நெப்போலியன் மகன் குறித்த அவதூறு வீடியோக்கள் நீக்கம்.. யூடியூப் உரிமையாளர்களுக்கும் சுத்து போட்ட போலீசார்..

paragraph

<p>பிரபல நடிகர் நெப்போலியனின் மூத்த மகன் தனுஷ். இவர் தசை சிதைவு நோயால் பாதிக்கப்பட்டவர். இவருக்கும், திருநெல்வேலியைச் சேர்ந்த அக்‌ஷயா என்ற பெண்ணிற்கும் கடந்த ஆண்டு ஜப்பானில் கோலாகலமாக திருமணம் நடந்து முடிந்தது. இந்த திருமண நிகழ்வில் திரைத்துறையினர் உட்பட பல பிரபலங்கள் பங்கேற்றனர்.</p><p>மேலும் படிக்க| <a href="https://tamil.hindustantimes.com/entertainment/napoleon-duraisamy-files-complaint-for-demanding-action-against-those-spreading-false-news-about-his-son-dhanush-131745217011134.html" target="_blank">நெப்போலியன் மகன் உடல்நிலை குறித்த அவதூறு.. ‘ அவங்கள கைது செய்யணும்’ - நெல்லை காவல் ஆணையத்திற்கு பறந்த புகார்!</a></p><h2>அவதூறு வீடியோக்கள்</h2><p>இந்த நிலையில் சமீபகாலமாக தனுஷின் உடல்நலம் குறித்து சமூக வலைதளங்களில் பல்வேறு வதந்திகள் பரவி வந்தது. இதனைக் கவனித்த நெப்போலியன், தனுஷ் குறித்து வதந்தி பரப்புவோர் மீது நடவடிக்கை எடுக்க வேண்டும் என்று கூறி தன் உறவினர் மூலம் நெல்லை காவல் கண்காணிப்பாளர் அலுவலகத்தில் புகார் அளித்தார்.</p><p>இதையடுத்து, தனுஷ் உடல்நிலை குறித்து அவதூறு பரப்பும் வகையில் வெளியான வீடியோக்களை சைபர் கிரைம் போலீசார் அகற்றி வருகின்றனர். அத்துடன் இந்த வீடியோக்களை பதிவிட்ட யூடியூப் சேனல்களின் உரிமையாளர்களின் தரவுகளையும் சேகரித்து வருகின்றனர்.</p><h2>நெல்லையில் புகார்</h2><p>முன்னதாக, நெல்லை காவல் கண்காணிப்பாளர் அலுவலகத்தில் அளிக்கப்பட்ட புகாரில், ‘ நெப்போலியன் மகன் தனுஷ் பற்றியான அவதூறுகளை நீக்க வேண்டும். தனுஷ் உடல்நிலை குறித்து வதந்திகள் பரப்புவோர் மீது நடவடிக்கை எடுக்க வேண்டும். வரும் காலங்களில் வதந்திகள் பரவுவதை தடுக்க வேண்டும்’ என்று குறிப்பிடப்பட்டு இருக்கிறது.</p><p>மேலும் படிக்க|<a href="https://tamil.hindustantimes.com/entertainment/premji-reply-to-his-father-gangai-amaran-comment-about-ajithkumar-good-bad-ugly-copyright-issue-131745387886202.html" target="_blank"> பெரியப்பா பாட்டால படம் ஓடுச்சா.. உண்மை என்னான்னு எல்லோருக்கும் தெரியும்- அப்பாவிற்கு பிரேம்ஜி பதிலடி</a></p><h2>மனைவியோடு மகிழ்வான வாழ்க்கை</h2><p>இந்த புகார் குறித்து மருத்துவர் டேனியல் பாலாஜி கூறும் போது, ‘நெப்போலியன் மகன் தனுஷ் உடல்நிலை குறித்து தவறான தகவல்கள் யூடியூப் தளங்களிலும், இதர சமூக வலைத்தளங்களிலும் பரப்பப்பட்டு கொண்டிருக்கின்றன. அதில் எதிலும் உண்மை இல்லை. அவர் நல்ல உடல் நலத்தோடு இருக்கிறார். அவர் தன்னுடைய மனைவியோடு மகிழ்ச்சியாக வாழ்ந்து கொண்டிருக்கிறார்.</p><h2>சோர்வை தருகிறது</h2><p>இப்படிப்பட்ட பொய்யான தகவல்களை பரப்புவது ஒட்டுமொத்த மாற்றுத்திறனாளிகளையும், அவர்களுக்கு சிகிச்சை அளிப்பவர்களுக்கும் சோர்வை தருகிறது. கருத்து சுதந்திரம் என்ற பெயரில் இவ்வாறு செயல்படுவர்களை கைது செய்ய வேண்டும் என்று நாங்கள் தற்போது புகார் கொடுத்திருக்கிறோம்.</p><p>அந்த புகாரியில் மாற்றுத்திறனாளிகளை பற்றி தவறான கருத்துக்களை பரப்பக்கூடாது, நெப்போலியன் தனிப்பட்ட குடும்ப விஷயங்கள் குறித்து பேசக்கூடாது. ஏற்கனவே பதிவிட்ட வதந்திகளை நீக்க வேண்டும் என்று கூறி இருக்கிறோம்’ என்று பேசினார்.</p><p>மேலும் படிக்க| <a href="https://tamil.hindustantimes.com/entertainment/kerala-film-body-advised-malayalam-actor-shine-tom-chacko-and-gave-him-a-chance-to-correct-his-mistakes-131745395699142.html" target="_blank">நடிகையிடம் அத்துமீறல்.. நடிகருக்கு இறுதி எச்சரிக்கையோடு வாய்ப்பும் கொடுத்த கேரள திரைத்துறை..</a></p><h2>பதிலடி தந்த நெப்போலியன் குடும்பம்</h2><p>முன்னதாக, இந்தத் திருமணத்தை ஒட்டி மணமகன் தனுஷூக்கு பலர் வாழ்த்து தெரிவித்த போதும், சிலர் அவரது உடல்நிலையை கருத்தில் கொண்டு விமர்சித்தனர். அத்துடன், திருமணமான பெண்ணின் நிலையை நினைத்து வருந்துவதாகவும், பணம் இருப்பதால் தான் நெப்போலியன் இதை எல்லாம் செய்கிறார் என்றும் அடுக்கடுக்கான குற்றச்சாட்டுகளையும் விமர்சனங்களையும் கூறி வந்தனர். இவற்றிற்கு எல்லாம் நெப்போலியனும் அவரது குடும்பத்தினரும் பல்வேறு பேட்டிகளின் வாயிலாக பதிலடி கொடுத்தனர்.</p>

<ul><li>நடிகர் நெப்போலியன் மகன் குறித்து அவதூறு கருத்துகளை வெளியிட்ட யூடியூப் வீடியோக்களை போலீசார் நீக்கி வரும் நிலையில், அந்த யூடியூப் உரிமையாளர்கள் குறித்த தரவுகளையும் திரட்டி வருகின்றனர்.</li></ul>

TOP 10 TAMIL NEWS:பாஜக தலைவர் இன்று அதிகாரப்பூர்வ அறிவிப்பு முதல் ஆளுருக்கு எதிரான முழு தீர்ப்பு வெளியீடு வரை!

<p>தமிழ்நாட்டில் இன்று காலை வரை நடந்த முக்கிய செய்திகளின் தொகுப்பு இதோ!</p><h2>1.பாஜக புதிய தலைவர் இன்று அறிவிப்பு</h2><p>தமிழக பாஜகவின் புதிய மாநிலத் தலைவர் மற்றும் மாநில நிர்வாகிகள் தேர்வு குறித்த அதிகாரப்பூர்வ அறிவிப்பு சென்னை வானகரத்தில் உள்ள ஸ்ரீவாரு திருமண மண்டபத்தில் நடக்கும் நிகழ்ச்சியில் இன்று வெளியாக உள்ளது. புதிய தலைவராக நயினார் நாகேந்திரன் தேர்வாக வாய்ப்பு.</p><h2>2.ஆளுநருக்கு எதிரான தீர்ப்பு வெளியீடு&nbsp;</h2><p>ஆளுநருக்கு எதிரான வழக்கில் உச்ச நீதிமன்றம் அளித்த தீர்ப்பு வெளியானதை அடுத்து, தமிழ்நாடு அரசிதழில் 10 மசோதாக்களும் சட்டமானதாக அறிவிப்பு. 10 மசோதாக்களையும் ஆளுநர், குடியரசுத் தலைவருக்கு அனுப்பியது சட்ட விரோதம் என உச்ச நீதிமன்றம் தீர்ப்பு வழங்கியதுடன், அம்மசோதாக்களுக்கு ஒப்புதல் வழங்கப்பட்டதாக கருதவேண்டும் என தீர்ப்பு வழங்கியது. இதனை அடுத்து, தமிழ்நாடு அரசு அம்மசோதாக்களை அனுப்பிய 18 நவ. 2023 தேதியில் ஆளுநர் அதற்கு ஒப்புதல் அளித்ததாக கருத வேண்டும் என அரசிதழில் தெரிவிப்பு.</p><h2>3.அதிமுக-பாஜக கூட்டணிக்கு பிரதமர் வாழ்த்து</h2><p>ஊழல் மலிந்த பிரிவினைவாத திமுகவை வேரோடு வீழ்த்துவது முக்கியம்; அதிமுக-பாஜக கூட்டணி செய்தி முடிக்கும் என்று பிரதமர் மோடி கருத்து.</p><h2>4.அதிமுக - பாஜக கூட்டணி ஆட்சி அமைக்கும்</h2><p>அதிமுக-பாஜக கூட்டணியை அதிகாரப்பூர்வமாக அறித்தார் அமித்ஹா. 2026-இல் தமிழ்நாட்டில் தேசிய ஜனநாயக கூட்டணி ஆட்சி அமையும் என்றும் பேட்டி.</p><h2>5.ஈபிஎஸ் துரோகம் - கனிமொழி சாடல்&nbsp;</h2><p>பாஜக கூட்டணி மமைந்ததன் மூலம் அதிமுகவிற்கு எடப்பாடி பழனிசாமி துரோகம் இழைத்து உள்ளதாக திமுக எம்.பி. கனிமொழி விமர்சனம்.</p><h2>6.3 மாவட்டங்களில் மழை எச்சரிக்கை&nbsp;</h2><p>தமிழ்நாட்டில் நெல்லை, தென்காசி, கன்னியகுமரி ஆகிய மாவட்டங்களில் இடி உடன் கூடிய மழை பெய்ய வாய்ப்பு உள்ளதாக சென்னை மண்டல வானிலை ஆய்வு மையம் அறிவிப்பு.</p><h2>7.சண்டையை தடுக்கு சென்றவருக்கு கத்திக்குத்து&nbsp;</h2><p>நாமக்கல் மாவட்டம் ராசிபுரம் அடுத்த சிங்களாந்தபுரத்தில் நண்பர்கள் ராமகிருஷ்ணன், சுந்தராஜன் ஆகியோர் இடையே ஏற்பட்ட சண்டையை சமாதானம் செய்ய சென்ற கார்த்திகேயன் என்பவர் கத்தியால் குத்திக் கொலை செய்யப்பட்ட சம்பவம் அதிர்ச்சியை ஏற்படுத்தி உள்ளது.</p><h2>8.சென்னையில் மின் வெட்டு&nbsp;</h2><p>சென்னை ஆலப்பாக்கம், மேட்டுக்குப்பம், எம்.எல்.டி.ஏ காலனி பகுதிகளில் 7 மணி நேரத்திற்கும் மேல் மின் தடை ஏற்பட்டு உள்ளது. கோயம்பேட்டில் இருந்து செல்லக் கூடிய மின் கேபிள் பழுதால் நள்ளிரவு முழுவது, மக்கள் அவதி, பூமிக்கு அடியில் வரும் மின்சார கேபிளில் ஏற்பட்ட பழுதை சீர் செய்யும் பணிகள் தீவிரம் அடைந்து உள்ளன.</p><h2>9.ஐபிஎல் சூதாட்டம் - 1 கோடி பறிமுதல்&nbsp;</h2><p>கோவையில் ஐபிஎல் சூதாட்டத்தில் ஈடுபட்டதாக 7 பேரை போலீசார் கைது செய்தனர். அவர்களிடம் இருந்து ஒரு கோடி ரூபாய் பணம் பறிமுதல் செய்யப்பட்டு உள்ளது.</p><h2>10.போலி நகைகள் பறிமுதல்&nbsp;</h2><p>கடலூர் மாவட்டம் பண்ருட்டியில் உள்ள பிரபல நகைக்கடையில் பி.ஐ.எஸ் முத்திரை இல்லாமல் இருந்த 4.8 கோடி ரூபாய் மதிப்புள்ள போலி நகைகள் பறிமுதல் செய்யப்பட்டு உள்ளது.</p>

