Latest national education policy 2020 News

’ரெய்டு வந்தால் மோடியை பார்க்க ஓடுகிறீர்கள்! ஆனால் எங்கள் பரம்பரைக்கே பயம் கிடையாது’ முதல்வர் மீது சீமான்

paragraph

<p>"அமலாக்கத்துறை ரெய்டு வந்தால் மோடியை பார்க்க ஓடுகிறீர்கள். பயம் இருக்கிறது; ஆனால் எங்கள் பரம்பரைக்கே பயம் கிடையாது," என சீமான் முதல்வரை விமர்சனம் செய்து உள்ளார்.</p><p>மேலும் படிக்க:- <a target="_blank" href="https://tamil.hindustantimes.com/photos/today-gold-rate-check-out-the-gold-and-silver-price-on-23-may-2025-in-chennai-131747981814454.html">இன்றைய தங்கம் விலை நிலவரம்: ‘தங்கம் விலை குறைவு’ மே 23, 2025 தங்கம் மற்றும் வெள்ளி விலை நிலவரம்!</a></p><p>திருச்சியில் நாம் தமிழர் கட்சி ஒருங்கிணைப்பாளர் சீமான் செய்தியாளர்களை சந்தித்தார். அப்போது பேசிய அவர், "மாற்று என்றால் புதிய தத்துவம், புதிய கோட்பாடு, ஒரு கருத்தியல் இருக்க வேண்டும். ஆனால், இங்கு அனைத்து கட்சிகளும் ஒரே மாதிரியாக ஓட்டுக்கு பணம், இலவச அறிவிப்புகள், சாராயம் வைப்பது போன்றவற்றை செய்கின்றன. இதில் என்ன மாற்று இருக்கிறது?" என அவர் கேள்வி எழுப்பினார். மக்களை ஏமாற்றுவதாகவும், உண்மையான மாற்று என்பது கொள்கை அளவில் இருக்க வேண்டும் எனவும் அவர் வலியுறுத்தினார்.</p><h2>தி.மு.க. மற்றும் முதல்வர் மீது விமர்சனம்</h2><p>தி.மு.க. அரசையும் முதல்வரையும் சீமான் கடுமையாக விமர்சித்தார். "மூன்று ஆண்டுகளாக நிதி ஆயோக் கூட்டங்களுக்கு செல்லாத முதல்வர் இப்போது ஏன் செல்கிறார்? ஒன்றிய அரசு தமிழ்நாட்டிற்கு பேரிடர் நிதி உதவி செய்ய மறுக்கிறது. நமது வரிகளை எடுத்துக்கொண்டு, தேவைப்படும் நேரத்தில் உதவ மறுக்கிறார்கள். இதை மக்களிடம் எடுத்துச் செல்ல வேண்டியது தி.மு.க.வின் பொறுப்பு," என அவர் கூறினார். மேலும், "ஈடி ரெய்டு வந்தால் மோடியை பார்க்க ஓடுகிறீர்கள். பயம் இருக்கிறது," என முதல்வரை குற்றம்சாட்டினார். "எங்கள் பரம்பரைக்கே பயம் கிடையாது," என சீமான் உறுதியாக தெரிவித்தார்.</p><h2>எதிர்க்கட்சிகளுக்கு இடையே வேறுபாடு உள்ளதா?</h2><p>திமுக விற்கு உண்மையான எதிர்க்கட்சி எது என சீமான் கேள்வி எழுப்பினார். "திமுக, அதிமுக, பாஜக, காங்கிரஸ் ஆகியவற்றுக்கு இடையே கொள்கை அளவில் என்ன வேறுபாடு உள்ளது? ஊழல், லஞ்சம், மணல் கொள்ளை, மலை கொள்ளை, முறையற்ற நிர்வாகம் போன்றவற்றில் அனைவரும் ஒரே மாதிரியாக இருக்கிறார்கள். கொடிகள் மட்டுமே வேறு, கொள்கைகள் ஒன்றுதான்," என அவர் விமர்சித்தார்.</p><p>மேலும் படிக்க:- <a target="_blank" href="https://tamil.hindustantimes.com/tamilnadu/rb-udayakumar-slams-dmk-minister-raghupathi-for-forgetting-his-role-and-attacking-aiadmk-leader-edappadi-palaniswami-131747917740195.html">’எட்டப்பன் ரகுபதி எடப்பாடியாரை குறைசொல்வதா? பித்துக்குளித்தனம்’ விளாசும் ஆர்.பி.உதயகுமார்!</a></p><h2>நீதிமன்றமா, சட்டமன்றமா - நாட்டை ஆள்வது யார்?</h2><p>"இந்த நாட்டை சட்டமன்றமும் பாராளுமன்றமும் நிர்வாகம் செய்ய வேண்டுமா அல்லது நீதிமன்றமா? எல்லா முடிவுகளையும் நீதிமன்றம் எடுத்தால், சட்டமன்றமும் பாராளுமன்றமும் தேவையில்லையே, கலைத்து விடலாமா?" என சீமான் கேள்வி எழுப்பினார். &nbsp;</p><h2>ஒன்றிய அரசு மீது குற்றச்சாட்டு</h2><p>"தமிழ்நாட்டின் வரிகளை எடுத்துக்கொண்டு, பேரிடர் காலங்களில் நிதி உதவி செய்ய மறுக்கிறார்கள். கல்வி உதவிகளையும் வழங்க மறுக்கிறார்கள். இதை தேர்தல் நேரத்தில் மக்களிடம் எடுத்துச் செல்ல வேண்டிய பொறுப்பு தி.மு.க.விடம் உள்ளது," என சீமான் கூறினார்.</p><p>மேலும் படிக்க:- <a target="_blank" href="https://tamil.hindustantimes.com/tamilnadu/madras-high-court-questions-dvac-on-assuring-tasmac-firs-wont-be-closed-until-rs-1000-crore-case-goes-to-cbi-131747913063499.html">டாஸ்மாக் 1000 கோடி முறைகேடு: ’FIR-களை மூட மாட்டோம் என உறுதி தர முடியுமா?’ தமிழக அரசுக்கு நீதிபதிகள் கேள்வி!</a></p>

<p>"திமுக, அதிமுக, பாஜக, காங்கிரஸ் ஆகியவற்றுக்கு இடையே கொள்கை அளவில் என்ன வேறுபாடு உள்ளது? ஊழல், லஞ்சம், மணல் கொள்ளை, மலை கொள்ளை, முறையற்ற நிர்வாகம் போன்றவற்றில் அனைவரும் ஒரே மாதிரியாக இருக்கிறார்கள். கொடிகள் மட்டுமே வேறு, கொள்கைகள் ஒன்றுதான்"</p>

தலைப்பு செய்திகள்: ’மழை எச்சரிக்கை முதல் மதுரைக்கு சிறப்பு ரயில்கள் வரை!’ இன்றைய முக்கிய செய்திகள்!

<p>தமிழ்நாட்டில் இன்று காலை வரை நடைபெற்ற முக்கிய செய்திகளின் தொகுப்பு இதோ!</p><h2>1.4 மாவட்டங்களில் மழைக்கு வாய்ப்பு&nbsp;</h2><p>தமிழ்நாட்டில் இன்று காலை வரை திருப்பத்தூர், திருவண்ணாமலை, நாகப்பட்டினம், திருவாரூர் ஆகிய 4 மாவட்டங்களில் மழைக்கு வாய்ப்பு என சென்னை மண்டல வானிலை ஆய்வு மையம் அறிவிப்பு.</p><h2>2.சிறுபான்மை மக்களின் அரண்&nbsp;</h2><p>நானும் திமுகவும் சிறுபான்மை மக்களின் நலன் மீது அக்கறையோடு செயல்படுகிறோம். சிறுபான்மையினருக்கு பாதுகாப்பு அரணாக மட்டுமின்றி, உரிமைகளை காப்போம் என தொடர்ந்து குரல் கொடுக்கும் இயக்கம் திமுக என முதலமைச்சர் மு.க.ஸ்டாலின் பேச்சு.</p><h2>3.மதுரையில் சிறப்பு ரயில்கள் இயக்கம்&nbsp;</h2><p>மதுரை சித்திரை திருவிழாவில் கள்ளழகர் வைகை ஆற்றில் எழுந்தருளும் நிகழ்வு மே 12ஆம் தேதி நடக்கும் நிலையில், சென்னையில் இருந்து மதுரைக்கு சிறப்பு ரயில்கள் இயக்கம். மே 10ஆம் தேதி இரவு 11.30 மணிக்கு தாம்பரத்தில் புறப்படும் ரயிலானது மறுநாள் காலை 7.55 மணிக்கு மதுரை செல்லும். மே 12 இரவு 11.30 மணிக்கு மதுரையில் புறப்படும்க் ரயில் ஆனது மறுநாள் காலை 7.50 மணிக்கு சிறப்பு ரயில் தாம்பரம் வந்து சேரும் என அறிவிப்பு.&nbsp;</p><p>மேலும் படிக்க:- <a target="_blank" href="https://tamil.hindustantimes.com/tamilnadu/aircel-founder-sivasankaran-says-not-knowing-hindi-cost-him-rs-10-000-crore-in-missed-business-opportunities-131746781574822.html">‘இந்தி தெரியாததால் 10,000 கோடி ரூபாய் இழந்தேன்!’ ஏர்செல் நிறுவனர் சிவசங்கரன் பரபரப்பு பேட்டி!</a></p><h2>4.ஒன்றிய அரசு நிதியை விடுவிக்க வேண்டும்&nbsp;</h2><p>தேசியக் கல்விக் கொள்கை போன்ற எந்தவொரு கொள்கையையும் ஏற்றுக் கொள்ள மாநிலங்களை நீதிமன்றத்தால் கட்டுப்படுத்த முடியாது என்ற உச்சநீதிமன்ற தீர்ப்பை வரவேற்கிறோம். அரசியலைப்பு சட்டத்தைவிட உயர்ந்தவர்கள் யாரும் இல்லை. எனவே மாநிலங்களுக்கு எதிரான மிரட்டல் போக்கை ஒன்றிய அரசு கைவிட வேண்டும். நமது கல்வி நிதியை உடனே வழங்க வேண்டும் என பள்ளிக்கல்வித்துறை அமைச்சர் அன்பில் மகேஸ் பொய்யாமொழி கோரிக்கை.</p><h2>5.மும்மொழிக் கொள்கை - ராஜ்மோகன் கருத்து&nbsp;</h2><p>மும்மொழிக் கொள்கையை திணிக்க முற்படும் பாஜக அரசின் கனவு ஒருநாளும் பலிக்காது. மும்மொழிக் கொள்கையை திணிக்க முயலும் மத்திய அரசுக்கு உச்சநீதிமன்றம் எதிர்ப்பு தெரிவித்து உள்ளது. மும்மொழிக் கொள்கையில் மாநிலங்களை வற்புறுத்த முடியாது என்பது நீதிமன்றத்தில் நிலைப்பாடு. தேசியக் கல்விக் கொள்கை என்று மாநிலங்களுக்கு அழுத்தம் தரக் கூடாது என தவெக கொள்கை பரப்பு செயலாளர் ராஜ்மோகன் கருத்து.&nbsp;</p><h2>6.சாலையில் சிக்கிய டேங்கர் லாரி&nbsp;</h2><p>சென்னை துரைப்பாக்கம்-நீலாங்கரை இணைப்பு சாலையில் மழைநீர் வடிகால்வாயில் தண்ணீர் ஏற்றி சென்ற டேக்கர் லாரி சிக்கி விபத்து. சாலையில் பள்ளம் ஏற்பட்டு புதைந்த லாரியை கிரேன் மூலம் அப்புறப்படுத்தினர்.&nbsp;</p><p>மேலும் படிக்க:- <a target="_blank" href="https://tamil.hindustantimes.com/tamilnadu/tamil-nadu-became-no-1-state-in-4-years-and-will-now-walk-the-path-of-the-lion-says-cm-m-k-stalin-proudly-131746785544624.html">’இனி நாம் போகும் பாதை சிங்கப்பாதை!’ திருச்சியில் முதலமைச்சர் மு.க.ஸ்டாலின் சூளுரை!</a></p><h2>7.1750 கிலோ ரேஷன் அரிசி பறிமுதல்&nbsp;</h2><p>நாமக்கல் மாவட்டம் திருச்செங்கோடு அடுத்த பள்ளக்குழி அருகே குடிமைப் பொருள் வழங்கல் குற்றப்புலனாய்வுத் துறை போலீசார் தீவிர வாகன சோதனையில், 1,750 கிலோ ரேஷன் அரிசி பறிமுதல். கடத்தலுல் ஈடுபட்ட சேலம் மாவட்டம் சங்ககிரியைச் சேர்ந்த ஜெகதீசன் (42) என்பவர் கைது.</p><h2>8.தவெகவினர் மீது வழக்குப்பதிவு</h2><p>கடலூர் மஞ்சக்குப்பம் பகுதியில், போக்குவரத்துக்கு இடையூறாக பேனர் வைத்த தவெகவின் கடலூர் கிழக்கு மாவட்ட செயலாளர் ராஜ்குமார் உள்ளிட்ட 3 பேர் மீது வழக்குப்பதிவு செய்யப்பட்டு உள்ளது.</p><h2>9.ட்ரோன்கள் பறக்கத் தடை&nbsp;</h2><p>புதுச்சேரி யூனியன் பிரதேசத்திற்கு உட்பட்ட காரைக்காலில் மறு உத்தரவு வரும் வரை ட்ரோன்கள் பறக்கத் தடை விதிக்கப்பட்டு உள்ளது.&nbsp;</p><h2>10.சென்னையில் கூடுதல் பாதுகாப்பு&nbsp;</h2><p>பாகிஸ்தான் உடன் போர் பதற்றம் நீடிக்கும் நிலையில், சென்னையில் உள்ள வணிக வளாகங்கள், திரையரங்குகளுக்கு காவல்துறையினர் கூடுதல் பாதுகாப்பு.</p><p>மேலும் படிக்க:- <a target="_blank" href="https://tamil.hindustantimes.com/tamilnadu/ed-seizes-rs-4-73-crore-unaccounted-cash-in-chennai-and-vellore-raids-targeting-tamil-nadu-govt-officials-131746789359445.html">வேலூர் உள்ளிட்ட இடங்களில் ED ரெய்டு! 4.73 கோடி சிக்கியது! அரசு அதிகாரிகளுக்கு தலைவலி!</a></p>

