Heavy Rain Alert: ’8 மாவட்டங்களில் இன்று வெளுத்து வாங்க போகும் கனமழை’ சென்னை மண்டல வானிலை ஆய்வு மையம் எச்சரிக்கை!

paragraph

<p>தமிழ்நாட்டில் இன்று 8 மாவட்டங்களில் கனமழை பெய்ய வாய்ப்பு உள்ளதாக சென்னை மண்டல வானிலை ஆய்வு மையம் தெரிவித்து உள்ளது.&nbsp;</p><h2>அடுத்த ஏழு தினங்களுக்கான வானிலை முன்னறிவிப்பு மற்றும் எச்சரிக்கை:</h2><p>தென்னிந்திய பகுதிகளின் மேல், வளி மண்டல கீழடுக்கு பகுதிகளில், கிழக்கு மற்றும் மேற்கு திசை காற்று சந்திக்கும் பகுதி நிலவுகிறது. பூமத்திய ரேகையை ஒட்டிய இந்திய பெருங்கடல் மற்றும் அதனை ஒட்டிய தென்கிழக்கு வங்கக்கடல் பகுதிகளில் ஒரு வளி மண்டல கீழடுக்கு சுழற்சி நிலவுகிறது.</p><p>இன்றைய தினம் (23-03-2025) தமிழகத்தில் ஒருசில இடங்களிலும், புதுவை மற்றும் காரைக்கால் பகுதிகளிலும், இடி, மின்னலுடன் கூடிய, லேசானது முதல் மிதமான மழை பெய்யக்கூடும். நீலகிரி, கோயம்புத்தூர் திருப்பூர், தேனி, திண்டுக்கல், ஈரோடு, கிருஷ்ணகிரி மற்றும் தர்மபுரி மாவட்டங்களில் ஓரிரு இடங்களில் கன மழை பெய்ய வாய்ப்புள்ளது.</p><p>நாளை (24-03-2025) தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும், லேசானது முதல் மிதமான மழை பெய்யக்கூடும்.</p><p>25-03-2025 மற்றும் 26-03-2025: மேற்கு தொடர்ச்சி மலை மற்றும் அதனை ஒட்டிய மாவட்டங்களில் ஓரிரு இடங்களில் லேசானது முதல் மிதமான மழை பெய்யக்கூடும். இதர தமிழகம், புதுவை மற்றும் காரைக்கால் பகுதிகளில் வறண்ட வானிலை நிலவக்கூடும்.</p><p>27-03-2025 முதல் 29-03-2025 வரை: தமிழகம், புதுவை மற்றும் காரைக்கால் பகுதிகளில் வறண்ட வானிலை நிலவக்கூடும்.</p><h2>மேலும் படிக்க:- <a target="_blank" href="https://tamil.hindustantimes.com/tamilnadu/pmk-leader-anbumani-ramadoss-slams-dmk-govt-for-failing-to-control-crime-and-sleeping-soundly-131742712279412.html">’குற்றத்தை தடுக்க முடியாமல் குறட்டை விட்டு தூங்கும் திமுக அரசு’ விளாசும் அன்புமணி ராமதாஸ்!</a></h2><h2>அதிகபட்ச வெப்பநிலை பற்றிய முன்னறிவிப்பு:</h2><h2>அதிகபட்ச வெப்பநிலை மாறுதலின் போக்கு:</h2><p>23-03-2025 தமிழகத்தில் அதிகப்பட்ச வெப்பநிலையில் பொதுவாக பெரிய மாற்றத்திற்கான வாய்ப்பு குறைவு.</p><p>24-03-2025 முதல் 27-03-2025 வரை; தமிழகத்தில் ஒருசில இடங்களில் அதிகபட்ச வெப்பநிலை | படிப்படியாக 2-3° செல்சியஸ் உயரக்கூடும்.</p><h2>மேலும் படிக்க:- <a target="_blank" href="https://tamil.hindustantimes.com/tamilnadu/director-mohan-g-says-tamil-nadu-needs-more-h-rajas-claims-brahmins-are-an-endangered-race-131742709681159.html">’தமிழ்நாட்டுக்கு இன்னும் பல ஹெச்.ராஜாக்கள் தேவை’அழிந்துவரும் இனமாக பிராமணர் இனம் உள்ளதாக இயக்குநர் மோகன் ஜி வேதனை!</a></h2><h2>இயல்பு நிலையிலிருந்து அதிகபட்ச வெப்ப அளவின் வேறுபாடு:</h2><p>23-03-2025 முதல் 25-03-2025 வரை: தமிழகத்தில் அதிகபட்ச வெப்பநிலை ஓரிரு இடங்களில் இயல்பை விட 2.3' செல்சியஸ் அதிகமாக இருக்கக்கூடும்.</p><p>26-03-2025 மற்றும் 27-03-2025: தமிழகத்தில் அதிகபட்ச வெப்பநிலை ஒருசில இடங்களில் இயல்பை விட 2.3 செல்சியஸ் அதிகமாக இருக்கக்கூடும்.</p><p>23-03-2025 மற்றும் 24-03-2025: அதிக வெப்பநிலையும், அதிக ஈரப்பதமும், குறைந்தபட்ச வெப்பநிலை அநேக இடங்களில் இயல்பை விட 2.4° செல்சியஸ் அதிகமாகவும் இருக்கும் நிலையில், தமிழகத்தில் ஒருசில பகுதிகளில் அசெளகரியம் ஏற்படலாம்.</p><h2>சென்னை மற்றும் புறநகர் பகுதிகளுக்கான வானிலை முன்னறிவிப்பு:</h2><p>இன்று (23-03-2025): வானம் ஓரளவு மேகமூட்டத்துடன் காணப்படும். ஒருசில பகுதிகளில் இடி, மின்னலுடன் கூடிய லேசான / மிதமான மழை பெய்ய வாய்ப்புள்ளது அதிகபட்ச வெப்பநிலை 35-36 செல்சியஸை ஒட்டியும், குறைந்தபட்ச வெப்பநிலை 27-28° செல்சியஸை ஒட்டியும் இருக்கக்கூடும்.</p><p>நாளை (24-03-2025); வானம் ஓரளவு மேகமூட்டத்துடன் காணப்படும் அதிகபட்ச வெப்பநிலை 35 36° செல்சியஸை ஒட்டியும், குறைந்தபட்ச வெப்பநிலை 26-27* செல்சியஸை ஒட்டியும் இருக்கக்கூடும். மீனவர்களுக்கான எச்சரிக்கை ஏதுமில்லை என சென்னை மண்டல வானிலை ஆய்வு மையம் தெரிவித்து உள்ளது.&nbsp;</p><h2>மேலும் படிக்க:- <a target="_blank" href="https://tamil.hindustantimes.com/tamilnadu/tasmac-corruption-will-lead-to-government-change-in-tamil-nadu-says-ammk-leader-ttv-dhinakaran-131742713992529.html">’டாஸ்மாக் ஊழல் தமிழ்நாட்டில் ஆட்சி மாற்றத்திற்கு அடித்தளமிடும்’ டிடிவி தினகரன் ஆரூடம்!</a></h2>

<ul><li>தமிழ்நாட்டில் நீலகிரி, கோயம்புத்தூர் திருப்பூர், தேனி, திண்டுக்கல், ஈரோடு, கிருஷ்ணகிரி மற்றும் தர்மபுரி இன்று கனமழை பெய்யும் சென்னை மண்டல வானிலை ஆய்வு மையம் எச்சரிக்கை விடுத்து உள்ளது.</li></ul>

சிப்காட் விவகாரம்: ’திமுகவுக்கு எத்தனை வாய்கள்?' எ.வ.வேலுவை சாடிய அன்புமணி ராமதாஸ்!

