அடையாளம் கண்டு, அவற்றை PMLA, 2002 இன் விதிகளின் கீழ் இணைக்கும் பணியில் ஈடுபட்டுள்ளது என தெரிவிக்கப்பட்டு உள்ளது. </p><h2>ஆதார அழிப்பு முயற்சி</h2><p>சோதனையின்போது, ஒரு முக்கிய ஆலோசகரின் ஊழியர் ஆதாரங்களை மறைப்பதற்காக தனது தொலைபேசியை கடுமையாக சேதப்படுத்தியதாக அமலாக்கத் துறை குறிப்பிட்டுள்ளது. ஆதாரங்களை அழித்தல் மற்றும் விசாரணைக்கு ஒத்துழைக்காததற்காக இந்த நபர் மீது சட்டப்படி நடவடிக்கை எடுக்கப்படும் என ED தெரிவித்துள்ளது.</p><p>மேலும் படிக்க:- <a href="https://tamil.hindustantimes.com/tamilnadu/cm-m-k-stalin-announces-massive-chennai-rally-to-support-indian-army-fighting-pakistans-terror-attacks-131746768047315.html" target="_blank">‘இந்திய ராணுவத்திற்கு ஆதரவாக சென்னையில் பிரம்மாண்ட பேரணி!’ முதலமைச்சர் மு.க.ஸ்டாலின் அறிவிப்பு!</a></p>

<p>“தமிழ்நாடு அரசுத் துறைகளுடன் தொடர்புடைய சில அதிகாரிகள் மற்றும் முக்கிய ஆலோசகர்களின் 16 வளாகங்களை இலக்காகக் கொண்டு இந்த சோதனைகள் நடத்தப்பட்டன. இந்த நடவடிக்கைகள், அரசுத் துறைகளில் ஆழமாக வேரூன்றிய முறையான ஊழல் வலையமைப்பை வெளிப்படுத்தியுள்ளன”</p>

சென்னையில் 7 இடங்களில் அமலாக்கத்துறை ரெய்டு! முன்னாள் மாசு கட்டுப்பாட்டு வாரிய அதிகாரிக்கு தலைவலி!

<p>சென்னையில் 7 இடங்களில் அமலாக்கத் துறை திடீர் சோதனை நடத்தி வருவது பரபரப்பை ஏற்படுத்தி உள்ளது.</p><p>சென்னையில் விருகம்பாக்கம், சாலிகிராமம், டி.நகர், அசோக் நகர், ஆழ்வார்பேட்டை, கோட்டூர்புரம் உள்ளிட்ட 7 இடங்களில் அமலாக்கத் துறை அதிகாரிகள் இன்று காலை முதல் திடீர் சோதனையில் ஈடுபட்டு வருகின்றனர். இந்த சோதனைகள் மருத்துவ உபகரணங்கள் கொள்முதல் மற்றும் மாசு கட்டுப்பாட்டு வாரியம் தொடர்பான முறைகேடு புகார்களின் அடிப்படையில் நடத்தப்படுவதாக தகவல்கள் வெளியாகி உள்ளது.</p><p>மேலும் படிக்க:- <a target="_blank" href="https://tamil.hindustantimes.com/tamilnadu/demand-for-dismissal-of-madurai-aadheenam-by-hindu-makkal-katchi-over-alleged-insult-to-mutts-reputation-131746438905064.html">‘மனநலம் பாதிக்கப்பட்டவர் போல் செயல்படும் மதுரை ஆதீனத்தை பதவிநீக்கம் செய்ய வேண்டும்’ இந்து மக்கள் கட்சி கோரிக்கை!</a></p><h2>சோதனை நடைபெறும் இடங்கள் மற்றும் நிறுவனங்கள்</h2><p>அசோக் நகரில் உள்ள என்.சி.எஸ் டெக்னாலஜி இந்தியா பிரைவேட் லிமிடெட் நிறுவனம், அதன் இயக்குநராக உள்ள ஏ.கே.நாதனின் கோட்டூர்புரம் இல்லம், 360 பிரைவேட் லிமிடெட் நிறுவனம், கோயம்பேடு ஜெயநகரில் உள்ள எக்கோ கேர் இன்ஜினியரிங் பிரைவேட் லிமிடெட் நிறுவனத்தின் மேலாண் இயக்குநர் குணசேகரனின் இல்லம், கே.கே.நகரில் மருத்துவர் வரதராஜனின் இல்லம், மற்றும் விருகம்பாக்கம் காவேரி தெருவில் பாண்டியனின் இல்லம் ஆகிய இடங்களில் சோதனைகள் நடைபெறுகின்றன. மருத்துவர் வரதராஜன் தனியார் மருத்துவமனைகளுக்கு மருத்துவ உபகரணங்கள் வழங்கும் தொழிலில் ஈடுபட்டவர் என்பது குறிப்பிடத்தக்கது.</p><h2>பாண்டியன் மீதான புகார்கள்</h2><p>விருகம்பாக்கம் காவேரி தெருவில் உள்ள பாண்டியனின் இல்லத்தில் 5 அதிகாரிகள் கொண்ட குழு சோதனை நடத்தி வருகிறது. பாண்டியன், மாசு கட்டுப்பாட்டு வாரியத்தில் கண்காணிப்பாளராகப் பணியாற்றி ஓய்வு பெற்றவர். இவர் மீது லஞ்ச ஒழிப்புத் துறையில் வழக்கு பதிவு உள்ளது. அதிமுக ஆட்சிக் காலத்தில் பணியில் இருந்தபோது பன்மடங்கு சொத்து சேர்த்ததாக குற்றம்சாட்டப்பட்டு, 2021 ஜனவரி 14 அன்று அவரது இல்லம் உள்ளிட்ட பல இடங்களில் லஞ்ச ஒழிப்புத் துறை சோதனை நடத்தியது. அப்போது 1.38 கோடி ரூபாய் பணம், 3 கிலோ தங்கம், 3 கிலோ வெள்ளி, வைரம் மற்றும் 7 கோடி ரூபாய் மதிப்புள்ள 18 சொத்து ஆவணங்கள் கைப்பற்றப்பட்டன. தற்போது மீண்டும் அவரது இல்லத்தில் அமலாக்கத் துறை சோதனை நடத்தி வருவது குறிப்பிடத்தக்கது.</p><p>மேலும் படிக்க:- <a target="_blank" href="https://tamil.hindustantimes.com/tamilnadu/h-rajas-who-is-that-fool-remark-on-minister-m-subramanian-neet-query-at-press-meet-creates-political-storm-131746441034574.html">’யார் அந்த முட்டாள்?’ அமைச்சர் மா.சுப்பிரமணியன் குறித்த கேள்விக்கு பாஜக மூத்த தலைவர் ஹெச்.ராஜா பதில்!</a></p><h2>சோதனையின் எதிர்பார்ப்பு</h2><p>இந்த சோதனைகள் மேலும் விரிவடையக்கூடும் எனவும், முழுமையான சோதனைக்குப் பின்னர் முறைகேடுகள் மற்றும் அதில் தொடர்புடையவர்கள் குறித்த விவரங்கள் வெளியாகும் எனவும் அமலாக்கத் துறை அதிகாரிகள் தெரிவித்துள்ளனர். இந்த சோதனைகள் சென்னையில் பெரும் பரபரப்பை ஏற்படுத்தி உள்ளது.</p><p>மேலும் படிக்க:- <a target="_blank" href="https://tamil.hindustantimes.com/tamilnadu/madras-high-court-orders-police-to-file-detailed-report-in-case-against-controversial-youtuber-ttf-vasan-131746447193028.html">’TTF வாசன் மீது உள்ள வழக்குகளின் எண்ணிக்கை எவ்வளவு? காவல்துறைக்கு நீதிமன்றம் கேள்வி!’</a></p>

<p>விருகம்பாக்கம் காவேரி தெருவில் உள்ள பாண்டியனின் இல்லத்தில் 5 அதிகாரிகள் கொண்ட குழு சோதனை நடத்தி வருகிறது. பாண்டியன், மாசு கட்டுப்பாட்டு வாரியத்தில் கண்காணிப்பாளராகப் பணியாற்றி ஓய்வு பெற்றவர். இவர் மீது லஞ்ச ஒழிப்புத் துறையில் வழக்கு பதிவு உள்ளது.</p>

தலைப்பு செய்திகள்: ‘சென்னையில் ED ரெய்டு! கோயில் குளத்தில் விழுந்து 3 பேர் உயிரிழப்பு’ இன்றைய டாப் 10 நியூஸ்!