<p>4 மாவட்டங்களில் மழை எச்சரிக்கை, சிறுபான்மை மக்கள் குறித்து முதலமைச்சர் பேச்சு, காரைக்காலில் ட்ரோன்கள் பறக்கத் தடை, சித்திரைத் திருவிழாவையொட்டி மதுரையில் சிறப்பு ரயில்கள் இயக்கம், தேசியக் கல்விக் கொள்கை குறித்து அன்பில் மகேஸ் கருத்து உள்ளிட்ட முக்கிய செய்திகளின் தொகுப்பு இதோ!</p>

‘இந்தி தெரியாததால் 10,000 கோடி ரூபாய் இழந்தேன்!’ ஏர்செல் நிறுவனர் சிவசங்கரன் பரபரப்பு பேட்டி!

<p>தனக்கு இந்தி தெரிந்து இருந்தால் தற்போது 10 ஆயிரம் கோடி ரூபாய்க்கு சொந்தக்காரன் ஆகி இருப்பேன் என ஏர்செல் நிறுவனர் சிவசங்கரன் தெரிவித்து உள்ளார்.</p><p>சென்னையைச் சேர்ந்த ஏர்செல் நிறுவனர் சிவசங்கர், ரன்வீர் அலபாடியா நடத்திய பாட்காஸ்ட் ஒன்றில் தனது வாழ்க்கை அனுபவங்களையும், தொழில்முனைவு குறித்த மதிப்புமிக்க ஆலோசனைகளையும் பகிர்ந்து கொண்டார். 68 வயதாகும் இவர், தனது 24ஆம் வயதில் தொடங்கிய முதல் தொழிலிலிருந்து இன்று வரையிலான பயணத்தை விவரித்தார். இளம் தொழில்முனைவர்களுக்கு வழிகாட்டும் வகையில், வெற்றிக்கான தனது ரகசியங்களையும், வாழ்க்கையில் செய்த இரண்டு தவறுகளையும் அவர் வெளிப்படுத்தி உள்ளார்.</p><p>மேலும் படிக்க:- <a target="_blank" href="https://tamil.hindustantimes.com/photos/today-gold-rate-check-out-the-gold-and-silver-price-on-09-may-2025-in-chennai-131746769398037.html">இன்றைய தங்கம் விலை நிலவரம்: ‘தங்கம் விலை குறைந்தது!’ மே 09, 2025 தங்கம் மற்றும் வெள்ளி விலை நிலவரம்!</a></p><h2>வாழ்க்கையில் செய்த இரண்டு தவறுகள்</h2><p>சிவசங்கரன், தனது வாழ்க்கையில் செய்த இரண்டு முக்கிய தவறுகளை பகிர்ந்து கொண்டார். முதலாவது, இந்தி மொழியைக் கற்காதது. “நான் இந்தியைக் கற்றிருந்தால், இந்தியாவின் 140 கோடி மக்களையும் எனது தொழிலுக்கு ஈர்த்திருப்பேன்,” என்று அவர் கூறினார். இரண்டாவது, இளம் வயதில் சென்னையை விட்டு டெல்லி அல்லது மும்பைக்கு குடிபெயராதது. “மும்பை அல்லது டெல்லிக்கு சென்று இந்தியைக் கற்றிருந்தால், இன்று நான் 10,000 கோடி ரூபாய் சொத்து மதிப்பை அடைந்திருப்பேன்,” என்று அவர் தெரிவித்தார்.</p><h2>முதல் தொழிலின் தொடக்கம்</h2><p>சிவசங்கரின் முதல் தொழில், 24ஆம் வயதில் தொடங்கிய உற்பத்தி தொழிலாகும். அவர் மின் உற்பத்தி நிலையங்களுக்கான உபகரணங்களை தயாரிக்கும் தொழிலில் ஈடுபட்டார், இதில் பி.எச்.இ.எல் (BHEL) போன்ற பெரு நிறுவனங்களுடன் போட்டியிட்டார். தனது முதல் 12,000 ரூபாய் வருவாயை சிறிய திட்டம் ஒன்றின் மூலம் ஈட்டினார். “நான் ஒருபோதும் கடன் வாங்கியவன் இல்லை. எனது 68 ஆண்டு வாழ்க்கையில், தனிப்பட்ட முறையில் ஒரு 100 ரூபாயைக் கூட கடனாக வாங்கியதில்லை,” என்று அவர் பெருமையுடன் கூறினார். பணத்தை ஈர்ப்பதற்கு முக்கியத்துவம் கொடுத்த அவர், கடன் வாங்குவதை விட பணத்தை ஈர்க்கும் திறனே வெற்றிக்கு அடிப்படை என்று வலியுறுத்தினார்.</p><p>மேலும் படிக்க:- <a target="_blank" href="https://tamil.hindustantimes.com/tamilnadu/top-10-tamil-news-north-chennai-and-kudankulam-power-plants-hold-war-rehearsals-today-as-cm-m-k-stalin-announces-army-131746762639860.html">தலைப்பு செய்திகள்: ராணுவத்திற்கு ஆதரவாக சென்னையில் பேரணி முதல் மின் நிலையங்களில் போர் ஒத்திகை வரை!</a></p><h2>தொழில்முனைவு ரகசியங்கள்</h2><p>சிவசங்கரன், தொழிலில் வெற்றி பெறுவதற்கு மக்களின் தேவைகளை ஆழமாகப் புரிந்து, அவற்றை விலை, தரம், செயல்திறன் மற்றும் விநியோகத்தில் எதிர்பார்ப்புகளை மீறும் வகையில் வணிகமாக மாற்ற வேண்டும் என்று கூறினார். “மக்களின் பூர்த்தி செய்யப்படாத தேவைகளை கண்டறிந்து, அதை வணிக வாய்ப்பாக மாற்றினால், எந்த வயதிலும் வெற்றி பெறலாம்,” என்று அவர் தெரிவித்தார். மேலும், வெற்றிக்கு மனதைப் பயிற்றுவிப்பது முக்கியம் என்றும், ஆனால் ஒரு துறையில் ஆதிக்கம் செலுத்துவது கடினமான பணி என்றும் அவர் விளக்கினார். “நான் வெற்றி பெறுவது உறுதி, ஆனால் ஆதிக்கம் செலுத்துவது எனது கடின உழைப்பு, புதுமை, மற்றும் விடாமுயற்சியைப் பொறுத்தது,” என்று அவர் கூறினார்.</p><h2>இளம் தொழில்முனைவர்களுக்கு ஆலோசனை</h2><p>சிறந்த ஐந்து நபர்களைத் தேர்ந்தெடுங்கள்: வணிகம், வாழ்க்கை குறித்து பேசக்கூடிய ஐந்து நபர்களைத் தேர்ந்தெடுக்கவும். “உங்கள் செல்வம், இந்த ஐந்து பேரின் செல்வத்தின் மொத்தமாக இருக்கும்,” என்று அவர் கூறினார்.</p><h2>குறிக்கோள் அமைக்கவும்</h2><p>தெளிவான குறிக்கோள்கள் இல்லையெனில் வெற்றி சாத்தியமில்லை. “குறிக்கோள் இல்லையெனில், நீங்கள் ஒரு அலுவலகத்திற்கு வந்திருக்க மாட்டீர்கள்,” என்று அவர் உதாரணமாகக் கூறினார்.</p><h2>கடின உழைப்பு</h2><p>தொடர்ச்சியான முயற்சி மற்றும் மீண்டும் மீண்டும் செயல்படுத்துதல் வெற்றிக்கு அவசியம்.</p><h2>விமர்சனங்களைப் பொருட்படுத்தாதீர்கள்</h2><p>உங்கள் குறிக்கோள்களை வெளிப்படையாகப் பகிர்ந்து விமர்சனங்களை எதிர்கொள்வதைத் தவிர்க்கவும். மௌனமாக உழைக்கவும்.</p><h2>பச்சாதாபமும் கவர்ச்சியும்</h2><p>IQ உங்களுக்கு வேலையைப் பெற்றுத் தரும், ஆனால் EQ (பச்சாதாபம்) உங்களை உயர்த்தும். வாடிக்கையாளர்களுக்கும், குழு உறுப்பினர்களுக்கும் பச்சாதாபம் காட்டுவது அவசியம்.</p><h2>இளைஞர்களுக்கு வழிகாட்டல்</h2><p>சிவசங்கர், இளம் தொழில்முனைவர்களுக்கு இலவச வழிகாட்டுதல் வழங்க தயாராக இருப்பதாகவும், பெரு நிறுவனங்களுக்கு அவர்களின் லாபத்தை அதிகரிக்க உதவுவதற்கு கட்டண அடிப்படையில் ஆலோசனை வழங்குவதாகவும் கூறினார். “நீங்கள் 100,000 ரூபாய் லாபம் ஈட்டினால், நான் உங்களை 1,000,000 ரூபாய் லாபம் ஈட்ட வைப்பேன். அதற்கு ஒரு சதவீதத்தை எனக்கு வழங்குங்கள்,” என்று அவர் கூறினார். மேலும், இளைஞர்கள் தன்னுடன் 10-15 நாட்கள் அல்லது ஒரு மாதம் இன்டர்ன்ஷிப் செய்ய அழைப்பு விடுத்தார். “உங்கள் வாழ்க்கையை மாற்றுவேன்,” என்று அவர் உறுதியளித்தார்.</p><p>மேலும் படிக்க:- <a target="_blank" href="https://tamil.hindustantimes.com/tamilnadu/cm-m-k-stalin-announces-massive-chennai-rally-to-support-indian-army-fighting-pakistans-terror-attacks-131746768047315.html">‘இந்திய ராணுவத்திற்கு ஆதரவாக சென்னையில் பிரம்மாண்ட பேரணி!’ முதலமைச்சர் மு.க.ஸ்டாலின் அறிவிப்பு!</a></p>

<p>“மும்பை அல்லது டெல்லிக்கு சென்று இந்தியைக் கற்றிருந்தால், இன்று நான் 10,000 கோடி ரூபாய் சொத்து மதிப்பை அடைந்திருப்பேன்”</p>

‘தேசிய கல்விக் கொள்கையை அமல்படுத்துமாறு மாநிலங்களை கட்டாயப்படுத்த முடியாது’: உச்ச நீதிமன்றம் அதிரடி