<p>அமைச்சர் வேலு அவர்களாக இருந்தாலும், வேறு எவராக இருந்தாலும் வயிற்றுப் பசியைப் போக்க உணவைத் தான் உண்ண வேண்டும். அதற்கு நிலங்கள் கட்டாயம் தேவை என பா.ம.க. தலைவர் மருத்துவர் அன்புமணி விமர்சனம் செய்துள்ளார். </p><h2>எ.வ.வேலுவுக்கு தெரிய வாய்ப்பு இல்லை</h2><p>இது தொடர்பாக அவர் வெளியிட்டுள்ள அறிக்கையில், தமிழ்நாடு சட்டப்பேரவையில் தருமபுரியில் சிப்காட் அமைக்க வேண்டும் என்று பாமக சட்டப்பேரவைக் கட்சித் தலைவர் ஜி.கே.மணி விடுத்த கோரிக்கைக்கு எந்த தொடர்பு இல்லாமல் பதிலளித்த பொதுப்பணித்துறை அமைச்சர் எ.வ.வேலு,’’தருமபுரியில் சிப்காட் கேட்கும் பா.ம.க. திருவண்ணாமலையில் சிப்காட் கூடாது என்கிறது. அப்படியானால் பாமகவுக்கு இரட்டை நாக்கா?” என்று வினா எழுப்பியுள்ளார். எத்தனை முறை பதிலளித்தாலும் புரிந்து கொள்ளும் திறன் இல்லாத அமைச்சர் எ.வ.வேலு அவர்களை நினைத்து நான் பரிதாபப்படுகிறேன்.</p><p>தமிழ்நாட்டில் தொழில் வளர்ச்சிக்கு வழிகோலும் வகையில் சிப்காட் தொழில்பேட்டைகளை அமைக்க வேண்டும் என்பதில் பாட்டாளி மக்கள் கட்சிக்கு எந்த மாற்றுக் கருத்தும் இல்லை. இன்னும் கேட்டால் தருமபுரி உள்ளிட்ட பல மாவட்டங்களில் சிப்காட் வளாகங்களை அமைக்க வேண்டும் என்று போராடி வெற்றி பெற்றதே பாட்டாளி மக்கள் கட்சி தான். இந்த உண்மைகள் எல்லாம் அரசியலை சேவையாக செய்யாமல், வணிகமாக செய்யும் அமைச்சர் எ.வ.வேலு போன்றவர்களுக்கு தெரிந்திருக்க வாய்ப்பில்லை.</p><h2>மேலும் படிக்க:- <a href="https://tamil.hindustantimes.com/tamilnadu/cm-m-k-stalin-says-voices-will-be-suppressed-in-parliament-due-to-constituency-delimitation-131742534789929.html" target="_blank">’நாளைய தொகுதி மறுசீரமைப்பு கூட்டத்தில் என்ன நடக்கும்?’ முதலமைச்சர் மு.க.ஸ்டாலின் வெளியிட்ட பரபரப்பு வீடியோ!</a></h2><h2>தருமபுரிக்கு சிப்கார்ட் வேண்டும்</h2><p>பாட்டாளி மக்கள் கட்சியின் நிலைப்பாடு மிகவும் தெளிவானது. தமிழ்நாட்டின் வளர்ச்சிக்காக ஒவ்வொரு மாவட்டத்திலும் ஒன்று அல்லது அதற்கும் மேற்பட்ட சிப்காட் வளாகங்கள் தேவை. ஆனால், அதற்காக வேளாண் விளைநிலங்கள் கையகப்படுத்தப்படக்கூடாது என்பது தான் பாட்டாளி மக்கள் கட்சியின் நிலைப்பாடு.</p><p>தருமபுரியில் சிப்காட் வேண்டும் என்பதில் பா.ம.க. உறுதியாக இருக்கிறது என்பது மட்டுமல்ல. கலைஞர், ஜெயலலிதா ஆகியோரின் ஆட்சியில் தொடர்ந்து வலியுறுத்தி தருமபுரி மாவட்டத்தில் சிப்காட்டைக் கொண்டு வந்ததே பா.ம.க. தான். இதற்காக சட்டப்பேரவையில் ஜி.கே.மணி உள்ளிட்ட பா.ம.க. உறுப்பினர்கள் பலமுறை குரல் கொடுத்துள்ளனர். ஜெயலலிதா முதலமைச்சராக இருந்த போது தருமபுரி மக்களவை உறுப்பினர் என்ற முறையில் நான் பலமுறை கடிதம் எழுதித் தான் அதை சாதித்துக் காட்டினேன்.</p><h2>எவரும் வேடிக்கை பார்க்கமாட்டார்கள்</h2><p>ஆனால், தருமபுரி சிப்காட்டுக்காக விளைநிலங்கள் பறிக்கப்படவில்லை. நல்லம்பள்ளி வட்டத்தில், 1,183 ஏக்கர் அரசு புறம்போக்கு நிலம், 550 ஏக்கர் பட்டா நிலம் என மொத்தம் 1,733 ஏக்கர் பரப்பளவில் சிப்காட் வளாகம் அமைந்திருக்கிறது. கையகப்படுத்தப்பட்ட பட்டா நிலங்களில் பெரும்பான்மையானவை விளைநிலங்கள் அல்ல. அனைத்து நில உடமையாளர்களிடமும் பேசி சுமூகமாகத் தான் நிலம் கையகப்படுத்தப்பட்டது. இப்போதும் கூட 550 ஏக்கர் புறம்போக்கு நிலங்கள் தருமபுரி சிப்காட்டுடன் இணைக்கப்படவுள்ளதாக அரசு கூறியிருக்கிறது. அதை பாட்டாளி மக்கள் கட்சி முழுமனதுடன் வரவேற்கிறது.</p><p>திருவண்ணாமலை மேல்மா சிப்காட் விவகாரம் அப்படி அல்ல. செய்யாறு சிப்காட் வளாகத்தை விரிவுபடுத்த மேல்மா, தேத்துறை, இளநீர்குன்றம், குறும்பூர், நர்மாபள்ளம். அத்தி, வீரம்பாக்கம் உள்ளிட்ட 11 கிராமங்களில் 2700 ஏக்கர் நிலங்களை தமிழக அரசு கட்டாயமாக பறிக்கத் துடிக்கிறது. அவை அனைத்தும் முப்போகம் விளையும் நிலங்கள். உழவர்கள் மீது அக்கறை கொண்ட எவரும் இதை வேடிக்கைப் பார்க்க மாட்டார்கள்.</p><h2>மேலும் படிக்க:- <a href="https://tamil.hindustantimes.com/tamilnadu/minister-thangam-thennarasu-says-aiadmks-calculations-are-being-done-by-someone-else-131742539074821.html" target="_blank">’அதிமுகவுக்கான கூட்டல், கழித்தலை சாணக்கியத்தனத்துடன் எங்கோ இருப்போர் போடுகிறார்கள்’ தங்கம் தென்னரசு பேச்சால் சிரிப்பலை!</a></h2><h2>வயிற்றெரிச்சலை வெளிப்படுத்திக் கொண்டிருக்கிறார்</h2><p>திருவண்ணாமலை மாவட்டத்தில் அரசு புறம்போக்கு நிலங்களும், தரிசு நிலங்களும் ஆயிரக்கணக்கான ஏக்கர் உள்ளன. தமிழக அரசு நினைத்தால் அங்கு சிப்காட் அமைக்கலாம். ஆனால், அமைச்சர் எ.வ.வேலு அவர்களின் சொந்த நலனுக்காக விளைநிலங்களை பறித்து சிப்காட் அமைக்க அரசு துடிக்கிறது. அதற்காக உழவர்களை குண்டர் சட்டத்தில் சிறையில் அடைத்தது உள்ளிட்ட அனைத்து அடக்குமுறைகளையும் திமுக அரசு கட்டவிழ்த்து விட்டு வருகிறது. அமைச்சரின் தூண்டுதலில் நடந்த இந்த அடக்குமுறைகளை முதலமைச்சர் அமைதியாக வேடிக்கைத் தான் பார்த்துக் கொண்டிருந்தார்.</p><p>பா.ம.க.வுக்கு இரட்டை நாக்கா? என எ.வ.வேலு இப்போது கேட்கவில்லை. மேல்மா உள்ளிட்ட கிராமங்களில் நிலங்களை கையகப்படுத்த முடியவில்லையே? என்ற எரிச்சலில் ஏற்கனவே இப்படிக் கேட்டவர் தான் அவர். 2023-ஆம் ஆண்டு நவம்பர் 22-ஆம் நாள் மேல்மாவில் பா.ம.க. சார்பில் நடத்தப்பட்ட போராட்டத்தின் போதே அவருக்கு நான் பதில் கூறியிருந்தேன். ஆனாலும், மேல்மா சிக்கலில் அவருக்கு கிடைத்த தோல்வியை மறக்க முடியாததால் மீண்டும், மீண்டும் வயிற்றெரிச்சலை வெளிப்படுத்திக் கொண்டிருக்கிறார்.</p><h2>எத்தனை வாய்கள்?</h2><p>அமைச்சர் வேலு அவர்களாக இருந்தாலும், வேறு எவராக இருந்தாலும் வயிற்றுப் பசியைப் போக்க உணவைத் தான் உண்ண வேண்டும். அதற்கு நிலங்கள் கட்டாயம் தேவை. விளைநிலங்களை அழித்து தொழிற்சாலைகளை அமைத்தால், அதில் உற்பத்தி செய்யப்படும் பொருள்களை உண்டு உயிர்வாழ முடியாது என்பதை அவர்கள் புரிந்து கொள்ள வேண்டும். சிப்காட் விவகாரத்தில் பா.ம.க.வுக்கு இரட்டை நாக்கா? என்று கேட்கும் திமுகவுக்கு தமிழகத்தின் முதன்மைச் சிக்கல்களில் எத்தனை வாய்கள்? என்று கேட்டால் எண்ணுவதற்கு எண்கள் இல்லை.</p><p>* ஆட்சிக்கு வந்தால் மதுவிலக்கை நடைமுறைப்படுத்துவோம் என்பார்கள்... ஆட்சிக்கு வந்த பின் மதுவிலக்கு முடியாது என்பார்கள்.</p><p>* எட்டுவழிச்சாலைக்கு எதிர்ப்பு தெரிவித்து வாக்குகளை வாங்குவார்கள்... ஆட்சிக்கு வந்தால் நிலங்களை கையகப்படுத்தாமல் வானத்திலா சாலை அமைக்க முடியும்? என்பார்கள்.</p><p>* கோவை மாவட்டம் அன்னூர் பகுதியில் சிப்காட் அமைக்க மக்கள் எதிர்ப்பு தெரிவித்தால் விளைநிலங்களை கையகப்படுத்தும் முடிவை கைவிடுவார்கள்.... மேல்மாவில் விவசாயிகள் எதிர்ப்பு தெரிவித்தால் குண்டர் சட்டத்தில் சிறையில் அடைப்பார்கள்.</p><p>* மதுரை அரிட்டாப்பட்டியில் டங்ஸ்டன் சுரங்கம் அமைக்கப்பட்டால் முதலமைச்சர் பதவியிலிருந்து விலகுவேன் என வீர வசனம் பேசுவார்கள், காவிரி டெல்டாவில் நிலக்கரி சுரங்கம் வந்தால் நானும் டெல்டாக் காரன் என்பார்கள்..... ஆனால், கடலூர் மாவட்டத்தில் நிலக்கரி சுரங்கத்திற்காக பாட்டாளி மக்களிடமிருந்து நிலங்கள் பறிக்கப்பட்டால் வாய்மூடி மவுனியாகி விடுவார்கள்.</p><p>திமுகவின் இரட்டை நிலைப்பாடுகளை பட்டியலிட்டால் பக்கங்கள் போதாது. எனவே, அடுத்தவர்கள் மீது அவதூறு பரப்புவதை கைவிட்டு, சிப்காட் வளாகங்கள் அமைப்பதற்காக விளைநிலங்கள் கையகப்படுத்தப்படாது என்பதை கொள்கை அறிவிப்பாக தமிழக அரசு உடனடியாக வெளியிட வேண்டும்.</p><h2>மேலும் படிக்க:- <a href="https://tamil.hindustantimes.com/tamilnadu/how-tamil-nadus-dmk-formed-an-anti-delimitation-alliance-full-timeline-of-events-131742543643432.html" target="_blank">பவன் கல்யாணின் கட்சி முதல் ஆம் ஆத்மி வரை! திமுகவின் தொகுதி மறுசீரமைப்பு கூட்டத்தில் பங்கேற்பது யார்? இதோ முழு விவரம்!</a></h2>

<ul><li>அமைச்சர் வேலு அவர்களாக இருந்தாலும், வேறு எவராக இருந்தாலும் வயிற்றுப் பசியைப் போக்க உணவைத் தான் உண்ண வேண்டும். அதற்கு நிலங்கள் கட்டாயம் தேவை. விளைநிலங்களை அழித்து தொழிற்சாலைகளை அமைத்தால், அதில் உற்பத்தி செய்யப்படும் பொருள்களை உண்டு உயிர்வாழ முடியாது என்பதை அவர்கள் புரிந்து கொள்ள வேண்டும்.</li></ul>

’கிலோ 3 ரூபாய்க்கு அல்லல்படும் தக்காளி! காய்கறிகளுக்கு விலை நிர்ணயம் எப்போது?' திமுக அரசுக்கு அன்புமணி சரமாரி கேள்வி!