<p>தமிழ்நாட்டில் இன்று காலை வரை நடைபெற்ற முக்கிய செய்திகளின் தொகுப்பு இதோ!</p><h2>1.சென்னையில் ED ரெய்டு </h2><p>சென்னையில் கோயம்பேடு, தி.நகர், அசோக் நகர் உள்ளிட்ட 7 இடங்களில் மருத்துவ துறை சார்ந்த நிறுவனங்களில் அமலாக்கத்துறை சோதனை.</p><h2>2.கோயில் குளத்தில் விழுந்து 3 பேர் உயிரிழப்பு</h2><p>திருவள்ளூர் வீரராகவ பெருமாள் கோயில் குளத்தில் தவறி விழுந்த ஹரிஹரன், வெங்கட்ரமணன், வீரராகவன் ஆகியோர் சந்தியாவந்தனம் செய்யும் போது படிக்கட்டில் தவறி விழுந்து உயிரிழப்பு.</p><h2>3.தொட்டபெட்டாவுக்கு செல்ல தடை </h2><p>யானைகள் கூட்டம் நடமாடுவதால் ஊட்டியில் உள்ள தொட்டபெட்டா காட்சி முனை பகுதிக்கு செல்ல இன்று ஒரு நாள் மட்டும் தடை விதிப்பு.</p><p>மேலும் படிக்க:- <a href="https://tamil.hindustantimes.com/tamilnadu/demand-for-dismissal-of-madurai-aadheenam-by-hindu-makkal-katchi-over-alleged-insult-to-mutts-reputation-131746438905064.html" target="_blank">‘மனநலம் பாதிக்கப்பட்டவர் போல் செயல்படும் மதுரை ஆதீனத்தை பதவிநீக்கம் செய்ய வேண்டும்’ இந்து மக்கள் கட்சி கோரிக்கை!</a></p><h2>4.விரைவில் வணிகர் நாள் அரசாணை </h2><p>தமிழ்நாட்டில் மே 5-ஆம் தேதி வணிகர் நாளாக கொண்டாட விரைவில் அரசாணை வெளியிடப்படும் என முதலமைச்சர் மு.க.ஸ்டாலின் அறிவிப்பு. வணிக நிறுவனங்கள் 24 மணி நேரமும் இயங்க அனுமதி நீட்டிக்கப்படும் என அறிவிப்பு. </p><h2>5.வைகோ மருத்துவமனையில் அனுமதி</h2><p>வீட்டில் தவறி விழுந்த நிலையில், சென்னை கிரீம்ஸ் சாலையில் உள்ள அப்போலோ மருத்துவமனையில் மதிமுக பொதுச்செயலாளர் வைகோ அனுமதி.</p><h2>6.வடகாட்டில் வன்முறை - தீவைப்பு</h2><p>புதுக்கோட்டை அருகே வடகாடு கிராமத்தில் இருதரப்பினர் இடையே ஏற்பட்ட மோதல் தொடர்பாக 14 பேரை கைது செய்து காவல்துறை விசாரணை. பெட்ரோல் போடுவது தொடர்பாக ஏற்பட்ட மோதலில் வீடு, இருசக்கர வாகனத்திற்கு தீவைப்பு.</p><h2>7.ஜே.பி.நட்டா பயணம் தொடர்பாக விளக்கம். </h2><p>மத்திய சுகாதாரத்துறை அமைச்சர் ஜே.பி.நட்டாவின் பயணத்தில் எவ்வித குறைபாடும் ஏற்படவில்லை என தமிழக காவல்துறை விளக்கம்.</p><p>மேலும் படிக்க:- <a href="https://tamil.hindustantimes.com/tamilnadu/h-rajas-who-is-that-fool-remark-on-minister-m-subramanian-neet-query-at-press-meet-creates-political-storm-131746441034574.html" target="_blank">’யார் அந்த முட்டாள்?’ அமைச்சர் மா.சுப்பிரமணியன் குறித்த கேள்விக்கு பாஜக மூத்த தலைவர் ஹெச்.ராஜா பதில்!</a></p><h2>8.கவுண்டமணி மனைவிக்கு இன்று இறுதிச்சடங்கு </h2><p>நடிகர் கவுண்டமணி மனைவி சாந்தியின் உடல், இன்று காலை 10 மணி அளவில் பெசன்ட் நகர் மின் மயானத்தில் தகனம்‌ செய்யப்பட உள்ளது. சென்னை தேனாம்பேட்டையில் உள்ள கவுண்டமணியின் இல்லத்தில் தற்போது இறுதி சடங்குகளுக்கான ஏற்பாடுகள் நடைபெற்று வருகிறது.</p><h2>9.4 மாவட்டங்களில் மழை எச்சரிக்கை </h2><p>நீலகிரி, கோவை, தேனி, திண்டுக்கல் உள்ளிட்ட 4 மாவட்டங்களில் ஓரிரு இடங்களில் இன்று கனமழை பெய்யும் என சென்னை மண்டல வானிலை ஆய்வு மையம் எச்சரிக்கை. </p><h2>10.பாஜக நிர்வாகி வெட்டிக் கொலை </h2><p>தஞ்சாவூர் மாவட்டம் பட்டுக்கோட்டை அருகே உதயசூரியபுரத்தில் மதுரை மத்திய தொகுதி மாநகர பாஜகவில் உள்ள பெண் நிர்வாகி சரண்யா வெட்டிக் கொலை.</p><p>மேலும் படிக்க:- <a href="https://tamil.hindustantimes.com/tamilnadu/madras-high-court-orders-police-to-file-detailed-report-in-case-against-controversial-youtuber-ttf-vasan-131746447193028.html" target="_blank">’TTF வாசன் மீது உள்ள வழக்குகளின் எண்ணிக்கை எவ்வளவு? காவல்துறைக்கு நீதிமன்றம் கேள்வி!’</a></p>

<p>சென்னையில் அமலாக்கத்துறை சோதனை, திருவள்ளூர் வீரகாகவ பெருமாள் கோயில் குளத்தில் விழுந்து 3 பேர் உயிரிழப்பு, ஊட்டியில் உள்ள தொட்டபெட்டாவுக்கு செல்ல தடை உள்ளிட்ட முக்கிய செய்திகளின் தொகுப்பு இதோ!</p>

’திமுக கூட்டணியில் மீண்டும் எம்.பி. சீட் கிடைக்குமா?’ சிரித்துக் கொண்டே வைகோ சொன்ன பதில்!

