TVK leader Vijay: ‘கச்சத்தீவை மீட்க வேற ரூட் எடுக்கும் தவெக தலைவர் விஜய்!’ அடேங்கப்பா இது நம்ம லிஸ்டுலயே இல்லையே!

paragraph

<p>கச்சத்தீவு மீட்பில் இடைக்காலத் தீர்வு 99 வருடங்களுக்கான குத்தகை ஒப்பந்தமே என தவெக தலைவர் விஜய் தெரிவித்து உள்ளார்.</p><p>கச்சத்தீவு மீட்பு மற்றும் தமிழக மீனவர்களின் பாதுகாப்பு குறித்து தமிழக வெற்றிக் கழக (தவெக) தலைவர் விஜய் முக்கிய அறிக்கை ஒன்றை வெளியிட்டுள்ளார். இதில், கச்சத்தீவை மீட்பதே மீனவர்களின் பாதுகாப்புக்கு நிரந்தரத் தீர்வு என்றும், அதுவரை இடைக்காலத் தீர்வாக 99 ஆண்டு குத்தகை ஒப்பந்தம் மூலம் கச்சத்தீவைப் பெற வேண்டும் என்றும் அவர் வலியுறுத்தியுள்ளார்.</p><h2>”99 ஆண்டு கால குத்தகை ஒப்பந்தம்”</h2><p>"கச்சத்தீவு மீண்டும் இந்தியாவுக்கு சொந்தமாவது மட்டுமே தமிழக மீனவர்களின் பிரச்சினைகளுக்கு ஒரே தீர்வு. அதுவரை, 99 ஆண்டு குத்தகை ஒப்பந்தம் மூலம் கச்சத்தீவைப் பெற வேண்டும். இதற்கு ஒன்றிய அரசு எவ்வித சமரசமும் இன்றி ஒப்பந்தத்தை நிறைவேற்ற வேண்டும். மாண்புமிகு பிரதமர் திரு. நரேந்திர மோடி அவர்கள் இலங்கை அரசிடம் இதை வலியுறுத்தி பெற வேண்டும்," என்று விஜய் கூறினார்.</p><p>மேலும், இலங்கை அரசு ஐ.நா.வின் கடல்சார் சட்டப் பிரகடனத்தை மதித்து கடைப்பிடிக்க வேண்டும் என்றும், மீனவர்களின் உயிரையும் உணர்வையும் பாதுகாப்பது ஒன்றிய மற்றும் மாநில அரசுகளின் தலையாய கடமை என்றும் அவர் வலியுறுத்தினார்.</p>

<blockquote class="twitter-tweet"><p lang="zxx" dir="ltr"><a href="https://t.co/2sxbWfx82x">pic.twitter.com/2sxbWfx82x</a></p>&mdash; TVK Vijay (@TVKVijayHQ) <a href="https://twitter.com/TVKVijayHQ/status/1908125316725277064?ref_src=twsrc%5Etfw">April 4, 2025</a></blockquote> <script async src="https://platform.twitter.com/widgets.js" charset="utf-8"></script>

<h2>தவெகவின் அழுத்தமும்! திமுகவின் அதிகார பசியும்!</h2><p>தவெக-வின் பொதுக்குழு தீர்மானம் மற்றும் தீர்க்கமான நிலைப்பாடு, தமிழக அரசை கச்சத்தீவு மீட்பு மற்றும் மீனவர் பாதுகாப்பு நோக்கி நகர வைத்துள்ளதாக விஜய் தெரிவித்தார். ஆனால், 1974-ல் கச்சத்தீவு கைவிடப்பட்டதற்கு அன்றைய ஆளும் கட்சியான தி.மு.க.வின் ஆட்சி அதிகாரப் பசியே காரணம் என்று அவர் குற்றம் சாட்டினார்.</p><p>"1999 முதல் 2014 வரை ஒன்றிய அரசுகள் தி.மு.க.வின் தயவில் இயங்கின. அப்போது கச்சத்தீவு விவகாரத்தை கண்டுகொள்ளாமல் விட்டுவிட்டு, இப்போது தனித் தீர்மானம் என்று கண்துடைப்பு நாடகம் நடத்துவது ஏன்? இது தமிழக மக்களிடமும் கேள்வியாக எழுந்துள்ளது," என்று விஜய் விமர்சித்தார். மேலும், தி.மு.க. அரசு ஒன்றிய அரசுக்கு வாஞ்சையோடு ஆதரவு அளித்து, வெற்று விளம்பரங்களை மட்டுமே செய்வதாகவும், 2026 சட்டமன்றத் தேர்தல் நெருங்குவதால் இப்போது தனித் தீர்மானம் இயற்றுவது அந்தர் பல்டி அரசியல் என்றும் அவர் கடுமையாக கண்டித்தார்.</p><h2>தமிழக மீனவர்களை மட்டும் கைவிடுவது ஏன்?</h2><p>கடந்த 10 ஆண்டுகளாக ஒன்றிய பா.ஜ.க. அரசு, கச்சத்தீவு மற்றும் தமிழக மீனவர்கள் விவகாரத்தில் பாரபட்சமாகவும் பாராமுகமாகவும் இருப்பதாக விஜய் குற்றம் சாட்டினார். "குஜராத் போன்ற மற்ற மாநில மீனவர்களுக்கு பாதுகாப்பு அளிக்கும் ஒன்றிய அரசு, தமிழக மீனவர்களை மட்டும் கைவிடுவது ஏன்?" என்று அவர் கேள்வி எழுப்பினார். இலங்கைக் கடற்படையின் தாக்குதலால் இதுவரை 800-க்கும் மேற்பட்ட தமிழக மீனவர்கள் உயிரிழந்துள்ளதாகவும், அவர்களின் உடைமைகள் மற்றும் வாழ்வாதாரம் பறிக்கப்பட்டுள்ளதாகவும் அவர் சுட்டிக்காட்டினார்.</p><p>மேலும், இலங்கைத் தமிழர்களின் வாழ்வு, பாதுகாப்பு மற்றும் அமைதிக்கு பொது வாக்கெடுப்பு மட்டுமே தீர்வு என்று கூறிய விஜய், இதற்காக ஒன்றிய அரசு சர்வதேச சமூகத்தை வலியுறுத்த வேண்டும் என்றும், இலங்கை அரசுக்கு நேரடியான அரசியல் அழுத்தம் கொடுக்க வேண்டும் என்றும் கேட்டுக்கொண்டார்.</p><h2>பிரதமரின் இலங்கை பயணம்</h2><p>இலங்கை செல்லும் ஒன்றிய பிரதமர் நரேந்திர மோடி, 'கச்சத்தீவு இந்தியாவின் உரிமை நிலம்' என்ற பயணத் திட்டத்தை முதன்மையாக வடிவமைக்க வேண்டும் என்று விஜய் வலியுறுத்தினார். "பிரதமரின் இலங்கைப் பயணம், தமிழக மீனவர்கள் மற்றும் இலங்கைத் தமிழர்களின் வாழ்வில் ஒளியேற்றுவதாக இருக்க வேண்டும். மீனவர்களின் துயர் நீங்கும் நாள் வெகு தொலைவில் இல்லை என்ற வகையில் பேச்சுவார்த்தைகள் நடத்தப்பட வேண்டும்," என்று அவர் கேட்டுக்கொண்டார்.</p>

<ul><li>”1974-ல் கச்சத்தீவு கைவிட்டுப் போகக் காரணம், ஆட்சி அதிகாரப் பசி கொண்ட அன்றைய ஆளும்கட்சியான தி.மு.க.தான்”</li></ul>

Katchatheevu: கச்சத்தீவை மீட்டுத்தாருங்கள்! இலங்கை செல்லும் பிரதமர் நரேந்திர மோடிக்கு முதலமைச்சர் மு.க.ஸ்டாலின் கடிதம்!