<p>அனைத்துக் காய்கறிகளுக்கும் விலை நிர்ணயிக்கும் திமுகவின் வாக்குறுதி என்னவானது? என பா.ம.க. தலைவர் மருத்துவர் அன்புமணி இராமதாஸ் கேள்வி எழுப்பி உள்ளார்.&nbsp;</p><h2>சரியும் தக்காளி விலை&nbsp;</h2><p>இது தொடர்பாக அவர் வெளியிட்டுள்ள அறிக்கையில், &nbsp;தமிழ்நாட்டில் தக்காளி விளைச்சல் அதிகரித்திருப்பதால் சந்தைகளில் அதன் கொள்முதல் விலை கிலோ ரூ.3க்கும் குறைவாக சரிந்துள்ளது. கிருஷ்ணகிரி, தருமபுரி, திண்டுக்கல் உள்ளிட்ட பல மாவட்டங்களில் தக்காளியை வாங்க ஆள் இல்லாததாலும், அதை சந்தைக்கு கொண்டு செல்வதற்காக ஆகும் செலவுக்குக் கூட தக்காளி விலை கட்டுபடியாகாது என்பதாலும் உழவர்கள் தக்காளியை சாலைகளிலும், கால்வாய்களிலும் கொட்டி வருவது வேதனையளிக்கிறது. தக்காளி விலையை நிலைப்படுத்த தமிழக அரசு எந்த நடவடிக்கையும் எடுக்காதது கண்டிக்கத்தக்கது.</p><h2>மேலும் படிக்க:- <a class="manualbacklink" target="_blank" href="https://tamil.hindustantimes.com/tamilnadu/ed-raids-tasmac-liquor-factories-for-2nd-day-new-case-likely-if-purchase-sale-irregularities-found-131741329789027.html">’திமுக ஆட்சியில் டாஸ்மாக் மது கொள்முதல்- விற்பனையில் வேறுபாடு?’ புதிய வழக்கு பதிவு செய்ய அமலாக்கத்துறை திட்டம் என தகவல்!</a></h2><h2>கிலோ ரூ.20க்கு கொள்முதல் செய்ய வேண்டும்&nbsp;</h2><p>ஒரு கிலோ தக்காளி உற்பத்தி செய்ய குறைந்தது ரூ.10 செலவாகிறது. தக்காளி அறுவடை, போக்குவரத்து செலவு ஆகியவற்றுடன் லாபமும் சேர்த்து குறைந்தது ஒரு கிலோ தக்காளி ரூ.20க்கு கொள்முதல் செய்யப்பட்டால் தான் உழவர்களுக்கு ஓரளவு லாபம் கிடைக்கும். ஆனால், தக்காளி நல்ல விளைச்சல் ஈட்டும் போது கிலோ ரூ.3க்கு கூட வாங்கப்படுவதில்லை. அதே நேரத்தில், விளைச்சல் இல்லாத போது, வெளிச்சந்தையில் தக்காளி கிலோ ரூ.200 வரை விற்கப்படும் போது, அதில் பெருந்தொகையை வணிகர்களும், இடைத்தரகர்களும் தான் எடுத்துக் கொள்கிறார்களே தவிர உழவர்களுக்கு பெரிய தொகை கிடைப்பதில்லை. அந்த நேரத்தில் உழவர்களுக்கு சற்று அதிக விலை கிடைத்தாலும் கூட அவர்கள் செய்த செலவையும், விளைச்சலையும் ஒப்பிட்டு பார்த்தால் அவர்களுக்கு லாபம் கிடைக்காது.</p><h2>கேரளம் செய்ததை தமிழகம் செய்ய வேண்டும்&nbsp;</h2><p>ஒவ்வொரு ஆண்டும் தக்காளி விலை படு மோசமான வீழ்ச்சியையும், எட்ட முடியாத உச்சத்தையும் தொடுவது வாடிக்கையாகி வருகிறது. இந்த சிக்கலுக்கு ஒரே தீர்வுகாய்கறிகளுக்கு விலை உத்தரவாதம் வழங்குவது தான். கேரளத்தில் தக்காளி, வாழை, பாகற்காய், உருளைக்கிழங்கு உள்ளிட்ட 16 வகையான காய்கறிகளுக்கு குறைந்தபட்ச கொள்முதல் விலையை அம்மாநில அரசு நிர்ணயித்துள்ளது. இதன் மூலம் அந்த காய்கறிகளை பயிரிடுவோருக்கு அனைத்து செலவுகளும் போக 20 சதவீதம் லாபம் கிடைக்க வகைசெய்யப்பட்டிருக்கிறது. கேரளம் செய்ததை தமிழகமும் செய்திருந்தால் விவசாயிகளுக்கு விளைபொருட்களை குப்பையில் கொட்டவேண்டியிருந்திருக்காது. அத்துடன்,பொதுமக்களுக்கும் குறைந்த விலையில் காய்கனிகள் கிடைப்பது உறுதி செய்யப்பட்டிருக்கும்.</p><h2>மேலும் படிக்க:- <a class="manualbacklink" target="_blank" href="https://tamil.hindustantimes.com/tamilnadu/tamil-nadu-cm-stalin-urges-6-state-cms-to-oppose-population-based-delimitation-of-parliamentary-seats-131741341262998.html">தொகுதி மறுசீரமைப்பு விவகாரம்: 7 மாநில முதல்வர்களுக்கு தமிழ்நாடு முதல்வர் மு.க.ஸ்டாலின் கடிதம்!</a></h2><h2>உழவர்களுக்கு பெருந்துரோகம்&nbsp;</h2><p>கேரளத்தில் கொள்முதல் விலை நிர்ணயிக்கப்பட்ட போது, அதே முறையை தமிழகத்திலும் நடைமுறைப்படுத்த வேண்டும் என்று திமுக வலியுறுத்தியது. நாங்கள் ஆட்சிக்கு வந்தால் காய்கறிகளுக்கு கொள்முதல் விலை நிர்ணயிப்போம் என வாக்குறுதி அளித்தது. ஆனால், ஆட்சிக்கு வந்து நான்கு ஆண்டுகள் நிறைவடையவுள்ள நிலையில் இன்று வரை அந்த வாக்குறுதி நிறைவேற்றப்படவில்லை. அந்த வாக்குறுதி என்னவானது? இதன் மூலம் உழவர்களுக்கு திமுக அரசு பெருந்துரோகம் செய்து வருகிறது.</p><h2>குளிர்பதன கிடங்குகளை அமைக்க வேண்டும்</h2><p>உழவர்கள் நலனில் திமுக அரசுக்கு உண்மையாகவே அக்கறை இருந்தால், இனியும் காலம் கடத்தாமல் வேளாண் விளை பொருட்களுக்கு நியாயமான விலை கிடைப்பதற்காக வேளாண் விளைபொருள் விலை நிர்ணய ஆணையத்தையும், விளைபொருட்களை அரசே கொள்முதல் செய்வதற்கு விளைபொருள் கொள்முதல் வாரியத்தையும் அமைக்க வேண்டும். அத்துடன் வேளாண் விளைபொருட்கள் அதிகமாக விளையும் காலங்களில் அவற்றை சேமித்து வைப்பதற்காக குளிர்பதனக் கிடங்குகளை அமைக்கவும், தக்காளி சாறு தயாரிப்பதற்கான நடமாடும் ஆலைகளையும் அமைக்க தமிழக அரசு நடவடிக்கை எடுக்க வேண்டும். விவசாயிகளை காக்க வேண்டும்.</p><h2>மேலும் படிக்க:- <a class="manualbacklink" target="_blank" href="https://tamil.hindustantimes.com/tamilnadu/bjp-state-president-annamalai-accuses-dmk-of-replacing-amit-shahs-image-with-actor-santhana-bharathis-in-ranipet-131741343887138.html">’அமித்ஷாவுக்கு பதிலாக சந்தான பாரதி படம்; யார் காரணம் தெரியுமா?’ உடைத்து பேசிய அண்ணாமலை!</a></h2>

<ul><li>ஒவ்வொரு ஆண்டும் தக்காளி விலை படு மோசமான வீழ்ச்சியையும், எட்ட முடியாத உச்சத்தையும் தொடுவது வாடிக்கையாகி வருகிறது. இந்த சிக்கலுக்கு ஒரே தீர்வுகாய்கறிகளுக்கு விலை உத்தரவாதம் வழங்குவது தான்.</li></ul>

‘தருமபுரி திமுக மா.செ தர்மசெல்வன் சர்ச்சை ஆடியோ!’ தமிழக அரசுக்கு குவியும் கண்டனம்!