<p>திமுக கூட்டணியில் உள்ள உங்களுக்கு மீண்டும் ராஜ்யசபா சீட் கிடைக்குமா என்ற கேள்விக்கு “எனக்கு எந்த எதிர்பார்ப்பும் இல்லை” என்று மதிமுக பொதுச்செயலாளர் வைகோ பதிலளித்து உள்ளார்.&nbsp;</p><p>மேலும் படிக்க:- <a target="_blank" href="https://tamil.hindustantimes.com/tamilnadu/dindigul-i-leoni-says-vijay-party-agents-shouted-tvk-but-it-sounded-like-tea-vika-in-coimbatore-meet-131746338061470.html">விஜய் முன் TVK…! TVK…! என கத்தியது என் காதில்.. டீ விக்க…! டீ விக்க…ணு கேட்டது! திண்டுக்கல் லியோனி கிண்டல்!</a></p><h2>மாநிலங்களவை சீட் குறித்து வைகோவின் நிலைப்பாடு</h2><p>சென்னை விமான நிலையத்தில் மதிமுக பொதுச்செயலாளர் வைகோ செய்தியாளர்களை சந்தித்தார். திமுக கூட்டணியில் மாநிலங்களவை உறுப்பினர் பதவி மீண்டும் கிடைக்குமா என்ற கேள்விக்கு, எந்த எதிர்பார்ப்பும் இல்லை என்று கூறினார். “என்ன நடக்கும் என்று இப்போது தெரியாது. திமுக கூட்டணி கூட்டத்தை நடத்தி முடிவு அறிவித்த பிறகுதான் தெரியும்,” என்று அவர் குறிப்பிட்டார். தனது அரசியல் பயணத்தில் பதவிகளை விட கட்சி நலனையும் மக்கள் நலனையும் முன்னிறுத்தியதாக அவர் விளக்கினார்.</p><p>வைகோ, கடந்த காலங்களில் மத்திய அமைச்சர் பதவிகளை மறுத்த அனுபவங்களைப் பகிர்ந்தார். 1998-ல் முன்னாள் பிரதமர் வி.பி.சிங் மற்றும் 1999-ல் அடல் பிகாரி வாஜ்பாய் ஆகியோர் அவரை மத்திய அமைச்சரவையில் இணையுமாறு வற்புறுத்தியபோதும், அவர் மறுத்துவிட்டதாகக் கூறினார். “நான் எந்தக் கற்பனைகளையும் வளர்த்துக்கொள்ளவில்லை. மதிமுகவுக்கு நான்கு எம்.பி.க்கள் இருந்தபோது, இரண்டு அமைச்சர் பதவிகளை வாங்கினேன். கண்ணப்பனும், செஞ்சி ராமச்சந்திரனும் அமைச்சர்களாக நியமிக்கப்பட்டனர்,” என்று அவர் நினைவு கூர்ந்தார்.</p><p>2004-ல் சிவகாசி தொகுதியில் 5 லட்சம் வாக்குகள் வித்தியாசத்தில் வெற்றி பெறுவேன் என்று கூறப்பட்டபோதும், தான் போட்டியிடவில்லை என்றும், அதற்குப் பதிலாக இளைஞர் சிப்பிப்பாறை ரவிச்சந்திரனை வேட்பாளராக அறிவித்ததாகவும் வைகோ தெரிவித்தார். இதன் மூலம், பதவி ஆசைகளுக்கு அப்பாற்பட்டு கட்சியின் எதிர்காலத்தை வளர்ப்பதில் தனது கவனம் இருந்ததாக அவர் வலியுறுத்தினார்.</p><p>மேலும் படிக்க:- <a target="_blank" href="https://tamil.hindustantimes.com/tamilnadu/is-bjp-in-alliance-with-tvk-nainar-nagendran-breaks-silence-and-responds-to-tamil-nadu-coalition-rumours-131746001358046.html">’விஜய்யின் தவெக கட்சி உடன் கூட்டணி பேச்சுவார்த்தையா?’ நயினார் நாகேந்திரன் பேட்டி</a></p><h2>திமுக ஆட்சி மற்றும் நீட் விவகாரம்</h2><p>திமுகவின் திராவிட மாடல் ஆட்சியை வைகோ புகழ்ந்தார். “முதல்வர் மு.க.ஸ்டாலின் தலைமையிலான ஆட்சி மிகவும் மனநிறைவு அளிக்கிறது. நான்கு ஆண்டுகளில் திமுக தனது வாக்குறுதிகளை நிறைவேற்றியுள்ளது. சொல்லப்படாத வாக்குறுதிகளையும் செயல்படுத்தியுள்ளது,” என்று அவர் கூறினார்.</p><p>நீட் தேர்வு தொடர்பாக, திமுக ஆட்சியில் இதை நீக்குவதாக அளித்த வாக்குறுதி இன்னும் நிறைவேறவில்லை என்றாலும், அதற்கு கடுமையான முயற்சிகள் மேற்கொள்ளப்பட்டு வருவதாக வைகோ தெரிவித்தார். “நீட் விவகாரத்தில் திமுக தீவிரமாக உழைத்து வருகிறது. இந்த வாக்குறுதியை நிறைவேற்றுவதற்கு முயற்சிகள் தொடர்கின்றன,” என்று அவர் குறிப்பிட்டார்.</p><h2>பகல்காம் தாக்குதல் மற்றும் யுத்த எதிர்ப்பு</h2><p>பகல்காம் தாக்குதல் குறித்து பேசிய வைகோ, 26 அப்பாவி உயிர்களை தீவிரவாதிகள் கொன்றதை கடுமையாகக் கண்டித்தார். இருப்பினும், முஸ்லிம் இளைஞர்கள் மீதமுள்ளவர்களை பாதுகாப்பாக மீட்டு பத்திரமான இடங்களுக்கு அழைத்துச் சென்ற செய்தியை மனதுக்கு ஆறுதலாகக் குறிப்பிட்டார். இந்தச் செய்தி ஊடகங்களில் விரிவாக வெளியாகவில்லை என்று அவர் வருத்தம் தெரிவித்தார்.</p><p>யுத்தத்தைத் தொடங்குவது எளிதானதல்ல என்று எச்சரித்த வைகோ, இந்தியா மற்றும் பாகிஸ்தான் இடையே மோதல் ஏற்பட்டால், இரு தரப்பிலும் ஆயிரக்கணக்கான அப்பாவி உயிர்கள் பலியாகும் என்று கவலை தெரிவித்தார். “போர் என்றால் குழந்தைகள், தாய்மார்கள், தீவிரவாதத்துடன் தொடர்பில்லாதவர்கள் பலியாவார்கள். பொருளாதாரம் சீர்குலைந்து, மீட்சிக்கு ஆண்டுகள் ஆகும்,” என்று அவர் கூறினார்.</p><p>தீவிரவாதிகளை கண்டறிந்து, அவர்களின் மறைவிடங்களை அழிப்பது வரவேற்கத்தக்கது என்றாலும், முழுமையான யுத்தத்தைத் தவிர்க்க வேண்டும் என்று வைகோ வலியுறுத்தினார். “பாகிஸ்தான் தீவிரவாதிகளை கண்டறிய ஒத்துழைக்க வேண்டும். மற்ற நாடுகளும் இதை வலியுறுத்த வேண்டும்,” என்று அவர் கேட்டுக்கொண்டார். மத்திய அரசு மற்றும் பிரதமர் நரேந்திர மோடி இந்தப் பிரச்சினையை யோசித்து செயல்பட வேண்டும் என்று அவர் அறிவுறுத்தினார்.</p><h2>அமலாக்கத்துறை மற்றும் வருமான வரித்துறை மீதான விமர்சனம்</h2><p>மத்திய அரசின் அமலாக்கத்துறை மற்றும் வருமான வரித்துறையின் அத்துமீறிய செயல்பாடுகள் மக்களிடையே நம்பிக்கையின்மையை ஏற்படுத்தியுள்ளதாக வைகோ குற்றம்சாட்டினார். “இந்த அமைப்புகள் அதிகாரத்தை தவறாகப் பயன்படுத்துகின்றன. இது ஜனநாயகத்திற்கு கேடு விளைவிக்கும்,” என்று அவர் கூறினார். இருப்பினும், திமுகவில் இதுபோன்ற நடவடிக்கைகளுக்கு யாரும் அஞ்சவில்லை என்றும், பயப்படவில்லை என்றும் அவர் உறுதியாகத் தெரிவித்தார்.</p><p>மேலும் படிக்க:- <a target="_blank" href="https://tamil.hindustantimes.com/tamilnadu/aiadmks-rajya-sabha-seat-promise-to-dmdk-is-true-confirms-lk-sutheesh-in-key-political-statement-131746336184870.html">’தேமுதிகவுக்கு ராஜ்ய சபா சீட் தருவதாக அதிமுக உறுதியளித்தது முழுக்க முழுக்க உண்மை’ எல்.கே.சுதீஷ் பங்கிரங்க குற்றச்சாட்டு!</a></p>

<p>“நான் எந்தக் கற்பனைகளையும் வளர்த்துக்கொள்ளவில்லை. மதிமுகவுக்கு நான்கு எம்.பி.க்கள் இருந்தபோது, இரண்டு அமைச்சர் பதவிகளை வாங்கினேன். கண்ணப்பனும், செஞ்சி ராமச்சந்திரனும் அமைச்சர்களாக நியமிக்கப்பட்டனர்,” என்று அவர் நினைவு கூர்ந்தார்.</p>

’அடுத்த தேர்தலில் ஜெயித்தாலும் செந்தில் பாலாஜி அமைச்சர் ஆக கூடாது!’ ED வாதம்! முடித்து வைத்த உச்சநீதிமன்றம்!

<p>முன்னாள் அமைச்சர் செந்தில் பாலாஜியின் ஜாமீனை ரத்து செய்யக் கோரும் மனுக்கள் மீதான வழக்கை உச்சநீதிமன்றம் முடித்து வைத்துள்ளது. அடுத்த தேர்தலில் வெற்றி பெற்றாலும் அவர் அமைச்சராக முடியாது என அமலாக்கத்துறை வாதிட்ட நிலையில், செந்தில் பாலாஜி தரப்பு அதற்கு எதிராக வாதங்களை முன்வைத்தது.</p><h2>அமலாக்கத்துறை மற்றும் செந்தில் பாலாஜி தரப்பு வாதங்கள்</h2><p>போக்குவரத்து துறையில் அரசு வேலை வாங்கித் தருவதாகக் கூறி பணமோசடி செய்ததாக செந்தில் பாலாஜி மீது வழக்கு பதிவு செய்யப்பட்டிருந்தது. இந்த வழக்கில் அமலாக்கத்துறையால் கைது செய்யப்பட்ட செந்தில் பாலாஜி ஓராண்டுக்கு மேல் சிறையில் இருந்தார். அவருக்கு உச்சநீதிமன்றம் ஜாமீன் வழங்கிய நிலையில், ஜாமீனை ரத்து செய்யக் கோரி மனுத்தாக்கல் செய்யப்பட்டது. </p><p>ஜாமீன் வேண்டுமா? அல்லது அமைச்சர் பதவி வேண்டுமா? என செந்தில் பாலாஜிக்கு கடந்த விசாரணையின் போது உச்சநீதிமன்ற நீதிபதிகள் கேள்வி எழுப்பி இருந்தனர். இந்த நிலையில் நேற்றைய தினம் தனது அமைச்சர் பதவியை செந்தில் பாலாஜி ராஜினாமா செய்தார்.</p><p>இந்த நிலையில் இந்த வழக்கு இன்றைய தினம் உச்சநீதிமன்றத்தில் விசாரணைக்கு வந்தது. அமலாக்கத்துறை தரப்பில், மேலும் அவர் ஏதாவது ஒரு பதவியில் இருந்தால் சாட்சியங்களை கலைக்க வாய்ப்பு உள்ளதாகவும் அமலாக்கத்துறை கூறியது. சிறையில் இருந்தபோதும் கூட இலாகா இல்லாத அமைச்சராக செந்தில் பாலாஜி இருந்தார் என்றால் அவர் எத்தகைய அதிகாரம் பெற்ற நபர் என்பதை இதில் புரிந்து கொள்ளலாம் என வாதங்கள் முன் வைக்கப்பட்டன. </p><p>செந்தில் பாலாஜி தரப்பில், மூத்த வழக்கறிஞர் கபில் சிபல் ஆஜராகி, “15 ஆண்டுகள் வழக்கு நடந்து கொண்டிருந்தால், அதுவரை அமைச்சர் பதவியை ஏற்க முடியாமல் இருக்க வேண்டுமா?, அமைச்சராக முடியாது என உச்சநீதிமன்றம் கூற அதிகாரம் இல்லை,” என வாதிட்டார். முந்தைய விசாரணையில், “பதவியா அல்லது ஜாமீனா?” என நீதிமன்றம் கேள்வி எழுப்பியிருந்த நிலையில், செந்தில் பாலாஜி பதவியை ராஜினாமா செய்து பதிலளித்து உள்ளதாகவும் வாதங்கள் முன் வைக்கப்பட்டன. </p><h2>உச்சநீதிமன்றத்தின் தீர்ப்பு</h2><p>ஆளுநர் மாளிகையின் செய்திக்குறிப்பை ஏற்று, உச்சநீதிமன்றம் செந்தில் பாலாஜியின் ஜாமீன் மனுக்கள் மீதான விசாரணையை முடித்து வைத்தது. அமலாக்கத்துறை, “டெல்லி முதல்வர் தலைமைச் செயலகம் செல்லக் கூடாது என உத்தரவிடப்பட்டது போல, செந்தில் பாலாஜிக்கும் உத்தரவிட வேண்டும்,” என கோரியது. இருப்பினும், செந்தில் பாலாஜி பதவி விலகியதால், இந்த வழக்கு முடித்து வைக்கப்பட்டு உள்ளது. </p>

<p>“அடுத்த தேர்தலில் வெற்றி பெற்றாலும் செந்தில் பாலாஜி அமைச்சராக பொறுப்பேற்கக் கூடாது என அமலாக்கத்துறை வாதம்”</p>

கைவிட்டு போன அமைச்சர் பதவி! சாதாரண எம்.எல்.ஏவாக அமலாக்கத்துறை ஆபீசில் கையெழுத்து இட்ட செந்தில் பாலாஜி!