<p>தமிழ்நாடு, மேற்கு வங்கம் மற்றும் கேரளாவில் தேசிய கல்விக் கொள்கையை அமல்படுத்தக் கோரிய மனுவை உச்ச நீதிமன்றம் வெள்ளிக்கிழமை தள்ளுபடி செய்தது. நீதிபதிகள் ஜே.பி.பர்திவாலா மற்றும் ஆர்.மகாதேவன் ஆகியோர் அடங்கிய பெஞ்ச், ஒரு கொள்கையின் அமலாக்கத்தின் காரணமாக அடிப்படை உரிமைகள் மீறப்பட்டால் மட்டுமே நீதிமன்றம் தலையிட முடியும் என்று கூறியது. மேலும், தேசிய கல்விக் கொள்கையை அமல்படுத்துமாறு மாநிலங்களை கட்டாயப்படுத்த முடியாது எனவும் சுப்ரீம் கோர்ட் அதிரடியாக அறிவித்தது.</p><p>தேசிய கல்விக் கொள்கையை அமல்படுத்த தமிழ்நாடு, மேற்கு வங்கம், கேரளா ஆகிய மாநிலங்கள் அரசியல் சாசனப்படி கடமைப்பட்டுள்ளன என்று கூறி வழக்கறிஞர் ஜி.எஸ்.மணி மனு தாக்கல் செய்தார். மும்மொழி கொள்கையின் அடிப்படையில் இந்த கொள்கை எதிர்க்கப்படுவதாகவும், மாணவர்கள் இந்தி கற்க வேண்டும் என்றும் அவர் கூறினார்.</p><h2>"புதிய கல்விக் கொள்கையைப் பற்றி உங்களுக்கு என்ன அக்கறை?"</h2><p>"நீங்கள் யார், புதிய கல்விக் கொள்கையைப் பற்றி உங்களுக்கு என்ன அக்கறை?" என்று கேட்டபோது, தான் சென்னையைச் சேர்ந்தவர் என்றும் டெல்லியில் குடியேறியதாகவும் மணி நீதிமன்றத்தில் கூறினார். மணி டெல்லியில் வசிப்பதால் மனு தாக்கல் செய்ய எந்த காரணமும் இல்லை என்று நீதிமன்றம் கூறியது. அந்த மனுவை தள்ளுபடி செய்த நீதிபதிகள், மணிக்கும் அவர் கூறப்போகும் நோக்கத்திற்கும் எந்த தொடர்பும் இல்லை என்று கூறி மனுவை தள்ளுபடி செய்தனர். தமிழகத்தை பூர்வீகமாக கொண்டவர் என்றாலும் டெல்லியில் வசிப்பவர் என்பதை ஒப்புக் கொள்கிறார்.</p><p>அடிப்படை உரிமைகள் பாதுகாக்கப்படுவதை உறுதி செய்வதற்கான வழிகாட்டுதல்களை வழங்க அனுமதிக்கும் அரசியலமைப்பின் பிரிவு 32 ஐ நீதிமன்றம் மேற்கோள் காட்டியது. தேசிய கல்விக் கொள்கையை ஏற்குமாறு எந்த மாநிலத்தையும் கட்டாயப்படுத்த முடியாது. ஆனால் அரசின் நடவடிக்கை குடிமக்களின் அடிப்படை உரிமைகளை மீறினால் நீதிமன்றம் தலையிடலாம்.</p><p><strong>மேலும் படிக்க |  </strong><a href="https://tamil.hindustantimes.com/nation-and-world/blast-near-pakistan-army-chief-asim-munir-and-prime-minister-shehbaz-sharif-houses-in-pakistan-131746755394893.html" target="_blank">வீட்டருகே விழுந்த இந்திய குண்டு? - பதுங்கு குழியில் பதுங்கிய பாகிஸ்தான் பிரதமர்? - என்ன சொல்கிறது தகவல்கள்!</a></p><p>மணியின் குழந்தைகள் டெல்லியில் தொடர்ந்து இந்தி கற்கலாம் என்று நீதிமன்றம் கூறியது. புதிய கல்விக் கொள்கையை தகுந்த முறையில் பரிசீலிக்கலாம் என்று அது பரிந்துரைத்தது.</p><p>புதிய கல்விக் கொள்கையை அமல்படுத்துவதில் உள்ள ஆட்சேபனைகள் குறித்து மணியின் மனு கேள்வி எழுப்பியது. மாநிலங்கள் தேவையில்லாமல் புதிய கல்விக் கொள்கையை ஒரு அரசியல் பிரச்சினையாக்குகின்றன என்று அந்த மனுவில் தெரிவிக்கப்பட்டுள்ளது. அந்த மனுவில், தேசிய கல்விக் கொள்கை கல்வியில் சீரான தன்மையை வழங்க மட்டுமே முயல்கிறது. சமூகத்தின் அனைத்து அடுக்குகளைச் சேர்ந்த பள்ளி மாணவர்களுக்கும் அனைத்து இந்திய மொழிகளும் இலவசமாக கற்பிக்கப்பட வேண்டும் என்று அந்த மனுவில் தெரிவிக்கப்பட்டிருந்தது.</p><p>அந்த மனுவில், அரசியலமைப்பை திறம்பட அமல்படுத்துவதற்கான வழிகாட்டுதல்களை பிறப்பிக்குமாறு நீதிமன்றத்தை கேட்டுக் கொண்டது, குறிப்பாக குழந்தைகள் இலவச மற்றும் பயனுள்ள கல்வியைப் பெறுவதற்கான உரிமை என குறிப்பிட்டிருந்தது. மேலும், அந்த மனுவில், பள்ளிக் கல்வியின் தரத்தை மேம்படுத்த தேசிய கல்விக் கொள்கை ஒரு முக்கிய கல்விக் கொள்கை என்று கூறப்பட்டுள்ளது. “இலவசக் கல்வி என்பது அடிப்படை உரிமை. இந்த திட்டத்தை ஏற்க மறுப்பதன் மூலம், பள்ளி மாணவர்களுக்கு இலவசக் கல்வி என்ற அடிப்படை உரிமையை மாநில அரசு மறுக்கிறது” என்று அந்த மனுவில் மணி குறிப்பிட்டிருந்தார்.</p><p><strong>மேலும் படிக்க |</strong><a href="https://tamil.hindustantimes.com/nation-and-world/india-vs-pakistan-war-pakistani-firing-on-the-line-of-control-what-happened-here-are-the-key-details-131746756731590.html" target="_blank"> எல்லைக் கட்டுப்பாட்டுக் கோட்டில் பாகிஸ்தான் துப்பாக்கிச் சூடு.. நடந்தது என்ன.. முக்கிய விவரங்கள் இதோ?</a></p><h2>மும்மொழி கொள்கைக்கு தமிழக முதல்வர் எதிர்ப்பு</h2><p>தேசிய கல்விக் கொள்கையின் கீழ் மூன்று மொழி கொள்கையை தமிழ்நாடு முதலமைச்சர் மு.க. ஸ்டாலின் எதிர்த்து வருகிறார். மேலும் மத்திய அரசு இந்தியை திணிக்க முயற்சிப்பதாக குற்றம் சாட்டியுள்ளார். மாநிலத்தின் உரிமைகள் படிப்படியாக பறிக்கப்படுவதாகவும், கல்வி என்பது மாநிலப் பாடமாக மட்டுமே இருக்க வேண்டும் என்றும் அவர் தெரிவித்து இருந்தார். கல்வித்துறையை பொதுப் பட்டியலில் சேர்த்த 42வது அரசியலமைப்பு திருத்தத்தை ரத்து செய்ய வேண்டும் என்று முதல்வர் ஸ்டாலின் கோரிக்கை விடுத்துள்ளார். இதன் மூலம் மத்திய மற்றும் மாநில அரசுகள் சட்டமியற்ற முடியும்.</p><p>தேசிய கல்விக் கொள்கையை அமல்படுத்த மறுத்ததால் சமக்ர சிக்ஷா திட்டத்தின் கீழ் நிதியை நிறுத்தி வைத்தது உட்பட பல்வேறு விவகாரங்களில் மத்திய அரசு மற்றும் தமிழக அரசுகள் மோதலில் ஈடுபட்டுள்ளன.</p><p><strong>மேலும் படிக்க | </strong><a href="https://tamil.hindustantimes.com/nation-and-world/indian-army-repulses-pakistan-overnight-drone-attacks-befitting-reply-given-131746759380068.html" target="_blank">15 இடங்களை குறிவைத்த பாகிஸ்தான்.. ‘தக்க பதிலடி கொடுக்கப்பட்டது’ - தாக்கிய வீடியோவை வெளியிட்டு இந்திய ராணுவம் பதிவு!</a></p><p>அரசியலமைப்பின்படி மாநிலங்களின் உரிமைகளைப் பாதுகாப்பதற்கான வழிகளை பரிந்துரைக்கவும், மத்திய மற்றும் மாநில அரசாங்கங்களுக்கு இடையிலான உறவை வலுப்படுத்தவும் முன்னாள் உச்ச நீதிமன்ற நீதிபதி குரியன் ஜோசப் தலைமையில் ஒரு குழுவை அமைப்பதாக ஏப்ரல் மாதம் ஸ்டாலின் அறிவித்தார்.</p>

நீதிபதிகள் ஜே.பி.பர்திவாலா மற்றும் ஆர்.மகாதேவன் ஆகியோர் அடங்கிய பெஞ்ச், ஒரு கொள்கையை அமல்படுத்துவதால் அடிப்படை உரிமை மீறலை மட்டுமே நீதிமன்றம் பரிசீலிக்க முடியும் என்று கூறியது

’பகுத்தறிவு பேசும் திமுகவுக்கு பகுத்தறிவே இல்லை’ மு.க.ஸ்டாலினை விளாசும் தமிழிசை!

<p>’பகுத்தறிவு பேசும் திமுகவுக்கு பகுத்தறிவே இல்லை’ என பாஜக மூத்த தலைவர் தமிழிசை சௌந்தராஜன் தெரிவித்து உள்ளார்.&nbsp;</p><h2>திமுக-காங்கிரஸ் கூட்டணி குறித்த கேள்வி</h2><p>கமலாலயத்தில் பாஜக மூத்த தலைவர் தமிழிசை சௌந்தராஜன் செய்தியாளர்களை சந்தித்தார். அப்போது பேசிய அவர், “என்ன அழுத்தத்தில் காங்கிரஸுடன் கூட்டணி வைத்திருக்கிறீர்கள்?” என்று கேள்வி எழுப்பினார். காங்கிரஸ் கடந்த காலத்தில் திமுக ஆட்சியை கலைத்ததாகவும், அவசரநிலை காலத்தில் திமுக தலைவர்களை சிறையில் அடைத்ததாகவும், இலங்கையில் தமிழர்களுக்கு எதிராக செயல்பட்டதாகவும் குற்றம்சாட்டினார். “ராஜமன்னார் கமிட்டி அமைத்து மாநில சுயாட்சி பேசிய திமுக, இந்திரா காந்தியிடம் சரணடைந்தது. இப்போது காங்கிரஸுடன் கூட்டணி வைத்திருப்பது எந்த அழுத்தத்தால்?” என்று அவர் கேள்வி எழுப்பினார்.</p><p>திமுக தலைவர் ஸ்டாலின், அதிமுக-பாஜக கூட்டணியால் அழுத்தத்தில் இருப்பதாக கூறுவதை மறுத்த தமிழிசை, “நாங்கள் அழுத்தத்தில் இல்லை, பிரகாசமாக இருக்கிறோம்,” என்று கூறி, திமுகவின் கூட்டணி முடிவுகளை விமர்சித்தார்.</p><p>மேலும் படிக்க:- <a target="_blank" href="https://tamil.hindustantimes.com/tamilnadu/dindigul-i-leoni-says-vijay-party-agents-shouted-tvk-but-it-sounded-like-tea-vika-in-coimbatore-meet-131746338061470.html">விஜய் முன் TVK…! TVK…! என கத்தியது என் காதில்.. டீ விக்க…! டீ விக்க…ணு கேட்டது! திண்டுக்கல் லியோனி கிண்டல்!</a></p><h2>தமிழக ஆட்சியில் எழும் பிரச்சனைகள்</h2><p>தமிழகத்தில் பல்வேறு தரப்பினரும் போராட்டங்களில் ஈடுபட்டு வருவதாக தமிழிசை குறிப்பிட்டார். “தற்காலிக செவிலியர்கள், கொரோனா காலத்தில் பணியாற்றிய மருத்துவர்கள், காவலர் பணிக்கு தேர்வு எழுதிய இளைஞர்கள், துப்புரவு தொழிலாளர்கள், அங்கன்வாடி ஊழியர்கள் என அனைவரும் போராட்டத்தில் உள்ளனர். ஆனால், முதலமைச்சர் பாராட்டு விழாக்களில் நனைந்து கொண்டிருக்கிறார்,” என்று அவர் கடுமையாக விமர்சித்தார்.</p><p>திமுக அரசு, மக்களுக்காக செலவிட வேண்டிய பணத்தை விளம்பரங்களுக்கு செலவிடுவதாகவும், மக்களின் பிரச்சனைகளை புறக்கணிப்பதாகவும் தமிழிசை குற்றம்சாட்டினார். “மாநில சுயாட்சி நாயகன் என்று பாராட்டு பெறுவதற்கு என்ன சாதனை செய்தார்கள்? திராவிட நாடு இல்லையென்றால் சுடுகாடு என்று பேசியவர்கள் இப்போது எந்த நிலையில் உள்ளனர்?” என்று அவர் கேள்வி எழுப்பினார்.</p><p>மேலும் படிக்க:- <a target="_blank" href="https://tamil.hindustantimes.com/tamilnadu/is-bjp-in-alliance-with-tvk-nainar-nagendran-breaks-silence-and-responds-to-tamil-nadu-coalition-rumours-131746001358046.html">’விஜய்யின் தவெக கட்சி உடன் கூட்டணி பேச்சுவார்த்தையா?’ நயினார் நாகேந்திரன் பேட்டி</a></p><h2>மாணவர்களுக்கு பொதுத்தேர்வு மற்றும் கல்வித்துறை</h2><p>சிபிஎஸ்இ பாடத்திட்டத்தில் 8-ஆம் வகுப்பு மாணவர்களுக்கு பொதுத்தேர்வு அறிமுகப்படுத்தப்பட்டதை திமுக அரசு எதிர்ப்பதை தமிழிசை விமர்சித்தார். “தேர்வில் தோல்வியடைந்த மாணவர்களுக்கு இரண்டு மாத சிறப்பு பயிற்சி அளித்து, மீண்டும் தேர்வு நடத்தி அவர்களை அடுத்த வகுப்புக்கு தேர்ச்சி செய்யும் மத்திய அரசின் திட்டத்தை திமுக புரிந்து கொள்ளவில்லை,” என்று அவர் கூறினார்.</p><p>சிபிஎஸ்இ பாடத்திட்டத்தில் தேர்ச்சிக்கு 30% மதிப்பெண்கள் போதுமானது என்றும், தமிழகத்தில் 35% மதிப்பெண்கள் தேவைப்படுவதாகவும் குறிப்பிட்ட தமிழிசை, “30% மதிப்பெண்கள் கூட பெற முடியாத மாணவர்கள் எப்படி அடுத்த வகுப்பில் திறமையாக செயல்படுவார்கள்?” என்று கேள்வி எழுப்பினார். மேலும், சிபிஎஸ்இ-யில் இரண்டு தேர்வுகள் நடத்தப்பட்டு அதிக மதிப்பெண் பெற்ற தேர்வு கணக்கில் எடுத்துக்கொள்ளப்படுவதாகவும், பாடத்திட்டம் 15% குறைக்கப்பட்டிருப்பதாகவும் அவர் விளக்கினார்.</p><p>திமுக அமைச்சர் அன்பில் மகேஷ் பொய்யாமொழி, சிபிஎஸ்இ-க்கு மாறுவதை எதிர்ப்பதாகக் கூறியதை சுட்டிக்காட்டிய தமிழிசை, “தமிழக அரசுப் பள்ளிகள் சரியாக இல்லாததால் பெற்றோர்கள் கடன் வாங்கி சிபிஎஸ்இ பள்ளிகளில் சேர்க்க வேண்டிய நிலை உள்ளது என்பதை திமுகவே ஒப்புக்கொள்கிறது,” என்று குற்றம்சாட்டினார்.</p><h2>சமூக நீதி மற்றும் பள்ளிகளில் சாதி வேறுபாடு</h2><p>திமுகவின் சமூக நீதி மற்றும் பகுத்தறிவு பேச்சுகளை கேள்விக்குள்ளாக்கிய தமிழிசை, “திமுக ஆட்சியில் பள்ளிகளில் சாதி வேறுபாடு அதிகரித்துள்ளது. மாணவர்கள் இடையே சாதி அடிப்படையில் மோதல்கள் ஏற்பட்டுள்ளன. இதற்கு முன் எந்த ஆட்சியிலும் இப்படி நடக்கவில்லை,” என்று கூறினார். மேலும், குடிநீரில் மலம் கலக்கப்பட்ட சம்பவத்தை சுட்டிக்காட்டி, திமுகவின் சமூக நீதி கோஷங்கள் வெறும் பேச்சாக உள்ளதாக விமர்சித்தார்.</p><p>“அறிவுக்கு பதிலாக அறியாமை, ஒற்றுமைக்கு பதிலாக சாதி வேறுபாடு ஆகியவை திமுக ஆட்சியில் நிலவுகின்றன. பகுத்தறிவு பேசும் திமுகவுக்கு பகுத்தறிவே இல்லை,” என்று தமிழிசை கடுமையாக விமர்சித்தார்.</p><p>மேலும் படிக்க:- <a target="_blank" href="https://tamil.hindustantimes.com/tamilnadu/aiadmks-rajya-sabha-seat-promise-to-dmdk-is-true-confirms-lk-sutheesh-in-key-political-statement-131746336184870.html">’தேமுதிகவுக்கு ராஜ்ய சபா சீட் தருவதாக அதிமுக உறுதியளித்தது முழுக்க முழுக்க உண்மை’ எல்.கே.சுதீஷ் பங்கிரங்க குற்றச்சாட்டு!</a></p>