<ul><li>TOP 10 TAMIL NEWS: பாஜக புதிய தலைவர் அறிவிப்பு, ஆளுநருக்கு எதிரான வழக்கில் முழு தீர்ப்பு வெளியீடு, அதிமுக-பாஜக கூட்டணிக்கு மோடி வாழ்த்து உள்ளிட்ட முக்கிய செய்திகளின் தொகுப்பு இதோ!</li></ul>

Madurai: ரூ.24 கோடி ஸ்வாகா.. மதுரை போலீஸ்கார் மற்றும் மனைவி மீது புகார்.. குவிந்த முதலீட்டார்கள்!

<p>குயின் டிரேடிங் என்ற பெயரில் பங்குச்சந்தையில் முதலீடு செய்தால், இரு மடங்கு லாபம் எனக்கூறி 1500 நபர்களிடம் 24 கோடி ரூபாய் மோசடி செய்ததாக, மதுரை புதூர் காவல் நிலைய காவலர் மற்றும் அவரது மனைவி மீது பாதிக்கப்பட்டவர்கள் மாவட்ட ஆட்சியரிடம் புகார் அளித்தனர்.</p><p><strong>மேலும் படிக்க |</strong> <a href="https://tamil.hindustantimes.com/tamilnadu/national-human-rights-commission-issues-notice-regarding-security-of-prisoners-across-the-country-131744118745133.html" target="_blank">சிறைக் கைதிகள் சந்திக்கும் பிரச்னைகள்: தலைமை செயலாளர்களுக்கு தேசிய மனித உரிமை ஆணையம் நோட்டீஸ்!</a></p><h2>இரு மடங்கு லாபம் தருவதாக</h2><p>மதுரை மாவட்டம் கடச்சனேந்தல் ஹரிணி ஆறுமுகம் நகர் இரண்டாவது தெருவை சேர்ந்தவர், புதூர் காவல் நிலையத்தில் காவலராக பணிபுரிந்து வரும் ரமேஷ் தங்கராஜ் மற்றும் அவரது மனைவி பிரேமலதா. இவர்கள் இருவரும் QUEEN டிரேடிங் என்ற பெயரில் பங்குச்சந்தையில் முதலீடு செய்தால், இருமடங்கு லாபம் தருவதாக கூறி தங்க விடுதி ஒன்றில் கூட்டம் நடத்தியதாக கூறப்படுகிறது.</p><p><strong>மேலும் படிக்க |</strong> <a href="https://tamil.hindustantimes.com/tamilnadu/naam-tamilar-coordinator-seeman-met-with-reporters-after-appearing-in-the-trichy-court-131744115654802.html" target="_blank">Trichy: ‘என்கவுண்டர் செய்ய திட்டமிடுகிறார்கள்..’ திருச்சியில் சீமான் சொன்ன பகீர் தகவல்!</a></p><p>இதில் தமிழகம், கேரளா,கர்நாடகா உள்ளிட்ட பல்வேறு மாநிலங்களில் இருந்து வந்திருந்த ஆயிரத்திற்கு மேற்பட்ட நபர்களிடம் தலா குறைந்தபட்சம் 5 லட்சம் முதலாக 20 லட்சம் வரை முதலீடு பெற்றுள்ளனர்,</p><h2>பல்வேறு மாவட்ட முதலீட்டாளர்கள்</h2><p>மேலும் மதுரை , கோயம்புத்தூர் சேலம் , திருச்சி , கன்னியாகுமரி உள்ளிட்ட பல்வேறு மாவட்டங்களைச் சேர்ந்தவர்களும் இவர்களுடைய பங்குச்சந்தையில் முதலீடு செய்த நிலையில், 3 மாதங்களான முதலீட்டிற்கான லாப தொகையினை வழங்கியுள்ளனர். இதனையடுத்து கடந்த பிப்ரவரி மாதம் லாபம் இல்லாத நிலையில், பணத்தை திரும்ப ஒப்படைப்பதாக இருவரும் கூறிய நிலையில், பிப்ரவரி 24ஆம் தேதி முதல் இருவரையும் தொடர்பு கொள்ள முயன்ற போது, செல்போனில் தொடர்பு கொள்ள இயலாத நிலை ஏற்பட்டதாக கூறப்படுகிறது.</p><p><strong>மேலும் படிக்க |</strong> <a href="https://tamil.hindustantimes.com/tamilnadu/tamil-nadu-government-to-withdraw-all-tasmac-cases-in-high-court-in-tamilnadu-news-131744111937958.html" target="_blank">'கண்டித்த நீதிபதிகள்.. டாஸ்மாக் வழக்குகள் அனைத்தையும் வாபஸ் பெற முடிவு’ - உயர் நீதிமன்றத்திலும் வாபஸ் பெற்ற தமிழக அரசு</a></p><p>இது தொடர்பாக பாதிக்கப்பட்ட முதலீட்டார்கள் மதுரை மாவட்ட ஆட்சியர் அலுவலகம், மாவட்ட காவல்துறை கண்காணிப்பாளர் அலுவலகம் மாநகர காவல் ஆணையர் அலுவலகம் மற்றும் பொருளாதார குற்றப்பிரிவிலும் புகார் அளித்ததாக கூறப்படுகிறது. ஆனால் இதுவரையும் எந்த நடவடிக்கை எடுக்கவில்லை என்று குற்றம்சாட்டும் ஏமாந்தவர்கள், ஒவ்வொருவரும் தலா 20 லட்சம் ரூபாய் வரையும் ஏமாற்றமடைந்து நிற்பதாக குற்றம்சாட்டுகின்றனர்.</p><h2>போராட்டத்தில் ஈடுபடுவோம் என்று எச்சரிக்கை</h2><p>இதைத் தொடர்ந்து ஏமாந்து போனவர்கள், மதுரை மாவட்ட ஆட்சியர் அலுவலகத்தில் திரண்டனர். மீண்டும் மதுரை மாவட்ட ஆட்சித் தலைவர் அலுவலகத்தில் புகார் மனு அளித்தனர். அதன் பின் செய்தியாளர்களை சந்தித்து பேசிய முதலீட்டாளர்கள் கூறுகையில், ‘‘ரமேஷ் புதூர் காவல் நிலையத்தில் காவலராக பணிபுரிந்ததால் அவரை நம்பி பணம் செலுத்தினோம். ஆனால் அவரும் அவரது மனைவியும் சேர்ந்து எங்களை ஏமாற்றி விட்டார்கள். எனவே எங்களுடைய பணத்தை கிடப்பதற்கு அரசு உரிய நடவடிக்கை எடுக்க வேண்டும். இல்லையெனில் முதலீட்டாளர்கள் அனைவரையும் ஒன்று திரட்டி போராட்டத்தில் ஈடுபடுவோம்,’’ என்று கூறினார்.</p>

<ul><li>இது தொடர்பாக பாதிக்கப்பட்ட முதலீட்டார்கள் மதுரை மாவட்ட ஆட்சியர் அலுவலகம், மாவட்ட காவல்துறை கண்காணிப்பாளர் அலுவலகம் மாநகர காவல் ஆணையர் அலுவலகம் மற்றும் பொருளாதார குற்றப்பிரிவிலும் புகார் அளித்ததாக கூறப்படுகிறது.</li></ul>

’சாதிவாரி கணக்கெடுப்பு முதல் தனி ஈழத்திற்கு பொது வாக்கெடுப்பு வரை!’ தவெக பொதுக்குழுவில் நிறைவேறிய 17 ’நச்’ தீர்மானங்கள்!