<p>தமிழ்நாடு மீனவர்களின் பாரம்பரிய மீன்பிடி உரிமைகளை நிரந்தரமாக பாதுகாக்கும் வகையில், இந்திய-இலங்கை ஒப்பந்தத்தை மறு ஆய்வு செய்து கச்சத்தீவை மீட்க உடனடி நடவடிக்கை எடுக்க வேண்டும் எனவும், இலங்கை சிறைகளில் வாடும் தமிழ்நாடு மீனவர்களையும் அவர்களது படகுகளையும் நல்லெண்ண அடிப்படையில் விடுதலை செய்ய வேண்டும் எனவும் வலியுறுத்தி, தமிழ்நாடு முதலமைச்சர் திரு. மு.க. ஸ்டாலின், மாண்புமிகு பிரதமர் நரேந்திர மோடிக்கு கடிதம் எழுதியுள்ளார்.</p><p>மேலும் படிக்க:- <a href="https://tamil.hindustantimes.com/tamilnadu/food-safety-officer-sathish-confirms-no-artificial-colors-in-tamil-nadu-watermelons-dismisses-rumors-131743679880673.html" target="_blank">Watermelon: ’தர்பூசணி பழங்களை மக்கள் அச்சமின்றி சாப்பிடலாம்!’ உணவு பாதுகாப்பு துறை அதிகாரி பல்டி!</a></p><h2>சட்டமன்ற தீர்மானம் மற்றும் முதலமைச்சரின் கோரிக்கை</h2><p>தமிழ்நாடு சட்டமன்றப் பேரவையில் கடந்த ஏப்ரல் 02ஆம் தேதி அன்று "கச்சத்தீவை மீட்க வலியுறுத்தி ஒருமனதாக தீர்மானம் நிறைவேற்றப்பட்டதைத் தொடர்ந்து", முதலமைச்சர் மு.க. ஸ்டாலின் இந்தக் கடிதத்தை எழுதியுள்ளார். "அரசுமுறைப் பயணமாக இலங்கை செல்லவுள்ள பிரதமர் நரேந்திர மோடி, இலங்கை அரசுடன் பேச்சுவார்த்தை நடத்தி, அந்நாட்டு சிறைகளில் உள்ள தமிழ்நாடு மீனவர்களையும் அவர்களது படகுகளையும் விடுதலை செய்ய நடவடிக்கை எடுக்க வேண்டும்" என்று முதலமைச்சர் வலியுறுத்தி உள்ளார். மேலும், "1974-ம் ஆண்டு இந்திய-இலங்கை ஒப்பந்தம் (கச்சத்தீவு ஒப்பந்தம்) இப்பிரச்சினைக்கு அடிப்படைக் காரணமாக உள்ளதாகவும், இதை மறு ஆய்வு செய்து கச்சத்தீவை மீட்க வேண்டும்" என்றும் அவர் கோரியுள்ளார்.</p><h2>கச்சத்தீவு ஒப்பந்தத்திற்கு எதிரான தமிழ்நாட்டின் நீண்டகால எதிர்ப்பு</h2><p>தனது கடிதத்தில், "கச்சத்தீவு ஒப்பந்தத்தை ஆரம்பம் முதலே தமிழ்நாடு அரசு உறுதியாக எதிர்த்து வந்துள்ளது" என்பதை முதலமைச்சர் சுட்டிக்காட்டியுள்ளார். "1974-ம் ஆண்டு நாடாளுமன்றத்தில் இந்த ஒப்பந்தத்தை தமிழக நாடாளுமன்ற உறுப்பினர்கள் கடுமையாக எதிர்த்ததையும், ஒன்றிய அரசு மாநில அரசின் இசைவின்றி ஜூன் 28, 1974 அன்று ஒப்பந்தத்தில் கையெழுத்திட்டதையும்" அவர் குறிப்பிட்டுள்ளார். "இதற்கு எதிர்ப்பு தெரிவித்து, அப்போதைய முதலமைச்சர் கலைஞர் கருணாநிதி, மறுநாளே (ஜூன் 29, 1974) தலைமைச் செயலகத்தில் அனைத்துக் கட்சிக் கூட்டத்தைக் கூட்டி, ஒப்பந்தத்தைக் கண்டித்து தீர்மானம் நிறைவேற்றி, அன்றைய இந்தியப் பிரதமருக்கு கடிதம் எழுதினார்" என்று முதலமைச்சர் நினைவுகூர்ந்துள்ளார்.</p><p>மேலும், "ஆகஸ்ட் 21, 1974 அன்று தமிழ்நாடு சட்டமன்றத்தில் ஒன்றிய அரசின் முடிவை எதிர்த்து தீர்மானம் நிறைவேற்றப்பட்டதையும், மீனவர்களின் பாரம்பரிய மீன்பிடி உரிமைகளை பாதுகாக்க கச்சத்தீவை மீட்க வேண்டும் என்ற கோரிக்கையை வலியுறுத்தி, அக்டோபர் 03, 1991, மே 03, 2013, மற்றும் டிசம்பர் 05, 2014 ஆகிய தேதிகளில் சட்டமன்றத்தில் தீர்மானங்கள் நிறைவேற்றப்பட்டன" என்று முதலமைச்சர் தனது கடிதத்தில் குறிப்பிட்டுள்ளார்.</p><h2>மீனவர்களின் அவல நிலை</h2><p>"தமிழ்நாடு மீனவர்கள் அடிக்கடி இலங்கை கடற்படையினரால் கைது செய்யப்படுவதாலும், அவர்களது படகுகள் பறிமுதல் செய்யப்படுவதாலும், கடலோர மீனவ சமுதாயத்தினரின் வாழ்க்கை கவலை மற்றும் துயரத்தில் ஆழ்ந்துள்ளது" என்று முதலமைச்சர் தனது கடிதத்தில் தெரிவித்துள்ளார். "இதுபோன்ற நடவடிக்கைகள் மீனவர்களின் வாழ்வாதாரத்தை நிலையற்றதாக மாற்றியுள்ளன" என்றும் அவர் கவலை தெரிவித்துள்ளார். </p><p>"2024-ம் ஆண்டில் 530 இந்திய மீனவர்களும், 2025-ன் முதல் மூன்று மாதங்களில் 147 மீனவர்களும் இலங்கை கடற்படையினரால் கைது செய்யப்பட்டுள்ளனர். அவர்களுக்கு அதிகபட்ச சிறைத்தண்டனை மற்றும் பெருந்தொகை அபராதம் விதிக்கப்பட்டு, படகுகள் பறிமுதல் செய்யப்பட்டு ஏலத்திற்கு விடப்படுகின்றன" என்று முதலமைச்சர் சுட்டிக்காட்டியுள்ளார். "இதனால் மீனவர்கள் வறுமையின் விளிம்பு நிலைக்கு தள்ளப்பட்டுள்ளனர்" என்றும் அவர் குறிப்பிட்டுள்ளார்.</p><h2>முதலமைச்சரின் முந்தைய முயற்சிகள்</h2><p>"முதலமைச்சராக பொறுப்பேற்ற பிறகு, ஜூன் 17, 2021 அன்று பிரதமர் நரேந்திர மோடியை முதன்முறையாக சந்தித்தபோது, இப்பிரச்சினையை அவரது கவனத்திற்கு கொண்டு வந்தேன். அடுத்தடுத்த சந்திப்புகளிலும் இதற்கு நிரந்தர தீர்வு காண வேண்டும் என்று வலியுறுத்தினேன்" என்று முதலமைச்சர் தனது கடிதத்தில் குறிப்பிட்டுள்ளார். "2021 முதல் இலங்கை கடற்படையினரால் மீனவர்கள் கைது செய்யப்படுவது மற்றும் தாக்கப்படுவது குறித்து, மாண்புமிகு வெளியுறவுத்துறை அமைச்சர் மற்றும் பிரதமருக்கு பலமுறை கடிதங்கள் எழுதியுள்ளேன்" என்றும் அவர் சுட்டிக்காட்டியுள்ளார்.</p><p>மேலும் படிக்க:- <a href="https://tamil.hindustantimes.com/tamilnadu/mookiah-thevar-statue-sparks-controversy-as-seeman-alleges-vote-bank-politics-behind-it-131743672185913.html" target="_blank">Seeman: ’மூக்கையா தேவர் நேற்று முன் தினம் இறந்து இன்றைக்கு அடக்கம் செய்யப்பட்டாரா?’ ஸ்டாலினுக்கு சீமான் சரமாரி கேள்வி!</a></p><h2>முதலமைச்சரின் வேண்டுகோள்</h2><p>"கச்சத்தீவை மீட்பதே இப்பிரச்சினைக்கு நிரந்தர தீர்வு" என்று வலியுறுத்திய முதலமைச்சர், "இந்திய-இலங்கை ஒப்பந்தத்தை உடனடியாக மறு ஆய்வு செய்ய வேண்டும்" என்று ஒன்றிய அரசை கேட்டுக்கொண்டுள்ளார். மேலும், "இலங்கை செல்லவுள்ள பிரதமர் நரேந்திர மோடி, அந்நாட்டு அரசுடன் பேச்சுவார்த்தை நடத்தி, சிறையில் உள்ள மீனவர்களையும் அவர்களது படகுகளையும் விடுதலை செய்ய நடவடிக்கை எடுக்க வேண்டும்" என்று கோரியுள்ளார். "பாக் வளைகுடா பகுதியில் வாழும் இந்திய மீனவர்களின் பாரம்பரிய மீன்பிடி உரிமைகளை பாதுகாக்க, கச்சத்தீவை மீட்பது அவசியம்" என்று முதலமைச்சர் மீண்டும் வலியுறுத்தியுள்ளார்.</p><p>மேலும் படிக்க:- <a href="https://tamil.hindustantimes.com/tamilnadu/massive-protest-in-ramanathapuram-as-farmers-demand-probe-into-vennathur-cooperative-society-fraud-131743675077010.html" target="_blank">Ramanathapuram: ’கவரிங் நகைகளுக்கு நகைக்கடன்! கூட்டுறவு சங்கத்தில் பலே மோசடி!’ கிளந்து எழுத விவசாயிகள்!</a></p><p> </p>