<p>“தமிழக அரசுப் பள்ளிகள் சரியாக இல்லாததால் பெற்றோர்கள் கடன் வாங்கி சிபிஎஸ்இ பள்ளிகளில் சேர்க்க வேண்டிய நிலை உள்ளது என்பதை திமுகவே ஒப்புக்கொள்கிறது”</p>

நாங்குநேரி மாணவன் மீது தாக்குதல்: ’நெல்லையில் சாதி மோதல் இல்லையா? இத பாருங்க சபாநாயகரே!’ சி.பி.எம் பெ.சண்முகம் விளாசல்!

<p>திருநெல்வேலியில் சாதிய மோதல்களே இல்லை என சபாநாயகர் அப்பாவு கூறிய நிலையில், நாங்குநேரி மாணவன் சின்னதுரை மீண்டும் தாக்கப்பட்ட சம்பவத்தை சுட்டிக்காட்டி மார்க்சிஸ்ட் கம்யூனிஸ்ட் மாநில செயலாளர் பெ.சண்முகம் கண்டனம் தெரிவித்து உள்ளார். </p><h2>மார்க்சிஸ்ட் கம்யூனிஸ்ட் மாநில செயலாளர் பெ.சண்முகம் பேட்டி:-</h2><h2>சபாநாயகர் அப்பாவின் கருத்துக்கு கண்டனம்</h2><p>திருநெல்வேலி மாவட்டத்தில் சாதிய வன்கொடுமைகள் மற்றும் பள்ளி மாணவர்களிடையே சாதிய மோதல்கள் அதிகரித்து வருவதாக மார்க்சிஸ்ட் கம்யூனிஸ்ட் மாநில செயலாளர் பெ.சண்முகம் குற்றம்சாட்டி உள்ளார்.  ”திருநெல்வேலி மாவட்டத்தில் சாதிய வன்கொடுமைகளும், சாதி ஆணவக் கொலைகளும், குறிப்பாக பள்ளி மாணவர்களிடையே சாதி மோதல் அதிகம் நடக்கும் மாவட்டமாக உள்ளது” என்ற அவர், “திருநெல்வேலியில் சாதிய மோதல்கள் நடக்கவில்லை” என்று சபாநாயகர் அப்பாவு கூறியது, “முழு பூசணிக்காயை சோற்றில் மறைப்பது போல் உள்ளது” என்று சபாநயாகரின் இந்த பேச்சு ஏற்புடையது அல்ல. ஏற்கெனவே நாங்குநேரி மாணவன் சின்னதுரை உயிருக்கு ஆபத்தான நிலைக்கு சென்று, தற்போது கல்லூரியில் படித்துக் கொண்டு இருக்கிறார். நேற்று அவர் மீது மீண்டும் கொடூர தாக்குதல் நடத்தப்பட்டு உள்ளது. நேற்று முன் தினம் சாதிய மோதலால் பள்ளி ஒன்றில் மாணவர் ஒருவர் வெட்டப்பட்டு உள்ளார்” என குற்றம்சாட்டினார். </p><p>மேலும் நீதிபதி சந்துரு ஆணையத்தின் பரிந்துரைகளை உடனடியாக அமல் செய்ய வேண்டும் என்றும் அவர் கேட்டுக் கொண்டார். “பள்ளிகள் மற்றும் மாணவர்கள் இடையே நடக்கும் சாதிய மோதல் தொடர்பாக ஓய்வு பெற்ற நீதிபதி சந்துரு ஆணையம் பரிந்துரைத்த பரிந்துரைகள் நடைமுறைக்கு கொண்டு வர வேண்டும். சாதிய மோதல்களை சட்டம் ஒழுங்கு பிரச்னையாக பார்ப்பதே தவறு, சாதி வெறியர்கள், சாதி ஆணவம் கொண்டவர்கள் இது போன்ற நடவடிக்கைகளில் ஈடுபடுகிறார்கள். இத்தகைய சாதி மோதல்களில் ஈடுபடும் நபர்கள் மீது கடும் நடவடிக்கை எடுக்க வேண்டும். இதை வெறும் சட்டம் ஒழுங்கு பிரச்னையாக பார்த்து இப்பிரச்னைக்கு தீர்வு காண இயலாது என பெ.சண்முகம் கூறினார். </p><h2>இந்து அறநிலையத்துறையின் அடாவடி</h2><p>தொடர்ந்து பேசிய அவர், இந்து அறநிலையத்துறையின் புதிய விதிமுறைகள் மற்றும் அபரிமிதமான வாடகை உயர்வு ஆகியவை, கோயில் நிலங்களில் வசிக்கும் லட்சக்கணக்கான மக்களையும், குத்தகை விவசாயிகளையும் வெளியேற்றுவதற்கு வழிவகுப்பதாக குற்றம்சாட்டினார். பல தலைமுறைகளாக கோயில் நிலங்களில் வசிக்கும் மக்களை “ஆக்கிரமிப்பாளர்கள்” என்று முத்திரை குத்தி, 20-40 ஆண்டுகளுக்கு வாடகை கட்ட வேண்டும் என்று வற்புறுத்துவது கண்டனத்துக்குரியது என்று தெரிவிக்கப்பட்டது. “இந்த மக்களை ஒழுங்குபடுத்தாதது அறநிலையத்துறையின் குற்றமே. திடீரென புலனாய்வு செய்து, பல ஆண்டு வாடகையை உடனடியாக கட்டச் சொல்வது அநியாயம்,” என்று தெரிவித்தார். </p><h2>சட்டப்படியான உரிமைகள் மறுப்பு</h2><p>2019-இல் அதிமுக ஆட்சியில், அறநிலையத்துறை சட்டத்தின் 34-வது பிரிவின்படி ஏழை மக்களுக்கு இலவச பட்டா வழங்க அரசாணை எண் 318 மூலம் 600 ஏக்கர் நிலத்துக்கு பட்டா வழங்குவதற்கு முயற்சி மேற்கொள்ளப்பட்டது. ஆனால், இந்துத்துவவாதிகள் சென்னை உயர்நீதிமன்றத்தில் வழக்கு தொடுத்து இதைத் தடுத்ததால், அந்த அரசாணை இன்னும் நிலுவையில் உள்ளது. இதற்கு நிரந்தர தீர்வு காண வேண்டும் என பெ.சண்முகம் கேட்டுக் கொண்டார்.</p><h2>முதலமைச்சர் மற்றும் அமைச்சரின் உறுதி</h2><p>நேற்று, சங்க நிர்வாகிகள் முதலமைச்சர் மு.க.ஸ்டாலினையும், இந்து அறநிலையத்துறை அமைச்சர் பி.கே.சேகர்பாபுவையும் சந்தித்து கோரிக்கை மனு அளித்தனர். இதில், குடியிருப்பவர்களை வெளியேற்ற மாட்டோம் என்று முதலமைச்சரும் அமைச்சரும் உறுதியளித்ததாக சங்கம் தெரிவித்தது. இருப்பினும், இது நிரந்தர தீர்வாக அமைய வேண்டும் என்று வலியுறுத்தப்பட்டது. கோயில் மனைகளில் வசிப்பவர்களுக்கு நியாயமான வாடகை மற்றும் நிலத்தை சொந்தமாக்குவதற்கு தவணை முறையில் வசூல் செய்ய வேண்டும் என்று கோரிக்கை வைக்கப்பட்டது.</p><h2>குத்தகை விவசாயிகளுக்கு அநீதி</h2><p>குத்தகை விவசாயிகளை ஏலம் மூலம் மாற்றுவது, பல தலைமுறைகளாக விவசாயம் செய்யும் விவசாயிகளை வாழ்வாதாரத்தை இழக்கச் செய்வதாக உள்ளது. “குத்தகை விவசாயிகள் பாதுகாப்பு சட்டத்தின்படி, ஆர்.டி.ஆர் குத்தகை உரிமை பதிவு செய்ய வேண்டுமே தவிர, ஏலம் விடுவது சட்டவிரோதம்,” என்று சங்கம் குற்றம்சாட்டியது. இதேபோல், வக்பு வாரிய நிலங்களில் வசிக்கும் இஸ்லாமியர்களிடம் அபரிமிதமான வாடகை வசூலிப்பதும் கண்டிக்கப்பட வேண்டியது என பெ.சண்முகம் கூறி உள்ளார். </p>

<ul><li>“திருநெல்வேலியில் சாதிய மோதல்கள் நடக்கவில்லை” என்று சபாநாயகர் அப்பாவு கூறியது, “முழு பூசணிக்காயை சோற்றில் மறைப்பது போல் உள்ளது”</li></ul>

The National Education Policy 2020 is a new education policy implemented by the Central Government in India. Efforts are underway to implement it in all states.

National Education Policy 2020

National and International News in Tamil: Get the latest updates on national and international news in Tamil. Stay informed with today's தேசிய மற்றும் சர்வதேச செய்திகள் from around the world.

தேசம்-உலகம்

National and International News in Tamil, International News in Tamil | தேசிய மற்றும் சர்வதேச செய்திகள் - HT Tamil 

தேசிய கல்விக் கொள்கை | national education policy 2020 - nep 2020

‘கடலில் பேனா வைக்க நிதி இருக்கு.. கார் பந்தயத்துக்கு நிதி இருக்கு.. கல்லூரிக்கு இல்லையா..?’ ஏறி அடித்த எடப்பாடி!