<p>TVK General Body Meeting: நடிகர் விஜயின் தமிழக வெற்றிக் கழகத்தின் (தவெக) முதல் பொதுக்குழு கூட்டம் இன்று சென்னை திருவான்மியூரில் உள்ள ராமச்சந்திரா கன்வென்ஷன் ஹாலில் நடைபெற்று வருகிறது. இந்த பொதுக்குழுவில் மாநில நிர்வாகிகளுடன் சேர்த்து 1710 உறுப்பினர்கள் பங்கேற்று உள்ளனர். மேலும் நடிகர் விஜயின் தாய் சோபா மற்றும் தந்தை எஸ்.ஏ.சந்திரசேகர் ஆகியோரும் பங்கேற்று உள்ளனர்.</p><h2>17 முக்கியத் தீர்மானங்கள் நிறைவேற்றம்</h2><ol><li>வஃக்பு சட்டத்திருத்த மசோதாவிற்கு எதிராக தீர்மானம்.</li><li>இருமொழி கொள்கையில் உறுதி.</li><li>பரந்தூரில் புதிய விமான நிலையம் அமைக்கக் கூடாது.</li><li>சமூக நீதியை நிலைநிறுத்த, ஜாதிவாரி கணக்கெடுப்பு நடத்த வேண்டும்.</li><li>டாஸ்மாக்கின் ஆயிரம் கோடி ரூபாய் முறைகேடு விவகாரத்தில் உரிய விசாரணை நடத்தப்பட வேண்டும்.</li><li>மீனவர் போராட்டத்திற்கு ஆதரவு மற்றும் அவர்களின் பிரச்சினைகளுக்கு நிரந்தரத் தீர்வு எட்டப்பட வேண்டும்.</li><li>நாடாளுமன்றத் தொகுதி மறுசீரமைப்பு தேவையில்லை.</li><li>பன்னாட்டு அரங்கிற்குத் தந்தை பெரியார் பெயரைச் சூட்டுக.</li><li>கொள்கைத் தலைவர்களின் வழியில் பயணிப்போம்.</li><li>மாநில அரசுகளுக்கு அதிகாரங்கள் பகிர்ந்தளிக்கப்பட வேண்டும்.</li><li>அரசு ஊழியர்கள், ஆசிரியர்கள் மற்றும் பணியாளர்களை நம்ப வைத்து ஏமாற்ற வேண்டாம்.</li><li>சட்டம் ஒழுங்கு சீர்கேட்டுக்குக் காரணமான தி.மு.க. அரசுக்குக் கண்டனம்.</li><li>பாலியல் வன்கொடுமை வழக்குகளை விசாரிக்க, சிறப்பு விரைவு நீதிமன்றங்கள் தேவை.</li><li>இலங்கைத் தமிழர் பிரச்சினைக்குப் பொது வாக்கெடுப்பு நடத்த வேண்டும்.</li><li>தேர்தல் கூட்டணி நிலைப்பாடு - தலைவர் விஜய்க்கே முழு அதிகாரம்.</li><li>புதிய நிர்வாகிகளுக்கு வாழ்த்துகளும் பாராட்டுகளும்.</li><li>கட்சிகாக உழைத்து மரணமடைந்த தொண்டர்களுக்கு இரங்கல்.</li></ol>

<ul><li>TVK General Body Meeting: நாடாளுமன்ற தொகுதி மறுசீரமைக்குக்கு தடை, இருமொழிக் கொள்கை, சாதிவாரி கணக்கெடுப்பு, வஃக்பு வாரிய திருத்த சட்டத்திற்கு எதிர்ப்பு உள்ளிட்ட 17 முக்கியத் தீர்மானங்கள் நிறைவேற்றப்பட்டு உள்ளது. </li></ul>

சசிகலா, ஓபிஎஸை சேர்க்க பாஜகவிடம் இருந்து அழுத்தமா? உடைத்து பேசிய எடப்பாடி பழனிசாமி!

<p>சேலம் மாவட்டம் ஓமலூரில் அதிமுக பொதுச் செயலாளர் எடப்பாடி கே. பழனிசாமி (ஈபிஎஸ்) இன்று செய்தியாளர்களைச் சந்தித்து, பேசினார். திமுக அரசின் நான்காண்டு ஆட்சியை கடுமையாக விமர்சித்தார். மின்கட்டண உயர்வு, சொத்து வரி உயர்வு, டாஸ்மாக் ஊழல், சட்டம்-ஒழுங்கு சீர்கேடு, ஜாதிவாரி கணக்கெடுப்பு உள்ளிட்ட பல்வேறு பிரச்னைகள் குறித்து அவர் பேசினார்.</p><h2>மக்களை பாதிக்கும் வரி உயர்வு</h2><p>"தொழிற்சாலைகளுக்கான மின்கட்டணம், சொத்து வரி, வீட்டு வரி 100% உயர்வு, கடைகளுக்கு 150% உயர்வு, குடிநீர் வரி, பத்திரப்பதிவு கைட்லைன் மதிப்பு உயர்த்தப்பட்டுள்ளது. இப்படி எல்லா வகையிலும் பொதுமக்கள் பாதிக்கப்பட்டுள்ளனர். இந்த நான்காண்டு ஆட்சியில் மக்களுக்கு பெரும் பிரச்னைகளை மறைக்க, தொகுதி மறுசீரமைப்பு என்ற நாடகத்தை முதலமைச்சர் அரங்கேற்றி உள்ளார்.</p><h2>மேலும் படிக்க:- <a target="_blank" href="https://tamil.hindustantimes.com/tamilnadu/pmk-leader-anbumani-ramadoss-slams-dmk-govt-for-failing-to-control-crime-and-sleeping-soundly-131742712279412.html">’குற்றத்தை தடுக்க முடியாமல் குறட்டை விட்டு தூங்கும் திமுக அரசு’ விளாசும் அன்புமணி ராமதாஸ்!</a></h2><h2>தொகுதி மறுசீரமைப்பு: திமுகவின் கண் துடைப்பு</h2><p>தொகுதி மறுசீரமைப்பு விவகாரத்தில் திமுகவை விமர்சித்த அவர், "இதை நாடாளுமன்றத்தில் தான் கேட்க வேண்டும். திமுக நாடாளுமன்றத்தில் போராட்டம் நடத்தியது. ஆனால், இப்போது சென்னையில் பல மாநில முதல்வர்களை அழைத்து நடத்திய நிகழ்ச்சி நடத்தி உள்ளது, லஞ்சம், ஊழல், சட்டம்-ஒழுங்கு சீர்கேடு ஆகியவற்றை மறைப்பதற்காகவே நேற்றைய தினம் திமுக இந்த நிகழ்ச்சியை நடத்தி உள்ளது." என்று கூறினார்.</p><h2>டாஸ்மாக் ஊழல்: 1000 கோடி முறைகேடு</h2><p>"சட்டப்பேரவையில் எதை பேசினாலும் காட்ட மறுக்கிறார்கள். அமலாக்கத்துறை இன்று மதுபான விற்பனையில் 1000 கோடி முறைகேடு நடந்ததாக பத்திரிக்கை மற்றும் ஊடகத்தில் செய்தி வெளியிட்டுள்ளது. திமுக ஆட்சியில் ஊழல் நடப்பது நிரூபணமாகி உள்ளது. கலால் துறை மட்டுமல்ல, எல்லா துறைகளிலும் ஊழல் தலைவிரித்து ஆடுகிறது," என்று ஈபிஎஸ் தெரிவித்தார்.</p><h2>மேலும் படிக்க:- <a target="_blank" href="https://tamil.hindustantimes.com/tamilnadu/tamil-nadu-weather-imd-issues-heavy-rain-warning-for-nilgiris-coimbatore-erode-5-more-131742717642122.html">Heavy Rain Alert: ’8 மாவட்டங்களில் இன்று வெளுத்து வாங்க போகும் கனமழை’ சென்னை மண்டல வானிலை ஆய்வு மையம் எச்சரிக்கை!</a></h2><h2>அதிமுகவின் நிலைப்பாடு</h2><p>சசிகலா, ஓபிஎஸ் ஆகியோரை சேர்க்க பாஜக அழுத்தம் கொடுக்கிறதா? என்ற கேள்விக்கு “நீங்களாக கற்பனை செய்து கொண்டு செய்தி வந்து கொண்டு இருக்கிறது. 100 சதவீதம் அப்படி அல்ல; அதிமுகவை பொறுத்தவரை மிக சிறப்பாக செயல்பட்டு வருகிறது. நீங்கள் சொன்ன நபர்களை அதிமுகவில் மீண்டும் சேர்த்துக் கொள்ளப்படுவதாக இன்றுவரை அந்த திட்டம் இல்லை. எதிர்காலத்திலும் அப்படி கிடையாது” என்றார்.&nbsp;</p><h2>பாமகவுக்கு ராஜ்யசபா சீட் தரப்படுமா?</h2><p>பாமக தரப்பில் அதிமுகவிடம் ராஜ்யசபா சீட்டு கேட்படுவதாக தகவல் வெளியாகி உள்ளதே என்ற கேள்விக்கு இன்னும் ராஜ்யசபா தேர்தலே அறிவிக்கப்படவில்லை. நீங்களாக ஒரு கற்பனையை உருவாக்கி கொண்டு பேசுகிறீர்கள். ராஜ்யசபா உறுப்பினர் தேர்வு அறிவிப்பு வந்தால் அதை பற்றி பேசுவோம். அதிமுகவை பொறுத்தவரை கொள்கை வேறு; கூட்டணி வேறு, தேர்தல் நேரத்தில் எதிரிகளை வீழ்த்த வியூகம் அமைப்போம்.&nbsp;</p><h2>சட்டம்-ஒழுங்கு சீர்கேடு</h2><p>தமிழ்நாட்டில் சட்டம்-ஒழுங்கு சீர்கெட்டு கிடப்பதாக குற்றம் சாட்டிய அவர், "பள்ளி வகுப்பறையில் ஆசிரியர் மது அருந்தும் சூழல் உள்ளது. எங்கு பார்த்தாலும் கொலை, கொள்ளை நடக்கிறது. திருநெல்வேலியில் ஜாகிர் உசேன் தொழுகையை முடித்து வீட்டுக்கு செல்லும் வழியில் வெட்டப்பட்டார். அவர் முன்பே புகார் கொடுத்தும் நடவடிக்கை இல்லை. கொலைக்கு ஒரு நாள் முன்பு ஆடியோ வெளியிட்டு உதவி கோரினார். ஆனால், துப்பில்லாத இந்த அரசு தடுக்கவில்லை," என்று குற்றம் சாட்டினார். "இன்று உயிரோடு இருப்பவர் நாளை இருப்பாரா என தெரியாத நிலை உள்ளது," என்று கவலை தெரிவித்தார்.</p><h2>ஜாதிவாரி கணக்கெடுப்பு: திமுகவுக்கு ஆர்வமில்லை</h2><p>ஜாதிவாரி கணக்கெடுப்பு குறித்து பேசிய ஈபிஎஸ், "தெலுங்கானா, பீகார் அரசுகள் இதை செய்துள்ளன. அதிமுக ஆட்சியில் ஆறு மாத டேட்டா கொடுத்தோம். ஆனால், திமுக ஆட்சியில் இதை புதுப்பிக்கவில்லை. முதலமைச்சர் ஸ்டாலினுக்கு இதில் ஆர்வம் இல்லை. ஏதோ காரணம் சொல்லி தள்ளிப்போடுகிறார்," என்று விமர்சித்தார்.</p><h2>மேலும் படிக்க:- <a target="_blank" href="https://tamil.hindustantimes.com/tamilnadu/minister-senthil-balaji-mocks-bjp-state-president-annamalai-says-goat-slaughter-in-pallapatti-means-elections-131742721778312.html">Annamalai Vs SenthilBalaji: ’ஆட்டை கொத்துக்கறி போட்டால் தேர்தல் காலம்’ அண்ணாமலையை மறைமுகமாக சாடிய செந்தில்பாலாஜி!</a></h2>

<ul><li>"இன்று உயிரோடு இருப்பவர் நாளை இருப்பாரா என தெரியாத நிலை உள்ளது" என தமிழ்நாட்டின் சட்டம் ஒழுங்கு நிலை குறித்து எடப்பாடி பழனிசாமி விமர்சனம். </li></ul>

’குற்றத்தை தடுக்க முடியாமல் குறட்டை விட்டு தூங்கும் திமுக அரசு’ விளாசும் அன்புமணி ராமதாஸ்!