<ul><li>“2024-ம் ஆண்டில் 530 இந்திய மீனவர்களும், 2025-ன் முதல் மூன்று மாதங்களில் 147 மீனவர்களும் இலங்கை கடற்படையினரால் கைது செய்யப்பட்டுள்ளனர். அவர்களுக்கு அதிகபட்ச சிறைத்தண்டனை மற்றும் பெருந்தொகை அபராதம் விதிக்கப்பட்டு, படகுகள் பறிமுதல் செய்யப்பட்டு ஏலத்திற்கு விடப்படுகின்றன”</li></ul>

‘தென்ன மரத்துல ஒரு குத்து.. பனமரத்துல ஒரு குத்து..’ காங்கிரஸூம் கச்சத்தீவு தீர்மானமும்!

TN Congress party took two positions

<p>கச்சத்தீவை மீட்பது தொடர்பாக திமுக அரசு கொண்டு வந்த தீர்மானத்தை சட்டமன்றத்தில் ஆதரித்த, தமிழக காங்கிரஸ் கட்சியும், அதன் தலைவர் செல்வப்பெருந்தகையும், வெளியே வந்து, ‘கச்சத்தீவு தாரை வார்க்கப்பட்டது தவறல்ல’ என்று தங்கள் நிலைப்பாட்டை மாற்றினர். அப்போது செய்தியாளர்களிடம் செல்வப்பெருந்தகை பேசியது இதோ:</p><h2>கொடுத்ததை நியாயப்படுத்தியது பாஜக</h2><p>‘‘இன்றைய வெளியுறவுத்துறை அமைச்சராக இருந்த ஜெய்சங்கர், அன்று வெளியுறவுத்துறை செயலராக இருந்தவர். அவர் இலங்கைக்கு கச்சத்தீவை தாரை வார்த்தது சரி என்று பேசியிருக்கிறார். யுத்தம் நடத்தியா அந்த இடத்தை பெற முடியும் என்று ஏஜி முகுல் ரோஹித் தெரிவிக்கிறார். அது கொடுத்தது கொடுத்தது தான், அதற்கு பதில் நாம் ஏராளமான இடங்களை பெற்றிருக்கிறோம் என்று சில இடங்களில் தெரிந்தோ, தெரியாமலோ, அன்னை இந்திராகாந்தியின் பெருமையை பாஜக தலைவர்கள் பேசத் தான் செய்கிறார்கள்.</p><p><strong>மேலும் படிக்க |</strong> <a href="https://tamil.hindustantimes.com/tamilnadu/edapadi-palaniswami-says-katchatheevu-resolution-is-an-election-drama-done-by-dmk-government-131743585111744.html" target="_blank">“கச்சத்தீவு தீர்மானம் ஒரு தேர்தல் நாடகம் தான்” திமுக அரசை விளாசும் எடப்பாடி பழனிச்சாமி!</a></p><h2>அதிமுகவும் காங்கிரஸ் கூட்டணியில் இருந்தது</h2><p>எதிர்கட்சி தலைவர் எடப்பாடி பழனிசாமி தெரிந்து கொள்ள வேண்டும், நீங்கள் எங்களுடன் கூட்டணியில் இருந்தீர்கள். உங்களுடைய தலைவர்கள் எம்.ஜி.ஆர்., மற்றும் ஜெயலலிதா ஆகியோர் காங்கிரஸ் உடன் கூட்டணியில் இருந்துள்ளனர். அப்போதெல்லாம் நீங்கள் ஏன் வாய் திறக்கவில்லை என்று நாங்கள் கேட்க தயாராக இல்லை. எல்லோரும் முயற்சி செய்வோம், முதல்வர் கொண்டு வந்த தீர்மானத்தை வெற்றி பெற செய்வோம், கச்சத்தீவை மீட்போம்.</p><p><strong>மேலும் படிக்க |</strong> <a href="https://tamil.hindustantimes.com/tamilnadu/tamil-nadu-bjp-leader-annamalai-explained-with-evidence-what-the-dmks-role-was-in-the-katchatheevu-issue-131743575702351.html" target="_blank">‘நாளொரு மேடை பொழுதொரு நடிப்பு..’ கச்சத்தீவு விவகாரத்தில் ஆதாரத்துடன் திமுகவை விளாசிய அண்ணாமலை!</a></p><h2>கருணாநிதியிடம் கேட்டு கொடுத்தார்களா?</h2><p>அன்றைய முதல்வர் கருணாநிதியிடம் கேட்டு தான் கச்சத்தீவு கொடுக்கப்பட்டதா என்பது, அன்றைய வெளியுறவுத்துறை அமைச்சருக்கும், மறைந்த கருணாநிதிக்கும் தான் தெரியும். பத்திரிக்கையாளர்கள் ஒன்றை ஆய்வு செய்ய வேண்டும். 282 ஏக்கர், குடிக்க தண்ணீர் கூட இல்லாத ஒரு வானம் பார்த்த பூமியை சின்ன இடத்தை கொடுத்துவிட்டு, இந்தியாவுக்கு எத்தனை லட்சம் ஏக்கர் நிலத்தை இந்திராகாந்தி பெற்றார் தெரியுமா. ஒரு ஒப்பந்தத்தை மட்டும் பார்க்க கூடாது, இரண்டு ஒப்பந்தங்கள் அதில் இருக்கிறது.</p><h2>கச்சத்தீவு தாரை வார்க்கப்பட்டது சரி தான்</h2><p>கச்சத்தீவு தாரை வார்க்கப்பட்டது அப்போதும் சரி தான், இப்போதும் சரி தான். அதை நாங்கள் வாபஸ் பெறப் போவதில்லை. ஆனால், மீனவர்கள் கச்சத்தீவை மீட்டெடுத்தால் நாங்கள் சுதந்திரமாக மீன் பிடிக்க முடியும், எங்கள் வலையை கிழிக்க மாட்டார்கள் , படகு சேதமடையாது என்கிறார்கள். அவர்களை யாரும் எதுவும் சொல்லவில்லை. மீட்டெடுப்பது நம் கடமை, அதில் மாற்று கருத்துகிடையாது.</p><p><strong>மேலும் படிக்க |</strong> <a href="https://tamil.hindustantimes.com/tamilnadu/chief-minister-stalin-passed-a-resolution-in-the-tamil-nadu-assembly-regarding-the-restoration-of-katchatheevu-131743576722298.html" target="_blank">‘கச்சத்தீவு ஒப்பந்தத்தை கடுமையாக எதிர்த்தார் கலைஞர்’ முதல்வர் ஸ்டாலினின் முழு பேச்சு இதோ!</a></p><h2>இந்திராகாந்தி தவறு செய்யவில்லை</h2><p>ஆனால், இந்திராகாந்தி ஒரு போதும் தவறு செய்யவில்லை என்பதை நாட்டு மக்கள் தெரிந்து கொள்வார்கள். அவர்களுக்குத் தெரியும். இந்திராகாந்தி உடன்படிக்கையை தயவு செய்து கூகுளில் தேடிப்பாருங்கள். எத்தனை லட்சம் ஏக்கர்.. அங்குள்ள கனிம வளங்கள் என்ன.. அங்குள்ள பல்லுயிர்கள்.. விலை மதிக்க முடியாதது.</p><h2>மீனவர்களோடு வாழ்பவர் ராகுல் காந்தி</h2><p>இந்திய மீனவர்களும், இலங்கை மீனவர்களும் அங்கு மீன் பிடிக்கலாம், விசா இல்லாமல் அந்தோனியார் ஆலயம் போகலாம் என்று ஒப்பந்தத்தில் கூறப்பட்டுள்ளது. இலங்கை-இந்திய மீனவர்கள் கூட்டு கூட்டங்களை நடத்திய, கச்சத்தீவில் கூட்டு நடவடிக்கையில் ஈடுபடலாம் என்றது மன்மோகன் சிங் அரசு. பாஜக அரசு இதுவரை அந்த கூட்டத்தை நடத்தவில்லை. எப்போதுமே காங்கிரஸ் மீனவர்களின் நண்பன், உண்மையான நண்பன். நடிப்பு நண்பன் அல்ல.ராகுல் காந்தி மீனவர்களோடு வாழ்ந்து கொண்டிருக்கிறார்.</p><h2>இந்திராகாந்தியை புகழ்ந்தவர் வாஜ்பாய்</h2><p>சட்டமன்றத்தில் பேசிய விசிக.,வோ வேறு மாற்று கட்சிகளோ, இந்திராகாந்தி பெயருக்கு முன்னாள் எதுவும் பேச முடியாது. 2 விசயம் தான், வாஜ்பாய் யாரு? ஆர்எஸ்எஸ், பாஜகவால் ஏற்றுக் கொண்ட மகாபுருஷர். அவரே இந்திராகாந்தியை துர்காதேவி என்று கூறியுள்ளார். அவரே சொல்லிவிட்டார், இவர்கள் சொல்வதால் என்ன?,’’ என்று அந்த செய்தியாளர் சந்திப்பில் செல்வப்பெருந்தகை பேசினார்.</p>