Edappadi Palaniswami questions Chief Minister Stalin

<p>விழுப்புரம், விக்கிரவாண்டிய உள்ளிட்ட சட்டமன்ற தொகுதிகளில் இன்று ‘மக்களை காப்போம் தமிழகத்தை மீட்போம்’ பிரசார பயணம் செய்த அதிமுக பொதுச் செயலாளர் எடப்பாடி பழனிசாமி, விழுப்புரத்தில் பேசியதாவது:</p><p>‘‘நானும் கிராமத்தில் இருந்து வந்தவன், யாரும் கோரிக்கை வைக்கவில்லை, ஓய்வுபெற்ற நீதிபதி மூலம் ஆய்வுசெய்து, நானே முடிவுசெய்து 7.5 சதவிகித உள் ஒதுக்கீடு கொண்டுவந்தேன். ஏழைகளையும் மருத்துவராக்கியது அதிமுக அரசு.</p><p><strong>சி.வி.சண்முகம் தலைமையில் ஆர்பாட்டம் அறிவிப்பு</strong></p><p>மத்திய அரசு 2030ல் அடைய வேண்டிய உயர்கல்வி இலக்கை, அதிமுக ஆட்சியிலேயே அடைந்துவிட்டோம். முதுநிலைப் பட்டப் படிப்பு 5 கோடியில் கட்டடம் கட்டிக் கொடுத்தோம். இன்னும் இங்கு அட்மிஷனே போடலை, வரும் 14ம் தேதி வரை காலக்கெடு விதிக்கிறோம். இல்லையென்றால் சி.வி.சண்முகம் தலைமையில் மிகப்பெரிய ஆர்ப்பாட்டம் நடைபெறும்.</p><p>இந்த மாவட்டம் என்ன பாவம் செய்தது? ஏழை மாணவர்கள் படிக்கக் கூடாதா? மாணவர்களுக்கு துரோகம் செய்த அரசை வீழ்த்த வேண்டும், வீழ்த்துவீர்களா? (கூட்டத்தினர் வீழ்த்துவோம்… வீழ்த்துவோம் என்று குரல் கொடுக்கிறார்கள்)</p><p>அறநிலையத்துறை மூலம் முழுமையான நிதி கிடைக்காது. பல பிரிவுகள் உருவாக்கணும், அரசுக் கல்லூரியாக இருந்தால் நல்லது. மாணவர்களின் எதிர்காலம் கருதி சொன்னேனே தவிர, கடலில் பேனா வைக்க 85 கோடி இருக்கு, கார் பந்தயம் நடத்த 40 கோடி இருக்கு, மாணவர்களுக்கு கல்லூரி கட்ட நிதி இல்லையா? தவறான அவதூறு செய்தி பரப்புறீங்க. உங்களைப் போல் ஏமாற்றுகின்ற கட்சியல்ல அதிமுக, மாணவர்கள் மீது அக்கறை உள்ள கட்சி.</p><p>180 அரசு கலைக் கல்லூரிகளில் 96 கல்லூரிகளில் முதல்வர் இல்லை, பேராசிரியர்கள் இல்லை. மக்களுக்கும் பாதுகாப்பில்லை, மாணவர்களின் எதிர்காலத்துக்கும் பாதுகாப்பில்லை. இப்படிப்பட்ட அரசை அகற்ற வேண்டும்..’’ என்று பேசினார்.</p><p><strong>‘ஜாகிர் உசேன் கொலைக்கு ஸ்டாலினே முழு பொறுப்பு’</strong></p><p>தொடர்ந்து விழுப்புரத்தில் இபிஎஸ் பேசுகையில், ‘‘விழுப்புரம் இன்னும் மாநகராட்சி ஆகவில்லை. கவலை வேண்டாம். அதிமுக ஆட்சியில் ஆக்கிடலாம். மின் கட்டணம் 52 சதவிகிதம் உயர்த்திவிட்டனர். கடை வரி 150 சதவிகிதம் உயர்த்திவிட்டனர். குப்பைக்கும் வரி போட்ட அரசு திமுக அரசு. வரி மேல் வரி போட்டு வாட்டி வதைக்கும் அரசு. மக்களைப் பற்றி சிந்திப்பதே கிடையாது.</p><p>விலைவாசி உயர்வு அதிகமாகிவிட்டது. இப்போது வாரத்துக்கு 3 நாள்தான் வேலை கிடைக்கிறது. அதிமுக ஆட்சியில் பச்சரிசி 40 ரூபாய். இப்ப 67 ரூபாய். 47 ரூபாய் விற்பனையான துவரம் பருப்பு இப்போது 74 ரூபாய். ஸ்டாலினுக்கு வீட்டு மக்களைப்பற்றி மட்டுமே கவலை இருக்கிறது, நாட்டு மக்களைப் பற்றி கவலையில்லை.</p><p>இப்போது எம் சாண்ட் ஒரு யூனிட் 5500 ரூபாய்… 2000 ரூபாய் உயர்ந்துவிட்டது. ஒரு யூனிட் ஜல்லி, கம்பி, செங்கல், சிமெண்ட் எல்லா விலையும் உயர்ந்துவிட்டது. இனி மக்கள் கனவில் தான் வீடு கட்ட வேண்டும். அந்தளவுக்கு விலைவாசி உயர்ந்துவிட்டது.</p><p><strong>சிறுபான்மை மக்களை எப்போ பாதுகாத்தீங்க?</strong></p><p>சிறுபான்மையினருக்கு பாதுகாப்பு கொடுத்த அரசு அதிமுக. ஜாகிர் உசேன் என்ற ஒருவர் வெட்டிக்கொலை செய்யப்படுவோம் என்று அச்சப்பட்டு புகார் கொடுத்தார், யாரும் கண்டுகொள்ளவில்லை. அவர் நினைத்தபடியே கொல்லப்படுகிறார். எல்லா வலைதளங்களிலும் வீடியோ போட்டார். இந்த முதல்வர் என்ன சொல்கிறார் என்றால், அவரது கதவு திறந்தே இருக்கும், பிரச்னைகளை சொல்லலாம் என்கிறார். ஆனால், மக்கள் கோரிக்கை வைத்தும் கண்டுகொள்வதில்லை.</p><p>நீ எங்கே சிறுபான்மை மக்களை பாதுகாத்த? ஜாகிர் உசேன் உயிரைக் காப்பாற்றி இருக்கலாம் அதன் முழு பொறுப்பை ஸ்டாலின் ஏற்கணும்.</p><p>இஸ்லாமிய மக்களுக்கு ரமலான் மாதத்தில் நோன்பு கஞ்சி தயாரிக்க அரிசி இலவசமாக கொடுத்தோம். ஹஜ் இல்லம் கட்ட 15 கோடி நிதி ஒதுக்கீடு செய்த அரசு அதிமுக. 2011ல் ஹாஜிகளூக்கு மதிப்பூதியம், முகைதினார்கள் ஓய்வூதியம் உயர்த்தி வழங்கியது. ஹாஜிகளுக்கு இருசக்கர வாகனம். உலமாக்களுக்கு ஓய்வூதியம் உயர்த்தப்பட்டது. சிறுபான்மை மக்களை பாதுக்காத்த அரசு அதிமுக. அரண் போல் பாதுகாத்த அரசு அதிமுக.</p><p><strong>நான்கரை ஆண்டுகள் என்ன செய்தீர்கள்?</strong></p><p>இப்ப ஸ்டாலின் புதுசா கண்டுபிடிச்சிருக்கார். நோட்டீஸ் கொண்டுவருவார்கள். நான்கரை ஆண்டு என்ன செய்த? மக்களே ஏமாறாதீர்கள். 2021ல் இப்படித்தான் குறையை பெட்டியில் போடுங்க என்றார். பெட்டிசன் எடுத்து தீர்வு காண்பேன் என்று சொன்னார். ஏன் செய்யலை? அப்புறம் எதுக்கு இந்த நோட்டீஸ். தேர்தல் வருவதால்தான் இந்த நோட்டீஸ். தொலைபேசி எண் கொடுத்தா வீடு புகுந்து பொருளை தூக்கிட்டு போய்டுவாங்க.</p><p>உங்களுடன் ஸ்டாலின் என்கிறார். நாங்க மக்களுடன் இருக்கிறோம், மக்களுடன் இபிஎஸ். திமுக ஆட்சியில் கமிஷன், கலெக்‌ஷன், கரப்ஷன். மதுரை மாநகரில் வரிப் பணத்தில் 200 கோடி ஊழல், போலி ரசீது கொடுத்து. 8 பேர் அதிகாரிகள் கைது. ஸ்டாலின் தலையிட்டு திமுகவை சேர்ந்தவர்கள் என்பதால் மண்டல தலைவர்களை ராஜினாமா செய்ய வைத்தார்கள். வேறு நடவடிக்கை எடுக்கப்படவில்லை. அதிமுக ஆட்சியில் அந்த முறைகேடு வழக்கு எடுத்து விசாரித்து உண்மை கண்டறியப்படும்.</p><p>ஸ்டாலின் நடத்துவது குடும்ப ஆட்சி. 2026ல் அதிமுக நடத்தப்போவது மக்கள் ஆட்சியாக இருப்போம். மக்களைக் காப்போம், தமிழகத்தை மீட்போம். இந்த சுற்றுப்பயணம் மிகப்பெரிய வெற்றி, விழுப்புரத்தில் எங்கு பார்த்தாலும் மக்கள் தலைகள். அதிமுக போட்டியிட்டால் இரட்டை இலையிலும், கூட்டணி கட்சியினருக்கு அவர்கள் சின்னத்திலும் வாக்களியுங்கள்..’’ என்று கேட்டுக்கொண்டார்</p>

அறநிலையத்துறை மூலம் முழுமையான நிதி கிடைக்காது. பல பிரிவுகள் உருவாக்கணும், அரசுக் கல்லூரியாக இருந்தால் நல்லது. மாணவர்களின் எதிர்காலம் கருதி சொன்னேனே தவிர, கடலில் பேனா வைக்க 85 கோடி இருக்கு, கார் பந்தயம் நடத்த 40 கோடி இருக்கு, மாணவர்களுக்கு கல்லூரி கட்ட நிதி இல்லையா?

ஆரம்ப சுகாதார நிலையத்தில் அலட்சியம்.. மேல்விஷாரத்தில் தடையை மீறி ஆர்ப்பாட்டம்.. அதிமுக மாஜி அமைச்சர் கைது

<p>ராணிப்பேட்டை மாவட்டம் மேல்விஷாரத்தில் அரசு ஆரம்ப சுகாதார நிலையம் செயல்பட்டு வருகிறது. கர்ப்பிணி தாய்மார்கள் மற்றும் நோயாளிகள் என நாள்தோறும் நூற்றுக்கணக்கான பொதுமக்கள் சிகிச்சைக்காக இங்கு வந்து செல்லும் நிலையில், அரசு ஆரம்ப சுகாதார நிலையத்தில் பணியாற்றும் மருத்துவர்கள் மற்றும் செவிலியர்கள் அலட்சியப்போக்கோடு செயல்படுவதாக குற்றச்சாட்டு எழுந்தது.</p><p>இதனை கண்டித்து கத்தியவாடி கூட்ரோடு பகுதியில், ராணிப்பேட்டை மேற்கு மாவட்ட அதிமுக செயலாளர் எஸ்.எம்.சுகுமார் தலைமையில், கண்டன ஆர்ப்பாட்டம் இன்று நடைபெற இருந்தது.</p><p><strong>மேலும் படிக்க: </strong><a href="https://tamil.hindustantimes.com/tamilnadu/aiadmk-is-the-only-party-even-an-ordinary-worker-can-reach-high-positions-says-edappadi-palanisamy-131751976530564.html" target="_blank">சாதாரண தொண்டனும் உயர் பதவிக்கு வரக்கூடிய ஒரே இயக்கம் அதிமுக.. மாற்றுக்கட்சியினர் இணைப்பு கூட்டத்தில் இபிஎஸ் பேச்சு</a></p><h2>முன்னாள் அமைச்சர் கைது</h2><p>இந்த ஆர்ப்பாட்டத்துக்கு போலீசார் அனுமதி வழங்காத நிலையில், தடையை மீறி அதிமுகவினர் ஆர்ப்பாட்டம் நடத்தினர். இதில் கலந்து கொண்ட முன்னாள் அமைச்சரும் ஆரணி தொகுதி சட்டப்பேரவை உறுப்பினருமான சேவூர் ராமச்சந்திரன் உட்பட 300க்கும் மேற்பட்டோரை ஆற்காடு நகர போலீசார் கைது செய்தனர். கைதானவர்களை வேன் மூலம் தனியார் திருமண மண்டபத்துக்கு அழைத்துச் சென்றனர்.</p><p>இதுகுறித்து செய்தியாளர்களை சந்தித்த அமைச்சர் சேவூர் ராமச்சந்திரன், அரசு மேம்படுத்தப்பட்ட ஆரம்ப சுகாதார நிலையத்தில் கட்டிடங்கள் அனைத்து வசதிகளுடன் கட்டப்பட்டு ஒரு பகுதி திறக்கப்படாமல் இருக்கிறது. அத்துடன் மருத்துவர்கள், செவலியர்களும் நோயாளிகளுக்கு சிகிச்சை அளிப்பதில் அலட்சியம் காட்டி வருகின்றனர்.</p><p><strong>மேலும் படிக்க: </strong><a href="https://tamil.hindustantimes.com/tamilnadu/is-the-stalin-government-raising-its-voices-only-to-intimidate-and-threaten-the-people-edappadi-palaniswami-condemns-131751518798574.html" target="_blank">மக்களை மிரட்டவும், அச்சுறுத்தவும் மட்டும் ஸ்டாலின் அரசின் குரல்கள் உயர்கின்றனவா? எடப்பாடி பழனிசாமி கண்டனம்</a></p><p>இதை கண்டித்து அதிமுக ஆர்ப்பாட்டம் நடத்த முயன்ற நிலையில், ஆளுங்கட்சியினர் திட்டமிட்டு ஆர்ப்பாட்டத்துக்கு அனுமதி வழங்க மறுத்தனர். எங்கள் மீது கைது நடவடிக்கையும் மேற்கொண்டுள்ளனர்.</p><h2>குரோமிய கழிவுகளை அகற்ற நடவடிக்கை இல்லை</h2><p>ராணிப்பேட்டை மேற்கு மாவட்ட செயலாளர் எஸ்.எம்.சுகுமார் செய்தியாளர்களிடம் கூறியதாவது, "ஆர்ப்பாட்டம் நடத்த கடந்த ஒரு வாரமாக அனைத்து ஏற்பாடுகளையும் செய்து வந்த நிலையில் போலீசார் திட்டமிட்டு அனுமதி மறுத்துள்ளனர்.</p><p><strong>மேலும் படிக்க: </strong><a href="https://tamil.hindustantimes.com/tamilnadu/edappadi-palanisamy-meets-tamil-nadu-all-entrepreneurs-federation-members-in-coimbatore-131751955954253.html" target="_blank">தொழில்துறை சரிவை சந்தித்து வருகிறது.. தொழில்முனைவோர்களிடம் இபிஎஸ் சந்திப்பு</a></p><p>ராணிப்பேட்டையில் புற்றுநோய் பரவ காரணமாக உள்ள டி.சி.சி. குரோமிய கழிவுகளை அகற்றுவதற்கு, அமைச்சர் காந்தி எவ்வித நடவடிக்கையும் எடுக்கவில்லை என குற்றம் சாட்டினார்.</p>