<p>குற்றத்தை தடுக்க முடியாமல் குறட்டை விட்டு தூங்கும் திமுக அரசு என பா.ம.க. தலைவர் மருத்துவர் அன்புமணி ராமதாஸ் கண்டனம் தெரிவித்து உள்ளார்.<strong>&nbsp;</strong></p><h2>மதுரை கொலை&nbsp;</h2><p>இது தொடர்பாக அவர் வெளியிட்டுள்ள அறிக்கையில், மதுரை திருப்பரங்குன்றத்தை அடுத்த தனக்கன்குளத்தைச் சேர்ந்த காளீஸ்வரன் என்ற ரவுடி நள்ளிரவில் அவரது வீட்டு வாயிலில் வைத்து கொடூரமான முறையில் படுகொலை செய்யப்பட்டிருக்கிறார். தமிழ்நாட்டில் திட்டமிட்ட படுகொலைகள் நடக்காத நாளே இல்லை என்று கூறும் அளவுக்கு நிலைமை மோசமடைந்து வரும் நிலையில் அதைத் தடுக்க தமிழக அரசு எந்த நடவடிக்கையும் எடுக்காதது கண்டிக்கத்தக்கது.</p><h2>மேலும் படிக்க:- <a target="_blank" href="https://tamil.hindustantimes.com/tamilnadu/top-10-tamil-news-heavy-rain-alert-in-10-tamil-nadu-districts-rowdy-murdered-in-madurai-131742702983787.html">டாப் 10 தமிழ் நியூஸ்: 10 மாவட்டங்களில் மழை எச்சரிக்கை முதல் மதுரையில் ரவுடி வெட்டிக் கொலை வரை!</a></h2><p>கொலை செய்யப்பட்ட காளீஸ்வரன் மதுரை மாநகர திமுக நிர்வாகி வி.கே.குருசாமியின் உறவினர் ஆவார். அவர் மீது கொலை, கொலை முயற்சி உள்ளிட்ட பல வழக்குகள் நிலுவையில் உள்ளன. காளீஸ்வரனுக்கும், அவரது எதிர் குழுவினருக்கும் இடையே தொடர்ந்து நடந்து வரும் மோதலில் இதுவரை 15-க்கும் மேற்பட்டோர் படுகொலை செய்யப்பட்டுள்ளனர். அதன் தொடர்ச்சியாகவே இந்த படுகொலையும் நிகழ்ந்துள்ளதாகக் கூறப்படுகிறது. காளீஸ்வரனின் எதிரிகள் சிறையில் இருந்த படியே சதித்திட்டம் தீட்டி இந்தக் கொலையை நடத்தியிருப்பதாகவும் தெரிகிறது.</p><h2>திசைத்திருப்புவதே வாடிக்கை&nbsp;</h2><p>தமிழ்நாட்டில் கொலைகள் நடக்கும் போதெல்லாம் அவை தனிப்பட்ட காரணங்களுக்காக நடத்தப்பட்டது என்றும், கொலையாளிகளை விரைவாக கைது செய்து விட்டோம் என்றும் கூறி சிக்கலை திசை திருப்புவதையே திமுக அரசு வாடிக்கையாகக் கொண்டிருக்கிறது. ஆனால், காளீஸ்வரன் விவகாரத்தில் அவரது உயிருக்கு அச்சுறுத்தல் இருப்பது தெரிந்தும் கூட, சிறையிலிருந்து தீட்டப்பட்ட சதித் திட்டத்தை முறியடிக்க முடியாமல் திமுக அரசு தோல்வியடைந்திருக்கிறது.</p><h2>மேலும் படிக்க:- <a target="_blank" href="https://tamil.hindustantimes.com/tamilnadu/mercenary-murders-surge-in-tamil-nadu-karthi-chidambaram-demands-strong-government-action-131742708545080.html">’கூலிப்படை கொலைகள் தமிழ்நாட்டில் அதிகரித்துவிட்டன’ தமிழக அரசை சாடும் கார்த்தி சிதம்பரம்!</a></h2><h2>குறட்டைவிட்டு தூங்கும் திமுக அரசு</h2><p>தமிழ்நாட்டில் ஒரு நாளைக்கு சராசரியாக 4.52 படுகொலைகள் வீதம் திமுக ஆட்சிக்கு வந்த 4 ஆண்டுகளில் மட்டும் 6597 படுகொலைகள் நடந்துள்ளன. இந்த எண்ணிக்கை அச்சமூட்டும் வகையிலும், கவலையளிக்கும் வகையிலும் இருக்கும் போதிலும் கொலை, கொள்ளை உள்ளிட்ட குற்றங்களைத் தடுத்து தமிழ்நாட்டில் சட்டம் - ஒழுங்கை பாதுகாக்க முடியாமல் திமுக அரசு குறட்டை விட்டு உறங்கிக் கொண்டிருக்கிறது. இனியாவது திமுக அரசு அதன் உறக்கத்தைக் கலைத்து தமிழகத்தில் சட்டம் - ஒழுங்கை பாதுகாக்க நடவடிக்கை எடுக்க வேண்டும்.</p><h2>மேலும் படிக்க:- <a target="_blank" href="https://tamil.hindustantimes.com/tamilnadu/director-mohan-g-says-tamil-nadu-needs-more-h-rajas-claims-brahmins-are-an-endangered-race-131742709681159.html">’தமிழ்நாட்டுக்கு இன்னும் பல ஹெச்.ராஜாக்கள் தேவை’அழிந்துவரும் இனமாக பிராமணர் இனம் உள்ளதாக இயக்குநர் மோகன் ஜி வேதனை!</a></h2>

<ul><li>கொலை, கொள்ளை உள்ளிட்ட குற்றங்களைத் தடுத்து தமிழ்நாட்டில் சட்டம் - ஒழுங்கை பாதுகாக்க முடியாமல் திமுக அரசு குறட்டை விட்டு உறங்கிக் கொண்டிருக்கிறது. இனியாவது திமுக அரசு அதன் உறக்கத்தைக் கலைத்து தமிழகத்தில் சட்டம் - ஒழுங்கை பாதுகாக்க நடவடிக்கை எடுக்க வேண்டும்.</li></ul>

Cyber Crime

ஆன்லைன் புதுப்பிப்புகளுடன் இன்றைய தமிழ்நாட்டின் சமீபத்திய செய்திகளைக் கண்டறியவும். தமிழ்நாட்டின் அரசியல், நிகழ்வுகள் மற்றும் முக்கியச் செய்திகள் மற்றும் தமிழ்நாட்டிலிருந்து வரும் பல நிகழ்வுகளைப் பற்றிய இன்றைய செய்திகளை HT தமிழில் படித்து தெரிந்துகொள்ளுங்கள். Stay informed with Latest Tamil Nadu today news on politics, events, and breaking news, and more from Tamil Nadu only on HT Tamil.

Tamil Nadu

Tamil Nadu News Today: இன்றைய தமிழக செய்திகள்: தமிழக செய்திகள் ஆன்லைன் அப்டேட்ஸ் & பிரேக்கிங் நியூஸ்

சைபர் மோசடி

‘மூடப்பட்ட கதவுகள்.. முடிந்ததா அரசியல் பயணம்?’ பொன்முடியின் அரசியலும் சர்ச்சைகளும்!