<ul><li>‘282 ஏக்கர், குடிக்க தண்ணீர் கூட இல்லாத ஒரு வானம் பார்த்த பூமியை சின்ன இடத்தை கொடுத்துவிட்டு, இந்தியாவுக்கு எத்தனை லட்சம் ஏக்கர் நிலத்தை இந்திராகாந்தி பெற்றார் தெரியுமா’</li></ul>

“கச்சத்தீவு தீர்மானம் ஒரு தேர்தல் நாடகம் தான்” திமுக அரசை விளாசும் எடப்பாடி பழனிச்சாமி!

<p>தமிழ்நாட்டின் அரசியல் மட்டும் இல்லாது இந்திய அரசியலிலும் அடிக்கடி ஒலிக்க கூடிய ஒரு பிரச்சனை தான் கச்சத்தீவு விவகாரம். இது தொடர்பாக பல கட்சிகள் அவர்களது நிலைப்பாட்டையும், குற்றச்சாட்டுக்களை வைப்பது வழக்கம். இந்த வகையில் இன்று நடந்த தமிழ்நாடு சட்டப்பேரவையில் இது தொடர்பாக மத்திய அரசை வலியுறுத்த தனித்தீர்மானம் நிறைவேற்றப்பட்டுள்ளது. கச்சத்தீவை மீட்டால் மட்டுமே இலங்கை அரசால் இந்திய மீனவர்கள் கைது செய்யப்படுவதை தடுக்க முடியும் என முதலமைச்சர் ஸ்டாலின் கூறியுள்ளார். இன்று நிறைவேற்றப்பட்ட தீர்மானம் தொடர்பாக செய்தியாளர்களிடம் எதிர்க்கட்சித் தலைவர் எடப்பாடி பழனிசாமி பேட்டியளித்துள்ளார். அதில் அடுத்த ஆண்டு வரும் தேர்தல் காரணமாக தான் திமுக அரசு இந்த கச்சத்தீவு தீர்மான நாடகத்தை போட்டுள்ளது என கடுமையாக சாடியுள்ளார். </p><h2>தேர்தல் நாடகத்தை அரங்கேற்றும் திமுக </h2><p>"ஏன் இத்தனை காலமாக கச்சத்தீவினை மீட்க முயற்சி எடுக்க வில்லை என சட்டப்பேரவையில் கேள்வி எழுப்பினேன். ஆனால் அதனை முழுமையாக பேசுவதற்கு எனக்கு நேரம் கொடுக்கப்படவில்லை. இப்பொழுது அடுத்த ஆண்டு தேர்தல் வரப்போகிறது. இந்த தேர்தலை ஒட்டி இன்றைய முதல்வரும், திமுக கட்சியும் ஒரு நாடகத்தை அரங்கேற்றி உள்ளனர். இந்த தீர்மானத்தின் மூலமாக மீனவர்களுக்கு ஏதோ நன்மை செய்வது போல செய்கிறது. உண்மையிலேயே மீனவர்களுக்கு துரோகம் செய்தது இந்த திமுக அரசு தான். மீனவ மக்களின் வாக்குகளை பெற வேண்டும் என்று தான் இந்த தீர்மானத்தை கொண்டு வந்ததாக நாங்கள் எண்ணுகிறோம். </p><p><strong>மேலும் படிக்க |‘</strong><a href="https://tamil.hindustantimes.com/tamilnadu/chief-minister-stalin-passed-a-resolution-in-the-tamil-nadu-assembly-regarding-the-restoration-of-katchatheevu-131743576722298.html" target="_blank">கச்சத்தீவு ஒப்பந்தத்தை கடுமையாக எதிர்த்தார் கலைஞர்’ முதல்வர் ஸ்டாலினின் முழு பேச்சு இதோ!</a></p><p>இதற்கு முன் 4 ஆண்டு காலம் ஆட்சியில் இருந்தீர்களே? அப்போது இந்த மீனவர்கள் மீது உங்களுக்கு அக்கறை இல்லையா? அப்போதே இந்த தீர்மானத்தை கொண்டு வந்திருந்தால் நாங்கள் பாராட்டி இருப்போம். நான்கு ஆண்டுகள் கழித்து கடைசி பட்ஜெட் வந்து விட்டது. இப்பொழுது இந்த தீர்மானத்தை கொண்டு வந்து நாடமா ஆடுகிறீர்கள்" எனக் விமர்சித்துள்ளார். </p><h2>நாடாளுமன்றத்தில் ஏன் அழுத்தம் கொடுக்கவில்லை </h2><p>மேலும் கூறுகையில், "2019 ஆம் ஆண்டு இவர்களிடம் 38 எம்பிக்கள் இருந்தார்கள். அப்போதே ஏன் கட்ச தீவை மீட்க வலியுறுத்தவில்லை.  போன 2025 ஆம் ஆண்டு கூட 39 எம்பிக்கள் இவர்களிடம் இருந்தார்கள் ஏன் பாராளுமன்றத்தில் அழுத்தம் கொடுக்கவில்லை. எந்த ஒரு தீர்மானமும் நிறைவேற்றவில்லை. அப்போதெல்லாம் விட்டுவிட்டு அடுத்த ஆண்டு தேர்தலை வைத்துக்கொண்டு இப்போது இந்த தீர்மானத்தை நிறைவேற்றுவது ஒரு நாடகம் தான். </p><p><strong>மேலும் படிக்க |</strong> ‘<a href="https://tamil.hindustantimes.com/tamilnadu/tamil-nadu-bjp-leader-annamalai-explained-with-evidence-what-the-dmks-role-was-in-the-katchatheevu-issue-131743575702351.html" target="_blank">நாளொரு மேடை பொழுதொரு நடிப்பு..’ கச்சத்தீவு விவகாரத்தில் ஆதாரத்துடன் திமுகவை விளாசிய அண்ணாமலை!</a></p><p>ஜெயலலிதா முதலமைச்சராக இருந்த போதே நாங்கள் பெரும் ஆர்ப்பாட்டங்கள் நடத்தப்பட்டன. கடந்த 20028 ஆம் ஆண்டே கச்சத்தீவை மீட்பதற்காக அதிமுகவின் பொது செயலராக இருந்த ஜெயலலிதா உச்சநீதிமன்றத்தில் வழக்கு தொடர்ந்தார். அடுத்த 2009 ஆம் ஆண்டே ஆட்சிக்கு வந்து அந்த வழக்கில் தமிழ்நாடு அரசின் வருவாய்த்துறையும் இணைத்துக் கொள்ளப்பட்டது. இந்தியாவிற்கு சொந்தமான கச்சதீவு 1974 ஆம் ஆண்டு இலங்கைக்கு தாரைவார்க்கப்பட்டது" எனவும் தெரிவித்துள்ளார். </p><p>திமுக கூட்டணி ஆட்சி மத்தியில் இருந்த போதும், தமிழ்நாட்டில் அவர்களின் ஆட்சி இருந்த போதும் என எக்காலத்திலும் திமுக கச்சத் தீவை மீட்க முயற்சிக்க வில்லை என எடப்பாடி குற்றம் சாட்டியுள்ளார். இந்த நிலையில் தமிழ்நாடு அரசியலில் மீண்டும் கச்சத்தீவு பேசு பொருளாகியுள்ளது. </p><p><strong>மேலும் படிக்க</strong> |<a href="https://tamil.hindustantimes.com/tamilnadu/history-of-katchatheevu-its-complete-history-from-the-sethupathi-kings-to-sri-lanka-131743578744670.html" target="_blank"> katchatheevu: ‘சேதுபதி மன்னர்கள் முதல் இலங்கை வரை’ கச்சத்தீவு பயணித்த வரலாறு தெரியுமா?</a></p>