ராணிப்பேட்டை மாவட்டம் மேல்விஷாரத்திலுள்ள, மேல்விஷாரம் அரசு ஆரம்ப சுகாதார நிலையம் மருத்துவர்கள், செவிலியர்களை கண்டித்து ஆர்ப்பாட்டம் நடத்த அனுமதி மறுக்கப்பட்ட நிலையில், தடையை மீறி ஆர்ப்பாட்டம் நடத்திய முன்னாள் அமைச்சர் உட்பட 300க்கும் மேற்பட்ட அதிமுகவினர் கைது செய்யப்பட்டுள்ளனர்.

20 வயதில் 8 படங்களுக்கு மியூசிக்.. அசர வைக்கும் சாய் அபயங்கர்.. வாயை பிளக்கும் கோலிவுட்!

<p>இசையமைப்பாளரும், பாடகருமான சாய் அபயங்கர் கடந்த ஆண்டு ‘கச்சி சேர’ மற்றும் ‘ஆச கூட’ போன்ற இன்டிபென்டன்ட் ஆல்பங்களை வெளியிட்டு பிரபலமானார். அவர் வெளியிட்ட பாடல்களுக்கு மக்களிடையே கிடைத்த அமோக வரவேற்பு அவருக்கு திரைப்பட வாய்ப்புகளையும் பெற்றுத்தந்தது. </p><h2>8 படங்கள் கைவசம் </h2><p>அதன்படி பார்க்கும் போது, தற்போது வரை சாய் அபயங்கர் கைவசம் 8 படங்கள் இருக்கின்றன. இன்னும் ஒரு படம் கூட வெளியாகவில்லை. அதற்குள் எப்படி இந்த சின்னப் பையனுக்கு இத்தனை படங்கள் என்று விசாரித்தால், தற்போது சாய் அபயங்கருக்கு கிடைத்திருக்கும் புகழை தயாரிப்பாளர்கள் பணமாக மாற்ற முயற்சி செய்வதே காரணம் என்கிறார்கள். </p><h2>வரிசை கட்டும் படங்கள் </h2><p>அண்மையில், உன்னி சிவலிங்கத்தின் இயக்கத்தில் ஷேன் நிகாம் நடிப்பில் மலையாளம் மற்றும் தமிழில் உருவாக இருக்கும்  ‘பல்டி’ படத்தில் சாய் அபயங்கர் கமிட் ஆனார். இதன் மூலம் மலையாள திரையுலகிலும் சாய் அபயங்கர் கால் பதித்து இருக்கிறார். </p><p>முன்னதாக, லோகேஷ் கனகராஜ் எழுத்தில், பாக்யராஜ் கண்ணன் இயக்கத்தில், ராகவா லாரன்ஸ் நடிப்பில் உருவாகி வரும் ‘பென்ஸ்’ திரைப்படத்தில் இசையமைப்பாளராக கமிட் ஆன அவர், தொடர்ந்து ஆர்.ஜே. பாலாஜி இயக்கத்தில் நடிகர் சூர்யா, த்ரிஷா நடிப்பில் உருவாகி வரும்  ‘கருப்பு’, பிரதீப் ரங்கநாதன் நடிப்பில் அறிமுக இயக்குநர் கீர்த்திஷ்வரன் இயக்கத்தில் உருவாகி வரும்  ‘டூயூட்’, கார்த்தி நடிப்பில் இயக்குநர் தமிழ் இயக்கத்தில் உருவாக இருக்கும் ‘மார்ஷல்’, சிலம்பரசனின் 49 வது திரைப்படம் உள்ளிட்ட படங்களில் இசையமைப்பாளராக கமிட் ஆகி இருந்தார். இது குறித்தான அதிகாரப்பூர்வ அறிவிப்பும் வெளியானது. </p><p>இவைத் தவிர விநாயக் சந்திரசேகரன் இயக்கத்தில் சிவகார்த்திகேயன் நடிப்பில் உருவாக இருக்கும் திரைப்படம், அட்லீ - அல்லு அர்ஜூன் கூட்டணியில் உருவாக இருக்கும் திரைப்படம் ஆகியவற்றிலும் சாய் அபயங்கர்தான் மியூசிக் என்று சொல்லப்படுகிறது. ஆனால் இந்தப்படங்கள் குறித்தான அதிகாரப்பூர்வ அறிவிப்புகள் வெளியாக வில்லை. </p><h2>யார் இந்த சாய் அபயங்கர்? </h2><p>வலம் வரவேண்டும் என்ற பாடலை வெளியிட்டு இசைத்துறைக்கு அறிமுகமான சாய் அபயங்கர் பிரபல பாடகர்களான ஹரிணி மற்றும் திப்பு தம்பதியின் மகன் ஆவார். இந்த வருடம் சாய் அபயங்கர் இசையில் வெளியான சித்திர புத்திரி மற்றும் விழி வேகுரா உள்ளிட்ட ஆல்பங்களும் வரவேற்பை பெற்றது குறிப்பிடத்தக்கது. </p>

அண்மையில், உன்னி சிவலிங்கத்தின் இயக்கத்தில் ஷேன் நிகாம் நடிப்பில் மலையாளம் மற்றும் தமிழில் உருவாக இருக்கும் ‘பல்டி’ படத்தில் சாய் அபயங்கர் கமிட் ஆனார். இதன் மூலம் மலையாள திரையுலகிலும் சாய் அபயங்கர் கால் பதித்து இருக்கிறார்.

மாபெரும் வெற்றியை நோக்கிப் பயணிக்கும் ஓரணியில் தமிழ்நாடு பிரச்சாரம்.. மு.க. ஸ்டாலின் பெருமிதம்

<p>ஓரணியில் தமிழ்நாடு என்கிற பிரச்சாரத்தின் அடிப்படையில் திமுக சார்பில் தமிழ்நாடு முழுவதும் உறுப்பினர் சேர்க்கை நடைபெற்று வருகிறது. இந்த பிரச்சாரத்தை தமிழ்நாடு முதலமைச்சரும், திமுக தலைவருமான மு.க. ஸ்டாலின் தொடங்கி வைத்த நிலையில், மூத்த அமைச்சர்கள், கட்சி நிர்வாகிகள் என வார்டு வாரியாக உறுப்பினர் சேர்க்கையில் ஈடுபட்டு வருகின்றனர்.</p><p>சென்னையில் பல்வேறு பகுதிகளில் மு.க. ஸ்டாலின் நேரடியாக சென்று உறுப்பினர்களை சேர்க்கும் பணியில் ஈடுபட்டு வருகிறார். அதன்படி, இந்த முன்னெடுப்பில் ஏழு நாட்களின் முடிவில் சுமார் 50 லட்சத்து 62 ஆயிரம் உறுப்பினர்கள் சேர்க்கப்பட்டுள்ளதாக தெரிவிக்கப்பட்டுள்ளது.</p><h2>மாபெரும் வெற்றியை நோக்கி ஓரணியில் தமிழ்நாடு பயணம்</h2><p>ஒரே வாரத்தில் 50 லட்சம் உறுப்பினர்களை கடந்திருப்பது குறித்து கட்சியனருக்கு பாராட்டுகளை தெரிவித்துள்ளார் திமுக தலைவர் மு.க. ஸ்டாலின். இதுதொடர்பாக முதலமைச்சரும், திமுக தலைவருமான மு.க. ஸ்டாலின் தனது எக்ஸ் பக்கத்தில் பகிர்ந்திருக்கும் பதிவில், "50 லட்சம் உறுப்பினர்களைக் கடந்து, #ஓரணியில்_தமிழ்நாடு மாபெரும் வெற்றியை நோக்கிப் பயணித்துக் கொண்டிருக்கிறது! இன்று காலை, திருவாரூரில் தலைவர் கலைஞர் வாழ்ந்த சந்நிதி தெருவில், நானும் உறுப்பினர் சேர்க்கையில் ஈடுபட்டேன்!</p><p><strong>மேலும் படிக்க: </strong><a href="https://tamil.hindustantimes.com/tamilnadu/oraniyil-tamil-nadu-we-must-reach-every-family-in-tamil-nadu-says-m-k-stalin-131751134085652.html" target="_blank">தமிழ்நாட்டில் ஒவ்வொரு குடும்பத்தையும் நாம் சென்றடையே வேண்டும்.. மு.க. ஸ்டாலின்</a></p><h2>தங்கம் தென்னரசுக்கு வாழ்த்துகள்</h2><p>தமிழ்நாடு முழுவதுடன் எழுச்சியுடன் நடைபெற்று வரும் இந்த முன்னெடுப்பில், 54,310 புதிய உறுப்பினர்களையும் 30,975 குடும்பங்களையும் கழகத்தில் இணைத்து முதலிடத்தில் முந்தியிருக்கிறது #திருச்சுழி சட்டமன்றத் தொகுதி! மாவட்டக் கழகச் செயலாளர் தங்கம் தென்னரசு உள்ளிட்ட கழக நிர்வாகிகளுக்கு வாழ்த்துகள்!</p><p>திருச்சுழியை முந்திச் செல்ல, களத்தில் பணியாற்றும் அனைவருக்கும் என்னுடைய வாழ்த்துகள்! உங்கள் அனைவரது உழைப்பால் நம்முடைய இலக்கை நிச்சயம் எட்டுவோம்! வெற்றி விழாவில் சந்திப்போம்!" என குறிப்பிட்டுள்ளார்.</p><p><strong>மேலும் படிக்க: </strong><a href="https://tamil.hindustantimes.com/tamilnadu/cm-stalin-oraniyil-tamil-nadu-aims-to-block-communal-forces-traitors-from-dividing-the-state-131751088132213.html" target="_blank">ஓரணியில் தமிழ்நாடு! 2026 தேர்தல் வியூகம்.. மு.க. ஸ்டாலின் கடிதம்</a></p><h2>திருவாரூர் சுற்றுப்பயணம்</h2><p>டெல்டா மாவட்டமான திருவாரூருக்கு இரண்டு நாள் சுற்றுப்பயணம் சுற்றுபயணமாக வந்த முதலமைச்சர் மு.க. ஸ்டாலின், ஓரணியில் தமிழ்நாடு பிரச்சாரத்தை மேற்கொண்டார்.</p><p>திருவாரூர் நகர் பகுதிக்கு உட்பட்ட சன்னதி தெருவில் உள்ள வீடுகளுக்கு நேரடியாக சென்று பிரச்சாரம் மேற்கொண்டார். அப்போது உறுப்பினர் சேர்க்கையில் ஈடுபட்டார். அப்போது ஒரு வீட்டில் பிரச்சாரம் மேற்கொண்டபோது, வீட்டின் உரிமையாளரிடம் தேநீர் வாங்கி பருகினார். பின்னர் சால்வைகள் அணிவித்து, அந்த குடும்பத்தினரிடம் புகைப்படம் எடுத்துக்கொண்டார்.</p><p><strong>மேலும் படிக்க: </strong><a href="https://tamil.hindustantimes.com/tamilnadu/like-pollachi-case-action-will-be-taken-on-kodanad-case-too-says-mk-stalin-131747205474187.html" target="_blank">பொள்ளாச்சி வழக்கு போல் கோடநாடு வழக்கிலும் நடவடிக்கை.. மு.க. ஸ்டாலின்</a></p><p>இந்த நிகழ்வின்போது திருவாரூர் சட்டப்பேரவை உறுப்பினர், மாவட்ட செயலாளர் பூண்டி, கே. கலைவாணன், தொழில்துறை அமைச்சர் டி.ஆர்.பி. ராஜா, பள்ளிக்கல்வித்துறை அமைச்சர் அன்பில் மகேஷ் பொய்யமொழி உள்ளிட்ட பலரும் உடன் இருந்தனர்.</p>

50 லட்சம் உறுப்பினர்களைக் கடந்து, ஓரணியில் தமிழ்நாடு மாபெரும் வெற்றியை நோக்கிப் பயணித்துக் கொண்டிருக்கிறது. திருவாரூரில் தலைவர் கலைஞர் வாழ்ந்த சந்நிதி தெருவில், நானும் உறுப்பினர் சேர்க்கையில் ஈடுபட்டேன் என்று மு.க. ஸ்டாலின் தெரிவித்துள்ளார்.

