சகாயம் ஐ.ஏ.எஸ்: நீங்க பாதுகாப்பு தருவீங்களா?; இல்ல மத்திய அரசை தர சொல்லட்டுமா? தமிழக அரசுக்கு நீதிமன்றம் கேள்வி!

வழக்கின் பின்னணி

2014-ம் ஆண்டு, மதுரை மாவட்டத்தின் வாடிப்பட்டி, விக்ரமங்கலம், மேலூர் உள்ளிட்ட பகுதிகளில் கிரானைட் குவாரிகளில் நடைபெற்ற முறைகேடுகள் குறித்து விசாரிக்க, சகாயம் தலைமையில் தமிழக அரசு ஒரு சிறப்பு குழுவை அமைத்தது. இந்த விசாரணையில், பல கோடி ரூபாய் மதிப்பிலான கனிமவள முறைகேடுகள் குறித்து விரிவான அறிக்கை தாக்கல் செய்யப்பட்டது. இந்த வழக்கு மதுரை மாவட்ட நீதிமன்றத்தில் நீதிபதி லோகேஸ்வரன் முன்னிலையில் தற்போது விசாரணையில் உள்ளது.

சகாயம் முன்னர் இவ்வழக்கில் ஆஜராகி விளக்கங்களை அளித்திருந்தார். அப்போது அவருக்கு காவல்துறை பாதுகாப்பு வழங்கப்பட்டிருந்தது. இருப்பினும், தற்போது அந்த பாதுகாப்பு தமிழக அரசால் தன்னிச்சையாக விலக்கிக் கொள்ளப்பட்டதாக சகாயம் குற்றம்சாட்டியுள்ளார். மேலும், கிரானைட் முறைகேடு வழக்குகள் தொடர்பாக தனக்கு உயிருக்கு அச்சுறுத்தல் இருப்பதால், நீதிமன்றத்தில் ஆஜராக முடியவில்லை எனவும் அவர் தெரிவித்திருந்தார்.

மேலும் படிக்க:- மு.க.ஸ்டாலின் கண்ணில் இருந்து புறப்படும் 1000 வாட் மின்சாரம் 2026 தேர்தலில் எதிரிகளை பொசுக்கும்! சேகர்பாபு!

நீதிமன்றத்தின் கேள்விகள்

விக்ரமங்கலம் கனிமவள முறைகேடு வழக்கு விசாரணையின்போது, சகாயம் நீதிமன்றத்தில் ஆஜராகாததால், நீதிபதி லோகேஸ்வரன் தமிழக அரசுக்கு கடுமையான கேள்விகளை முன்வைத்தார். “சகாயம் ஐஏஎஸ்-க்கு உயிருக்கு அச்சுறுத்தல் இருப்பதாகக் கூறிய நிலையில், அவருக்கு ஏன் காவல்துறை பாதுகாப்பு வழங்கப்படவில்லை?” என நீதிபதி கேள்வி எழுப்பினார். மேலும், தமிழக அரசு உரிய பாதுகாப்பு வழங்கத் தவறினால், மத்திய பாதுகாப்புப் படையின் பாதுகாப்பை வழங்க நீதிமன்றத்துக்கு அதிகாரம் உள்ளது எனவும் எச்சரித்தார்.

நீதிமன்றம் இவ்வழக்கின் விசாரணையை தற்போது ஒத்திவைத்துள்ளது. விரைவில் சகாயத்தின் பாதுகாப்பு குறித்து மாவட்ட நீதிமன்றம் இறுதி முடிவு எடுக்கும் என எதிர்பார்க்கப்படுகிறது.

பொதுமக்கள் மற்றும் அரசியல் எதிர்ப்பு

சகாயம், கனிமவள முறைகேடுகளுக்கு எதிராக துணிச்சலுடன் செயல்பட்டதற்காக பொதுமக்கள் மத்தியில் பெரும் மதிப்பைப் பெற்றவர். அவருக்கு பாதுகாப்பு வழங்கப்படாதது குறித்து நீதிமன்றத்தின் கேள்விகள், தமிழக அரசின் செயல்பாடுகள் மீதான விமர்சனங்களை தீவிரப்படுத்தியுள்ளன. இந்த விவகாரம் அரசியல் வட்டாரங்களிலும் பரவலான கவனத்தை ஈர்த்துள்ளது.

மேலும் படிக்க:- விஜய் முன் TVK…! TVK…! என கத்தியது என் காதில்.. டீ விக்க…! டீ விக்க…ணு கேட்டது! திண்டுக்கல் லியோனி கிண்டல்!