<p>நான் நினைத்தால் கலெக்டர், எஸ்.பியை மாற்ற முடியும் என தருமபுரி கிழக்கு மாவட்ட திமுக செயலாளர் தர்மசெல்வன் பேசிய ஆடியோவுக்கு எதிர்க்கட்சிகள் கண்டனம் தெரிவித்து வருகின்றன.&nbsp;</p><h2>எடப்பாடி பழனிசாமி, எதிர்க்கட்சித் தலைவர்&nbsp;</h2><p>திமுக தர்மபுரி கிழக்கு மாவட்ட பொறுப்பாளர் தர்மசெல்வன் மாவட்ட ஆட்சியர், மாவட்ட காவல் துறை கண்காணிப்பாளர் உட்பட ஒட்டுமொத்த மாவட்ட நிர்வாகத்திற்கும் மிரட்டல் விடுத்ததாக செய்திகள் வருகின்றன. தர்மபுரியில் மட்டுமல்ல இதுபோன்ற மிரட்டல்கள் திமுகவினரால் தமிழ்நாடு முழுவதும் நடைபெற்றுவருவதன் எடுத்துக்காட்டு தான் இது. முதலமைச்சர் மு.க.ஸ்டாலின் தலைமையிலான மன்னராட்சியில் திமுக அமைச்சர்களும், மாவட்ட செயலாளர்களும் குறுநில மன்னர்கள் போல் செயல்படுவதும், அரசு அதிகாரிகளை மிரட்டி தங்கள் ஏவலுக்கு அடிபணிய வைப்பதும் கடும் கண்டனத்திற்குரியது.&nbsp;</p><h2>மேலும் படிக்க:- <a class="manualbacklink" target="_blank" href="https://tamil.hindustantimes.com/tamilnadu/naam-tamilar-party-coordinator-seeman-declares-he-will-appear-before-police-only-at-his-convenience-131740724798720.html">’போலீஸ் முன் எனக்கு வசதியான நேரத்தில்தான் என்னால் ஆஜராக முடியும்’ சீமான் திட்டவட்டம்!</a></h2><p>திமுகவினரின் மிரட்டலால் அரசு அதிகாரிகள் மன அழுத்தத்தினாலும் வேதனையிலும் சோர்வுற்று இருப்பதை உணர முடிகிறது. மேலும் இந்த ஆட்சியில் அதிகாரிகள் அத்துமீறுவதும், காவல்துறை ஏவல்துறையாக மாறியிருப்பதும் இத்தகைய அழுத்தத்தால் தானா என்ற கேள்விக்கு இதுவே பதிலாகவும் அமைந்துள்ளது.</p><p>ஆட்சியரையே மிரட்டத் துணிந்தவர்கள், சாமானிய மக்களை எத்தகைய இன்னலுக்கு ஆளாக்குவார்கள் என்பதை நினைத்துப் பார்க்கக்கூட முடியவில்லை. அரசு அதிகாரிகளையும், மக்களையும் வஞ்சிக்கும் இந்த காட்டாட்சிக்கு விரைவில் முற்றுப்புள்ளி வைப்பதே இதற்கு தீர்வாக அமையும்.</p><h2>மருத்துவர் ராமதாஸ், பாமக நிறுவனர்&nbsp;</h2><p>தருமபுரி மாவட்டத்தைப் பொறுத்தவரை மாவட்ட ஆட்சியராக இருந்தாலும், காவல்துறை கண்காணிப்பாளர் ஆக இருந்தாலும் நான் சொல்வதைத் தான் கேட்க வேண்டும்; இல்லாவிட்டால் அந்த அதிகாரி இருக்க மாட்டான் என்று தருமபுரி கிழக்கு மாவட்ட திமுக பொறுப்பாளர் தர்மசெல்வன் பேசியதாக ஓர் ஆடியோ சமூக ஊடகங்களில் வைரலாகி வருகிறது. மாவட்ட ஆட்சியர், காவல் கண்காணிப்பாளர் உள்ளிட்ட இந்திய குடிமைப் பணி அதிகாரியை ஒரு கட்சியின் மாவட்ட பொறுப்பாளர் ஒருமையில் திட்டுவதும், அவர் மீது எந்த நடவடிக்கையும் எடுக்காமல் தமிழக அரசு வேடிக்கைப் பார்ப்பதும் கண்டிக்கத்தக்கவை.</p><p>தருமபுரி கிழக்கு மாவட்ட திமுகவின் பொறுப்பாளராக அண்மையில் நியமிக்கப்பட்ட தர்மசெல்வன் நேற்று தருமபுரியில் நடைபெற்ற அக்கட்சியின் மாவட்ட செயற்குழு கூட்டத்தில் பேசியதாக ஆடியோ ஒன்று சமூக ஊடகங்ளில் வேகமாக பரவி வருகிறது. அந்த ஆடியோவில்,‘‘ இந்த மாவட்டத்தில் ஆட்சியராக இருந்தாலும், காவல் கண்காணிப்பாளராக இருந்தாலும், அவர்களுக்குக் கீழ் உள்ள அதிகாரிகளாக இருந்தாலும் நான் சொல்வதைத் தான் கேட்க வேண்டும். இல்லாவிட்டால் அவங்க இருக்க மாட்டாங்க. இதை நான் செய்வேன். எனக்குத் தெரியாமல் அவர்கள் ....... கூட விட முடியாது. இங்கு யாரும் கேம் ஆட முடியாது. அதிகாரிகள் கேம் ஆடினால் அவர்கள் கதை முடிந்து விடும்’’ என்று தர்மசெல்வன் பேசியிருக்கிறார். அதிகாரிகளை இவ்வாறு மிரட்டுவதை அனுமதிக்க முடியாது.</p><h2>மேலும் படிக்க:- <a class="manualbacklink" target="_blank" href="https://tamil.hindustantimes.com/tamilnadu/seemans-wife-kayalvizhi-announces-complaint-against-police-officer-praveen-rajesh-for-allegedly-attacking-exsoldier-131740721389789.html">’காவல் ஆய்வாளர் பிரவீன் ராஜேஷ் மீது மனித உரிமைகள் ஆணையத்தில் புகார் அளிப்போம்!’ சீமானின் மனைவி கயல்விழி</a></h2><p>அரசியல்வாதிகள் தற்காலிகமானவர்கள்; அவர்கள் அதிகாரத்திற்கு வருவதும், பதவியிலிருந்து இறங்குவதும் காலத்தின் சுழற்சியில் மாறி மாறி நடந்து கொண்டிருக்கும். ஆனால், அதிகாரிகள் நிரந்தமானவர்கள்; அவர்கள் தான் அரசை இயக்குபவர்கள். முதலமைச்சராக இருப்பவரால் கூட எந்த ஆணையையும் பிறப்பிக்க முடியாது. முதலமைச்சருக்கு செயலாளரை நியமிக்கும் ஆணையாக இருந்தாலும் அதில் அரசுத்துறை செயலாளர்கள் தான் கையெழுத்திட வேண்டும். அரசு நிர்வாகத்தின் ஆணி வேராக திகழும் அதிகாரிகளை ஆட்சியாளர்கள் மிகவும் மரியாதையாக நடத்த வேண்டும். ஆனால், எந்த அதிகாரத்திலும் இல்லாத, பத்தாம் வகுப்புக் கூட படிக்காத ஒருவர், திமுகவின் மாவட்ட பொறுப்பாளராக நியமிக்கப்பட்டு விட்டார் என்ற ஒரே காரணத்திற்காக மாவட்ட ஆட்சியரையும், காவல்துறை கண்காணிப்பாளரையும் மிரட்டும் வகையில் பேசுவது அரசு எந்திரத்தின் மீது நடத்தப்பட்ட அவமரியாதையான தாக்குதல் ஆகும்.</p><p>மாவட்ட அதிகாரிகளை மிரட்டுவதுடன் மட்டும் இல்லாமல், அதற்கு திமுக தலைவரும், முதலமைச்சருமான மு.க.ஸ்டாலின் அவர்களின் அங்கீகாரமும் இருப்பதாக மாவட்ட பொறுப்பாளர் தர்மசெல்வன் கூறியிருப்பது அதிர்ச்சியளிக்கிறது.‘‘ தலைவரே என்னிடம் சொல்லியிருக்கிறார். நீ சொல்வதை அதிகாரிகளோ அல்லது மற்றவர்களோ கேட்கவில்லை என்றால் உனது லெட்டர் ஹெட்டில் எழுதி எனக்கு கடிதமாகக் கொடு என்று என்னிடம் தலைவர் கூறியிருக்கிறார்’’ என்று தர்மசெல்வன் எச்சரித்திருக்கிறார். மாவட்ட ஆட்சியர் உள்ளிட்ட அனைத்து அதிகாரிகளையும் பாதுகாக்க வேண்டிய பொறுப்பும், அவர்கள் கண்ணியமாக நடத்தப்படுவதை உறுதி செய்ய வேண்டிய வேண்டிய பொறுப்பும் முதலமைச்சர் மு.க.ஸ்டாலின் அவர்களுக்கு உண்டு. ஆனால், அவரே அதிகாரிகளை மிரட்ட அதிகாரம் கொடுத்திருப்பதாக மாவட்ட பொறுப்பாளர் கூறுகிறார். தமது ஒப்புதலுடன் தான் அவர் அப்படி பேசினாரா? என்பதற்கு முதலமைச்சர் மு.க.ஸ்டாலின் அவர்கள் விளக்கமளிக்க வேண்டும்; அப்படி இல்லையெல்லாம் தர்மசெல்வன் மீது நடவடிக்கை எடுக்க வேண்டும்.</p><p>தருமபுரி கிழக்கு மாவட்ட திமுக பொறுப்பாளர் அதிகாரிகளை மிரட்டும் ஆடியோ வெளியாகியிருப்பதால் இந்த உண்மை வெளிச்சத்திற்கு வந்திருக்கிறது. தமிழ்நாட்டின் அனைத்து மாவட்டங்களிலும் மாவட்ட ஆட்சியர், காவல் கண்காணிப்பாளர் உள்ளிட்ட அதிகாரிகள் திமுகவினரால் தொடர்ந்து அவமதிக்கப்பட்டு கொண்டு தான் இருக்கிறார்கள். அவற்றுக்கான ஆதாரங்கள் இல்லாததால் அவை வெளியுலகத்திற்கு தெரியவில்லை. இப்படியாக தமிழ்நாடு முழுவதும் திமுகவினரால் அதிகாரிகள் தொடர்ந்து அவமரியாதை செய்யப்பட்டு வருகின்றனர். ஏதோ சில காரணங்களுக்காக அதிகாரிகளும் இதை சகித்துக் கொள்வது வேதனையளிக்கிறது.</p><p>அதிகாரிகள் என் பேச்சைக் கேட்காவிட்டால் அவர்களின் கதையை முடித்து விடுவேன், அவர்கள் இனி இருக்க மாட்டார்கள் என திமுக மாவட்டச் செயலாளர்களை வைத்து மிரட்டுவது தான் திராவிட மாடலா? என்பதற்கு முதலமைச்சர் மு.க.ஸ்டாலின் அவர்கள் விளக்கமளிக்க வேண்டும். அதிகாரிகளை அச்சுறுத்திய திமுக மாவட்ட பொறுப்பாளர் தர்மசெல்வன் மீது சட்டப்படி நடவடிக்கை எடுக்க வேண்டும்.</p><h2>மேலும் படிக்க:- <a class="manualbacklink" target="_blank" href="https://tamil.hindustantimes.com/tamilnadu/dmk-dharmapuri-east-district-secretary-dharma-selvan-sparks-audio-controversy-over-district-collector-and-sp-131740735968966.html">’என்னை மீறி ஒரு அதிகாரி கு* விட முடியாது! கலெக்டர் நான் சொல்றததான் கேக்கணும்!’ திமுக ம.செவின் சர்ச்சை ஆடியோ!</a></h2>

<ul><li>மு.க.ஸ்டாலின் தலைமையிலான மன்னராட்சியில் திமுக அமைச்சர்களும், மாவட்ட செயலாளர்களும் குறுநில மன்னர்கள் போல் செயல்படுவதும், அரசு அதிகாரிகளை மிரட்டி தங்கள் ஏவலுக்கு அடிபணிய வைப்பதும் கடும் கண்டனத்திற்குரியது என எடப்பாடி பழனிசாமி கண்டனம்</li></ul>

’என்னை மீறி ஒரு அதிகாரி கு* விட முடியாது! கலெக்டர் நான் சொல்றததான் கேக்கணும்!’ திமுக ம.செவின் சர்ச்சை ஆடியோ!