<p>தமிழக அரசியலில் நீண்ட அனுபவம் கொண்ட மூத்த அரசியல்வாதிகளில் பொன்முடியும் ஒருவர். அவரது அரசியல் பயணம் மற்றும் சர்ச்சைகள் குறித்த சில தகவல்கள் பின்வருமாறு:</p><p><strong>மேலும் படிக்க |</strong> <a href="https://tamil.hindustantimes.com/tamilnadu/what-is-the-political-journey-of-former-minister-senthil-balaji-who-started-in-karur-district-131745767543467.html" target="_blank">‘எங்கே செல்லும் இந்த பாதை..’ அரசியல் வாதியாக செந்தில் பாலாஜியின் பயணமும் நிறுத்தமும்!</a></p><h2>பொன்முடியின் ஆரம்ப வாழ்க்கை:</h2><ul><li>பொன்முடியின் ஆரம்ப வாழ்க்கை மற்றும் கல்வி:</li><li>பொன்முடி 1950 ஆகஸ்ட் 19 ஆம் தேதி விழுப்புரம் மாவட்டம் டி.எடையார் கிராமத்தில் பிறந்தார்.</li><li>அவரது பெற்றோர்கள் ஆசிரியர்கள்.</li><li>அவர் வரலாறு, பொது நிர்வாகம், சமூக அறிவியல் ஆகிய துறைகளில் முதுகலைப் பட்டமும், வரலாற்றில் முனைவர் பட்டமும் பெற்றுள்ளார்.</li><li>அவர் சில காலம் பேராசிரியராகப் பணியாற்றினார்.</li></ul><p><strong>மேலும் படிக்க |</strong> <a href="https://tamil.hindustantimes.com/tamilnadu/minister-senthil-balaji-resigns-removal-of-minster-ponmudy-tamil-nadu-cabinet-reshuffle-131745765187077.html" target="_blank">செந்தில் பாலாஜி ராஜினாமா.. பொன்முடி நீக்கம்.. மீண்டும் மனோ தங்கராஜ்! தமிழக அமைச்சரவையில் மாற்றம்!</a></p><h2>பொன்முடியின் அரசியல் பயணம்:</h2><ul><li>கல்லூரியில் படிக்கும்போதே திமுக மாணவரணியில் இணைந்தார்.</li><li>1989 ஆம் ஆண்டு முதல் முறையாக விழுப்புரம் தொகுதியில் போட்டியிட்டு வெற்றி பெற்று சுகாதாரத்துறை அமைச்சரானார்.</li><li>1996 ஆம் ஆண்டு மீண்டும் வெற்றி பெற்று போக்குவரத்து மற்றும் நெடுஞ்சாலைத்துறை அமைச்சரானார்.</li><li>2006 முதல் 2011 வரை உயர்கல்வித்துறை அமைச்சராக பணியாற்றினார்.</li><li>2021 ஆம் ஆண்டு திருக்கோவிலூர் தொகுதியில் வெற்றி பெற்று உயர்கல்வித்துறை அமைச்சரானார்.</li></ul><h2>அமைச்சர் பொன்முடியின் சர்ச்சைகள்:</h2><ul><li>பொன்முடியின் பேச்சுக்கள் பலமுறை சர்ச்சையை ஏற்படுத்தியுள்ளன. குறிப்பாக, பெண்கள் குறித்து அவர் பேசிய சில கருத்துக்கள் விமர்சனத்திற்கு உள்ளாகின.</li><li>சமீபத்தில் அவர், பாலியல் தொழிலாளர்களை தொடர்புறுத்தி, சைவம் மற்றும் வைணவம் குறித்து ஆபாசமாக பேசியது பெரும் சர்ச்சையை ஏற்படுத்தியது.</li><li>மேலும், அமலாக்கத்துறை அவரை சட்டவிரோத பண பரிமாற்ற தடை சட்டத்தின் கீழ் விசாரித்தது.</li><li>இந்த சர்ச்சையின் காரணமாக, தி.மு.க. துணைப் பொதுச் செயலாளர் பொறுப்பில் இருந்து அவர் நீக்கப்பட்டார்.</li><li>பொன்முடியின் ஆபாச பேச்சை கண்டித்து உயர்நீதிமன்றம், அவர் மீது வழக்கு பதிவு செய்ய வலியுறுத்தியது</li><li>கடும் எதிர்ப்புகளுக்கு மத்தியில் தன்னுடைய அமைச்சர் பொறுப்பில் இருந்து பொன்முடி ஏப்ரல் 27, 2025 அன்று நீக்கப்பட்டார்.</li></ul><p><strong>மேலும் படிக்க | </strong><a href="https://tamil.hindustantimes.com/tamilnadu/aiadmk-held-a-protest-against-minister-ponmudy-in-tindivanam-villupuram-district-131745392593687.html" target="_blank">‘பொன்முடி’ அணிந்து பொன்முடிக்கு எதிராக கண்டன ஆர்பாட்டம்.. இறங்கி அடிக்கும் அதிமுக!</a></p><p>பொன்முடியின் இந்த நீக்கம், அவரது அரசியல் வாழ்க்கையை கிட்டத்தட்ட முடிவுக்கு கொண்டு வந்துள்ளதாக தெரிகிறது. வரும் சட்டமன்ற தேர்தலில் அவருக்கு போட்டியிட வாய்ப்பு கிடைப்பதற்கான கதவுகளையும் சாத்தியுள்ளது. உண்மையில் இந்த அமைச்சரவை மாற்றத்தில் அதிக பாதிப்புகளை சந்தித்தவர், பொன்முடி தான்.</p>

பொன்முடியின் இந்த நீக்கம், அவரது அரசியல் வாழ்க்கையை கிட்டத்தட்ட முடிவுக்கு கொண்டு வந்துள்ளதாக தெரிகிறது. வரும் சட்டமன்ற தேர்தலில் அவருக்கு போட்டியிட வாய்ப்பு கிடைப்பதற்கான கதவுகளையும் சாத்தியுள்ளது. உண்மையில் இந்த அமைச்சரவை மாற்றத்தில் அதிக பாதிப்புகளை சந்தித்தவர், பொன்முடி தான்.

ஐபிஎல் 2025: டெல்லி ஆமை வேக பேட்டிங்.. ஸ்டப்ஸ் கேமியோ ஆட்டம்! பவுலிங்கில் கலக்கிய புவனேஷ், ஹேசில்வுட்

<p>ஐபிஎல் 2025 தொடரில் 46வது போட்டி டெல்லி கேபிடல்ஸ் - ஆர்சிபி அணிகளுக்கு இடையே டெல்லி அருண் ஜெட்லி மைதானத்தில் நடைபெற்று வருகிறது. இந்த போட்டி தொடங்கும் முன் டெல்லி கேபிடல்ஸ் அணி 8 போட்டிகளில் 6 வெற்றி, 2 தோல்வி என புள்ளிப்பட்டியலில் மூன்றாவது இடத்தில் உள்ளது. ஆர்சிபி அணி 9 போட்டிகளில் 6 வெற்றி, 3 தோல்விகளை பெற்று புள்ளிப்பட்டியலில் நான்காவது இடத்தில் உள்ளது.</p><p>இரு அணிகளும் முறையே இரண்டாவது மற்றும் மூன்றாவது இடத்தில் இருந்த நிலையில், இன்று நடைபெற்ற முதல் போட்டியில் மும்பை இந்தியன்ஸ், லக்னோ சூப்பர் ஜெயண்ட்ஸ் அணியை வீழ்த்தி வெற்றி பெற்று, புள்ளிப்பட்டியலில் விர்ரென இரண்டாவது இடத்துக்கு முன்னேறியது. இதனால் டெல்லி, ஆர்சிபி அணிகள் அடுத்தடுத்த இடங்களுக்கு கீழே இறங்கின.</p><p>டெல்லி கேபிடல்ஸ் தனது முந்தைய போட்டியில் லக்னோ சூப்பர் ஜெயண்ட்ஸ் அணிக்கு எதிராக வெற்றி பெற்றது. ஆர்சிபி அணி முந்தைய போட்டியில் ராஜஸ்தான் ராயல்ஸ் அணிக்கு எதிராக வெற்றி பெற்றது. இந்த இரு அணிகளுக்கு இடையிலான முந்தைய மோதலில் டெல்லி கேபிடல்ஸ் வெற்றி பெற்றது. எனவே டெல்லி கேபிடல்ஸ் அணிக்கு பதிலடி தரும் போட்டியாக ஆர்சிபிக்கு இது அமைந்துள்ளது.</p><p><strong>மேலும் படிக்க: </strong><a href="https://tamil.hindustantimes.com/cricket/ipl-2025-45th-match-mumbai-indias-vs-lucknow-super-giants-match-result-read-more-details-mi-beat-lsg-by-54-runs-131745762860590.html" target="_blank">ஐபிஎல் 2025: பவுலிங்கில் பும்ரா, போல்ட் தெறி சம்பவம்.. லக்னோவை பழிதீர்த்த மும்பை</a></p><p>இந்த போட்டியில் டெல்லி கேபிடல்ஸ் அணியில் டூ பிளெசிஸ் அணிக்கு மீண்டும் திரும்பியுள்ளார். ஆர்சிபி அணியில் ஓபனர் சால்ட்க்கு பதிலாக ஜேக்கப் பீதல் சேர்க்கப்பட்டுள்ளார்.</p><h2>ஆர்சிபி பவுலிங்</h2><p>இந்த போட்டியில் டாஸ் வென்ற ஆர்சிபி கேப்டன் ராஜத் பட்டிதார் முதலில் பவுலிங்கை தேர்வு செய்தார். இதைத்தொடர்ந்து பேட்டிங் செய்த டெல்லி கேபிடல்ஸ் 20 ஓவரில் 8 விக்கெட் இழப்புக்கு 162 ரன்கள் அடித்துள்ளது. அதிகபட்சமாக கேஎல் ராகுல் 41, ட்ரஸ்டன் ஸ்டப்ஸ், அபிஷேக் போரல் 28 ரன்கள் எடுத்துள்ளனர்.</p><p>ஆர்சிபி பவுலர்களில் புவனேஷ்வர் குமார் 3, ஜோஷ் ஹசில்வுட் 2 விக்கெட்டுகளை கைப்பற்றினர். யாஷ் தயாள், க்ருனால் பாண்டியா ஆகியோர் தலா ஒரு விக்கெட் எடுத்தனர்.</p><h2>டெல்லி நிதான பேட்டிங்</h2><p>டெல்லி அணியின் ஓபனர்களில் அபிஷேல் போரல் வழக்கம்போல் அதிரடியுடன் இன்னிங்ஸை தொடங்கினார். மற்றொரு ஓபனரான டூ பிளெசிஸ் நிதானத்தை கடைப்பிடித்து விளையாடினார். பவர்ப்ளே முடிவில் டெல்லி கேபிடல்ஸ் 2 விக்கெட் இழப்புக்கு 52 ரன்கள் எடுத்தது.</p><p><strong>மேலும் படிக்க: </strong><a href="https://tamil.hindustantimes.com/cricket/performing-in-every-game-as-a-team-is-crucial-we-are-focusing-on-that-says-prasidh-krishna-131745766207166.html" target="_blank">ப்ளேஆஃப் தகுதிக்கு நிலைத்தன்மை, குழுவாக விளையாடுவது முக்கியம் - பிரசித் கிருஷ்ணா பேச்சு</a></p><p>ஓபனரான அபிஷேக் போரல் 11 பந்துகளில் விரைவாக அடித்துவிட்டு முதல் ஆளாக அவுட்டானார். இவரை தொடர்ந்து பேட் செய்ய வந்த கருண் நாயர் 4 ரன்னில் வெளியேறினார்.</p><h2>கேஎல் ராகுல் ஆமை வேக ஆட்டம்</h2><p>மிடில் ஓவர்களில் ஆர்சிபி பவுலர்களின் தரமான பந்து வீச்சுக்கு எதிராக அதிரடியாக விளையாட தடுமாறினார். நிதானத்தை கடைப்பிடித்து வந்த டூ பிளெசிஸ் 26 பந்துகளில் 22 ரன்கள் எடுத்து நடையை கட்டினார்.</p><p>இவரை போல் ஆமை வேக இன்னிங்ஸை வெளிப்படுத்திய கேஎல் ராகுல் மெதுவாக ரன்களை சேர்த்து வந்தார். இவருடன் சிறிய பார்ட்னர்ஷிப் அமைத்த அக்சர் படேல் 15 ரன்கள் அடித்த நிலையில் ஹசில்வுட் பந்தில் போல்டாகி வெளியேறினார்.</p><p>பொறுமையாக பேட் செய்து வந்த ராகுல் 39 பந்துகளில் 41 ரன்கள் என சராசரியான இன்னிங்ஸை வெளிப்படுத்தி அவுட்டானார். தனது இன்னிங்ஸில் 3 பவுண்டரி மட்டும் அடித்தார்.</p><h2>ஸ்டப்ஸ் கேமியா</h2><p>கடைசி கட்ட ஓவர்களில் அதிரடி பேட்ஸ்மேனான ட்ரிஸ்டன் ஸ்டப்ஸ் அடுத்தடுத்து பவுண்டரிகளை விளாச அணியின் ஸ்கோரும் உயர்ந்தது. கேமியோ ஆட்டத்தை வெளிப்படுத்திய ஸ்டப்ஸ் 18 பந்துகளில் 34 ரன்கள் எடுத்து ஆட்டத்தின் கடைசி ஓவரில் அவுட்டானார். இதற்கிடையே இம்பேக்ட் வீரராக களமிறக்கப்பட்ட அசுடோஷ் ஷர்மா பெரிய தாக்கத்தை ஏற்படுத்தாமல் 2 ரன் மட்டும் எடுத்து அவுட்டானார்.</p><p><strong>மேலும் படிக்க: </strong><a href="https://tamil.hindustantimes.com/cricket/we-will-correct-this-fleming-admitted-that-csk-made-this-mistake-even-before-ipl-started-131745661629735.html" target="_blank">ஐபிஎல் 2025: ஏலத்தின் போது நாங்கள் தவறு செய்துவிட்டோம்.. ஒப்புக்கொண்ட பிளமிங்</a></p><p>ஆர்சிபி பவுலர்களில் யாஷ் தயாள் மட்டும் 4 ஓவர்களில் 42 ரன்களை விட்டுக்கொடுத்தார். ஸ்பின்னர் சுயாஷ் ஷர்மா விக்கெட் வீழ்த்தாத போதிலும், 4 ஓவர்களில் 22 ரன்கள் மட்டும் விட்டுக்கொடுத்தார். புவனேஷ்வர் குமார், யாஷ் தயாள், ஹசில்வுட் ஆகியோர் தலா 10 டாட் பந்துகளை வீசினர்.</p>

