அதிமுக பொதுச்செயலாளர் எடப்பாடி பழனிசாமியுடன் முன்னாள் அமைச்சர் விஜயபாஸ்கர் வாக்குவாதம் செய்தாரா ?.. நடந்தது என்ன?

அதிமுக உட்கட்சி பூசல் நிகழும், சின்னம் முடக்கப்படும், கூட்டணி உடைந்துபோகும் என்றெல்லாம் எதிர்பார்த்த திமுகவினர் ஏமாந்துவிட்டார்கள். எனவே, கட்சியில் குழப்பத்தை உருவாக்குவதற்காக நடக்காத செய்திகளுக்கு எல்லாம் கண், காது, மூக்கு வைத்து கற்பனை செய்தியை பரப்பி வருகிறார்கள். அவர்களது பொய்யும் பித்தலாட்டமும் மக்களிடம் எடுபடாது.

மேலும் படிக்க | தொடர்ந்து 2ஆவது நாளாக தங்கம் விலை சரிவு.. வெள்ளி விலையில் மாற்றமா?.. ஜூன் 25, 2025 இன்றைய நிலவரம் இதோ!

திமுக கூட்டணியில் தான் நிறைய குழப்பங்கள் நிலவுகிறது. அதிக சீட் கேட்ட காரணத்தால் மதிமுகவை உடைக்கும் வேலையை திமுக செய்துவருகிறது. கூட்டணிக் கட்சி நிர்வாகிகளை திமுகவில் சேர்த்து எச்சரிக்கை செய்கிறது. முழுமையாக வசதிகள் செய்து தரப்பாடாமல் மருத்துவமனையைத் திறந்து வைக்கிறது. போதை வழக்கில் திமுகவின் முக்கியப் புள்ளிகளை நோக்கி விசாரணை செல்கிறது. தமிழகத்தில் தினமும் கொலை, வன்முறை சகஜமாகியிருக்கிறது. இன்று காலையில் கூட திருப்பூரில் ரத்த வெறியாட்டம் நடந்துள்ளது.

மேலும் படிக்க | வலுவான கூட்டணி அமையும்! திமுகவின் பொய் வாக்குறுதிகளை மக்களுக்கு எடுத்துச் சொல்ல வேண்டும்.. நிர்வாகிகளுக்கு இபிஎஸ் உத்தரவு

இதுபோன்ற விஷயங்களில் இருந்து மக்களை திசை திருப்புவதற்கு நடக்காத ஒன்றை நடந்தது போன்று திமுகவினர் செய்தி பரப்புவதை நிறுத்திக்கொள்ள வேண்டும். பொய், பித்தலாட்டச் செய்தி பரப்புபவர்கள் விரைவில் கண்டறியப்படுவார்கள். அவர்கள் மீது சட்ட நடவடிக்கை தொடரப்படும்." என்றார்.