<p>நான் நினைத்தால் கலெக்டர், எஸ்.பியை கூட மாற்ற முடியும்; எல்லோருமே எனக்கு கீழேதான் என தருமபுரி கிழக்கு மாவட்ட செயலாளர் தர்மசெல்வன் பேசியதாக சமூகவலைத்தளகளில் வைரல் ஆகி வருகிறது.&nbsp;</p><h2>தருமபுரி கிழக்கு மாவட்ட செயலாளர்</h2><p>தருமபுரியில் திமுக இரண்டு மாவட்டமாக பிரிக்கப்பட்டு உள்ளது. தருமபுரி கிழக்கு மாவட்டத்திற்குள் தருமபுரி, பென்னாகரம் ஆகிய 2 தொகுதிகளும், தருமபுரி மேற்கு மாவட்டத்தில் பாப்பிரெட்டிப்பட்டி, அரூர், பாலக்கோடு ஆகிய சட்டமன்றத் தொகுதிகளும் உள்ளன. &nbsp;</p><p>இந்த நிலையில் கடந்த தருமபுரி கிழக்கு மாவட்ட செயலாளராக இருந்த தடங்கம் சுப்பிரமணியிடம் இருந்து அப்பொறுப்பு பறிக்கப்பட்டு தர்மசெல்வனுக்கு வழங்கப்பட்டது. இதன் பின்னர் தருமபுரி கிழக்கு மாவட்ட செயற்குழு கூட்டத்தில் தர்ம செல்வன் பேசிய ஆடியோவை அங்கிருந்தவர்கள் ரெக்கார்ட் செய்து வெளியிட்டு உள்ளனர். இந்த ஆடியோ தற்போது வைரல் ஆகி கடும் விமர்சனங்களை ஏற்படுத்தி வருகிறது.&nbsp;</p><h2>மேலும் படிக்க:- <a class="manualbacklink" target="_blank" href="https://tamil.hindustantimes.com/tamilnadu/top-10-news-aadhav-arjunas-wife-daisy-clarifies-family-stance-on-his-political-activities-vadivelu-speech-on-dmk-131740713871521.html">டாப் 10 தமிழ் நியூஸ்: ’ஆதவ் அர்ஜூனாவுக்கு எதிராக மனைவி அறிக்கை! திமுக மேடையில் வடிவேலு’</a></h2><h2>தர்மசெல்வன் பேசியது என்ன?</h2><p>“ஒரே அதிகாரி கூட நான் சொல்றது கேட்கல, அந்த அதிகாரி இருக்க மாட்டான். இதுல யாரும் தலையிட முடியாது. நீங்க நினைக்கிற ஆளுங்க எல்லாம் சொல்லி அந்த ஆளுங்களை மாத்த முடியாது. நான் லெட்டர் வச்சாதான் மாத்த முடியும். அதை நீங்க உணர்ந்துக்கணும், சரிங்களா; கலெக்டர் நான் சொல்றது தான் கேட்கணும். எஸ்பி நான் சொல்றது தான் கேட்கணும். கீழ இருக்கிற அத்தனை நிர்வாகமும் நான் சொல்றது தான் கேட்கணும். கேட்கலைன்னா அவங்க இருக்க மாட்டாங்க, இதை நான் செய்வேன்.&nbsp;</p><h2>மேலும் படிக்க:- <a class="manualbacklink" target="_blank" href="https://tamil.hindustantimes.com/tamilnadu/tvk-election-wing-general-secretary-aadhav-arjunas-political-activities-have-no-link-to-our-family-says-wife-daisy-131740717934690.html">ஆதவ் அர்ஜூனாவின் அரசியலுக்கும் எங்கள் குடும்பத்திற்கும் தொடர்பில்லை! ஆதவ் மனைவி டெய்சி திட்டவட்டம்!</a></h2><p>எந்த அதிகாரியும் குசு கூட விட முடியாது. என்னை மீறி அப்படி இப்படி கேம் ஆடுறதுக்கு எல்லாம் இடமே கிடையாது. எவனும் கேம் ஆட முடியாது. கேம் ஆடுனா முடிஞ்சு அவன் கதை. எனக்கு என்ன தலைவர் சொல்லி இருக்காரு எனக்கு தெரியும். நீ சொல்றதுக்கு வந்து அங்க வந்துட்டு அதிகாரி அதிகாரிகளா இருந்தாலும் சரி, யாராக இருந்தாலும் சரி, கேக்கலன்னா உங்க லெட்டர் பேடல எனக்கு லெட்டர் கொடுன்னு சொல்லிக்கிறார்.&nbsp;</p><p>சரியா, கலெக்டர் உட்பட நான் சொல்றேன். அதுக்கு மேல நான் கீழ உள்ளவங்க எல்லாம் நான் பேச விரும்பல. பிடிஓ-வா அந்த பிடிஓ ஆபீஸ்ல ’ஏ டு இசட்’ எதுவா இருந்தாலும் எனக்கு தெரியணும். ஒன்றிய செயலாளருக்கு தெரியணும். அப்படித்தான் நடக்கும். இதுல யாரும் உள்ள பூந்து குறுக்குசால் ஓட்ட முடியாது. நம்ம பொறுப்பு அமைச்சர் இதுக்கு முன்னாடி அவர் எப்படி பண்ணிருந்தார் என எனக்கு தெரியாது.&nbsp;</p><h2>மேலும் படிக்க:- <a class="manualbacklink" target="_blank" href="https://tamil.hindustantimes.com/tamilnadu/seemans-wife-kayalvizhi-announces-complaint-against-police-officer-praveen-rajesh-for-allegedly-attacking-exsoldier-131740721389789.html">’காவல் ஆய்வாளர் பிரவீன் ராஜேஷ் மீது மனித உரிமைகள் ஆணையத்தில் புகார் அளிப்போம்!’ சீமானின் மனைவி கயல்விழி</a></h2>

<ul><li>“ஒரே அதிகாரி கூட நான் சொல்றது கேட்கல, அந்த அதிகாரி இருக்க மாட்டான். இதுல யாரும் தலையிட முடியாது. நீங்க நினைக்கிற ஆளுங்க எல்லாம் சொல்லி அந்த ஆளுங்களை மாத்த முடியாது. நான் லெட்டர் வச்சாதான் மாத்த முடியும்”</li></ul>

Top 10 Tamil News: கோவையில் 10 கார் எரிந்தது.. ஷூ தாக்குதலில் போலீஸ்.. மீனவர்களுக்கு ரூ1.5 கோடி அபராதம்!

Tamil Top 10 news 

<ul><li>தமிழகம் முழுவதும் நடந்த முக்கியமான நிகழ்வுகளின் முழுத்தொகுப்புகள் இதோ உங்களுக்காக, காலையில் கட்டாயம் அறிய வேண்டிய டாப் 10 செய்திகள்.</li></ul>

  Dharmapuri

ஆன்லைன் புதுப்பிப்புகளுடன் இன்றைய தமிழ்நாட்டின் சமீபத்திய செய்திகளைக் கண்டறியவும். தமிழ்நாட்டின் அரசியல், நிகழ்வுகள் மற்றும் முக்கியச் செய்திகள் மற்றும் தமிழ்நாட்டிலிருந்து வரும் பல நிகழ்வுகளைப் பற்றிய இன்றைய செய்திகளை HT தமிழில் படித்து தெரிந்துகொள்ளுங்கள். Stay informed with Latest Tamil Nadu today news on politics, events, and breaking news, and more from Tamil Nadu only on HT Tamil.

Tamil Nadu

Tamil Nadu News Today: இன்றைய தமிழக செய்திகள்: தமிழக செய்திகள் ஆன்லைன் அப்டேட்ஸ் & பிரேக்கிங் நியூஸ்

அட்சய திருதியை 2025: தங்கம், வெள்ளி வாங்க முடியாவிட்டால் வேறு என்னென்ன பொருள்கள் வாங்கலாம்? - இதோ லிஸ்ட்!