<ul><li>அதிரடியாக இன்னிங்ஸை தொடங்கிய போதிலும் மிடில் ஓவரில் ஆமை வேக ஆட்டத்தை வெளிப்படுத்திய டெல்லி பேட்ஸ்மேன்கள் ரன் குவிப்பில் ஈடுபட தடுமாறினர். கடைசி கட்டத்தில் ஸ்டப்ஸ் வெளிப்படுத்திய சிறிய கேமியோ ஆட்டத்தால் டெல்லி அணி 162 ரன்கள் குவித்துள்ளது.&nbsp;</li></ul>

‘எங்கே செல்லும் இந்த பாதை..’ அரசியல் வாதியாக செந்தில் பாலாஜியின் பயணமும் நிறுத்தமும்!

<p>அமைச்சர் செந்தில் பாலாஜியின் அரசியல் வாழ்க்கை பல்வேறு ஏற்ற இறக்கங்களைக் கொண்டது. கரூர் மாவட்டத்தைச் சேர்ந்த இவர் மதிமுக, அதிமுக, அமமுக மற்றும் திமுக ஆகிய கட்சிகளில் பணியாற்றியுள்ளார். அதிமுக ஆட்சியில் இன்றைய திமுக தலைவரும், முதல்வருமான ஸ்டாலினால் நேரடியாக விமர்சிக்கப்பட்டவர். அதன் பின் திமுகவிற்கு வந்த பின், பாஜகவால் நேரடியாக குறிவைக்கப்பட்டவர். தற்போதைய திமுக ஆட்சியில் அவர் அமைச்சர் பொறுப்பில் இருந்ததை விட, அதிக அளவில் விசாரணை நாட்களிலும், சிறையிலும் இருந்துள்ளார். இதோ செந்தில் பாலாஜியின் அரசியல் பயணமும், அவர் சந்தித்த தடைகளும் இதோ:</p><p><strong>மேலும் படிக்க |</strong> <a href="https://tamil.hindustantimes.com/tamilnadu/minister-senthil-balaji-resigns-removal-of-minster-ponmudy-tamil-nadu-cabinet-reshuffle-131745765187077.html" target="_blank">செந்தில் பாலாஜி ராஜினாமா.. பொன்முடி நீக்கம்.. மீண்டும் மனோ தங்கராஜ்! தமிழக அமைச்சரவையில் மாற்றம்!</a></p><ul><li>2006 ஆம் ஆண்டு கரூர் தொகுதியில் அதிமுக சார்பில் போட்டியிட்டு முதன்முறையாக எம்எல்ஏ ஆனார்.</li><li>2011 ஆம் ஆண்டு மீண்டும் எம்எல்ஏவாக தேர்ந்தெடுக்கப்பட்டார். அப்போதைய அதிமுக ஆட்சியில் போக்குவரத்துத் துறை அமைச்சராக பணியாற்றினார்.</li><li>2015-ம் ஆண்டு அமைச்சர் மற்றும் மாவட்ட செயலாளர் பதவியில் இருந்து நீக்கப்பட்டார்.</li><li>ஜெயலலிதா மறைவிற்குப் பிறகு, டிடிவி தினகரன் அணியில் இருந்து செந்தில் பாலாஜியின் எம்எல்ஏ பதவி பறிக்கப்பட்டது.</li><li>பிறகு திமுகவில் இணைந்த செந்தில் பாலாஜி, 2019-ம் ஆண்டு அரவக்குறிச்சி இடைத்தேர்தலில் வெற்றி பெற்றார்.</li><li>2021-ம் ஆண்டு கரூர் தொகுதியில் வெற்றி பெற்று, திமுக ஆட்சியில் மின்சாரத்துறை மற்றும் மதுவிலக்கு ஆயத்துறை அமைச்சரானார்.</li><li>2023 ஜூன் 14-ம் தேதி சட்டவிரோத பணப் பரிமாற்ற தடை சட்ட வழக்கில் அமலாக்கத்துறையினரால் கைது செய்யப்பட்டார்.</li><li>நீண்ட சட்ட போராட்டங்களுக்குப் பிறகு, 2024 செப்டம்பர் 26 அன்று உச்ச நீதிமன்றம் அவருக்கு ஜாமீன் வழங்கியது.</li><li>ஜாமினில் வந்த மறுநாளே மீண்டும் அவர் முன்பு வகித்த துறைகளின் அமைச்சராக பொறுப்பேற்றார்</li><li>அவர் மீண்டும் அமைச்சரானதால், முந்தைய வழக்கின் சாட்சிகள் மிரட்டப்படுவார்கள், அதனால் விசாரணை பாதிக்கப்படும் என வித்யா குமார் என்பவர் உச்சநீதிமன்றத்தில் முறையிட்டார்</li><li>செந்தில் பாலாஜியை அமைச்சர் பதவியை ராஜினாமா செய்ய மறைமுகமாக உச்சநீதிமன்ற நீதிபதிகள் வைத்த கோரிக்கைகளை அவர் ஏற்கவில்லை. இறுதியாக, அவருக்கு கடுமையான உத்தரவை பிறப்பித்தனர்.</li><li>இதைத் தொடர்ந்து ஏப்ரல் 27, 2025 அன்று தன்னுடைய அமைச்சர் பொறுப்பை ராஜினாமா செய்துள்ளார் செந்தில் பாலாஜி.</li></ul><p><strong>மேலும் படிக்க |</strong> <a href="https://tamil.hindustantimes.com/tamilnadu/sp-velumani-says-edappadi-palanisamy-or-mk-stalin-this-is-the-2026-election-battlefield-131745763003078.html" target="_blank">‘எடப்பாடி பழனிசாமியா? ஸ்டாலினா? என்பது தான் 2026 தேர்தல் களம்’ எஸ்.பி.வேலுமணி பேச்சு!</a></p><p>அமைச்சர் பொறுப்பை அவர் ராஜினாமா செய்திருந்தாலும், முதல்வரின் நம்பிக்கையை பெற்றவராக இருப்பதால், கட்சியின் முக்கிய பொறுப்புகளை அவர் தொடர்வார். இருப்பினும் அமைச்சர் என்கிற அந்தஸ்து இல்லாதது, அவருக்கு பின்னடைவாக பார்க்கப்படுகிறது. </p>

அதிமுக ஆட்சியில் இன்றைய திமுக தலைவரும், முதல்வருமான ஸ்டாலினால் நேரடியாக விமர்சிக்கப்பட்டவர். அதன் பின் திமுகவிற்கு வந்த பின், பாஜகவால் நேரடியாக குறிவைக்கப்பட்டவர்.

நோய் எதிர்ப்பு சக்தி அதிகரிப்பு முதல் இதய ஆரோக்கியம் வரை.. பலாப்பழத்தின் அற்புத நன்மைகள் இதோ!

benefits of jackfruit

இதய ஆரோக்கியத்திற்கு நோய் எதிர்ப்பு சக்தியை அதிகரிக்கும் ஹெல்த் டிப்ஸ் பலாப்பழத்தின் நன்மைகள் இங்கே

benefits of jackfruit 

அத்தியாவசிய ஊட்டச்சத்துக்கள் நிறைந்த, பலாப்பழம் ஒரு சுவையான பழம் மட்டுமல்ல, இது நோய் எதிர்ப்பு சக்தியை அதிகரிக்கவும் இதய ஆரோக்கியத்தை மேம்படுத்தவும் உதவுகிறது.