<p>அமைச்சர் பதவியில் இருந்து ராஜினாமா செய்த நிலையில் சென்னை நுங்கம்பாக்கத்தில் உள்ள அமலாக்கத்துறை அலுவலகத்தில் செந்தில் பாலாஜி நிபந்தனை ஜாமீனுக்கான கையெழுத்திட்டு சென்றார்.&nbsp;</p><p>மேலும் படிக்க:- ’<a target="_blank" href="https://tamil.hindustantimes.com/tamilnadu/rajendra-balaji-compares-tvk-leader-vijay-to-comedian-vadivelu-says-no-conclusion-can-be-drawn-from-meeting-131745747461485.html">வடிவேலுக்கு வந்த கூட்ட எவ்ளோ தெரியுமா?’ விஜய் குறித்த கேள்விக்கு ராஜேந்திர பாலாஜி பதிலடி!</a></p><h2>வேலை வாங்கி தருவதாக மோசடி&nbsp;</h2><p>சென்னை, நுங்கம்பாக்கத்தில் உள்ள அமலாக்கத்துறை அலுவலகத்தில் முன்னாள் அமைச்சரும், திமுக சட்டமன்ற உறுப்பினருமான செந்தில் பாலாஜி கையெழுத்திட வந்தார். 2011-2016 ஆம் ஆண்டு அதிமுக ஆட்சியின் போது, போக்குவரத்து துறையில் வேலை வாங்கித் தருவதாகக் கூறி மோசடி செய்ததாக எழுந்த புகாரின் அடிப்படையில், வருமானவரித்துறை மற்றும் சென்னை மத்திய குற்றப்பிரிவு காவல்துறையினர் விசாரணை மேற்கொண்டனர்.</p><p>மேலும் படிக்க:- <a target="_blank" href="https://tamil.hindustantimes.com/tamilnadu/coimbatore-turns-political-hotspot-with-roadshows-by-tvk-leader-vijay-yesterday-and-deputy-cm-udhayanidhi-stalin-today-131745753541175.html">கோவையில் விஜய்க்கு டஃப் கொடுத்த உதய்! விமான நிலையம் முதல் ரோட்ஷோ! ஒரு கி.மீ நீளத்திற்கு பிரம்மாண்ட வரவேற்பு!</a></p><h2>நிபந்தனை ஜாமீன்&nbsp;</h2><p>இதனைத் தொடர்ந்து, சட்டவிரோத பணப்பரிமாற்றம் தொடர்பாக அமலாக்கத்துறை விசாரணை நடத்தியது. இதன் விளைவாக, அமைச்சராக இருந்தபோது செந்தில் பாலாஜி கைது செய்யப்பட்டு ஒரு ஆண்டு காலத்திற்கும் மேல் சிறையில் இருந்தார். பின்னர், உச்சநீதிமன்றம் அவருக்கு நிபந்தனை ஜாமீன் வழங்கியது.</p><p>ஜாமீன் நிபந்தனையின் படி, திங்கள், வெள்ளி, சனி ஆகிய நாட்களில் அமலாக்கத்துறை அலுவலகத்தில் கையெழுத்திட வேண்டும் என உத்தரவிடப்பட்டிருந்தது. பின்னர், இந்த நிபந்தனை தளர்த்தப்பட்டு, திங்கள் மற்றும் வெள்ளி ஆகிய இரு நாட்களில் மட்டும் கையெழுத்திட உத்தரவிடப்பட்டது.</p><h2>நுங்கம்பாக்கம் அலுவலகத்தில் கையெழுத்து</h2><p>நேற்று அமைச்சர் பதவியில் இருந்து விடுவிக்கப்பட்ட நிலையில், திமுக சட்டமன்ற உறுப்பினராக இன்று செந்தில் பாலாஜி நுங்கம்பாக்கம் அமலாக்கத்துறை அலுவலகத்தில் கையெழுத்திட்டார். அமைச்சர் செந்தில் பாலாஜிக்கு அளித்த ஜாமீனுக்கு எதிராக தொடரப்பட்ட மனு இன்று விசாரணைக்கு வருவது குறிப்பிடத்தக்கது.&nbsp;</p><p>மேலும் படிக்க:- <a target="_blank" href="https://tamil.hindustantimes.com/tamilnadu/department-of-mineral-resources-announces-rs-1000-price-reduction-for-m-sand-b-sand-and-gravel-materials-131745756961376.html">தமிழ்நாட்டில் எம்-சாண்டு, பி-சாண்டு, ஜல்லி விலைகள் குறைப்பு! எவ்வளவு தெரியுமா?</a></p>

நேற்று அமைச்சர் பதவியில் இருந்து விடுவிக்கப்பட்ட நிலையில், திமுக சட்டமன்ற உறுப்பினராக இன்று செந்தில் பாலாஜி நுங்கம்பாக்கம் அமலாக்கத்துறை அலுவலகத்தில் கையெழுத்திட்டார். அமைச்சர் செந்தில் பாலாஜிக்கு அளித்த ஜாமீனுக்கு எதிராக தொடரப்பட்ட மனு இன்று விசாரணைக்கு வருவது குறிப்பிடத்தக்கது.

Raid

Tamil Nadu News Today: Get the latest Tamilnadu news in Tamil, district-wise and city-wise updates. Stay informed with today's சென்னை செய்திகள் and Tamil Nadu headlines in Tamil.

Tamil Nadu

Tamil Nadu News Today: Latest Tamilnadu News in Tamil, District wise, City wise News in Tamil | Channai News in Tamil

சூரிய பெயர்ச்சியால் பாதிப்பு.. எந்த ராசியினருக்கு சிக்கல், சோதனை காலம் தொடங்குகிறது?

Suriya Peyarchi Palangal

mesham rashi palan

mithunam rashi palan

thulam rashi palan 

Tomorrow Rasipalan, horoscope for Libra, Scorpio, Sagittarius, Capricorn, Aquarius and Pisces on 15 May  2025  

மே 15 ஆம் தேதி மேஷ ராசியிலிருந்து ரிஷப ராசிக்குள் நுழைவார் சூரிய பகவான். இந்த சூரியப் பெயர்ச்சி சில ராசிக்காரர்களுக்கு குறிப்பிடத்தக்க நன்மையைத் தரும். அதே போல் இந்த சூரிய மாற்றம் சில ராசிக்கு அசுப பலனை கொடுக்க போகிறது.

ஆபரேஷன் சிந்தூர் தொடங்கிய பின்னர் ஜம்மு-காஷ்மீருக்கு பாதுகாப்பு அமைச்சரின் முதல் பயணம்!

இந்தியாவுக்கும் பாகிஸ்தானுக்கும் இடையிலான தீவிர நான்கு நாள் இராணுவ மோதலில் மிக மோசமாக பாதிக்கப்பட்ட பகுதிகளில் ஜம்மு காஷ்மீரும் ஒன்றாகும்.

பொள்ளாச்சி வன்கொடுமை வழக்கு: ’கனிமொழி நீதிமன்றத்தில் ஆஜராகி சாட்சியம் அளிக்க வேண்டும்!’ இன்பதுரை விளாசல்!