<p>ஒவ்வொரு ஆண்டும் சித்திரை மாத அமாவாசைக்கு பிறகு வரும் வளர்பிறை திருதியை அட்சய திருதியை என்று கொண்டாடுகிறோம். ஜோதிடத்தின் படி, இந்த நாளில் தொடங்கும் செயல்கள் யாவும் வளரும். வாங்கும் பொருட்கள் யாவும் பெருகும். செய்யும் தானங்கள் பல கோடி மடங்கு புண்ணியங்களை அருளும் என்பது நம்பிக்கை.</p><p>அந்த வகையில் இந்த ஆண்டு அட்சய திருதியை வருகிற ஏப்ரல் 29ம் தேதி அன்று மாலை 05:31 மணிக்குத் தொடங்கி ஏப்ரல் 30 அன்று பிற்பகல் 02:12 மணிக்கு நிறைவு பெறும். இந்த நாளில் வழிபாடு செய்ய உகந்த நேரம் ஏப்ரல் 30 ஆம் தேதி காலை 05:41 மணி முதல் மதியம் 12:18 மணி வரை ஆகும். சுப முகூர்த்தத்தின் மொத்த காலம் 06 மணி 37 நிமிடங்கள். இந்த நேரத்தில், வழிபாட்டுடன் புதுமனை புகுதலையும் செய்யலாம்</p><p>மத நம்பிக்கைகளின்படி, இந்த நாளில் நீங்கள் தங்கம் மற்றும் வெள்ளியை எடுக்க முடியாவிட்டால், பாத்திரங்கள், சோழிகள், துளசி, மஞ்சள், கடுகு, கல் உப்பு, பார்லி, பருத்தி மற்றும் ஸ்ரீ யந்திரம் ஆகியவற்றை வாங்குவது மிகவும் மங்களகரமானதாக இருக்கும்.</p><p><strong>மேலும் படிக்க |</strong> <a href="https://tamil.hindustantimes.com/astrology/lucky-letters-women-whose-names-start-with-these-4-english-letters-bring-lots-of-lucky-131744612832262.html" target="_blank">அதிர்ஷ்ட எழுத்துக்கள்: இந்த 4 ஆங்கில எழுத்துக்களில் பெயர் தொடங்கும் பெண்கள் அதிர்ஷ்ட தேவதைகளாம்..!</a></p><h2>தானம் செய்ய வேண்டியவை</h2><p>ஐந்து மஞ்சள் கட்டிகள், சத்னாஜம் (ஏழு வகையான தானியங்கள்), எந்தவொரு மத புத்தகம், ஜபிக்கும் மாலை, குறிப்பாக மஞ்சள் அல்லது தாமரை மாலை, கடவுளின் ஆடைகள், மயில் இறகுகள், புல்லாங்குழல், பழங்கள், காய்கறிகள், தானியங்களும் பலனளிக்கும். குடம், மின்விசிறி, ஆடைகள், ஒப்பனை பொருட்கள், குடை, ஷூ, செருப்புகள், ஸ்டாண்டுகள், பெல் பழம், பருவகால பழங்கள் போன்றவற்றையும் தானமாக வழங்கலாம்.</p><h2>அட்சய திருதியை அன்று 12 ராசிக்காரர்களும் தானம் செய்ய வேண்டிய பொருள்கள் எவை?</h2><h2>மேஷம்</h2><p>அட்சய திருதியை அன்று மேஷ ராசிக்காரர்கள் பார்லி மற்றும் தானியங்களை தானம் செய்யலாம். சாம்பார் சாதத்தை தானம் செய்வது நற்பலன்களை ஏற்படுத்துமாம். செம்பு பாத்திரங்களை வங்குவது லட்சுமி கடாட்சத்தை தரும்.</p><h2>ரிஷபம்</h2><p>ரிஷப ராசியினர் பால் பொருள்கள், பழங்களை தானம் செய்வது நற்பலன்களைத் தரும். வீட்டிற்கு நெய் வாங்குவது லட்சுமி கடாட்சத்தை கொண்டு வரும்.</p><h2>மிதுனம்</h2><p>வெள்ளரிக்காய், கீரை சாதம், பச்சைக் கீரைகள் தானம் செய்வது மிதுன ராசிக்காரர்களுக்கு நன்மை தரும். புத்தாடைகள் வாங்குவது லட்சுமி கடாட்சத்தை ஏற்படுத்தி தரும்.</p><p><strong>மேலும் படிக்க |</strong> <a href="https://tamil.hindustantimes.com/astrology/is-it-auspicious-to-go-abroad-is-it-a-bad-omen-who-will-get-a-green-card-what-does-the-astrologer-say-131745740630181.html" target="_blank">வெளிநாடு செல்வது யோகமா? தோஷமா?.. கிரீன் கார்டு யாருக்கு கிடைக்கும்?.. ஜோதிடர் கூறுவது என்ன? - விபரம் இதோ!</a></p><h2>கடகம்</h2><p>அட்சய திருதியை நாளில் கடக ராசியினர் நீர்மோர் தானம் செய்வது நன்மை தரும். புதிய ஆடைகள் மற்றும் பழங்கள் தானம் செய்யலாம். வெண்ணைப் பொருள்களை வாங்குவது லட்சுமி கடாட்சத்தை ஏற்படுத்தி தரும்.</p><h2>சிம்மம்</h2><p>சிம்ம ராசியினர் ஏழைகளுக்கு உணவு கொடுப்பது நல்ல பலன்களைத் தரும். கோதுமை பலகாரங்களை வாங்குவது லட்சுமி கடாட்சத்தை ஏற்படுத்தித் தரும்.</p><h2>கன்னி</h2><p>கன்னி ராசிக்காரர்கள் பேரிச்சை பழம், பருவகால பழங்கள், விசிறி அல்லது தண்ணீரை தானம் செய்வது மங்களகரமானதாகக் கருதப்படுகிறது. பெண்களுக்குத் தேவையான அணிகலன்கள், புத்தாடைகள் வாங்குவது லட்சுமி கடாட்சத்தை ஏற்படுத்தி தரும்</p><h2>துலாம்</h2><p>துலாம் ராசியினர் பால், தயிர், பேரிச்சை பழம் போன்றவற்றை தானம் செய்வது நன்மை தரும். முந்திரி, திராட்சை வாங்குவது லட்சுமி கடாட்சத்தை ஏற்படுத்தி தரும்.</p><h2>விருச்சிகம்</h2><p>விருச்சிக ராசி அன்பர்கள் பழரசம் தானம் செய்வது நன்மை தரும். வெள்ளரி மற்றும் தர்பூசணி பழங்களை வாங்குவது லட்சுமி கடாட்சத்தை ஏற்படுத்தி தரும்.</p><p><strong>மேலும் படிக்க |</strong> <a href="https://tamil.hindustantimes.com/astrology/what-are-the-astrological-benefits-of-keeping-a-dog-at-home-astrology-interpretation-131743742022988.html" target="_blank">வீட்டில் நாய் வளர்ப்பதால் ஏற்படும் பலன்கள்? தோஷங்களுக்கு தீர்வு உண்டா? ஜோதிடர் விளக்கம்!</a></p><h2>தனுசு</h2><p>தனுசு ராசியினர் ஏழைகளுக்கு பழங்கள் மற்றும் நீர் ஆகாரம்ம் தானம் செய்வது நன்மை தரும். வெல்லம் வாங்குவது வீட்டில் லட்சுமி கடாட்சத்தை ஏற்படுத்தி தரும்.</p><h2>மகரம்</h2><p>மகர ராசி அன்பர்கள் இனிப்புகள், நிலக்கடலை மற்றும் கிழங்குகளை நன்கொடை அளிப்பதும், உப்பு, தளபாட பொருட்கள் வாங்குவதும் மங்களகரமாக கருதப்படுகிறது.</p><h2>கும்பம்</h2><p>கும்ப ராசியினர் கடலை, இளநீர், கனிகள் மற்றும் சத்தான பொருட்களை தானம் செய்வது நற்பலன்களை தரும். அட்சய திருதியை நாளில் அரிசி வாங்குவது லட்சுமி கடாட்சத்தை ஏற்படுத்தி தரும்.</p><h2>மீனம்</h2><p>மீனம் ராசிக்காரர்கள் மஞ்சள், இனிப்புகள் தானம் செய்வது நன்மை தரும். மோர் மற்றும் பால் பொருள்கள் வாங்குவது லட்சுமி கடாட்சத்தை கொண்டு வரும்.</p><h2>பொறுப்பு துறப்பு</h2><p>இந்த கட்டுரையில் கொடுக்கப்பட்டுள்ள தகவல்கள் முற்றிலும் உண்மை மற்றும் துல்லியமானவை என்று நாங்கள் கூறவில்லை. அவற்றைத் தேர்வு செய்வதற்கு முன், சம்பந்தப்பட்ட துறையில் நிபுணரை அணுகவும்.</p>

அட்சய திருதியை 2025: அட்சய திருதியை அன்று சுபமுகூர்த்த நாள் ஆகும். இந்நாளில் தங்கம் மற்றும் வெள்ளி பொருட்குவது பாரம்பரியமாக உள்ளது. வாங்க முடியாதவர்கள் வேறு சில பொருட்களை வாங்குவது மங்களகரமானதாக கருதப்படுகிறது. அது என்னென்ன பொருட்கள் என்று பார்ப்போம்.

வெற்றி சாத்தியம்.. பணத்தை பத்திரம்.. கவனமா இருக்க வேண்டியது யார்.. இன்று ஏப்.28 உங்கள் நாள் எப்படி இருக்கும் பாருங்க!

Rasipalan

இன்றைய ராசிபலன் : இன்று 28 ஏப்ரல் 2025 திங்கள்கிழமை. இன்று எந்த ராசிக்காரர்களுக்கு சாதகமான நாள். யார் எச்சரிக்கையாக இருக்க வேண்டும். மேஷம் முதல் மீனம் வரை உள்ள ராசிகளுக்கு எப்படி இருக்கும் என்பதை பார்க்கலாம்.

வாழ்க்கையில் ஒரு முறையாவது மிஸ் செய்யாமல் செல்ல வேண்டிய இடங்கள்.. யுனெஸ்கோ அங்கீகாரம் பெற்ற இந்திய கோயில்கள்

UNESCO temples in India

இந்தியா பல்வேறு முக்கியமான கோயில்கள் மற்றும் பாரம்பரிய தளங்களைக் கொண்ட நாடாக திகழ்கிறது. பல நூற்றாண்டுகள் பழமையான வரலாற்றைக் கொண்ட இந்த இடங்கள் இந்திய கலை மற்றும் கைவினைத்திறனின் சின்னமாகத் திகழ்கின்றன

மண்ணில் மக்களாட்சி இருக்கும் வரை.. மாநிலத்தில் சுயாட்சி! மத்தியில் கூட்டாட்சி.. உணர்ச்சி பொங்கி பேசிய ஸ்டாலின்..

<p>தமிழ்நாடு சட்டமன்றப் பேரவையில் நிறைவேற்றி அனுப்பிய சட்டமுன்வடிவுகளுக்கு ஆளுநர் ஒப்புதல் அளிக்காமல் நிறுத்தி வைத்திருந்தது சட்டவிரோதமானது என்று உச்சநீதிமன்றம் தீர்ப்பு வழங்கியது. தமிழ்நாடு அரசுக்கு சாதகமாக வழங்கிய வரலாற்று சிறப்புமிக்க தீர்ப்பை பெற்றுத் தந்த உச்சநீதிமன்ற மூத்த வழக்கறிஞர்களுக்கான பாராட்டு விழா இன்று நடைபெற்றது. அதில், தமிழ்நாடு முதலமைச்சர் மு.க.ஸ்டாலின் பங்கேற்று தன் கருத்துகளை வெளிப்படுத்தினார்.</p><p>மேலும் படிக்க| <a href="https://tamil.hindustantimes.com/tamilnadu/ss-sivasankar-who-set-to-take-on-additional-responsibility-as-the-minister-of-electricity-to-be-faced-some-challenges-131745765784107.html" target="_blank">தொடர்ந்து ஏறுமுகத்தில் அமைச்சர் எஸ்.எஸ்.சிவசங்கர்.. கூடுதல் பொறுப்பால் வரும் சவால்கள்..</a></p><h2>பாராட்டு விழா</h2><p>அப்போது பேசிய முதலமைச்சர், " இந்த விழாவை பாராட்டு விழா என்று சொல்வதைவிட, வெற்றி விழா என்று சொல்வதுதான் பொருத்தமாக இருக்கும். இந்திய அரசியல் சட்ட வரலாற்றில் எந்த மாநிலமும் எப்போதும் பெற்றிடாத இந்த மாபெரும் வெற்றிக்கு வித்திட்ட வழக்கறிஞர்களைப் பாராட்ட நாம் கூடி இருக்கிறோம்.</p><h2>மிகப் பெரிய வெற்றி</h2><p>மக்களால் தேர்ந்தெடுக்கப்பட்ட மாநில அரசுகளை ஆளுநர் என்ற நியமனப் பதவி மூலம் கட்டுப்படுத்தலாம் என்ற எண்ணம் கொண்டு, போட்டி அரசுகளை நடத்த தொல்லைகள் கொடுக்கின்ற காலத்தில், மிக முக்கியமான இந்த தீர்ப்பை உச்சநீதிமன்றம் வழங்கியிருக்கிறது. உச்சநீதிமன்ற நீதிபதிகள் பர்த்திவாலா, மகாதேவன் அமர்வு வழங்கிய தீர்ப்பு தமிழ்நாட்டுக்கு மட்டும் கிடைத்த வெற்றி அல்ல. மக்களாட்சிக்கும் மாநில சட்டமன்றங்களின் உரிமைகளுக்கும் கிடைத்த மகத்தான வெற்றி. ஆளுநருக்கும், குடியரசுத் தலைவருக்கும் காலக்கெடு நிர்ணயித்தது மிகப்பெரிய வெற்றி.</p><h2>தலைநிமிர்ந்து வணக்கம்</h2><p>“அரசியல் சாசன பிரிவு 142-இன் கீழ் உச்சநீதிமன்றத்திற்கு உள்ள சிறப்பு அதிகாரத்தைப் பயன்படுத்தி, தமிழ்நாடு அரசின் 10 மசோதாக்களுக்கும் ஒப்புதல் அளிக்கப்படுகிறது. இந்த மசோதாக்கள் அனைத்தும் உடனே சட்டமாகி நடைமுறைக்கு வருகிறது” என்று நீதியரசர்கள் தீர்ப்பளித்தபோது, ஒட்டுமொத்த இந்திய மாநிலங்களும் தலைநிமிர்ந்து உச்சநீதிமன்றத்திற்கு வணக்கம் செலுத்தியது.</p><p>மேலும் படிக்க|<a href="https://tamil.hindustantimes.com/tamilnadu/what-is-the-political-journey-of-former-minister-senthil-balaji-who-started-in-karur-district-131745767543467.html" target="_blank"> 'எங்கே செல்லும் இந்தப் பாதை..' அரசியல்வாதியாக செந்தில் பாலாஜியின் பயணமும் நிறுத்தமும்!</a></p><h2>தமிழ்நாடு அரசு பெற்றுத் தந்த விடுதலை</h2><p>ஒன்றிய அரசுக்கும், மாநில அரசுக்கும் இடையே இருக்கக்கூடிய அதிகாரப் பகிர்வில் மாநில அரசுகளின் உரிமைகளை எக்காலத்திலும் பாதுகாத்திடும் வரலாற்று சாசனமாக இந்த தீர்ப்பு என்றென்றும் நிலைத்திருக்கும். இன்னும் பெருமையோடு சொல்கிறேன். இது இந்திய மாநிலங்களுக்கு தமிழ்நாடு அரசு உச்சநீதிமன்றத்தால் பெபெற்றுத்தந்திருக்கக்கூடிய மாபெரும் விடுதலை.</p><h2>தமிழ்நாடு அரசின் பாராட்டு</h2><p>இந்த அரசியல் உரிமையை சட்டபூர்வமான வாதங்களின் மூலமாக தமிழ்நாடு அரசு முன்வைத்து வாதாடியது. அந்த அறிவார்ந்த வாதங்களுக்குச் சொந்தக்காரர்களான வழக்கறிஞர்கள்தான் இன்றைக்கு நம்மோடு இருக்கிறார்கள். இவர்கள் ஒவ்வொருவரையும் தனித்தனியாக, தமிழ்நாடு அரசின் சார்பில் பாராட்ட நான் கடமைப்பட்டிருக்கிறேன்.</p><p>உச்சநீதிமன்றத்தின் மூத்த வழக்கறிஞர் முன்னாள் அட்டர்னி ஜெனரல் முகுல் ரோத்தகியால், உச்சநீதிமன்றத்தின் மூத்த வழக்கறிஞர் முன்னாள் கூடுதல் சொலிசிட்டர் ஜெனரல் அபிஷேக் சிங்வி, உச்சநீதிமன்றத்தின் மூத்த வழக்கறிஞர் - ராகேஷ் திவேதி, உச்சநீதிமன்றத்தின் மூத்த வழக்கறிஞரும் மாநிலங்களவை உறுப்பினருமான வில்சன் ஆகியோரை தமிழ்நாடு அரசின் சார்பில் நான் பாராட்டுகிறேன்.</p><h2>வரலாற்றில் நிலைத்திருப்போம்</h2><p>இந்த மண்ணில் மக்களாட்சி இருக்கும் வரைக்கும், இந்த வழக்கும் வலுவான வாதங்களை வைத்த நீங்களும் பேசப்பட்டுக் கொண்டே இருப்பீர்கள். வழக்குத் தாக்கல் செய்த தமிழ்நாடும் வாதிட்ட நீங்களும் தீர்ப்பளித்த நீதியரசர்களும் வரலாற்றில் என்றைக்கும் நிலைத்திருப்போம் என்பது உறுதி.</p><p>மேலும் படிக்க|<a href="https://tamil.hindustantimes.com/tamilnadu/senior-dmk-leader-and-former-minister-k-ponmudy-political-journey-over-131745769248507.html" target="_blank"> ' மூடப்பட்ட கதவுகள்.. முடிந்ததா அரசியல் பயணம்? பொன்முடியின் அரசியலும் சர்ச்சைகளும்!</a></p><h2>மாநிலத்தில் சுயாட்சி! மத்தியில் கூட்டாட்சி</h2><p>இந்த தீர்ப்பு கொடுத்திருக்கும் புத்துணர்ச்சி மற்றும் நம்பிக்கையோடுதான் மாநில சுயாட்சிக் குழுவை நாம் உருவாக்கி இருக்கிறோம். இந்திய ஜனநாயகத்தில் மக்களாட்சிக்கு வலுசேர்க்க, பேரறிஞர் அண்ணா வலியுறுத்தி, தலைவர் கலைஞர் முழக்கமாக வடித்து கொடுத்ததுதான் “மாநிலத்தில் சுயாட்சி! மத்தியில் கூட்டாட்சி” என்ற இலக்கு. அந்த இலக்கை வென்றெடுக்க இந்தத் தீர்ப்பு வழிகாட்டி இருக்கிறது. மாநில சுயாட்சியைப் பெறுவோம். கூட்டாட்சி இந்தியாவை உருவாக்குவோம் " என உணர்ச்சி பொங்க பேசினார்.</p>