ஐபிஎல் 2025: நிலைத்தன்மை, குழுவாக விளையாடுவது முக்கியம்.. பர்பிள் தொப்பி வைத்திருக்கும் பிரசித் கிருஷ்ணா பேச்சு

<p>ஜியோஹாட்ஸ்டார் ப்ரஸ் ரூமில் 'ரேஸ் டு பிளேஆஃப்ஸ்' நிகழ்வின் போது குஜராத் டைட்டன்ஸ் அணியின் நட்சத்திர பந்துவீச்சாளர் மற்றும் தற்போது பர்பிள் கேப் வைத்திருப்பவருமான பிரசித் கிருஷ்ணா பேசினார். அப்போது, "விக்கெட்டுகள் விளையாட்டின் ஓர் அங்கம் தான். நன்றாக பந்து வீசுவதே முக்கியம். முதல் போட்டியில் எங்கள் திட்டங்கள் சரியாக இருந்தன. ஆனால் செயல்பாட்டில் சிறிது தவறுகள் ஏற்பட்டன. அதன் பிறகு, அடிப்படைகளை மீண்டும் உறுதிப்படுத்தி, திறன்களை மேம்படுத்தி, சிறப்பாக செயல்படுத்துவது மீது கவனம் செலுத்தினோம்.</p><h2>ஆஷிஷ் நெக்ரா உதவினார்</h2><p>நான் எனது திட்டத்தில் எதையும் மாற்றவில்லை. என்ன செய்ய வேண்டும் என்பதை நெஹ்ரா தெளிவுபடுத்தினார். அதற்கு உரிய நேரத்தை செலவழித்து சரியான பயிற்சி எடுத்தேன். அவருடனான சரியான உரையாடல்கள் நடத்தினேன். அவர் எனக்குக் கற்றுத்தந்த முக்கியமான விஷயம், நிலைமைகளை சரியாக வாசித்து, ரன்-அப்பின் தொடக்கத்தில் அறிவாலான முடிவுகளை எடுக்க கற்றுக்கொள்வது. இது நம்பிக்கையை வளர்த்து எடுத்தது.</p><p><strong>மேலும் படிக்க: </strong><a href="https://tamil.hindustantimes.com/cricket/ipl-has-reached-a-stage-where-even-300-runs-in-possible-we-can-also-do-that-says-rinku-singh-131745666033586.html" target="_blank">இப்போது 300 ரன்களை ஐபிஎல்லில் கடக்கலாம்.. நாங்களும் அதை செய்ய முடியும் - ரிங்கு சிங்</a></p><h2>நிலைத்தன்மை முக்கியம்</h2><p>ஒவ்வொரு போட்டியிலும் குழுவாக சிறப்பாக விளையாடுவது மிகவும் அவசியம். எவ்வளவு வெற்றிகள் இருந்தாலும், ஒரு போட்டியில் மொமென்டம் மாறிவிடும். அதனால் எப்போதும் பணிவுடன் இருந்து, கடினமாக உழைத்து, ஒவ்வொரு போட்டிக்கும் முழு தயாரிப்புடன் இறங்குகிறோம். எனவே நிலைத்தன்மை என்பது மிகவும் முக்கியமான விஷயமாக உள்ளது</p><p>நாம் விளையாடும் கிரிக்கெட்டை ரசிக்க வேண்டும், பொறுப்புடன் செயல்பட வேண்டும், மைதானத்தில் புத்திசாலியான முடிவுகளை எடுக்க வேண்டும், மேலும் தொடர்ந்து கடுமையாக உழைக்க வேண்டும். இதுவே எங்களுடைய வழிகாட்டும் கொள்கை. இதை சீசன் முழுவதும் பின்பற்றுவோம்</p><p>இந்த சீசனில் பந்துவீச்சாளர்கள் கடின உழைப்பை வெளிப்படுத்தி வருகின்றனர். கடந்த சீசனில் அதிக ரன்கள் அடிக்கப்பட்டிருந்தது. ஆனால் இந்த சீசனில் அனைவரும் சிறப்பாக தயாராகி உள்ளனர்.</p><p><strong>மேலும் படிக்க:</strong> <a href="https://tamil.hindustantimes.com/cricket/ipl-2025-45th-match-mumbai-indias-vs-lucknow-super-giants-match-result-read-more-details-mi-beat-lsg-by-54-runs-131745762860590.html" target="_blank">ஐபிஎல் 2025: பவுலிங்கில் பும்ரா, போல்ட் தெறி சம்பவம்.. லக்னோவை பழிதீர்த்த மும்பை&nbsp;</a></p><p>இந்த முறை பந்துவீச்சாளர்களே மேலோங்குகின்றனர், ஸ்கோர்கள் அதிகமாக இல்லை. இந்த சீசனின் பாதி முடிந்திருக்கிறது. இரண்டாவது பாதியில் எதுவும் நடக்கலாம். பந்துவீச்சாளர்களின் பெரும்பங்குக்கு அனைவரும் பாராட்டுக்குரியவர்கள்." இவ்வாறு பிரசித் கிருஷ்ணா பேசினார்.</p><h2>ஐபிஎல் 2025 தொடரில் குஜராத் டைட்டன்ல்</h2><p>இந்த சீசனில் சிறப்பான ஆட்டத்தை வெளிப்படுத்தி வரும் அணியாக குஜராத் டைட்டன்ஸ் இருந்து வருகிறது. பேட்டிங், பவுலிங், பீல்டிங் என ஆல்ரவுண்ட் ஆட்டத்தில் சிறப்பாக செயல்பட்டு வரும் குஜராத் டைட்டன்ஸ் இதுவரை விளையாடிய 8 போட்டிகளில் 6 வெற்றி, 2 தோல்வியுடன் புள்ளிப்பட்டியலில் முதல் இடத்தில் உள்ளது.</p><p><strong>மேலும் படிக்க: </strong><a href="https://tamil.hindustantimes.com/cricket/ipl-2025-watching-ponting-back-his-aussie-options-ahead-of-the-indian-players-tiwary-warned-the-head-coach-131745731015138.html" target="_blank">கொல்கத்தாவுக்கு எதிரான போட்டியில் இந்திய வீரர்களை புறக்கணித்த பாண்டிங் - மனோஜ் திவாரி குற்றச்சாட்டு</a></p><p>குஜராத் டைட்னஸ் தனது அடுத்த போட்டியில் ராஜஸ்தான் ராயல்ஸ் அணியை எதிர்கொள்கிறது. ஏப்ரல் 28, 2025 அன்று மாலை 7:30 மணிக்கு ராஜஸ்தான் ராயல்ஸ் அணிக்கு எதிராக ஜெயப்பூரில் வைத்து நடைபெறுகிறது. இந்த போட்டியை ஜியோஹாட்ஸ்டர் மற்றும் ஸ்டார் ஸ்போர்ட்ஸ் நெட்வொர்க் மூலம் நேரலைவில் காண தவறவிடாதீர்கள்</p>

<ul><li>ஒவ்வொரு போட்டியிலும் குழுவாக சிறப்பாக விளையாடுவது முக்கியம், அதில்தான் நாங்கள் அதிக கவனம் செலுத்துகிறோம் என்று குஜராத் ஜெயண்ட்ஸ் வேகப்பந்து வீச்சாளரும், அதிக விக்கெட்டுகள் வீழ்த்தி பர்பிள் தொப்பியை தன்வசம் வைத்திருப்பவருமான ப்ரசித் கிருஷ்ணா கூறியுள்ளார்.</li></ul>

தொடர்ந்து ஏறுமுகத்தில் அமைச்சர் எஸ்.எஸ்.சிவசங்கர்.. கூடுதல் பொறுப்பால் வரும் சவால்கள்..