<p>பொள்ளாச்சி பாலியல் வன்கொடுமை விவகாரத்தை போல் விருகம்பாக்கத்தில் பெண் காவலரின் இடுப்பை கிள்ளிய திமுக நிர்வாகிகளுக்கு எதிராகவும் கனிமொழி நேரில் சாட்சியம் அளிக்க வேண்டும் என அதிமுக முன்னாள் எம்.எல்.ஏ இன்பதுரை வலியுறுத்தி உள்ளார். </p><h2>பொள்ளாச்சி வழக்கு: அதிமுகவின் உடனடி நடவடிக்கை</h2><p>பொள்ளாச்சி பாலியல் வழக்கு 2019 பிப்ரவரி 12 அன்று நடந்தது. பாதிக்கப்பட்ட பெண், தனது மானத்தை கருதி முதலில் புகார் அளிக்க தயங்கினாலும், பெற்றோரின் வற்புறுத்தலால் பிப்ரவரி 24 அன்று புகார் அளித்தார். அதே நாளில் அதிமுக அரசு FIR பதிவு செய்து மூன்று குற்றவாளிகளை கைது செய்தது. இரண்டு நாட்களில் நான்காவது குற்றவாளியும் கைது செய்யப்பட்டார். திமுக, இந்த வழக்கை அதிமுக தாமதப்படுத்தியதாக கூறுவது உண்மைக்கு புறம்பானது என்று இன்பத்துரை தெரிவித்தார்.</p><h2>CBI விசாரணை: அதிமுகவின் முடிவு</h2><p>வழக்கில் கைப்பற்றப்பட்ட தொலைபேசியில் இருந்த 100 வீடியோக்கள் அழிக்கப்பட்டிருந்தன. இவற்றை மீட்கவும், Facebook IP முகவரிகளை பெறவும் CBI-க்கு மாற்ற வேண்டிய தேவை ஏற்பட்டது. 2019இல் தமிழ்நாடு காவல்துறையின் சைபர் கிரைம் திறன் மேம்படாததால், அதிமுக அரசு இந்த வழக்கை CBI-க்கு மாற்றியது. இதற்கு அரசாணையும் வெளியிடப்பட்டது. இதை திமுக தவறாக சித்தரித்து அதிமுகவை குற்றம்சாட்டுவது அரசியல் உள்நோக்கம் கொண்டது.</p><h2>கனிமொழி சாட்சியம் அளிக்க வேண்டும்</h2><p>கனிமொழி, பொள்ளாச்சி வழக்கில் பாதிக்கப்பட்ட பெண்ணின் தைரியத்தை பாராட்டியதை இன்பத்துரை வரவேற்றார். ஆனால், திமுக ஆட்சியில் திமுக நிர்வாகியால் விருகம்பாக்கத்தில் பெண் காவலருக்கு பாலியல் தொல்லை அளிக்கப்பட்ட வழக்கில் கனிமொழி தானாக முன்வந்து சாட்சியம் அளிக்க வேண்டும் என்று கோரினார். இந்த வழக்கில் திமுக இளைஞரணி நிர்வாகிகள் மீது புகார் பதிவாகியுள்ளது. கனிமொழி தாமாக முன் வந்து சைதாப்பேட்டை நீதிமன்றத்தில் ஆஜராகி சாட்சியம் அளிக்க வேண்டும் என்று இன்பதுரை வலியுறுத்தினார்.</p><h2>திமுகவின் பொய் பிரச்சாரம்: அதிமுகவின் பதிலடி</h2><p>திமுக, அதிமுக மீது பொய் குற்றச்சாட்டுகளை முன்வைப்பதாக இன்பத்துரை குற்றம்சாட்டினார். நீட் தேர்வு, பொள்ளாச்சி வழக்கு, கொடநாடு வழக்கு ஆகியவற்றில் திமுகவின் கருத்துகள் உண்மைக்கு மாறானவை. கொடநாடு வழக்கில் அதிமுகவினரை சிக்கவைக்க திமுக முயல்வதாகவும், ஆனால் உண்மை வெளிவரும் என்றும் அவர் நம்பிக்கை தெரிவித்தார்.</p><h2>திமுக ஆட்சியில் பாலியல் வழக்குகள்</h2><p>திமுக ஆட்சியில் விருகம்பாக்கம், அண்ணா பல்கலைக்கழகம், அண்ணாநகர் ஆகிய இடங்களில் நடந்த பாலியல் வழக்குகளை இன்பத்துரை சுட்டிக்காட்டினார். அண்ணாநகரில் 10 வயது சிறுமிக்கு நடந்த துன்புறுத்தல் வழக்கில் சென்னை உயர் நீதிமன்றம் தானாக முன்வந்து CBI விசாரணைக்கு உத்தரவிட்டது. இதற்கு திமுகவுக்கு பதிலளிக்க வேண்டிய பொறுப்பு உள்ளது என இன்பதுரை கூறினார்.</p>

<p>”கனிமொழி, பொள்ளாச்சி வழக்கில் பாதிக்கப்பட்ட பெண்ணின் தைரியத்தை பாராட்டியதை இன்பத்துரை வரவேற்றார். ஆனால், திமுக ஆட்சியில் திமுக நிர்வாகியால் விருகம்பாக்கத்தில் பெண் காவலருக்கு பாலியல் தொல்லை அளிக்கப்பட்ட வழக்கில் கனிமொழி தானாக முன்வந்து சாட்சியம் அளிக்க வேண்டும் என்று கோரினார்”</p>

’நவீன கோமாளி ஸ்டாலின்! கூவல் கொத்தடிமை ரகுபதி!’ கலாய்த்து தள்ளும் செல்லூர் ராஜூ!