<ul><li>இன்று நடந்த தமிழ்நாடு சட்டப்பேரவைக் கூட்டத்தில் ஒரு மனதாக நிறைவேற்றப்பட்ட கச்சத்தீவு தீர்மானம் தொடர்பாக எதிர்க்கட்சித் தலைவர் ஈ.பி.எஸ் செய்தியாளர்களிடம் பேசுகையில், “அடுத்த ஆண்டு வர இருக்கும் தேர்தலில் மீனவர்களின் வாக்குகளை பெற திமுக நடத்தும் நாடகம் தான் இது” என குற்றம் சாட்டியுள்ளார்.</li></ul>

katchatheevu: ‘சேதுபதி மன்னர்கள் முதல் இலங்கை வரை’ கச்சத்தீவு பயணித்த வரலாறு தெரியுமா?

History of Katchatheevu

<p>கச்சத்தீவுப் விவகாரம், தேர்தலுக்கு தேர்தல் விவாதிக்கப்படும் ஒரு பொருளாக இருந்து வருகிறது. தேர்தல் வந்தால் மட்டுமே, கச்சத்தீவு என்கிற பெயரும் வெளியே வரும். கச்சத்தீவை சுற்றிஒரு அரசியல் நிகழ்ந்து கொண்டிருந்தாலும், கச்சத்தீவின் வரலாறு என்ன? எப்படி அது கைமாறியது? என்பதை சுருக்கமாகவும், தெளிவாகவும் இங்கே காணலாம்.</p><p><strong>மேலும் படிக்க |</strong> <a href="https://tamil.hindustantimes.com/tamilnadu/chief-minister-stalin-passed-a-resolution-in-the-tamil-nadu-assembly-regarding-the-restoration-of-katchatheevu-131743576722298.html" target="_blank">‘கச்சத்தீவு ஒப்பந்தத்தை கடுமையாக எதிர்த்தார் கலைஞர்’ முதல்வர் ஸ்டாலினின் முழு பேச்சு இதோ!</a></p><h2>கச்சத்தீவு பற்றிய முக்கிய குறிப்புகள்</h2><ul><li>கச்சத்தீவு, இந்தியாவிற்கும் இலங்கைக்கும் இடையே பாக் நீரிணையில் அமைந்துள்ள ஒரு சிறிய தீவு ஆகும்.</li><li>கச்சத்தீவு ராமேஸ்வரத்திலிருந்து வடகிழக்கில் சுமார் 12 மைல் தொலைவிலும், இலங்கையின் நெடுந்தீவுக்கு தென்மேற்கே 18 மைல் தொலைவிலும் அமைந்துள்ளது. இது சுமார் 285 ஏக்கர் பரப்பளவைக் கொண்டுள்ளது.</li><li>14 ஆம் நூற்றாண்டில் இப்பகுதி ராமநாதபுரம் மன்னர் சேதுபதி கட்டுப்பாட்டில் இருந்தது. 1802 ஆம் ஆண்டில், பிரிட்டிஷ் கிழக்கிந்திய நிறுவனம் ராமநாதபுரம் சமஸ்தானத்தை இணைத்தபோது கச்சத்தீவு பிரிட்டிஷ் இந்தியாவின் ஒரு பகுதியாக மாறியது.</li><li>1947 ஆம் ஆண்டில் இந்தியா சுதந்திரம் அடைந்த பிறகு, கச்சத்தீவு இந்தியாவின் ஒரு பகுதியாகவே இருந்தது.1974 ஆம் ஆண்டு இந்திய-இலங்கை ஒப்பந்தத்தின் மூலம், கச்சத்தீவு இலங்கைக்கு வழங்கப்பட்டது.</li><li>அந்தோணியார் தேவாலயம்: 1905 ஆம் ஆண்டு கட்டப்பட்ட புனித அந்தோணியார் தேவாலயம் இங்கு அமைந்துள்ளது.</li><li>மீன்பிடி உரிமை: இந்த ஒப்பந்தத்தின் படி, இந்திய மீனவர்கள் மீன்பிடிக்க கச்சத்தீவுக்கு செல்லலாம். ஆனால், அங்கு தங்குவதற்கு அனுமதியில்லை.</li></ul><p><strong>மேலும் படிக்க |</strong> <a href="https://tamil.hindustantimes.com/tamilnadu/tamil-nadu-bjp-leader-annamalai-explained-with-evidence-what-the-dmks-role-was-in-the-katchatheevu-issue-131743575702351.html" target="_blank">‘நாளொரு மேடை பொழுதொரு நடிப்பு..’ கச்சத்தீவு விவகாரத்தில் ஆதாரத்துடன் திமுகவை விளாசிய அண்ணாமலை!</a></p><h2>கச்சத்தீவு ஒப்பந்தம் என்ன?</h2><p>1974 ஆம் ஆண்டு இந்தியப் பிரதமர் இந்திரா காந்தியும், இலங்கை பிரதமர் சிறிமாவோ பண்டாரநாயக்கவும், கச்சத்தீவு ஒப்பந்தத்தில் கையொப்பமிட்டனர். அன்றைய தினம், தமிழ்நாட்டில் திமுக தலைவர் கருணாநிதி தலைமையிலான அரசு பொறுப்பில் இருந்தது. இந்த ஒப்பந்தத்தின் முக்கிய அம்சங்கள் பின்வருமாறு:</p><ul><li>கச்சத்தீவு இலங்கைக்கு வழங்கப்பட்டது.</li><li>இந்திய மீனவர்கள் கச்சத்தீவில் மீன்பிடி வலைகளை உலர்த்திக் கொள்ளலாம்.</li><li>புனித அந்தோணியார் கோவில் திருவிழாவில் இந்தியர்கள் பங்கேற்கலாம்.</li></ul><p>இந்த ஒப்பந்தம் இரு நாடுகளுக்கு இடையே உள்ள கடல் எல்லைகளை வரையறுத்தது, மேலும் மீனவர்களின் உரிமைகள் மற்றும் இரு நாடுகளின் இறையாண்மை ஆகியவற்றை உறுதிப்படுத்தியது. இருப்பினும், இந்த ஒப்பந்தம் தமிழ்நாட்டில் சர்ச்சையை ஏற்படுத்தியது. குறிப்பாக, தமிழக மீனவர்களின் வாழ்வாதாரம் பாதிக்கப்படுவதாக குற்றச்சாட்டு எழுந்தது. கச்சத்தீவு பகுதியில் மீன்பிடிக்கும் தமிழக மீனவர்கள் தொடர்ந்து தாக்கப்படுவதும், சிறைபிடிக்கப்படுவதும் தொடர்ந்து நடந்து கொண்டிருக்கிறது. அதில் எதுவுமே மாறவில்லை. மாறியது ஒன்றே ஒன்று தான், இந்தியா வசமிருந்த கச்சத்தீவு, இலங்கைக்கு மாறியது!</p>