கார் ரேஸிங்குக்கு குட்டி பிரேக்.. பைக் சாகச பயணத்தை தொடங்கிய அஜித் குமார்.. ருமேணியா, பல்கேரியாவில் பைக் ரைட்

<p>நடிகராக மட்டுமல்லாமல் தனக்கு மிகவும் பிடித்தமான கார் ரேஸிங், பைக் ரைட் ஆகியவற்றிலும் கவனம் செலுத்தி வரும் அஜித்குமார் தற்போது ஐரோப்பிய நாடுகளான ருமேனியா, பல்கேரியாவில் மோட்டர் சைக்கிள் சாகச சுற்றுப்பயணத்தை மேற்கொண்டுள்ளார். கார் பந்தயத்தில் ஈடுபட்டு வந்த அவர், தற்போது அதிலிருந்து குட்டி பிரேக் எடுத்துக்கொண்டு மோட்டார் சைக்கிளில் ஏறி ருமேனியா மற்றும் பல்கேரியாவின் பல்வேறு பகுதிகளில் சுற்றி வலம் வந்துள்ளார். அவரது குழுவினர், பைக்கர்ஸ் குழுவுடன் இணைந்து நடிகர் அஜித்தின் பைக் பயண சாகச வீடியோவை அவரது குழுவினர்கள் சமூக வலைத்தளங்களில் பகிர்ந்துள்ளனர்.</p><h2>அஜித் குமாரின் லேட்டஸ்ட் பைக் சவாரி</h2><p>அஜித்தின் குழுவினர், பைக்கர்ஸ் குழுவை அவர் வழிநடத்தும் வீடியோவை எக்ஸ் மற்றும் இன்ஸ்டாகிராமில் வெளியிட்டுள்ளனர், அதில், "எல்லைகள் ஒரு வரைபடத்தில் உள்ள கோடுகள் மட்டுமே. ஆர்வம் நம்மை அதற்கு அப்பால் அழைத்துச் செல்கிறது. காவியமான ருமேனியா மற்றும் பல்கேரியா சுற்றுப்பயணத்தின் முதல் நாள், பெருமூச்சு வரவழைக்கும் சாலைகளில் அச்சமற்ற ரைடர்களை சந்திக்கிறது .</p><p>மேலும் படிக்க: <a href="https://tamil.hindustantimes.com/entertainment/padma-bhushan-ajith-kumar-on-pahalgam-terror-attack-we-should-learn-to-respect-every-religion-131745896086461.html" target="_blank">எல்லா மதத்தையும், சாதியையும் மதிப்போம்! பகல்ஹாம் தாக்குதல் குறித்து அஜித்குமார்</a></p><p>எங்கள் நிறுவனர் மற்றும் தலைமை நிர்வாக அதிகாரி அஜித் குமார், இந்த முயற்சியை முன்னெடுத்துச் சென்று, நம் கனவுகள் மற்றும் நம் மோட்டார் சைக்கிள்கள் நம்மை எவ்வளவு தூரம் அழைத்துச் செல்ல முடியும் என்பதை உலகுக்குக் காண்பிப்பதில் பெருமை கொள்கிறார். நோக்கத்துடன் சவாரி செய்யுங்கள். வீனஸ் மோட்டார் சைக்கிள் டூர்ஸுடன் சவாரி செய்யுங்கள்" என பதிவிடப்பட்டுள்ளது.</p><h2>அஜித்குமார் மோட்டர் சைக்கிள் சுற்றுலா கம்பெனி</h2><p>முன்னதாக, அஜித்குமார் மோட்டார் சைக்கிள் சுற்றுலா நிறுவனத்தை தொடங்கியபோது வெளியிட்ட அறிக்கையில், "வாழ்க்கை ஒரு அழகான சவாரி. திருப்பங்கள் மற்றும் உங்கள் முன்னால் உள்ள திறந்த சாலைகளைத் தழுவுங்கள்" என்ற இந்த மேற்கோளை நான் நீண்ட காலமாக பின்பற்றி விரும்பி வாழ்ந்து வருகிறேன்.</p><p>ஏகே மோட்டோ ரைடு என்ற மோட்டார் சைக்கிள் சுற்றுலா நிறுவனம் மூலம், மோட்டார் சைக்கிள்கள் மற்றும் வெளிப்புறங்கள் மீதான எனது ஆர்வத்தை ஒரு தொழில்முறை முயற்சியாக மாற்றப் போகிறேன் என்பதை இப்போது பகிர்ந்து கொள்வதில் மகிழ்ச்சி அடைகிறேன்" என்று கூறியிருந்தார். இந்த நிறுவனம் உலகம் முழுவதும் மோட்டார் சைக்கிள் சுற்றுப்பயணங்களை வழங்குகிறது. இதில் அஜித்குமாரும் சில சவாரிகளில் இணைகிறார்.</p><p><strong>மேலும் படிக்க: </strong><a href="https://tamil.hindustantimes.com/entertainment/ajithkumar-betters-his-own-record-and-heading-to-be-the-best-at-the-barcelona-race-131741079581701.html" target="_blank">270 கிமீ வேகம்.. சீறிப்பாய்ந்த கார்.. தன்னுடைய சாதனையை தானே முறியிடித்த அஜித்குமார்</a></p><p>சமீபத்தில், அறிமுகப்படுத்திய அஜித் குமார் ரேசிங் மூலம் கார் பந்தயத்தில் மும்முரமாக ஈடுபட்டுள்ளார் அஜித்குமார். இவரது அணி சமீபத்தில் பிரான்சில் உள்ள சர்க்யூட் பால் ரிக்கார்டில் நடந்த மிச்செலின் 12H இல் போட்டியிட்டது.</p>

<blockquote class="instagram-media" data-instgrm-permalink="https://www.instagram.com/reel/DL2S1Z4TPFN/?utm_source=ig_embed&amp;utm_campaign=loading" data-instgrm-version="14" style=" background:#FFF; border:0; border-radius:3px; box-shadow:0 0 1px 0 rgba(0,0,0,0.5),0 1px 10px 0 rgba(0,0,0,0.15); margin: 1px; max-width:540px; min-width:326px; padding:0; width:99.375%; width:-webkit-calc(100% - 2px); width:calc(100% - 2px);"><div style="padding:16px;"> <a href="https://www.instagram.com/reel/DL2S1Z4TPFN/?utm_source=ig_embed&amp;utm_campaign=loading" style=" background:#FFFFFF; line-height:0; padding:0 0; text-align:center; text-decoration:none; width:100%;" target="_blank"> <div style=" display: flex; flex-direction: row; align-items: center;"> <div style="background-color: #F4F4F4; border-radius: 50%; flex-grow: 0; height: 40px; margin-right: 14px; width: 40px;"></div> <div style="display: flex; flex-direction: column; flex-grow: 1; justify-content: center;"> <div style=" background-color: #F4F4F4; border-radius: 4px; flex-grow: 0; height: 14px; margin-bottom: 6px; width: 100px;"></div> <div style=" background-color: #F4F4F4; border-radius: 4px; flex-grow: 0; height: 14px; width: 60px;"></div></div></div><div style="padding: 19% 0;"></div> <div style="display:block; height:50px; margin:0 auto 12px; width:50px;"><svg width="50px" height="50px" viewBox="0 0 60 60" version="1.1" xmlns="https://www.w3.org/2000/svg" xmlns:xlink="https://www.w3.org/1999/xlink"><g stroke="none" stroke-width="1" fill="none" fill-rule="evenodd"><g transform="translate(-511.000000, -20.000000)" fill="#000000"><g><path d="M556.869,30.41 C554.814,30.41 553.148,32.076 553.148,34.131 C553.148,36.186 554.814,37.852 556.869,37.852 C558.924,37.852 560.59,36.186 560.59,34.131 C560.59,32.076 558.924,30.41 556.869,30.41 M541,60.657 C535.114,60.657 530.342,55.887 530.342,50 C530.342,44.114 535.114,39.342 541,39.342 C546.887,39.342 551.658,44.114 551.658,50 C551.658,55.887 546.887,60.657 541,60.657 M541,33.886 C532.1,33.886 524.886,41.1 524.886,50 C524.886,58.899 532.1,66.113 541,66.113 C549.9,66.113 557.115,58.899 557.115,50 C557.115,41.1 549.9,33.886 541,33.886 M565.378,62.101 C565.244,65.022 564.756,66.606 564.346,67.663 C563.803,69.06 563.154,70.057 562.106,71.106 C561.058,72.155 560.06,72.803 558.662,73.347 C557.607,73.757 556.021,74.244 553.102,74.378 C549.944,74.521 548.997,74.552 541,74.552 C533.003,74.552 532.056,74.521 528.898,74.378 C525.979,74.244 524.393,73.757 523.338,73.347 C521.94,72.803 520.942,72.155 519.894,71.106 C518.846,70.057 518.197,69.06 517.654,67.663 C517.244,66.606 516.755,65.022 516.623,62.101 C516.479,58.943 516.448,57.996 516.448,50 C516.448,42.003 516.479,41.056 516.623,37.899 C516.755,34.978 517.244,33.391 517.654,32.338 C518.197,30.938 518.846,29.942 519.894,28.894 C520.942,27.846 521.94,27.196 523.338,26.654 C524.393,26.244 525.979,25.756 528.898,25.623 C532.057,25.479 533.004,25.448 541,25.448 C548.997,25.448 549.943,25.479 553.102,25.623 C556.021,25.756 557.607,26.244 558.662,26.654 C560.06,27.196 561.058,27.846 562.106,28.894 C563.154,29.942 563.803,30.938 564.346,32.338 C564.756,33.391 565.244,34.978 565.378,37.899 C565.522,41.056 565.552,42.003 565.552,50 C565.552,57.996 565.522,58.943 565.378,62.101 M570.82,37.631 C570.674,34.438 570.167,32.258 569.425,30.349 C568.659,28.377 567.633,26.702 565.965,25.035 C564.297,23.368 562.623,22.342 560.652,21.575 C558.743,20.834 556.562,20.326 553.369,20.18 C550.169,20.033 549.148,20 541,20 C532.853,20 531.831,20.033 528.631,20.18 C525.438,20.326 523.257,20.834 521.349,21.575 C519.376,22.342 517.703,23.368 516.035,25.035 C514.368,26.702 513.342,28.377 512.574,30.349 C511.834,32.258 511.326,34.438 511.181,37.631 C511.035,40.831 511,41.851 511,50 C511,58.147 511.035,59.17 511.181,62.369 C511.326,65.562 511.834,67.743 512.574,69.651 C513.342,71.625 514.368,73.296 516.035,74.965 C517.703,76.634 519.376,77.658 521.349,78.425 C523.257,79.167 525.438,79.673 528.631,79.82 C531.831,79.965 532.853,80.001 541,80.001 C549.148,80.001 550.169,79.965 553.369,79.82 C556.562,79.673 558.743,79.167 560.652,78.425 C562.623,77.658 564.297,76.634 565.965,74.965 C567.633,73.296 568.659,71.625 569.425,69.651 C570.167,67.743 570.674,65.562 570.82,62.369 C570.966,59.17 571,58.147 571,50 C571,41.851 570.966,40.831 570.82,37.631"></path></g></g></g></svg></div><div style="padding-top: 8px;"> <div style=" color:#3897f0; font-family:Arial,sans-serif; font-size:14px; font-style:normal; font-weight:550; line-height:18px;">View this post on Instagram</div></div><div style="padding: 12.5% 0;"></div> <div style="display: flex; flex-direction: row; margin-bottom: 14px; align-items: center;"><div> <div style="background-color: #F4F4F4; border-radius: 50%; height: 12.5px; width: 12.5px; transform: translateX(0px) translateY(7px);"></div> <div style="background-color: #F4F4F4; height: 12.5px; transform: rotate(-45deg) translateX(3px) translateY(1px); width: 12.5px; flex-grow: 0; margin-right: 14px; margin-left: 2px;"></div> <div style="background-color: #F4F4F4; border-radius: 50%; height: 12.5px; width: 12.5px; transform: translateX(9px) translateY(-18px);"></div></div><div style="margin-left: 8px;"> <div style=" background-color: #F4F4F4; border-radius: 50%; flex-grow: 0; height: 20px; width: 20px;"></div> <div style=" width: 0; height: 0; border-top: 2px solid transparent; border-left: 6px solid #f4f4f4; border-bottom: 2px solid transparent; transform: translateX(16px) translateY(-4px) rotate(30deg)"></div></div><div style="margin-left: auto;"> <div style=" width: 0px; border-top: 8px solid #F4F4F4; border-right: 8px solid transparent; transform: translateY(16px);"></div> <div style=" background-color: #F4F4F4; flex-grow: 0; height: 12px; width: 16px; transform: translateY(-4px);"></div> <div style=" width: 0; height: 0; border-top: 8px solid #F4F4F4; border-left: 8px solid transparent; transform: translateY(-4px) translateX(8px);"></div></div></div> <div style="display: flex; flex-direction: column; flex-grow: 1; justify-content: center; margin-bottom: 24px;"> <div style=" background-color: #F4F4F4; border-radius: 4px; flex-grow: 0; height: 14px; margin-bottom: 6px; width: 224px;"></div> <div style=" background-color: #F4F4F4; border-radius: 4px; flex-grow: 0; height: 14px; width: 144px;"></div></div></a><p style=" color:#c9c8cd; font-family:Arial,sans-serif; font-size:14px; line-height:17px; margin-bottom:0; margin-top:8px; overflow:hidden; padding:8px 0 7px; text-align:center; text-overflow:ellipsis; white-space:nowrap;"><a href="https://www.instagram.com/reel/DL2S1Z4TPFN/?utm_source=ig_embed&amp;utm_campaign=loading" style=" color:#c9c8cd; font-family:Arial,sans-serif; font-size:14px; font-style:normal; font-weight:normal; line-height:17px; text-decoration:none;" target="_blank">A post shared by Venus Motorcycle Tours (@venusmotorcycletours)</a></p></div></blockquote>
<script async src="//www.instagram.com/embed.js"></script>