<p>’எவ்வளவு மேக்கப் போட்டாலும், எத்தனை போட்டோ ஷூட் நடத்தினாலும் கோமாளி ஸ்டாலினால் இனி மக்களை ஏமாற்ற முடியாது’ என செல்லூர் ராஜூ தெரிவித்து உள்ளார்.<strong>&nbsp;</strong></p><h2>கோமாளி! கொத்தடிமை&nbsp;</h2><p>இது தொடர்பாக அவர் வெளியிட்டுள்ள அறிக்கையில், தமிழ் நாட்டில் என்ன நடக்கிறது என்பதே கொஞ்சம் கூட தெரியாமல், கடந்த நான்கு ஆண்டுகள் இம்சை அரசன் புலிகேசி தர்பார் நடத்தி வரும் நவீன கோமாளி மன்னன் ஸ்டாலினின் ஆஸ்தான கூவல் கொத்தடிமை ரகுபதி, இத்தனை ஆண்டுகள் முட்டுக் கொடுத்து கொடுத்து, அனைத்திந்திய அண்ணா திராவிட முன்னேற்றக் கழக தொண்டர்களிடம் வாங்கிய தர்ம அடிகளுக்கெல்லாம் பரிசாக இப்போதுதான் கனிமவளக் கொள்ளையடிக்க லைசன்ஸ் கொடுக்கும் விதமாக, அமைச்சர் இலாகா கொடுத்துள்ளார் பொம்மை முதலமைச்சர். அந்த உற்சாகத்தில் பலத்த முட்டுகளுடன் நேற்று (14.5.2025), ஒரு அறிக்கையை வெளியிட்டுள்ளார்.</p><h2>உண்ட வீட்டுக்கு ரெண்டகம்</h2><p>யார் இந்த ரகுபதி? இதய தெய்வம் புரட்சித் தலைவி அம்மா அவர்கள் கைகாட்டவில்லை என்றால், அனைத்திந்திய அண்ணா திராவிட முன்னேற்றக் கழகத் தொண்டர்கள் வியர்வையும், ரத்தமும் சிந்தி உழைக்கவில்லை என்றால், இவர் எங்கு இருந்திருப்பார்? இவருக்கு அரசியல் வாழ்வளித்த அனைத்திந்திய அண்ணா திராவிட முன்னேற்றக் கழகத் தொண்டர்களின் உழைப்பை உறிஞ்சி, உண்ட வீட்டுக்கே ரெண்டகம் செய்யும் ஒட்டுண்ணியைவிடக் கேவலமானவர் தானே இந்த ரகுபதி.&nbsp;</p><h2>ஊட்டியில் போட்டோஷூட்</h2><p>தமிழ் நாட்டில் சட்டம்-ஒழுங்கு சந்தி சிரிக்கிறது; பெண்களின் பாதுகாப்பு பாதாளத்தில் உள்ளது; போதைப் பொருள் புழக்கம் அமோகமாக உள்ளது. மொத்தத்தில் கும்பி எரியுது, குடல் கருகுது, குளு குளு ஊட்டி போட்டோ ஷூட் கேட்கிறதா? என்று நவீன கோமாளி ஸ்டாலினிடம் கேட்டுச் சொல்லுங்கள் மிஸ்டர் ரகுபதி. பொள்ளாச்சி பாலியல் வழக்கில், நடுநிலையான விசாரணை வேண்டும் என்று வழக்கை சிபிஐ-க்கு மாற்றி உத்தரவிட்டார் அன்றைய தமிழ் நாடு முதலமைச்சர் `புரட்சித் தமிழர்’ மாண்புமிகு எடப்பாடியார் அவர்கள்.</p><h2>ஞானசேகரன் விவகாரத்தில் பச்சை பொய்</h2><p>விடியா திமுக ஆட்சியில் நடைபெற்ற, அண்ணா பல்கலைக்கழக பாலியல் வழக்கில் ஞானசேகரனுக்கும் திமுக-வுக்கும் சம்மந்தமே இல்லை என்று பச்சைப் பொய் பேசியவர் தானே இந்த ரகுபதி? இந்த ரகுபதியின் பொய்யால் சட்டப்பேரவையில் திரு. ஸ்டாலினே, ஞானசேகரன் திமுக பொறுப்பாளர் அல்ல, அனுதாபி என உருட்ட வேண்டிய நிலைக்குத் தானே தள்ளப்பட்டார்.</p><h2>ஸ்டாலினுக்கு ஞாபக மறதியா?</h2><p>அண்ணா பல்கலைக்கழக பாலியல் வழக்கில் எப்.ஐ.ஆர் லீக் ஆனதற்கு, பாதிக்கப்பட்ட பெண்ணுக்கு 25 லட்சம் ரூபாய் நஷ்டஈடு கொடுக்கச் சொல்லி, சென்னை உயர்நீதிமன்றம் ஸ்டாலின் அரசின் நடவடிக்கைகளை காரித் துப்பியதே, இதெல்லாம் மறந்துபோச்சா ரகுபதி? உங்கள் முதலமைச்சர் நவீன கோமாளி ஸ்டாலினைப் போன்றே, உங்களுக்கும் ஞாபக மறதியா?</p><h2>கோடநாடு கொலை வழக்கு&nbsp;</h2><p>கோடநாடு வழக்கில் குற்றவாளிகளைக் கைது செய்து, Charge Sheet போட்டது அனைத்திந்திய அண்ணா திராவிட முன்னேற்றக் கழக அரசு. கேரளா குற்றவாளிகளுக்கு வாதாடி ஜாமீன்தாரராக இருந்தது திமுக-வினர். கோடநாடு வழக்கை விரைவில் முடியுங்கள் என்று தானே, எங்கள் கழகப் பொதுச் செயலாளர் `புரட்சித் தமிழர்’ மாண்புமிகு எடப்பாடியார் அவர்களும் சொல்லி இருக்கிறார்? நான்கு ஆண்டுகளாக கோடநாடு வழக்கை விசாரித்து முடிக்க வக்கில்லாத நவீன கோமாளி ஸ்டாலினின் கொத்தடிமை ரகுபதிக்கு இது ஏன் புரியவில்லை?</p><h2>காமெடி நாடகம்&nbsp;</h2><p>முக்கி முக்கி வராத நிதி, `புரட்சித் தமிழர்’ மாண்புமிகு எடப்பாடியார் அவர்கள் மத்திய உள்துறை அமைச்சர் மாண்புமிகு அமித் ஷா அவர்களை சந்தித்துப் பேசியதும் வந்துவிட்டது என்ற கடுப்பு இருக்கத் தானே செய்யும்? திமுக நடத்திய போராட்டக் காமெடி நாடகத்தை நம்பி, மத்திய அரசு நிதி கொடுத்தது என ஒட்டுண்ணி ரகுபதி சொல்வாரானால், அது செக்கில் ஆட்டிய சுத்தமான உருட்டு! இப்படித் தான், 7.5ரூ இடஒதுக்கீடு வந்தபோது, ஆளுநர் மாளிகை முன்பு கோமாளி ஸ்டாலின் அவியல் கிண்டியதால் தான் வந்தது என்று ஒரு உருட்டு உருட்டினர் திமுக கொத்தடிமைகள். அந்த உருட்டை ஸ்டாலினின் பேரன் கூட நம்பமாட்டான்.</p><h2>மடியில் கனமில்லை, வழியில் பயமில்லை</h2><p>அனைத்திந்திய அண்ணா திராவிட முன்னேற்றக் கழகத்தால் அரசியல் அடையாளம் பெற்று, அஇஅதிமுக-வில் கொள்ளையடிப்பவர்களுக்கு இடமில்லை என்று தெரிந்ததும், கொள்ளையர்களின் கூடாரமான திமுக-வுக்குச் சென்று கொள்ளையிலே குளியல் போட்ட ரகுபதி உள்ளிட்ட ஊழல் பெருச்சாளிகள் வேண்டுமானால் ரெய்டுக்கெல்லாம் பயப்படலாம். மக்களோடு மக்களாக நின்று, மக்களுக்கான அரசியலைச் செய்யும், எங்கள் கழகப் பொதுச் செயலாளர் `புரட்சித் தமிழர்’ மாண்புமிகு எடப்பாடியார் அவர்களுக்கு மடியில் கனமில்லை, வழியில் பயமில்லை. &nbsp;நாங்கள் யாரும் ஒருபோதும் எந்த ரெய்டுக்கும் அஞ்சியதில்லை; அஞ்சப்போவதும் இல்லை.</p><h2>கோமாளி ஸ்டாலின்&nbsp;</h2><p>1991-ல் சட்டமன்ற உறுப்பினரானபோது ரகுபதியின் சொத்து மதிப்பு என்ன? அதே ரகுபதியின் இன்றைய சொத்து மதிப்பு என்ன? எத்தனை கல்லூரிகள் வைத்துள்ளார்? பினாமி பெயர்களில் எத்தனை கல்லூரிகள் வைத்துள்ளார்? இப்படி எண்ணிலடங்கா சொத்துக்களை வாரிக் குவித்த ரகுபதி தான், நாளை காலை ரெய்டு வந்துவிடுமோ? என்ற பயத்திலேயே தினந்தோறும் இரவுகளைக் கழிக்க வேண்டும். அறிவாலயத்தில், மேலே ரெய்டுக்கு பயந்து, கீழே கட்சியை காங்கிரசுக்கு அடமானம் வைத்த கருணாநிதி குடும்பத்தின் கொத்தடிமைகள், மாநில உரிமைகள் பற்றி பாடமெடுக்க துளியும் தகுதியற்றவர்கள். எவ்வளவு மேக்கப் போட்டாலும், எத்தனை போட்டோ ஷூட் நடத்தினாலும் கோமாளி ஸ்டாலினால் இனி மக்களை ஏமாற்ற முடியாது. 2026-க்குப் பிறகு சட்டையைக் கிழித்துக் கொண்டு ஸ்டாலினும், திமுக-வும் Back to Form (அதான், பூனை மேல் மதில்) வருவது உறுதி! உறுதி! உறுதி!</p>

<p>”தமிழ் நாட்டில் சட்டம்-ஒழுங்கு சந்தி சிரிக்கிறது; பெண்களின் பாதுகாப்பு பாதாளத்தில் உள்ளது; போதைப் பொருள் புழக்கம் அமோகமாக உள்ளது. மொத்தத்தில் கும்பி எரியுது, குடல் கருகுது, குளு குளு ஊட்டி போட்டோ ஷூட் கேட்கிறதா? என்று நவீன கோமாளி ஸ்டாலினிடம் கேட்டுச் சொல்லுங்கள் மிஸ்டர் ரகுபதி”</p>

உங்கள் கனவு, இலக்கை அடைவதில் நம்பிக்கை எவ்வளவு முக்கியம்? அதை எப்படி வளர்த்துக்கொள்வது? - பயனுள்ள குறிப்புகள் இதோ!