<ul><li>1974 ஆம் ஆண்டு இந்தியப் பிரதமர் இந்திரா காந்தியும், இலங்கை பிரதமர் சிறிமாவோ பண்டாரநாயக்கவும், கச்சத்தீவு ஒப்பந்தத்தில் கையொப்பமிட்டனர். அன்றைய தினம், தமிழ்நாட்டில் திமுக தலைவர் கருணாநிதி தலைமையிலான அரசு பொறுப்பில் இருந்தது.</li></ul>

‘கச்சத்தீவு ஒப்பந்தத்தை கடுமையாக எதிர்த்தார் கலைஞர்’ முதல்வர் ஸ்டாலினின் முழு பேச்சு இதோ!

restoration of Katchatheevu

<ul><li>‘கச்சத்தீவைப் பொறுத்தவரைக்கும், அந்தத் தீவைக் கொடுத்து, ஒப்பந்தம் போட்ட போதே முதலமைச்சராக இருந்த கலைஞர் அவர்கள் கடுமையாக எதிர்த்தார்கள். தமிழ்நாட்டு மக்கள் அதை விரும்ப மாட்டார்கள் என்று எடுத்துச் சொல்லியிருக்கிறார்’</li></ul>

கச்சத்தீவு (Katchatheevu) Katchatheevu island is located between Neduntheevu, Sri Lanka and Rameswaram, India and has been traditionally used by both Sri Lankan Tamil and Indian Tamil fishermen

Katchatheevu

Tamil Nadu News Today: Get the latest Tamilnadu news in Tamil, district-wise and city-wise updates. Stay informed with today's சென்னை செய்திகள் and Tamil Nadu headlines in Tamil.

Tamil Nadu

Tamil Nadu News Today: Latest Tamilnadu News in Tamil, District wise, City wise News in Tamil | Channai News in Tamil

கச்சத்தீவு | katchatheevu

‘அரசை பெருமைப்படுத்தும் விதமாக பேசும் பக்க வாத்தியங்கள்..’ கரூர் சம்பவத்தை விளாசும் இபிஎஸ்!

Edappadi Palaniswami

<p>அதிமுக பொதுச் செயலாளர் எடப்பாடி பழனிசாமி, எக்ஸ் தளத்தில் பதிவிட்டுள்ள அறிக்கை இதோ:</p><p>கடந்த 27ஆம் தேதி நடந்த கரூர் துயரத்திற்கு காரணமான ஸ்டாலின் அரசை கண்டிக்க திராணியில்லாமல் ஏதோ இந்த சம்பவத்தில் அரசுக்கு தொடர்பே இல்லை என்பது போல பக்கவாத்தியம் வாசிக்கும் அரசியல் கட்சிகளுக்கும், ஊடகங்களுக்கும், அக்டோபர் 4ஆம் தேதி இந்து பத்திரிக்கையில் 'In Karur Where there was no way out' என்ற தலைப்பில் வெளியான செய்தியை கண்டிப்பாக படிக்க வேண்டும் என கேட்டுக்கொள்கிறேன். இந்த செய்தியில் என்ன சொல்லப்பட்டுள்ளது?</p><p>"கரூர் சம்பவம் ஒரு விபத்து என்றோ, எதிர்பாராமல் நடந்தது என்றோ, கூற முடியாது. சரியாக திட்டமிட தவறியதாலும், அலுவலர்களின் கவனக்குறையாளும் ஏற்பட்டது" என அப்பகுதி மக்கள் கூறியதாக செய்தி கூறுகிறது.</p><p>'இந்த செய்தியில் இருந்து தெரிவது என்னவென்றால், இந்த நிகழ்வை அரசு முறையாக முன்னெச்சரிக்கை நடவடிக்கை எடுத்து கையாண்டிருந்தால் இந்த துயரச் சம்பவத்தை தடுத்திருக்க முடியும் என்பது தானே'.</p><p>மேலும் இந்தச் செய்தியில் கூறுவது 'கடந்த சனிக்கிழமை காலை 10 மணிக்கே பலர் வந்துவிட்டனர். மதியம் 3:00 மணிக்கு யாரும் சாலையில் வாகனங்களில் போக முடியவில்லை. மாலை அப்பகுதியில் திரும்ப கூட இடமில்லை' என அப்பகுதியில் வசிக்கும் திரு. சீதாராம் என்பவர் தெரிவித்ததாக சொல்லப்பட்டுள்ளது.</p><p>நிகழ்ச்சி அனுமதிக்கப்பட்ட நேரத்தை தாண்டி பல மணி நேரம் தாமதம் ஏற்பட்ட நிலையில் மேலும், மேலும் மக்களை கூட்ட பகுதிக்கு அனுமதித்தது ஏன்? அப்படி அனுமதித்து நெரிசலை ஏற்படுத்தியது ஏன் ? என்ற பல கேள்விகள் அரசு நிர்வாகத்தின் மீது எழுவது நியாயம் தானே.</p><p>இச்சம்பவத்தில் பாதிக்கப்பட்ட லில்லி' என்பவர் கூறும் போது, விஜய் பேச ஆரம்பித்தவுடன் மின்தடை ஏற்பட்டதாகவும், மைக் வேலை செய்யவில்லை என்றும், கூட்டம் அமைதியிழந்தது என்றும், அந்த நெரிசலில் இரண்டு குழந்தைகளுடன் கீழே விழுந்து விட்டதாகவும் கூறுகிறார். லில்லி என்பவர் கூறியதில் உண்மை இல்லை என்று கூறிவிடமுடியாது. அப்பகுதியில் வசிக்கும் சித்ரா என்பவர் மக்கள் பல மணி நேரமாக நின்றிருந்ததால் குழந்தைகள் மயக்கம் அடைந்ததாக கூறுகிறார்.</p><p>முன்னெச்சரிக்கை நடவடிக்கைகள் பற்றி விழா ஏற்பாட்டாளர்களிடம் ஏன் கேட்கப்படவில்லை. ஜெனரேட்டராலோ, மின்துறை மூலமோ, மின்தடை ஏற்பட்டாலும், கூட்டம் பதட்டம் அடையத்தானே செய்யும். இதுபோன்ற நிகழ்வுகளுக்கு செய்யப்பட வேண்டிய பாதுகாப்பு ஏற்பாடுகள் பற்றி மாவட்ட காவல்துறை கண்காணிப்பாளர் கூட்டம் போட்டாரா? இதில் குடிநீர் போன்ற அடிப்படை தேவைகள் பற்றி விவாதிக்கப்பட்டதா? இது பற்றி எந்த விபரமும் இல்லை. இது பற்றியெல்லாம் எந்த பாதுகாப்பு திட்டமும் இல்லை என்றால், இப்படி ஒரு சம்பவம் நடக்க வேண்டும் என ஆளும் கட்சி செயல்பட்டிருக்கலாம் என சந்தேகம் எழத்தானே செய்யும்.</p><p>எல்லாவற்றிற்கும் மேலாக அனுமதிக்கப்பட்ட இடம் 10,000 பேர் மட்டுமே கூட வசதியுள்ள நிலையில், 25,000 மக்கள் கூடுவதை காவல்துறை ஏன் தடுக்கவில்லை? மக்கள் அதிக அளவு கூடுவதை காலை 10 மணி முதல் மாலை 7 மணி வரை ஏன் தடுக்காமல் வேடிக்கை பார்த்தது.</p><p>இந்தச் செய்தியில் ஈரோட்டில் இருந்து வந்து உயிர் தப்பிய கார்த்திக் என்பவர் கூறுவது 'ஒரு சில காவலர்களே சாலையோரம் நின்று இருந்தனர். பல காவலர்கள் வெளி வளையத்தில் போக்குவரத்தை சரி செய்தனர். 10 முதல் 15 காவலர்கள் வரை மட்டுமே வாகனத்தை ஒட்டியும், முன்னும் நடந்து வந்தனர். அதிக அளவில் காவலர்கள் பாதுகாப்பு பணியில் இருந்திருந்தால், இந்த துயர சம்பவம் தவிர்த்திருக்கலாம் என குறிப்பிட்டுள்ளார்.</p><p>எனவே கள நிலவரப்படி கூட்ட இடத்தில் போதுமான காவலர்களை கொண்டு ஆரம்பம் முதலே கூட்டத்தை ஒழுங்குப்படுத்த அரசு தவறிவிட்டது என்பது தான் இதன் பொருள். மேலும் விஜய் வாகனத்தை கூட்ட நெரிசலில் காவலர்கள் உள்ளே கொண்டு வரவும் அதை பாதுகாக்கவும் காட்டிய அக்கறையில் பொதுமக்களை பாதுகாப்பதில் காட்டவில்லை என்பது தானே இதன் மூலம் தெரிகிறது.</p>