<h2>அஜித்குமார் படங்கள்</h2><p>அஜித்குமார் நடிப்பில் இந்த ஆண்டில் விடாமுயற்சி, குட் பேட் அக்லி என இரண்டு படங்கள் வெளியாகியுள்ளன. இதில் மகிழ் திருமேனி இயக்கியிருந்த விடாமுயற்சி படம் கலவையான விமர்சனங்களை பெற்ற நிலையில் பாக்ஸ் ஆபிஸில் ரூ.135.65 கோடி வசூலித்ததாக கூறப்படுகிறது. ஆதிக் ரவிச்சந்திரன் இயக்கத்தில் கடந்த ஏப்ரல் மாதம் ரிலீசான விடாமுயற்சி படம் ரசிகர்களை வெகுவாக கவர்ந்ததுடன், பாக்ஸ் ஆபிஸில் ரூ.246.15 கோடி வசூலித்ததாக சொல்லப்படுகிறது.</p><p>இந்த இரு படங்களை தொடர்ந்து அஜித் நடிக்க இருக்கும் புதிய படம் குறித்த தகவல் எதுவும் வெளியாகவில்லை. இதற்கிடையே அஜித்குமார், மீண்டும் ஆதிக் ரவிச்சந்திரன் இயக்கத்தில் நடிக்க இருப்பதாக தகவல்கள் உலா வருகின்றன.</p><p><strong>மேலும் படிக்க: </strong><a href="https://tamil.hindustantimes.com/entertainment/thala-ajith-kumar-urges-people-to-travel-to-break-religious-barriers-in-new-viral-video-131728123847445.html" target="_blank">பயணமும் ஒரு வகை கல்விதான்.. வெளியே வந்த அஜித்குமார்</a></p><p>கடந்த ஆண்டில் அஜித்குமார் முதன்முதலில் சர்வதேச அளவிலான கார் பந்தயங்களில் போட்டியிடத் தொடங்கியபோது, "வருடத்தில் ரேஸ் பந்தய சீசனின் போது அதில் கவனம் செலுத்தப்போவதாகவும், ரேஸ் இல்லாத காலகட்டத்தில் சினிமாக்களில் நடிக்க திட்டமிட்டிருப்பதாகவும் தெரிவித்தார். சமீபத்தில் அவருக்கு நாட்டின் உயரிய குடிமகன் விருதான பத்ம பூஷண் விருது வழங்கப்பட்டது.</p>

<ul><li>கார் ரேஸிங்கில் இருந்து குட்டி பிரேக் எடுத்துக்கொண்டிருக்கும் அஜித் குமார், ருமேனியா மற்றும் பல்கேரியாவில் மோட்டார் சைக்கிள் சாகச சுற்றுப்பயணத்தை மேற்கொண்டுள்ளார்.</li></ul>

”உள்ளாட்சியில் நல்லாட்சியா? திமுக குடும்பத்தின் கோர ஆட்சியா?” ஈபிஎஸ் சரமாரி கேள்வி!

<p>”உள்ளாட்சியில் நல்லாட்சியா? திமுக குடும்பத்தின் கோர ஆட்சியா?” திமுக அரசுக்கு எடப்பாடி பழனிசாமி கடும் கண்டனம் தெரிவித்து உள்ளார். </p><p>தமிழக உள்ளாட்சி அமைப்புகளில் "நல்லாட்சி" என்பது வெறும் வாய்ச்சொல் வீரமாகவே உள்ளது என்றும், திமுக ஆட்சி குடும்ப நலனுக்காகச் செயல்பட்டு மக்களிடம் நம்பிக்கையை இழந்துவிட்டதாகவும் அதிமுக பொதுச் செயலாளரும், சட்டமன்ற எதிர்க்கட்சித் தலைவரும், தமிழ்நாட்டின் முன்னாள் முதலமைச்சருமான எடப்பாடி பழனிசாமி தெரிவித்து உள்ளார். </p><p>குறிப்பாக, மதுரை மாநகராட்சியில் நடந்த சொத்து வரி முறைகேடு, திமுக ஆட்சியில் உள்ளாட்சி அமைப்புகள் குடும்பத்தினரால் ஆக்கிரமிக்கப்பட்டு, ஊழல் கோரத்தாண்டவம் ஆடுவதன் அப்பட்டமான உதாரணம் என அவர் சாடியுள்ளார்.</p><h2>மதுரை மாநகராட்சி சொத்து வரி முறைகேடு: 8 பேர் கைது </h2><p>சில நாட்களுக்கு முன்பு மதுரை மாநகராட்சியில் சொத்து வரி விதிப்பில் மிகப் பெரிய ஊழல் மற்றும் முறைகேடு நடந்திருப்பதாகக் கூறப்படுகிறது. இந்த வழக்கில், முன்னாள் உதவி ஆணையர் மற்றும் மண்டலத் தலைவரின் உதவியாளர் உட்பட இதுவரை 8 பேர் கைது செய்யப்பட்டுள்ளனர். கைது செய்யப்பட்டவர்கள் அனைவரும் திமுகவைச் சேர்ந்த மண்டலத் தலைவர்கள் மற்றும் மாமன்ற உறுப்பினர்கள் ஆவர். மேலும் பலர் கைது செய்யப்படலாம் என்றும் செய்திகள் தெரிவிக்கின்றன.</p><h2>அறிவியல் பூர்வமான ஊழல் </h2><p>இதேபோல், மதுரை, கோவை, திருநெல்வேலி ஆகிய மாநகராட்சிகளின் மேயர்களும் ஏற்கனவே ராஜினாமா செய்துள்ளனர். குற்றச் சம்பவங்களில் ஈடுபட்டவர்களைப் பாதுகாக்க முதல்வர் திரு. ஸ்டாலின் முயல்வதாகவும், அதன் ஒரு பகுதியாகவே குற்றச்சாட்டுகளில் சிக்கிய திமுக மண்டலக் குழுத் தலைவர்களை ராஜினாமா செய்ய அவர் உத்தரவிட்டதாகவும் திரு. எடப்பாடி பழனிசாமி தனது அறிக்கையில் குறிப்பிட்டுள்ளார். அரசுத் துறையின் ஆணையரையே குறிப்பிட்டு, அறிவியல் ரீதியாக ஊழல் நடந்திருப்பதாகக் கூறப்படும், திமுகவின் கட்டுபாட்டில் உள்ள மாநகராட்சிகள், நகராட்சிகள், பேரூராட்சிகளில் உள்ள திமுக மேயர்கள் மற்றும் தலைவர்களுக்கு எதிராகவும் குற்றச்சாட்டுகள் எழுந்துள்ளன.</p><h2>மக்கள் நலனுக்குப் புறம்பான வரி உயர்வுகள் </h2><p>திமுக ஆட்சிக்கு வந்ததிலிருந்து, சொத்து வரி 6 மடங்கு உயர்த்தப்பட்டுள்ளதாகவும், பல மடங்கு குடிநீர் கட்டணம், கழிவுநீர்க் கட்டணம், தொழில் வரி மற்றும் குப்பைக் கட்டணம் ஆகியவை உயர்த்தப்பட்டுள்ளதாகவும் எதிர்க்கட்சித் தலைவர் குற்றம் சாட்டியுள்ளார். ஆனால், இந்த வரி உயர்வுகளுக்கு ஏற்ப சாலை வசதி, குடிநீர் வசதி, தெருவிளக்கு வசதி உள்ளிட்ட மக்களின் அடிப்படை வசதிகள் எதையும் திமுக அரசு மேம்படுத்தவில்லை என்றும், நிதி நிலையை உயர்த்துவதற்கு திறனற்ற திமுக ஆட்சி, மக்களைச் சுமையாக்கி விட்டது என்றும் அவர் சுட்டிக்காட்டியுள்ளார்.</p><p><strong>திமுகவின் "நல்லாட்சி" வெறும் வெற்று விளம்பரம்   </strong></p><p>"எங்கு நீதி மறைந்து நிழல் ஆட்சி செய்கிறதோ, அங்கு நல்லாட்சி என்பது வெறும் வாக்குறுதியே!" என்ற தத்துவம் தமிழ்நாட்டின் உள்ளாட்சி அமைப்புகளின் தற்போதைய நிலையைத் துல்லியமாக வெளிப்படுத்துகிறது என திரு. எடப்பாடி பழனிசாமி தெரிவித்துள்ளார். உள்ளாட்சி அமைப்புகள் மக்கள் நலனுக்காக உருவாக்கப்பட்டவை என்றும், அவை ஆளுங்கட்சியின் குடும்ப ஆதிக்கத்திற்காக உருவாக்கப்பட்டனவா என்ற சந்தேகம் எழுவதாகவும் அவர் கேள்வி எழுப்பியுள்ளார். ஊழல் குற்றச்சாட்டுகள் எதிர்க்கட்சியினர் மற்றும் பொதுமக்களால் மட்டுமல்லாமல், திமுக மாமன்ற உறுப்பினர்கள் மற்றும் கூட்டணிக் கட்சியினராலும் பேசப்பட்டு வருகின்றன.</p><p>தமிழக மக்கள் 2021 சட்டமன்றத் தேர்தலில் திமுகவைத் தேர்ந்தெடுத்தது ஏன் என்று தங்களைத் தாங்களே நொந்து கொண்டிருப்பதாகவும், திமுக அரசு ஜனநாயகத்திற்கு எதிரானது என்றும் திரு. பழனிசாமி கூறியுள்ளார். மக்கள் கூட்டங்களில், உள்ளாட்சி அமைப்புகள் மக்களின் வளர்ச்சிக்காகவே தவிர, குடும்ப ஆதிக்கத்திற்கு அல்ல என்பதை வரவிருக்கும் 2026 சட்டமன்றத் தேர்தலில் திரு. ஸ்டாலினுக்கு உணர்த்தத் தயாராக இருப்பதாகவும் மக்கள் தெரிவிப்பதாக அவர் குறிப்பிட்டுள்ளார்.</p><h2>2026-ல் அதிமுக ஆட்சி </h2><p>வரும் 2026-ல் அனைத்திந்திய அண்ணா திராவிட முன்னேற்றக் கழக ஆட்சி அமையும்போது, தவறு இழைத்தவர்கள் எவராக இருந்தாலும் அவர்கள் மீது சட்டப்படி கடும் நடவடிக்கை எடுக்கப்படும் என்பதைத் தெரிவித்துக் கொள்வதாக திரு. எடப்பாடி கே. பழனிசாமி உறுதியளித்துள்ளார்.</p>

"எங்கு நீதி மறைந்து நிழல் ஆட்சி செய்கிறதோ, அங்கு நல்லாட்சி என்பது வெறும் வாக்குறுதியே!" என்ற தத்துவம் தமிழ்நாட்டின் உள்ளாட்சி அமைப்புகளின் தற்போதைய நிலையைத் துல்லியமாக வெளிப்படுத்துகிறது