<p>உங்கள் கனவு அல்லது இலக்கை நிறைவேற்றுவது உங்கள் சொந்த பயணம் போன்றது. இந்தப் பயணத்தில் ஒவ்வொரு அடியையும் எடுத்து வைக்க உங்களுக்குள் இருக்கும் நம்பிக்கை அளவு ஒரே மாதிரியாக இருப்பது முக்கியம். நம்பிக்கையை இழப்பதைத் தவிர்ப்பது எளிதான காரியம் அல்ல. ஆனால் சில முறைகளை தவறாமல் பின்பற்றுவதன் மூலம், நீங்களே ஒரு வலுவான நம்பிக்கையை உருவாக்க முடியும். எனவே, உங்கள் மீதான நம்பிக்கையை அதிகரிக்கும் விஷயங்கள் என்ன என்பதை அறிந்து கொள்ளுங்கள்.</p><h2>சிறிய வெற்றிகளுடன் தொடங்குங்கள்</h2><p>ஒரே நேரத்தில் ஒரு பெரிய இலக்கை அடைவது கடினமாகத் தோன்றலாம். எனவே உங்கள் இலக்கை சிறிய பகுதிகளாக பிரிக்கவும். ஒவ்வொரு சிறிய வெற்றியையும் நீங்கள் அடையும்போது, நீங்கள் நம்பிக்கையைப் பெறுவீர்கள். "என்னால் இதைச் செய்ய முடியும்" என்ற உணர்வு வலுவடைகிறது.</p><h2>நேர்மறையான பார்வையை வளர்த்துக்கொள்ளுங்கள்</h2><p>ஒவ்வொரு சூழ்நிலையிலும் நேர்மறையான அம்சங்களைப் பார்க்க முயற்சி செய்யுங்கள். தோல்விகளை ஒரு பாடமாகக் கருதுங்கள். ஆனால், உங்கள் திறமையை குறைத்து மதிப்பிடாதீர்கள். நேர்மறையான பார்வை உங்கள் மன வலிமையை அதிகரிக்கும். அதன் மூலம் உங்களைப் பற்றிய நம்பிக்கை அதிகரிக்கும்.</p><p><strong>மேலும் படிக்க |</strong> <a href="https://tamil.hindustantimes.com/lifestyle/all-you-need-to-know-about-international-day-of-families-date-theme-history-significance-131747286072138.html" target="_blank">'கூடி வாழ்ந்தால் கோடி நன்மை'.. இன்று மே 15 சர்வதேச குடும்ப தினம்.. வரலாறு, முக்கியத்துவம் தெரிந்து கொள்ளுங்கள்!</a></p><h2>உங்களை உற்சாகப்படுத்தும் நபர்களுடன் இருங்கள்</h2><p>உங்களைச் சுற்றியுள்ளவர்கள் உங்கள் எண்ணங்களையும் முயற்சிகளையும் ஊக்குவிக்கிறார்கள் என்பதை உறுதிப்படுத்திக் கொள்ளுங்கள். எதிர்மறை எண்ணங்கள் உள்ளவர்களிடமிருந்து விலகி இருப்பது நல்லது. நண்பர்கள், குடும்ப உறுப்பினர்கள் அல்லது வழிகாட்டிகள் உங்கள் நம்பிக்கையை இரட்டிப்பாக்குவார்கள்.</p><h2>உங்கள் பலங்களை அடையாளம் காணுங்கள்</h2><p>ஒவ்வொருவருக்கும் சில தனித்துவமான திறமைகள், பலவீனங்கள் இருக்கும். நீங்கள் செய்ய வேண்டியது அவற்றை அடையாளம் காண்பதுதான். உங்கள் பலங்களை அடையாளம் கண்டு, உங்கள் இலக்கை அடைய அவற்றை எவ்வாறு பயன்படுத்தலாம் என்பதைப் பற்றி சிந்தியுங்கள். நீங்கள் எதில் திறமையாக இருக்கிறீர்கள் என்பதில் கவனம் செலுத்துவது உங்கள் நம்பிக்கையை அதிகரிக்கும்.</p><h2>கடந்த கால வெற்றிகளில் இருந்து உத்வேகம்</h2><p>கடந்த காலத்தில் நீங்கள் அடைந்த வெற்றிகளை ஒரு முறை நினைவு கூர்ந்து பாருங்கள். அப்போது நீங்கள் எதிர்கொண்ட சிரமங்கள், அவற்றை எப்படி சமாளித்தீர்கள் என்பதை நினைவு கூர்ந்து பாருங்கள். இது எதிர்காலத்திலும் சவால்களை எதிர்கொள்ள முடியும் என்ற நம்பிக்கையைத் தரும். ஒரு டைரியில் உங்கள் வெற்றிகளை எழுதி வைப்பதும் நல்ல பழக்கம்.</p><p><strong>மேலும் படிக்க |</strong> <a href="https://tamil.hindustantimes.com/lifestyle/do-you-know-why-you-should-not-drink-water-after-eating-these-7-types-of-fruits-131744862416985.html" target="_blank">இந்த 7 பழங்களை சாப்பிட்ட பிறகு தண்ணீர் குடிக்க கூடாது ஏன் தெரியுமா?.. ஒருவேளை தண்ணீர் குடித்தால் என்ன நடக்கும் பாருங்க!</a></p><h2>கற்றுக்கொள்வதில், வளர்ச்சியில் கவனம் செலுத்துங்கள்</h2><p>நீங்கள் எதில் பின்தங்கியிருக்கிறீர்கள் என்பதை அறிந்து, அந்தத் துறையில் திறமைகளை மேம்படுத்த முயற்சி செய்யுங்கள். புதிய விஷயங்களை கற்றுக்கொள்வதன் மூலம், பயிற்சி எடுப்பதன் மூலம் உங்கள் திறன்களை அதிகரிக்கலாம். இது உங்களுக்குள் "நான் எதையும் கற்றுக்கொள்ள முடியும், சாதிக்க முடியும்" என்ற நம்பிக்கையைத் தரும்.</p><h2>உங்களைப் பற்றி நேர்மறையாகப் பேசுங்கள்</h2><p>நீங்கள் உங்களுடன் எப்படிப் பேசுகிறீர்கள் என்பதை கவனியுங்கள். உங்களை நீங்களே விமர்சிப்பதை அல்லது குறைத்து மதிப்பிடுவதை நிறுத்துங்கள். "நான் செய்ய முடியும்", "நான் திறமையானவன்" போன்ற நேர்மறையான வார்த்தைகளை நீங்கள் உங்களுக்குள் சொல்லிக்கொண்டே இருங்கள்.</p><h2>தோல்விகளை ஏற்றுக்கொள்ளுங்கள்</h2><p>தோல்விகள் வெற்றிக்கான படிக்கட்டுகள் போன்றவை. அவற்றை தனிப்பட்ட முறையில் எடுத்துக் கொள்ளாதீர்கள். ஒவ்வொரு தோல்வியிலிருந்தும் ஒரு பாடம் கற்றுக்கொண்டு, இன்னும் சிறப்பாக முயற்சி செய்யுங்கள். தோல்விகளை எதிர்கொள்வது உங்கள் மன உறுதியை அதிகரிக்கும்.</p><p><strong>மேலும் படிக்க |</strong> <a href="https://tamil.hindustantimes.com/lifestyle/chanakya-niti-if-you-dont-want-your-ward-to-hate-you-when-they-grow-up-then-stop-doing-this-131742276742615.html" target="_blank">சாணக்கிய நீதி: குழந்தைகள் பெற்றோர்களை குறை கூறாமல் இருக்க என்ன செய்ய வேண்டும்? சாணக்கியரின் அறிவுரையை கேளுங்கள்!</a></p><h2>தனிப்பட்ட நேரத்தை ஒதுக்குங்கள்</h2><p>உங்கள் உடல் மற்றும் மன ஆரோக்கியம் மிகவும் முக்கியம். சரியான உணவை உட்கொள்வது, உடற்பயிற்சி செய்தல், போதுமான தூக்கம், ஓய்வு எடுத்தல் ஆகியவை உங்கள் மனநிலையை மேம்படுத்தும். நீங்கள் ஆரோக்கியமாக இருந்தால், உங்களைப் பற்றிய நம்பிக்கையும் அதிகரிக்கும்.</p><h2>முன்னேற்றத்தை கொண்டாடுங்கள்</h2><p>நீங்கள் அடைந்த ஒவ்வொரு சிறிய வெற்றியையும் அடையாளம் கண்டு, அதை கொண்டாடுங்கள். இது உங்களை மேலும் முன்னேற ஊக்குவிக்கும். உங்களுக்குள் விசுவாசத்தை வலுப்படுத்தும்.</p><p>இந்த முறைகளை தொடர்ந்து பின்பற்றுவதன் மூலம் உங்கள் கனவு அல்லது இலக்கை நிறைவேற்ற தேவையான நம்பிக்கையை நீங்கள் நிச்சயமாக உருவாக்க முடியும். உங்கள் மீது உங்களுக்கு நம்பிக்கை இருந்தால், உங்களால் எதையும் சாதிக்க முடியும் என்பதை நினைவில் கொள்ளுங்கள்.</p>

நம் வாழ்வில் ஒவ்வொருவருக்கும் ஒரு கனவு அல்லது அடைய வேண்டிய இலக்கு இருக்கும். ஆனால், அந்த இலக்கை அடைவதில் சில சமயங்களில் நம்பிக்கை தளர்ந்துவிடும். அப்போது வெறும் ஆசை மட்டும் போதாது. அதை நிறைவேற்ற முடியும் என்ற வலிமையான நம்பிக்கையும் தொடர்ந்து இருக்க வேண்டும்.

சூரிய பகவானால் பெரும் கஷ்டத்தை அனுபவிக்க போகும் ராசிகள்.. லிஸ்டில் உங்க ராசி இருக்கா பாருங்க