<blockquote class="twitter-tweet"><p lang="ta" dir="ltr">கடந்த 27ஆம் தேதி நடந்த கரூர் துயரத்திற்கு காரணமான ஸ்டாலின் அரசை கண்டிக்க திராணியில்லாமல் ஏதோ இந்த சம்பவத்தில் அரசுக்கு தொடர்பே இல்லை என்பது போல பக்கவாத்தியம் வாசிக்கும் அரசியல் கட்சிகளுக்கும், ஊடகங்களுக்கும், அக்டோபர் 4ஆம் தேதி இந்து பத்திரிக்கையில் &#39;In Karur Where there was no…</p>&mdash; Edappadi K Palaniswami-SayYEStoWomenSafety&amp;AIADMK (@EPSTamilNadu) <a href="https://twitter.com/EPSTamilNadu/status/1974833571077530059?ref_src=twsrc%5Etfw">October 5, 2025</a></blockquote> <script async src="https://platform.twitter.com/widgets.js" charset="utf-8"></script>

<p>ஆனால் கூடுதல் காவல்துறை தலைவர் தேவ ஆசீர்வாதம் 20 நபர்களுக்கு ஒரு காவலர் போடப்பட்டதாக கூறுகிறார். இது ஒரு வேலை விதியாக ஆக இருக்கலாம். ஏனெனில் 500 காவலர்கள் பாதுகாப்பில் இருந்ததாக ஆரம்பத்தில் இவர் கூறினார். அதன் பிறகு எண்ணிக்கையை அவர் குறிப்பிடவேயில்லை. மேலும் உண்மையில் எவ்வளவு காவலர்கள் கூட்ட நிகழ்வுக்கு பணியமர்தப்பட்டனர் என்பதை ஏன் வெளிப்படையாக கூறவில்லை. இந்தச் சம்பவ நிகழ்வின் போட்டோக்களிலும், வீடியோக்களிலும் குறிப்பாக கூட்டம் நடந்த இடத்தில் அதிகமாக காவலர்கள் காணப்படவில்லை என்று தான் மக்கள் பேசுகின்றனர். இது எல்லாம் பாதிக்கப்பட்ட மக்களாலும், சம்பவ இடத்தில் இருந்தவர்களாலும் கூறப்படும் உண்மைகள். இவற்றை மறுக்கவோ, மறைக்கவோ முடியாது.</p><p>இந்த துயர சம்பவத்திற்கு சரியான பாதுகாப்பு ஏற்பாடுகளை செய்திட தவறிய மாநில அரசின் தவறுகளை மறைத்து இந்த அரசை பெருமைப்படுத்தும் விதமாக பேசும் பக்க வாத்தியங்கள் இந்த செய்தியை மீண்டும் படித்து உண்மையை உணர்ந்து நடுநிலையோடு பேச வேண்டும் என கேட்டுக்கொள்கிறேன். இந்த நிலையில் பாதுகாப்பு ஏற்பாடுகள் செய்வதில் குளறுபடி செய்த அரசின் நடவடிக்கைகளை, ஒரு நபர் விசாரணைக் குழு முழுமையாக விசாரிக்க வேண்டும் என்று மக்கள் எதிர்பார்க்கிறார்கள்.</p><p> </p><p> </p>

‘கூடுதல் காவல்துறை தலைவர் தேவ ஆசீர்வாதம் 20 நபர்களுக்கு ஒரு காவலர் போடப்பட்டதாக கூறுகிறார். இது ஒரு வேலை விதியாக ஆக இருக்கலாம். ஏனெனில் 500 காவலர்கள் பாதுகாப்பில் இருந்ததாக ஆரம்பத்தில் இவர் கூறினார். அதன் பிறகு எண்ணிக்கையை அவர் குறிப்பிடவேயில்லை’

‘கள்ளக்குறிச்சி போகாமல் கரூருக்கு ஓடோடிச் சென்றது தேர்தல் நாடகம்’ முதல்வரை சாடிய இபிஎஸ்

AIADMK General Secretary Edappadi Palaniswami

நீங்கள் எப்போது தவறான கருத்தை வெளியிட்டாலும் அதற்கு பதிலடி கொடுக்கும் ஒரே கட்சி அதிமுக. மக்களுக்காக இருக்கும் கட்சி அதிமுக, கருணாநிதி குடும்பத்துக்கு இருக்கும் கட்சி திமுக. மக்கள் பிரச்னைக்கு குரல் கொடுக்கும் கட்சியாகத்தான் அதிமுக இதுவரை இருந்துவருகிறது, இனியும் இருக்கும்.

அதிமுக பிரசாரத்தில் பறந்த தவெக கொடி.. அரூர் பயணத்தில் எடப்பாடி பழனிசாமி பேச்சுக்கு உற்சாகம்!

<p>கரூர் நெரிசல் மரணத்திற்கு தவெக தலைவர் விஜய் மீது ஆளும் கட்சியினர் தொடர்ந்து குற்றம் சாட்டிவந்த நிலையில், ’பாதுகாப்பு குறைபாடுதான் இந்த மரணங்களுக்குக் காரணம், ஆளும் திமுக அரசுதான் பொறுப்பேற்க வேண்டும்’ என்று முதன்முதலில் கூறியவர் அதிமுக பொதுச்செயலாளர் எடப்பாடி பழனிசாமி.</p><p>அதோடு, விசாரணை ஆணையம் அமைத்த பிறகு அரசு அதிகாரிகள், காவல் துறை அதிகாரிகள், அரசியல்வாதிகள் தொடர் பேட்டிகள் கொடுப்பதைக் கண்டித்து சிபிஐக்கு வழக்கை மாற்ற வேண்டும் என்றும் கோரிக்கை வைத்தார்.</p><p>கரூர் சம்பவத்தையொட்டி தன்னுடைய எழுச்சிப்பயணத்தை ஒத்திவைத்திருந்த எடப்பாடி பழனிசாமி இன்று தர்மபுரி, பாப்பிரெட்டிப்பட்டி, அரூர் ஆகிய சட்டமன்றத் தொகுதிகளில் சுற்றுப்பயணம் மேற்கொண்டார். இந்த தொகுதிகளில் நடைபெற்ற எழுச்சியுரையில் ஆங்காங்கே ஏராளமான விஜய் ரசிகர்கள் பங்கெடுத்துக்கொண்டதைக் காண முடிந்தது. குறிப்பாக அரூர் சட்டமன்றத் தொகுதியில் இபிஎஸ் பேசுகையில், விஜய் கட்சியினர் கொடியுடன் பங்கெடுத்துக் கொண்டனர்.</p><p>திமுக ஆட்சியை வீட்டுக்கு அனுப்புவீர்களா என்று இபிஎஸ் கேட்டநேரத்தில், விஜய் கட்சியினரும், ‘அனுப்புவோம்’ என்று ஆரவாரத்துடன் கொடியை அசைத்து தெரிவித்தனர். இந்த சம்பவம் அரசியலில் புதிய எதிர்பார்ப்பை உருவாக்கியுள்ளது.</p>

திமுக ஆட்சியை வீட்டுக்கு அனுப்புவீர்களா என்று இபிஎஸ் கேட்டநேரத்தில், விஜய் கட்சியினரும், ‘அனுப்புவோம்’ என்று ஆரவாரத்துடன் கொடியை அசைத்து தெரிவித்தனர். இந்த சம்பவம் அரசியலில் புதிய எதிர்பார்ப்பை உருவாக்கியுள்ளது.

‘மக்கள் துடிக்கும் நேரத்திலும் உல்லாச சுற்றுப்பயணம் முக்கியமா?’ உதயநிதிக்கு இபிஎஸ் கேள்வி!