தமிழ்நாடு அரசின் சட்ட முன்முடிவுகளுக்கு ஆளுநர் ஒப்புதல் அளிக்க வலியுறுத்தி வந்த தீர்ப்பை மண்ணில் மக்களாட்சி இருக்கும் வரை நிலைத்திருக்கும் என தமிழ்நாடு முதலமைச்சர் ஸ்டாலின் பாராட்டி பேசி இருக்கிறார்.

ஐபிஎல் 2025: க்ருனால் அதிரடி.. டெல்லிக்கு பதிலடி.. புள்ளிப்பட்டியலில் டாப் இடத்துக்கு சென்ற ஆர்சிபி

<p>ஐபிஎல் 2025 தொடரில் 46வது போட்டி டெல்லி கேபிடல்ஸ் - ஆர்சிபி அணிகளுக்கு இடையே டெல்லி அருண் ஜெட்லி மைதானத்தில் நடைபெற்றது. இந்த போட்டி தொடங்கும் முன் டெல்லி கேபிடல்ஸ் அணி 8 போட்டிகளில் 6 வெற்றி, 2 தோல்வி என புள்ளிப்பட்டியலில் மூன்றாவது இடத்திலும், ஆர்சிபி அணி 9 போட்டிகளில் 6 வெற்றி, 3 தோல்விகளை பெற்று புள்ளிப்பட்டியலில் நான்காவது இடத்திலும் இருந்தது.</p><p>இந்த இரு அணிகளுக்கு இடையிலான முந்தைய மோதலில் டெல்லி கேபிடல்ஸ் வெற்றி பெற்றது. எனவே டெல்லி கேபிடல்ஸ் அணிக்கு பதிலடி தரும் போட்டியாக ஆர்சிபிக்கு இது அமைந்துள்ளது.</p><p>இந்த போட்டியில் டெல்லி கேபிடல்ஸ் அணியில் டூ பிளெசிஸ் அணிக்கு மீண்டும் திரும்பினார். ஆர்சிபி அணியில் ஓபனர் சால்ட்க்கு பதிலாக ஜேக்கப் பீதல் சேர்க்கப்பட்டார்.</p><p><strong>மேலும் படிக்க:</strong> <a href="https://tamil.hindustantimes.com/cricket/ipl-2025-45th-match-mumbai-indias-vs-lucknow-super-giants-match-result-read-more-details-mi-beat-lsg-by-54-runs-131745762860590.html" target="_blank">ஐபிஎல் 2025: பவுலிங்கில் பும்ரா, போல்ட் தெறி சம்பவம்.. லக்னோவை பழிதீர்த்த மும்பை இந்தியன்ஸ்</a></p><p>முதலில் பேட் செய்த டெல்லி கேபிடல்ஸ் 162 ரன்கள் எடுத்த நிலையில், இந்த ஸ்கோரை சேஸ் செய்த ஆர்சிபி 165 ரன்கள் எடுத்து 6 விக்கெட் வித்தியாசத்தில் வெற்றி பெற்றது</p><h2>ஆர்சிபி சேஸிங்</h2><p>முன்னதாக, டாஸ் வென்ற ஆர்சிபி கேப்டன் ராஜத் பட்டிதால் பவுலிங்கை தேர்வு செய்த நிலையில், முதலில் பேட் செய்த டெல்லி கேபிடல்ஸ் 20 ஓவரில் 8 விக்கெட் இழப்புக்கு 162 ரன்கள் எடுத்தது. இந்த ஸ்கோரை சேஸ் செய்த ஆர்சிபி அணி 18.3 ஓவரில் 4 விக்கெட் இழப்புக்கு 165 ரன்கள் எடுத்து, 9 பந்துகள் எஞ்சியிருக்க 6 விக்கெட்டுகள் வித்தியாசத்தில் வெற்றி பெற்றது. டெல்லிக்கு எதிரான முந்தைய மோதலில் பெற்ற தோல்விக்கு ஆர்சிபி பதிலடி கொடுத்ததுடன், இந்த வெற்றிக்கு பின்னர் புள்ளிப்பட்டியலிலும் டாப் இடத்துக்கு முன்னேறியது.</p><p>அதிகபட்சமாக க்ருனால் பாண்டியா 73, விராட் கோலி 51 ரன்கள் அடித்தனர். டெல்லி பவுலர்களில் சிறப்பாக பந்து வீசிய கேப்டன் அக்சர் படேல் 2 விக்கெட்டுகளை கைப்பற்றினார்.</p><h2>விராட் கோலி நிதானம்</h2><p>ஆர்சிபி அணியில் சால்ட்க்கு பதிலாக சேர்க்கப்பட்ட ஜேக்கப் பீதல் 12 ரன்னில் அவுட்டாகி முதல் ஆளாக வெளியேறினார். இதன் பின்னர் இம்பேக்ட் வீரராக தேவ்தத் படிக்கல் களமிறக்கப்பட்டார். ஆனால் அவர் எந்த தாக்கத்தையும் ஏற்படுத்தாமல் டக் அவுட்டான நிலையில், அடுத்து வந்த கேப்டன் பட்டிதார் 6 ரன்னில் நடையை கட்டினார்.</p><p><strong>மேலும் படிக்க: </strong><a href="https://tamil.hindustantimes.com/cricket/ms-dhoni-opened-up-on-his-relationship-with-virat-kohli-addressing-at-length-some-of-the-things-131742823489035.html" target="_blank">எனக்கும் கோலிக்கும் இடையே மெல்லிய கோடும் இருக்கும்.. மனம் திறந்து பேசிய தோனி</a></p><p>பவர்ப்ளே முடிவில் மூன்று முக்கிய விக்கெட்டுகளை இழந்த ஆர்சிபி அணி 35 ரன்கள் மட்டுமே எடுத்தது. ஓபனராக களமிறங்கிய கோலி விக்கெட் சரிவை தடுக்கும் விதமாக நிதான ஆட்டத்தை கடைப்பிடித்தார். அவ்வப்போது பவுண்டரிகளை அடித்த கோலி, ஐந்தாவது பேட்ஸ்மேனாக களமிறங்கிய க்ருனால் பாண்டியாவுடன் இணைந்து பார்ட்னர்ஷிப் அமைத்தார். பொறுமையாக ரன்களை சேர்த்து வந்த கோலி 45 பந்துகளில் அரைசதத்தை எட்டினார். அதன் பின்னர் 51 ரன்னில் முக்கியமான கட்டத்தில் அவுட்டானார்.</p><h2>க்ருனால் அதிரடி</h2><p>அணியின் ஸ்கோர் 4 ஓவரில் 3 விக்கெட் இழப்புக்கு 26 ரன்கள் இருந்தபோது ஆல்ரவுண்டர் க்ருனால் பாண்டியா களமிறக்கப்பட்டார். வழக்கமான பேட்டிங் ஆர்டரில் இருந்து புரொமோட் செய்யப்பட்ட க்ருனால் தொடக்கத்தில் நிதானத்தை வெளிப்படுத்த பின்னர் மெல்ல மெல்ல கியரை மாற்றி அதிரடியை வெளிப்படுத்த தொடங்கினார்.</p><p>இவருடன் பேட் செய்த கோலி ஸ்டிரைக் ரொட்டேட் செய்ய, க்ருனால் கிடைத்த வாய்ப்புக்களை பவுண்டரி, சிக்ஸர்களாக மாற்றினார். இவரது அதிரடியால் அணியின் ஸ்கோர் உயர்ந்த நிலையில் 38 பந்துகளில் அரைசதத்தை எட்டினார்.</p><p><strong>மேலும் படிக்க: </strong><a href="https://tamil.hindustantimes.com/cricket/performing-in-every-game-as-a-team-is-crucial-we-are-focusing-on-that-says-prasidh-krishna-131745766207166.html" target="_blank">ப்ளேஆஃப் வாய்ப்புக்கு நிலைத்தன்மை, குழுவாக விளையாடுவது முக்கியம்.. பிரசித் கிருஷ்ணா</a></p><p>அதன் பின்னர் அதிரடியை தொடர்ந்த க்ருனால் கடைசி வரை களத்தில் இருந்து ஆட்டத்தை பினிஷ் செய்தார். சிறிய கேமியோ இன்னிங்ஸை வெளிப்படுத்திய டிம் டேவிட் 5 பந்துகளில் 19 ரன்கள் அடித்து அவுட்டாகாமல் இருந்தார்.</p><p>டெல்லி பவுலர்களில் முகேஷ் குமார் 3.1 ஓவரில் 51 ரன்களை வாரி வழங்கினார். நெருக்கடி தரும் விதமாக பவுலிங் செய்த அக்சர் படேல் 4 ஓவரில் 19 ரன்கள் மட்டும் விட்டுக்கொடுத்து 2 விக்கெட்டுகளை வீழ்த்தினார்.</p>