<p>சூரிய பகவான் ஒரு ராசியிலிருந்து இன்னொரு ராசிக்கு மாற ஒரு மாதம் காலத்தை எடுத்து கொள்வார். இந்த சூழலில், மே 15 ஆம் தேதி மேஷ ராசியிலிருந்து ரிஷப ராசிக்குள் நுழைவார் சூரிய பகவான். இந்த சூரியப் பெயர்ச்சி சில ராசிக்காரர்களுக்கு குறிப்பிடத்தக்க நன்மையைத் தரும்.  அதே போல் இந்த சூரிய மாற்றம் சில ராசிக்கு அசுப பலனை கொடுக்க போகிறது. இதனிடையே எந்தெந்த ராசியினர் சூரிய பகவானால் எதிர்மறையான பலன்களை பெறுவார்கள் என்று பார்க்கலாம்.</p><h2>மேஷம்</h2><p>சூரிய பகவான், மேஷ ராசியிலிருந்து ரிஷப ராசிக்கு இடப்பெயர்ச்சி அடைகிறார். இந்த நேரத்தில் சனி பகவான் சூரியனை சாய்வாகப் பார்ப்பதால் மேஷ ராசிக்காரர்கள் எதிர்மறையான பலன்களைச் சந்திக்க நேரிடும். உங்கள் குடும்ப வாழ்க்கையில் சில சிரமங்களை நீங்கள் சந்திக்க நேரிடும். உறவுகள், குறிப்பாக தந்தையுடனான உறவுகள் மோசமடையக்கூடும். </p><p><strong>இதையும் படிங்க: </strong><a href="https://tamil.hindustantimes.com/astrology/mesham-rashi-palan-aries-daily-horoscope-today-15-may-2025-for-predictions-love-health-career-131747270911937.html" target="_blank">பணி, பட்ஜெட்டிற்கு முன்னுரிமை கொடுங்கள்.. மேஷ ராசிக்கு இன்றைய நாள் எப்படி?</a></p><p>உங்கள் கோபத்தை நிச்சயமாக கட்டுப்படுத்த வேண்டும். இல்லையெனில், உங்கள் நெருங்கிய நண்பர்கள் கூட உங்களிடம் இருந்து விலகிச் செல்லக்கூடும். நிதி நிலையில் சில ஏற்ற இறக்கங்கள் இருக்கும். எனவே தேவையற்ற செலவுகளைக் குறைத்து கொள்வது நல்லது. நாம் திட்டத்தின் படி முன்னேறி செல்ல வேண்டும். </p><p><strong>இதையும் படிங்க:</strong> <a href="https://tamil.hindustantimes.com/astrology/what-will-happen-to-the-12-zodiac-signs-due-to-the-transit-of-the-sun-into-taurus-131747243251136.html" target="_blank">ரிஷப ராசிக்கு செல்லும் சூரிய பகவான்.. 12 ராசிக்கு நேரம் எப்படி இருக்கும்? - முழு விவரம்!</a></p><h2>மிதுனம்</h2><p>மிதுன ராசிக்காரர்கள் சூரியனின் சஞ்சாரத்தின் போது பல சிரமங்களை சந்திப்பார்கள். இந்தக் காலகட்டத்தில், சனியின் வக்கிர பார்வையால் உங்கள் வேலையில் சிரமங்களைச் சந்திக்க நேரிடும். சர்ச்சைக்குரிய விஷயங்களை வெளியில் தீர்த்துக் கொள்வது நல்லது. நீங்கள் சர்ச்சைகளில் இருந்து விலகி இருந்தால், அது உங்களுக்கு மிகவும் நல்லது. உங்களுக்கு தன்னம்பிக்கை இல்லாதது போல் உணரலாம். உங்கள் காதல் வாழ்க்கையில் எதிர்மறையான முடிவுகள் இருக்கும்.</p><h2>துலாம்</h2><p>துலாம் ராசிக்காரர்கள் சூரியனின் சஞ்சாரத்தின் போது சில தொழில் சவால்களை சந்திக்க நேரிடும். இந்த ராசியிலிருந்து ஐந்தாம் இடத்தில் சனியும், எட்டாம் இடத்தில் சூரியனும் இருப்பதால், உங்கள் முடிவெடுக்கும் திறன் சோதிக்கப்படும். ஊழியர்கள் அலுவலகத்தில் செய்யும் வேலையில் கவனமாக இருக்க வேண்டும். நீங்கள் சிறப்பு கண்காணிப்பில் இருப்பீர்கள்.</p><p><strong>இதையும் படிங்க: </strong><a href="https://tamil.hindustantimes.com/astrology/rishbam-rashi-palan-taurus-daily-horoscope-today-15-may-2025-for-predictions-love-health-career-131747271493833.html" target="_blank">கடன் வாங்குவதை தவிர்க்கவும்.. துணைக்கு நேரம் ஒதுக்கலாம்.. ரிஷப ராசிக்கு இன்றைய நாள் எப்படி?</a></p><p> நீங்கள் வேலைகளை மாற்ற நினைத்தால், யாரிடமாவது ஆலோசனை கேட்காமல் பெரிய முடிவுகளை எடுக்காதீர்கள். இந்தக் காலகட்டத்தில், குறைவாகப் பேசுவதும், அதிகமாகக் கேட்பதும் உங்களுக்கு நன்மை பயக்கும். உங்கள் நிதி நிலைமையை மேம்படுத்த நீங்கள் ஒரு பட்ஜெட்டைத் தயாரிக்க வேண்டும். உங்கள் திருமண வாழ்க்கையில் சில பதட்டமான சூழ்நிலைகள் ஏற்படக்கூடும்.</p><h2>பொறுப்புத் துறப்பு:</h2><p>இந்தக் கட்டுரையில் உள்ள எந்தவொரு தகவல்/பொருள்/அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.</p>

‘ED.. IT.. CBI.. எந்த கூட்டணியோடு வந்தாலும் ஒரு கை பார்ப்போம்..’ திமுக தலைவர் ஸ்டாலின் சவால்!

video

<p>அதிமுக-பாஜக கூட்டணி, அமலாக்கத்துறை, வருமான வரித்துறை, புலனாய்வு துறைகளோடு கூட்டணி போட்டு வந்தாலும், ஒரு கை பார்ப்போம் என்றும், 2026ல் வெற்றி பெறுவோம் என்று சென்னையில் நடந்த திருமண விழாவில், முதல்வரும் திமுக தலைவருமான ஸ்டாலின் பேச்சு</p>

KN Nehru: அமைச்சர் கே.என்.நேரு வீட்டில் அமலாக்கத்துறை சோதனை.. சிக்கிய முக்கிய ஆவணங்கள்.. வெளியானது புதிய தகவல்!

<ul><li>தமிழக நகராட்சி நிர்வாகத் துறை அமைச்சர் கே.என்.நேருவின் வீடு, நிறுவனங்கள் மற்றும் அவரது சகோதரரின் கட்டுமான நிறுவனத்துக்குச் சொந்தமான 10-க்கும் மேற்பட்ட இடங்களில் அமலாக்கத்துறை அதிகாரிகள் சோதனை மேற்கொண்டு வருகின்றனர். இந்த நிலையில், திருச்சியில் அமைச்சர் கே.என்.நேரு வீட்டி்ல அமலாக்கத்துறை அதிகாரிகள் நடத்திய சோதனையில் முக்கிய ஆவணங்கள் சிக்கியதாக தகவல் வெளியாகி இருக்கிறது. சோதனையில் சிக்கிய ஆவணங்களை எடுத்து செல்ல வெளியில் நிறுத்தி இருந்த காரில் இருந்து சூட்கேஸ் ஒன்றை அதிகாரிகள் வீட்டிற்குள் எடுத்துச்சென்றுள்ளனர். சோதனையில் சிக்கிய ஆவணங்களை எடுத்துச்செல்ல இந்த சூட்கேஸ் எடுத்துச் செல்லப்பட்டதாக கூறப்படுகிறது.</li></ul>

வரி ஏய்ப்பு புகார்..பூர்விகா நிறுவனர் வீட்டில் வருமான வரித்துறை சோதனை! 15 அதிகாரிகள் 3 இடங்களில் அதிரடி ரெய்டு

<ul><li>சென்னை கோடம்பாக்கத்தில் உள்ள பூர்விகா மொபைல்ஸ் நிறுவனத்தின் உரிமையாளர் யுவராஜ் வீடு மற்றும் அவருக்கு சொந்தமான இடங்களில் வருமான வரித்துறை அதிகாரிகள் சோதனை நடத்தி வருகிறார்கள். மூன்று இடங்களில் சுமார் 15க்கும் மேற்பட்ட அதிகாரிகள் சோதனையில் ஈடுபட்டு வருகிறார்கள்.</li></ul>

Ameer: கொஞ்சம் டைம் குடுங்களேன் - இயக்குனர் அமீர்

<ul><li>ரம்ஜான் பண்டிகையை முன்னிட்டு மதுரை தமுக்கம் மைதானத்தில் நடைபெற்ற சிறப்பு திடல் தொழுகையி்ல் இயக்குனர் அமீர் கலந்துகொண்டார். பின்னர் இயக்குனர் அமீர் செய்தியாளர்களை சந்தித்தார். அப்போது என் மீது சுமத்தப்படும் குற்றச்சாட்டுக்கு எனக்கும் எந்த தொடர்பு இல்லை என்பதை நிருபிப்பேன். இறைவன் மிகப்பெரியவன் என்பது தான் என்னிடம் வரும் வார்த்தை என்றார். டார்கெட் செய்து விசாரணை நடைபெறுகிறதா? என்ற கேள்விக்கு உறுதியாக சொல்ல முடியாது இது குறித்து உறுதியாக ஒரு நாள் பேசுவேன். ED ரெய்டில் உள்நோக்கம் உண்டா? என்ற கேள்விக்கு, இதனை உறுதியாக சொல்ல முடியாது ஆனால் என்னால் ஒரு மாதமாக பேச முடியவில்லை என்பது உண்மை, இறைவன் மிகப்பெரியவன் என சொல்லிக்கொண்டு கடந்து போறவன் நான் என்றார். ED விசாரணை நேர்மையாக உள்ளதா? என்ற கேள்விக்கு, விசாரணை நேர்மையாக நடைபெறுகிறது. விசாரணைக்கு அழுத்தம் இருக்கிறதா இல்லையா என்பது எனக்கு தெரியாது, நேற்று இரவு ED சோதனை முடிவடைந்தது . இது குறித்து முழுமையாக பேச கொஞ்சம் நேரம் தாருங்கள் என்றார்</li></ul>

Incometax department: திருச்சியில் நெடுஞ்சாலை ஒப்பந்ததாரர் வீட்டில் வருமான வரித் துறை அதிரடி சோதனை

<ul><li>தமிழகத்தின் திருச்சிராப்பள்ளியில் உள்ள ஒப்பந்ததாரர் வீட்டில் ஏப்ரல் 06 அன்று வருமான வரித்துறையினர் சோதனை நடத்தினர். அந்த ஒப்பந்ததாரர் நெடுஞ்சாலைத் துறையுடன் பணிபுரிந்து வந்தார்.</li></ul>

லஞ்ச புகாரில் கைதான அமலாக்கத்துறை அதிகாரி அங்கித் திவாரிக்கு மீண்டும் ஜாமின் மறுப்பு !

<ul><li>திண்டுக்கல்லில் அரசு மருத்துவமனை துணை கண்காணிப்பாளர் டாக்டர் சுரேஷ்பாபுவை, சொத்துகுவிப்பு வழக்கிலிருந்து விடுவிப்பதாக கூறி மதுரை அமலாக்கத்துறை அதிகாரி அங்கித்திவாரி, சுமார் ரூ.20 லட்சம் லஞ்சம் வாங்கி கடந்த 2023 ஆம் வருடம் டிசம்பர் மாதம் ஒன்றாம் தேதி கைது செய்யப்பட்டார். இந்நிலையில் அங்கித் திவாரி ஜாமின் கேட்டு மனுதாக்கல் செய்த நிலையில் மீண்டும் ஜாமின் வழங்க நீதிமன்றம் மறுப்பு தெரிவித்துள்ளது.</li></ul>