ஆளுங்கட்சி முதல்வர் கூட்டம் நடத்தினால் ஆளே இல்லாத பகுதியில்கூட காவலர்களை நிறுத்தி பாதுகாப்பு கொடுக்கிறீர்கள். ஆளே இல்லாத இடத்தில் பாதுகாப்புக் கொடுக்கும் முதலமைச்சர், ஆயிரக்கணக்கானோர் இருக்கும் இடத்தில் ஏன் பாதுகாப்பு கொடுக்கவில்லை என்று மக்கள் கேட்கும் கேள்விக்கு முதல்வர் பதில் சொல்லியாக வேண்டும்.

‘தேசியக் கட்டமைப்பில் ஒரு நூற்றாண்டு.. ஆர்.எஸ்.எஸ்., உடன் என் அனுபவங்கள்’ மனம் திறக்கும் ஆளுநர் ஆர்.என்.ரவி!

Governor R.N. Ravi

‘‘ஆர்.எஸ்.எஸ் அமைப்புடனான என்னுடைய முதல் உரசல், 1981-ல் நிகழ்ந்தது. கேரள மாநிலக் கள்ளிக்கோட்டையில், காவல் துணைக் கண்காணிப்பாளராக அப்போது பணிபுரிந்து கொண்டிருந்தேன்.. அப்போது..’’

ஊடகவியலாளர் பெலிக்ஸ் ஜெரால்டு கைது.. எக்ஸ் தளத்தில் கடும் கண்டனம் தெரிவித்த எடப்பாடி பழனிசாமி!

Journalist Felix Gerald arrested

<p>கரூர் நெரிசலில் 41 பேர் மரணம் அடைந்தது தொடர்பாக, விஷம கருத்துக்களை சமூக வலைதளத்தில் பதிவு செய்ததாக, தவெக, பாஜக உள்ளிட்ட கட்சிகளை சேர்ந்தவர்களை தமிழக போலீஸ் கைது செய்து வருகிறது. அந்த வரிசையில், பிரபல ஊடகவியலாளர் பெலிக்ஸ் ஜெரால்டு கைது செய்யப்பட்டுள்ளார். அவரது கைதுக்கு அதிமுக பொதுச் செயலாளர் எடப்பாடி பழனிசாமி கண்டனம் தெரிவித்து, தன்னுடைய எக்ஸ் தளத்தில் பதிவிட்டுள்ளார். இதோ அவருடைய பதிவு:</p><p>‘‘பத்திரிகையாளர் திரு. பெலிக்ஸ் ஜெரால்டு அவர்கள் ஸ்டாலின் மாடல் அரசின் காவல்துறையால் இன்று அதிகாலையில் கைது செய்யப்பட்டிருப்பதாக செய்திகள் வருகின்றன. ஸ்டாலின் அரசுக்கு எதிராக யார் பேசினாலும் அவர்களுக்கு சிறை தான் பரிசு. இது ஒன்றும் புதிதல்ல.</p>

<blockquote class="twitter-tweet"><p lang="ta" dir="ltr">பத்திரிகையாளர் திரு. பெலிக்ஸ் ஜெரால்டு அவர்கள் ஸ்டாலின் மாடல் அரசின் காவல்துறையால் இன்று அதிகாலையில் கைது செய்யப்பட்டிருப்பதாக செய்திகள் வருகின்றன.<br><br>ஸ்டாலின் அரசுக்கு எதிராக யார் பேசினாலும் அவர்களுக்கு சிறை தான் பரிசு. இது ஒன்றும் புதிதல்ல. <br><br>தற்போது கரூர் துயரத்தில் திமுக அரசு…</p>&mdash; AIADMK - -SayYesToWomenSafety&amp;AIADMK (@AIADMKOfficial) <a href="https://twitter.com/AIADMKOfficial/status/1972907438891323764?ref_src=twsrc%5Etfw">September 30, 2025</a></blockquote> <script async src="https://platform.twitter.com/widgets.js" charset="utf-8"></script>

<p>தற்போது கரூர் துயரத்தில் திமுக அரசு மீது மக்கள் எழுப்பும் சந்தேகங்களை வெளிப்படுத்தியதற்காக அவர் கைது செய்யப்பட்டுள்ளதாக தகவல்கள் வருகின்றன. மக்களிடையே நிலவும் குழப்பங்களை அரசின் கவனத்திற்கு கொண்டு வருவது பத்திரிகையாளர் கடமை. அதைத் தெளிவுபடுத்த வேண்டியது அரசின் கடமை.</p><p>மாறாக, பாசிசப் போக்குடன், கேள்வி கேட்கும் பத்திரிகையாளரை கைது செய்வது கண்டனத்திற்குரியது. இதுபோன்ற செயல்கள் தான் இன்னும் அரசியல் சந்தேகங்களை மக்களிடையே வலுப்பெறச் செய்யும்.</p><p>பத்திரிகையாளர் திரு. பெலிக்ஸ் ஜெரால்டு அவர்களை உடனடியாக விடுதலை செய்ய வேண்டும் என ஸ்டாலின் மாடல் திமுக அரசை வலியுறுத்துகிறோம்,’’</p><p>என்று அந்த பதிவில் எடப்பாடி பழனிசாமி தெரிவித்துள்ளார்</p>

‘மக்களிடையே நிலவும் குழப்பங்களை அரசின் கவனத்திற்கு கொண்டு வருவது பத்திரிகையாளர் கடமை. அதைத் தெளிவுபடுத்த வேண்டியது அரசின் கடமை’

Kachatheevu Issue: கச்சத்தீவு தாரைவார்ப்பதை மக்கள் ஏற்கமாட்டார்கள் என சொன்னவர் கலைஞர் - அமைச்சர் ரகுபதி பேட்டி

video

<ul><li>தமிழ்நாடு சட்டப்பேரவை கூட்டத்தொடரில் கச்சத்தீவு தீர்மானம் நிறைவேற்றப்பட்டது தேர்தல் நாடகம் என்று எதிர்கட்சி தலைவர் எடப்பாடி பழனிசாமி குற்றச்சாட்டை முன் வைத்தார். இதற்கு பதில் அளிக்கும் விதமாக தமிழ்நாடு சட்டத்துறை அமைச்சர் ரகுபதி சென்னையில் செய்தியாளர்களை சந்தித்து பேசினார். அப்போது, கச்சத்தீவு தாரைவார்ப்பதை மக்கள் ஏற்கமாட்டார்கள் என சொன்னவர் கலைஞர் என கூறினார். தொடர்ந்து இந்த பிரச்னை தொடக்கத்தில் இருந்தே திமுக குரல் கொடுத்து வருகிறது எனவும் தெரிவித்தார். அமைச்சர் ரகுபதி பேசிய முழு வீடியோ</li></ul>

CM MK Stalin: 'கச்சத்தீவை மீட்பதே நிரந்தர தீர்வு'.. பேரவையில் முதல்வர் மு.க.ஸ்டாலின் பேச்சு!

<ul><li>கச்சத்தீவை மத்திய அரசு மீட்கக் கோரி சட்டப்பேரவையில் முதல்வர் மு.க.ஸ்டாலின் தனித்தீர்மானம் கொண்டு வந்தார். இதுபற்றி முதல்வர் ஸ்டாலின் பேரவையில் பேசுகையில், "கச்சத்தீவு மீட்பது தொடர்பாக ஒன்றிய அரசு ஆக்கப்பூர்வமான நடவடிக்கை எதையும் எடுக்கவில்லை. இலங்கையில் ஆட்சி மாறினாலும் தமிழக மீனவர்களின் நிலை மாறவில்லை. முற்றுப்புள்ளி வைக்க முடியாத தொடர் பேரழிவாக இது அமைந்திருக்கிறது. வேறு மாநில மீனவர்கள் மீது தாக்குதல் நடத்தப்பட்டு கைது செய்யப்பட்டால் ஒன்றிய அரசு இப்படிதான் நடக்குமா?. கண்டித்து கடிதம் எழுதினால் விடுதலை, பின்பு மீண்டும் கைது என இலங்கை அரசின் செயல் தொடர் கதையாக உள்ளது. இது போன்ற சிக்கல்களுக்குக் கச்சத்தீவை மீட்பே நிரந்தர தீர்வு." என்று தெரிவித்தார்.</li></ul>

Katchatheevu

சமீபத்திய செய்தி

TVK leader Vijay: ‘கச்சத்தீவை மீட்க வேற ரூட் எடுக்கும் தவெக தலைவர் விஜய்!’ அடேங்கப்பா இது நம்ம லிஸ்டுலயே இல்லையே!

சமீபத்திய வீடியோ