<p>திமுக தலைமையிலான தமிழ்நாடு அமைச்சரவை இன்று மாற்றப்பட்டுள்ளது. அமைச்சர்கள் செந்தில் பாலாஜி மற்றும் பொன்முடி ஆகியோர் தங்களது அமைச்சர் பதவிகளை ராஜினாமா செய்ததை அடுத்து இந்த மாற்றம் நிகழ்ந்துள்ளது.</p><p>மேலும் படிக்க| <a href="https://tamil.hindustantimes.com/tamilnadu/minister-senthil-balaji-resigns-removal-of-minster-ponmudy-tamil-nadu-cabinet-reshuffle-131745765187077.html" target="_blank">செந்தில் பாலாஜி ராஜினாமா.. பொன்முடி நீக்கம்.. மீண்டும் மனோ தங்கராஜ்! தமிழக அமைச்சரவையில் மாற்றம்!</a></p><h2>சிவசங்கருக்கு கூடுதல் பொறுப்பு</h2><p>இதனைத் தொடர்ந்து, இவர்கள் இருவரும் கவனித்து வந்த இலாகாக்கள் பகிர்ந்து அளிக்கப்பட்டுள்ளது. அதன்படி, செந்தில் பாலாஜி கவனித்து வந்த மின்சாரத் துறைக்கான பொறுப்பு கூடுதலாக தற்போதைய போக்குவரத்து துறை அமைச்சர் எஸ்.எஸ்.சிவசங்கருக்கு வழங்கப்பட்டுள்ளது. இதைத் தொடர்ந்து அவர் தனக்கு அளிக்கப்பட்டுள்ள கூடுதல் பொறுப்பில் சந்திக்க உள்ள சவால்கள் என்ன என்பதை பார்க்கலாம்.</p><h2>எஸ்.எஸ்.சிவசங்கர் அரசியல் வாழ்க்கை</h2><p>அரியலூர் மாவட்டம் ஆண்டிமடம் அருகேயுள்ள தேவனூரில் பிறந்தவர் சிவசங்கர். பொறியியல் பட்டதாரியான இவர், திமுக நடத்திய இந்தி எதிர்ப்பு மாநாட்டின் மூலம் அரசியல் வாழ்க்கையில் நுழைந்தவர். பின்னர், படிப்படியாக கட்சிப் பணிகளில் ஈடுபட்டு திமுக ஒன்றிய செயலாளர், மாவட்ட செயலாளராக பதவி வகித்து வந்தார்.</p><p>பின் பெரம்பலூர் மாவச்ச ஊராட்சி துணை தலைவர், அரியலூர் மாவட்ட ஊராட்சி குளு உறுப்பினராக இருந்தார். 2006 ஆம் ஆண்டு நடைபெற்ற சட்டப்பேரவைத் தேர்தலில் பெரம்பலூர் மாவட்டம் குன்னம் தொகுதியில் போட்டியிட்டு வெற்றி கண்டு சட்டப்பேரவை உறுப்பினர் ஆனார்.</p><p>மேலும் படிக்க|<a href="https://tamil.hindustantimes.com/tamilnadu/senior-dmk-leader-and-former-minister-k-ponmudy-political-journey-over-131745769248507.html" target="_blank"> ‘மூடப்பட்ட கதவுகள்.. முடிந்ததா அரசியல் பயணம்?’ பொன்முடியின் அரசியலும் சர்ச்சைகளும்!</a></p><h2>சொந்த மாவட்டத்தை தவிர்க்க வைத்த வெற்றி</h2><p>இந்த வெற்றியைத் தொடர்ந்து, தன் சொந்த மாவட்டம் அரியலூரில் போட்டியிடுவதை விட்டு, பக்கத்து மாவட்டமான பெரம்பலூரின் குன்னம் தொகுதியிலேயே மீண்டும் போட்டியிட்டு வென்றார். 2 முறை சட்டப்பேரவைத் தேர்தல் வெற்றியை ருசிகண்டவர் இந்த முறை அவரது சொந்த மாவட்டமான அரியலூர் தொகுதியில் போட்டியிட்ட போது வெற்றிவாய்ப்பை இழந்தார். இதனால், இந்த முறை வெற்றியை தவறவிடக்கூடாது என நினைத்து 2021 ஆம் ஆண்டு தேர்தலில் மீண்டும் குன்னம் தொகுதியிலேயே போட்டியிட்டு வெற்றியும் கண்டார்.</p><h2>அமைச்சர் பதவி</h2><p>இப்படி 3 முறை வெற்றி கண்ட இவருக்கு, ஸ்டாலின் தலைமையிலான திமுக அரசு அமைச்சரவையில் இடம் அளித்தது. இவரை பிற்படுத்தப்பட்டோர் நலத்துறை அமைச்சராக்கியது திமுக அரசு. ஆனால், இந்தப் பதவி நீண்ட நாட்களாக நீட்டிக்கப்படவில்லை. 2022 ஆம் ஆண்டு நடந்த அமைச்சரவை மாற்றத்தில் ராஜ கண்ணப்பன் வைத்திருந்த போக்குவரத்து துறை இலாகா, சிவசங்கர் கைக்கு வந்தது.</p><h2>சுற்றி வளைத்த பிரச்சனைகள்</h2><p>போக்குவரத்து துறை சிவசங்கருக்கு அவ்வளவு எளிதானதாக அமையவில்லை. உட்கட்சி பிரச்சனை ஒருபுறம், பேருந்துகள் தனியார் மயமாக்கல், மகளிருக்கு இலவச பேருந்து, பராமரிக்கப்படாத பேருந்துகள், ஓட்டுநர், நடத்துநர் தேர்வு, புதிய பேருந்துகளுக்கு டெண்டர், புதிய வழித்தடங்களில் பேருந்து இயக்கம் என சிவசங்கரை சுற்றி சுற்றி எல்லா பக்கத்தில் இருந்தும் கேள்விகள் பறந்து வந்தது.</p><p>மேலும் படிக்க|<a href="https://tamil.hindustantimes.com/tamilnadu/what-is-the-political-journey-of-former-minister-senthil-balaji-who-started-in-karur-district-131745767543467.html" target="_blank"> ‘எங்கே செல்லும் இந்த பாதை..’ அரசியல் வாதியாக செந்தில் பாலாஜியின் பயணமும் நிறுத்தமும்!</a></p><p>ஆரம்பத்தில் தடுமாறிய அமைச்சர், பின் துறைக்கான பல்ஸை பிடித்துக் கொண்டு நிதானமாக செல்ல ஆரம்பித்தார். இருப்பினும், போக்குவரத்து துறையை தனியார் மயமாக்குவதா என்ற கேள்வி அவரை சுற்றி சுற்றி அடித்த வண்ணம் தான் இருக்கிறது.</p><h2>சொந்த தொகுதியில் பேருந்து பற்றாக்குறை</h2><p>தொலைக்காட்சியில் ஒளிபரப்பாகும் ரியாலிட்டி ஷோக்களில் பங்கேற்போரின் கோரிக்கைக்கு செவிகொடுத்து புதிய பேருந்துகளை கோரிக்கை விடுத்தவர்கள் கையாலேயே திறந்து வைக்கும் அமைச்சர், அவரது சொந்த தொகுதி உள்ள மாவட்டத்தை கவனிக்க தவறிவிட்டதாக தொடர் குற்றச்சாட்டுகள் வந்த வண்ணம் இருக்கின்றன.</p><p>அதிகம் தொழிற்சாலைகளும், வேலைவாய்ப்புகளும் இல்லாத பெரம்பலூர் மாவட்ட மக்கள், பெரும்பாலும் வேலைக்காக திருச்சியையும் சென்னையையும் நம்பியே உள்ளனர். அப்படி இருக்கும் சமயத்தில், பெரம்பலூரில் இருந்து சென்னைக்கு நேரடியாக பேருந்துகள் இயக்கப்படுவதில்லை என்ற குற்றச்சாட்டிற்கும் கோரிக்கைக்கும் செவிகொடுக்க தவறிவிட்டார்.</p><h2>மக்கள் அவதி</h2><p>கடந்த எடப்பாடி பழனிசாமி ஆட்சியில் ஒரே ஒரு பேருந்து பெரம்பலூரில் இருந்து நேரடியாக சென்னைக்கு விடப்பட்டது. அதுவும் தற்போது மொத்தமாக நிறுத்தி வைக்கப்பட்டதால், மக்கள் திருச்சியில் இருந்து சென்னை செல்லும் பேருந்துகளை தான் மொத்தமாக நம்பி இருக்கும் சூழல் நிலவுகிறது.</p><h2>மின்சாரத் துறை அமைச்சர் பொறுப்பு</h2><p>இந்த நிலையில், தற்போதைய அமைச்சரவை மாற்றத்தில் அமைச்சர் சிவசங்கருக்கு கூடுதல் பொறுப்பாக மின்சாரத்துறை வழங்கப்பட்டுள்ளது. இதை அவர் எப்படி கையாளப் போகிறார் என்ற கேள்வியும் தொடர்ந்து எழ ஆரம்பித்தது. காரணம், திமுக ஆட்சியில் கோடை காலம் வந்தாலே மின்தடை ஏற்படும் என்ற பேச்சு அடிபடத் தொடங்கிவிடும்.</p><p>அதற்கு தகுந்தாற்போல, கடந்த வாரம் எதிர்கட்சித் தலைவர் எடப்பாடி பழனிசாமியும் தொடர் மின்தைடையை சுட்டிக்காட்டி கேள்வி எழுப்பினார். இந்தக் கேள்வி செந்தில் பாலாஜியை குறிவைத்து வைக்கப்பட்ட போதிலும், மின்தடை பிரச்சனை மக்களுக்கானது.</p><h2>எதிர்கொள்ளப் போகும் சவால்கள்</h2><p>அத்தோடு, புதிதாக வீடு கட்டுவோர், அல்லது மீட்டர் பெட்டியை மாற்றுவதற்காக விண்ணப்பம் அளித்தோர் தொடர்ந்து அலைக்கழிக்கப்படுவதாக குற்றச்சாட்டும் எழுந்து வருகிறது. தமிழ்நாட்டில், மீட்டர் பெட்டிகள் பற்றாக்குறை, மின் பராமரிப்பு பணிகள், விவசாயம், நெசவுத் தொழில்களில் வழங்கப்படும் இலவச மின்சாரத்தை பெறுவதில் உள்ள நடைமுறை சிக்கல்கள் போன்றவை அவர் முன் நிற்கும் சவால்களாக உள்ளது. அவற்றை நாளை மின்சாரத் துறை அமைச்சராக பொறுப்பேற்க உள்ள சிவசங்கர் எப்படி சமாளிப்பார் என்பதை பொறுத்திருந்து தான் பார்க்க வேண்டும்.</p>

தமிழ்நாட்டின் போக்குவரத்து துறை அமைச்சராக உள்ள எஸ்.எஸ்.சிவசங்கருக்கு தற்போது கூடுதலாக மின்சாரத்துறை இலாகா பொறுப்பு வழங்கப்பட்டுள்ளது. இந்த நிலையில் அவர் சந்திக்க உள்ள சவால்கள் என்ன என்பதை பார்க்கலாம்.&nbsp;

ஜிமெயில் வழியாக மோசடி.. எச்சரிக்கையாக இருப்பது எப்படி?

slide

ஜிமெயில் மோசடி எச்சரிக்கை: மோசடி செய்பவர்களிடமிருந்து எச்சரிக்கையாகவும் பாதுகாப்பாகவும் இருக்க கூகிள் 5 வழிகளை வழங்கியது

ஜிமெயில் மோசடிகளிலிருந்து பாதுகாப்பாக இருக்க 5 உதவிக்குறிப்புகளை கூகுள் பகிர்ந்து கொள்கிறது. உங்கள் ஆன்லைன் நடைமுறைகளைப் பார்த்து மேம்படுத்தவும்.


ஹேக்கர்கள் பாதுகாப்பு வாயிலை மீறி பயனர்களின் தரவைத் திருட முயற்சிப்பதால் ஜிமெயில் தாக்குதலுக்கு உள்ளாகியுள்ளது. இது பலருக்கு கவலை அளிக்கலாம், ஆனால் கூகிள் கடுமையான பாதுகாப்பு நடவடிக்கைகளை ஒருங்கிணைத்துள்ளது.

இருப்பினும், பாதுகாப்பு அம்சங்களுக்கு, பயனர்கள் ஃபிஷிங் மின்னஞ்சல்களைப் பற்றி விழிப்புடன் இருக்க வேண்டும் மற்றும் பாதிக்கப்பட்டவர்களைத் தவிர்க்க ஆரோக்கியமான ஆன்லைன் நடைமுறையைப் பராமரிக்க வேண்டும்.

ஜிமெயில் பயனர்கள் ஹேக்கர்களிடமிருந்து பாதுகாப்பாக இருக்க பயன்படுத்தக்கூடிய 5 நடவடிக்கைகளை கூகிள் பட்டியலிட்டுள்ளது.

ஆபத்தான செய்திகள், பாதுகாப்பற்ற உள்ளடக்கம் அல்லது ஏமாற்றும் இணையதளங்கள் தொடர்பான Google இன் எச்சரிக்கையைக் கண்காணிக்கவும்.

மின்னஞ்சல், உரைச் செய்தி அல்லது தொலைபேசி அழைப்பு வழியாக பயனர்பெயர்கள் மற்றும் கடவுச்சொற்கள் போன்ற தனிப்பட்ட அல்லது தனிப்பட்ட தகவல்களைப் பகிர்வதைத் தவிர்க்கவும்.

ஏதேனும் சந்தேகத்திற்கிடமான இணைப்பு உங்களை அறியப்படாத வலைத்தளத்திற்கு அழைத்துச் சென்றால் மின்னஞ்சல் அல்லது கடவுச்சொற்களை உள்ளிடுவதைத் தவிர்க்கவும்.

வரி வசூலிப்பவர்கள், வங்கிகள், சட்ட அமலாக்கம் மற்றும் மக்களை மோசடி செய்ய அதிகாரிகளாக நடிக்கும் மற்றவர்களிடமிருந்து அவசரமாக வரும் மின்னஞ்சல்கள் மீது ஒரு கண் வைத்திருங்கள்.

மின்னஞ்சல், சமூக ஊடகங்கள் அல்லது வேறு எந்த தளத்திலும் எந்தவொரு இணைப்பையும் கிளிக் செய்வதைத் தவிர்க்கவும், ஏனெனில் அவை வைரஸைக் கொண்டிருக்கலாம்.

Cyber Crime

கண்ணோட்டம்

செய்திகள்

வெப் ஸ்டோரிஸ்