ப்வர்ப்ளே முடிவதற்குள் மூன்று முக்கிய விக்கெட்டுகளை இழந்தபோதிலும், அவுட்டாகமல் இருந்த கோலி ஒரு புறம் நிதானம் காட்ட, மறுபுறத்தில் க்ருனால் அதிரடியில் மிரட்டினார். கடைசியில் டிம் டேவிட் சிறிய கேமியோ இன்னிங்ஸை வெளிப்படுத்தி டெல்லிக்கு பதிலடி கொடுத்த ஆர்சிபி புள்ளிப்பட்டியலில் டாப் இடம் சென்றுள்ளது.

இந்த சம்மரை கூலாக மாற்றும் முக்கிய திரைப்படங்கள்.. அமேசான் பிரைம் வீடியோ ஓடிடியில் மிஸ் பண்ணாதீங்க..

<p>பிரபல ஓடிடி தளமான அமேசான் பிரைம் வீடியோவில் இந்த மாதம் (ஏப்ரல், 2025) பல திரைப்படங்கள் ஸ்ட்ரீமிங் செய்யப்பட்டுள்ளன. வெவ்வேறு ஜானர்களைச் சேர்ந்த படங்கள் தங்கள் வருகையின் மூலம் மக்களை கவர்ந்துள்ளன. அவற்றில் சில சுவாரஸ்யமான படங்கள் என்னென்ன என்பதை இங்கு பார்க்கலாம்.</p><p>மேலும் படிக்க| <a href="https://tamil.hindustantimes.com/entertainment/actress-nayanthara-has-demanded-a-salary-of-rs-18-crores-to-act-in-a-telugu-film-rumor-is-circulating-on-the-internet-131745772465671.html" target="_blank">நயன்தாரா கேட்ட சம்பளம்! வாயடைத்துப் போன டோலிவுட்! அப்படி எவ்வளவு கேட்டார் தெரியுமா? தீயாய் பரவும் தகவல்..</a></p><h2>சோரி 2</h2><p>சோரி 2 ஏப்ரல் 11 ஆம் தேதி அமேசான் பிரைம் வீடியோ ஓடிடியில் ஸ்ட்ரீமிங் செய்யப்பட்டது. திகில் த்ரில்லர் படமான இதில் நுஷ்ரத் பருச்சா மற்றும் சோஹா அலிகான் ஆகியோர் முக்கிய கதாபாத்திரங்களில் நடித்தனர். விஷால் ஃபூரியா இயக்கியுள்ள இந்த படம் தனது மகளை காப்பாற்ற தாயார் எடுக்கும் முயற்சிகளை மையமாக வைத்து எடுக்கப்பட்டுள்ளது. சோரி 2 படத்தில் திகில் கூறுகள் மற்றும் பரபரப்பான காட்சிகள் நிரம்பி உள்ளதால் இப்படத்தை பார்க்க பலரும் ஆர்வம் காட்டி வருகின்றனர்.</p><h2>நிலவுக்கு என் மேல் என்னடி கோபம்</h2><p>தமிழில் வெளியான 'நிலவுக்கு என் மேல் என்னடி கோபம்' (நீக்) படம் அமேசான் பிரைம் வீடியோவில் படம் வெளியான ஒரு மாதத்திற்குள்ளாகவே வெளியானது. இந்தப் படத்தின் தெலுங்கு பதிப்பான 'ஜபிலம்மா நீக்கு அந்தந்த கொபமா' ஏப்ரல் 1 ஆம் தேதி அமேசான் பிரைம் வீடியோ ஓடிடியில் ஸ்ட்ரீமிங் செய்யப்பட்டது. இப்படம் தமிழ் பதிப்பை விட பத்து நாட்கள் கழித்து தெலுங்கு டப்பிங்கில் ஒளிபரப்பானது. தனுஷ் இயக்கிய இந்தத் திரைப்படத்தில் அனிகா சுரேந்திரன் முக்கிய கதாபாத்திரத்தில் நடித்தார். இப்படம் திரையரங்குகளில் சரியாக ஓடவில்லை என்பது குறிப்பிடத்தக்கது.</p><p>மேலும் படிக்க| <a href="https://tamil.hindustantimes.com/entertainment/here-is-a-collection-of-upcoming-big-budget-films-of-famous-actors-starring-in-south-indian-cinema-131745763128323.html" target="_blank">கோடிகளை கொட்டும் தயாரிப்பாளர்கள்.. தென்னிந்திய சினிமாவில் வரிசை கட்டி நிற்கும் பெரிய பட்ஜெட் படங்கள்..</a></p><h2>வீர தீர சூரன்</h2><p>சீயான் விக்ரம் நடித்துள்ள வீர தீர சூரன் பார்ட் 2 ஏப்ரல் 24 ஆம் தேதி அமேசான் பிரைம் வீடியோ ஓடிடியில் ஸ்ட்ரீம் செய்யப்பட உள்ளது. தமிழ், தெலுங்கு, மலையாளம், கன்னடம் ஆகிய மொழிகளில் இப்படம் வெளியாகி வருகிறது. எஸ்.யு.அருண்குமார் இயக்கிய இப்படம் மார்ச் 27 அன்று திரையரங்குகளில் பாசிட்டிவ் விமர்சனங்களைப் பெற்றது. வீர தீர சூரன் படத்தை இப்போது பிரைம் வீடியோவில் பார்க்கலாம்.</p><h2>க்ரேஸி</h2><p>க்ரேஸி திரைப்படமான அமேசான் பிரைம் வீடியோ ஏப்ரல் 25 ஆம் தேதி ஓடிடியில் வழக்கமான ஸ்ட்ரீமிங் அறிமுகமானது. இந்த சைக்கலாஜிக்கல் த்ரில்லர் படத்தில் சோஹம் ஷா மட்டுமே திரையில் காணப்படுவார். மீதமுள்ள கதாபாத்திரத்தின் குரல் மட்டுமே கேட்கிறது. இப்படத்தை கிரிஷ் கோலி இயக்கியுள்ளார். இப்படம் திரையரங்குகளில் சுமாரான வெற்றியைப் பெற்றது.</p><h2>முர்மர்</h2><p>தமிழ் ஹாரர் த்ரில்லர் படமான முர்மர் கடந்த ஏப்ரல் 4-ம் தேதி வெளியானது. ஹேமந்த் நாராயணன் இயக்கத்தில் ரிச்சி கபூர், தேவராஜ் ஆறுமுகம், யுவிகா ராஜேந்திரன் ஆகியோர் முக்கிய கதாபாத்திரங்களில் நடித்திருந்தனர். இப்படம் திரையரங்குகளில் கலவையான விமர்சனங்களைப் பெற்றது.</p><h2>சூப்பர் பாய்ஸ் ஆஃப் மாலேகான்</h2><p>பாலிவுட் படமான 'சூப்பர் பாய்ஸ் ஆஃப் மாலேகான்' அமேசான் பிரைம் வீடியோவில் அறிமுகமாகியுள்ளது. இது ஏப்ரல் 25 அன்று முழு ஸ்ட்ரீமிங் செய்யப்பட்டது. வாடகை அகற்றப்பட்டு வழக்கமான ஸ்ட்ரீமிங்கிற்கு கிடைக்கச் செய்யப்பட்டுள்ளது. ரீமா காக்தி இயக்கத்தில் ஆதர்ஷ் கௌரவ் நடிப்பில் வெளியான இப்படம் நல்ல வரவேற்பை பெற்றது.</p><p>மேலும் படிக்க|<a href="https://tamil.hindustantimes.com/entertainment/music-director-ilayaraaja-has-praised-prime-minister-modi-calling-him-the-best-leader-since-mountbatten-131745762344151.html" target="_blank"> 'மவுண்ட் பேட்டன் பிரபு காலத்துல இருந்து பாத்தாலும் மோடி மாதிரி தலைவர் யாரும் இல்ல'- இளையராஜா புகழாரம்</a></p><h2>பேட் பாய்ஸ்</h2><p>மலையாள திரைப்படமான பேட் பாய்ஸ் ஏப்ரல் 11 ஆம் தேதி அமேசான் பிரைம் வீடியோ ஓடிடியில் நுழைந்தது. ஓமர் லுலு இயக்கத்தில் ரஹ்மான், பாபு அந்தோணி நடிப்பில் உருவாகியுள்ள படம் 'பேட்டி'. பேட் பாய்ஸ் திரைப்படம் திரையரங்குகளில் வெளியாகி கிட்டத்தட்ட ஆறு மாதங்களுக்குப் பிறகு பிரைம் வீடியோவில் ஸ்ட்ரீமிங் செய்யப்படுகிறது.</p>

இந்த மாதம் அமேசான் பிரைம் வீடியோ ஓடிடியில் பல படங்கள் அறிமுகமாகியுள்ளன. அவற்றில் சில படங்கள் மக்களை அதிகம் கவர்ந்துள்ளன. அந்த படங்கள் என்னவென்று இங்கே பார்க்கலாம்.